ماهو الفرق بين الحب والاحتياج للحب

[nada_ss]

حاجات كدا بتغيب عن بالنا كتير وبتوقعنا فى مشاكل كتير

ساعات فى بعض علاقات الحب نلاقى نفسنا جينا عند نص المشوار ووقفنا مش قادرين نكمل وزهقنا وخلاص

بنتلكك لبعض وده بيرجعله اسباب كتير اوى

بس انا النهاردة جبت الحاجة الغامضة شوية


وهى



الاحتياج للحب


نشوف الفرق الاول


الفرق بين الحب والاحتياج للحب

الحب


شعور جميل بيتولد بين شخصين من غير اتفاق مشاعر بتطلع بالتبادل بتاخد وبتدى ومن غير ما تحسب انت

اديت ايه واخدت ايه

القلب فيه مضخة بتضخ الحب لجميع اجزاء الجسم مع الدم عقلك بيفكر فيه /عينك دايما عليه/ شفايفك دايما

تنطق باسمه/ رجليك دايما تروح للمكان اللى هو فيه

مشاعر جميلة بتطلع من غير قصد ومن غير ما تتحسب ومن غير حتى ما تصرحله انك بتحبه

مشاعر رقيقة لعلاقة بريئة بعيدة عن المصالح والمجاملة والروتين

الحاجة الوحيدة اللى تحس فيها انك على طبيعتك وبحريتك وبتعيش اسعد لحظات حياتك

الاحتياج للحب:


شعور بيحسه الانسان الوحيد ويمكن يكون عايش مع ناس بس مش حاسين بيه او مش حواليه

بيحس انه محتاج لقلب يشاركه همومه والامه ووحدته اوقات فرحه يديله حنان وحب وعطاء

ولكن ..............واه من قسوتها لكن

ربما بعد ما ياخد ويحس بكل اللى كان فاقده ميبقاش محتاج للقلب ده فى اى شئ ودى مش خيانة او جحود

دى غلطة ابتدت من الاول الطرفين ملهومش ذنب فيها

هو حس باحتياج لحب وحنان ولقاه ف انسان من غير ما يتاكد اذا كان بيحبه ذاته او لا

كتير مننا بيغلط اوى وبيخلط الامور ببعضها ومش بيتاكد من مشاعره ويندفع لدخول فى تجربة وهو مش مدرك

انى دى مسؤلية كبيرة اوى مش مجرد كلمتين حب وخلاص

ومن هنا جه الفرق بين الحب والاحتياج للحب

كتير مننا بيحس ان بابا وماما واخواته مش سالين فيه

اصحابه كل اللى طالع عليهم الهزار مش بيتكلموا جد ابدا كل اما يحكي لحد على حاجة يتريق ويهرج

طيب هو ده معناه انك تربط نفسك بعلاقة انت مش واثق من مشاعرك فيها

يا سيدى عارفين انك قرفان من الدنيا وعاوز حد تحط راسك على كتفه(معنويا فقط )وتشكيله همومك

بس مش كدا



اوعى تورط او تورطى نفسك فى حاجة انتى مش قدها

اتاكد من نفسك الاول قبل ما تربط حياة شخص بيك

محتاج لحب دور فيه على اللى حواليك اكيد فى ناس بتسال عليك جرب تحكى لحد بلاش اصحابك

اهلك حتى

عجبتنى جدا اغنية بتاعة مسلسل بتقول (ولاحد يشيل عنك همك الا اللى دمه من دمك)

دور على الحب فى اخواتك فى مامتك فى باباك اكيد لو انت حتى بدات هما كان هيبادولك نفس الشعور

اسال على الناس هيسالوا عليك

ومتقربش لعلاقة حب الا لو .............

كنت واثق ومتاكد من مشاعرك



إهـــــــــــــداء لكل من يبحـــــــــث عن الحـــــــــــب

 

 

[عاشقة البحار]

انا مبسوطه ان انا اول واحده ردت عليكي بس صدقيني الموضوع رئع جدا جدا وعندك حق في كل كلمه

 

 

[nada_ss]

تسلمى اختى عاشقه البحار على مرورك
انا نفسى فرحانه بدرك اول واحده لموضوعى وانشاء الله تكون كل مواضيعى محل اعجابكم

 

 

[رحيق الجنة]

كلامك كتير ريحني
تسلمي كتير عليه

 

 

[nada_ss]

تسلمى اختى رحيق الجنه على المرور

 

 

[الزهرة المشرقة]

تشكري اختي

 

 

[الـدمعه الساكبه]

مشكوره اختي على الموضوع
الموضوع وجد جميل
تحياتي

 

 

[nada_ss]

تسلمى حبيبتى الدمعه على المرور

 

 

[ذات القلب المجروح]

ليتك أختى طرحتى هذا الموضوع قبل ان اقع فيه
وجدت فعلا اننى كنت احتاج للحب من اى شخص لفترة قصيرة وسرعان ما انسحبت
ولكن كان سبب هذا الاحتياج هو .........
هو قصة حب فاشلة ..........حب من طرفى فقط وللأسف ما زال مستمرا لا اعرف كيف انساه فهو يشكل كل حياتى رغم بعدى عنه ولكنى أذكره جدا ولاأنساه وأحبه حب لم يحبه أحد لأحد
وعندما حاولت أن أرتبط لأنساه فشلت وانسحبت............ادعيلى بالله عليكن..........

 

 

[nada_ss]

تسلمى حبيبتى الغاليه
الله يصبر قلبك ان شاء الله راح تجدين الحب الحقيقى اللى يملاء قلبك سعاده وحب
انا مثلك اختى بس انا انجرحت من اللى حبيته