تعالو شوفو مفاجات العيد (l) انجن زوجي منها.....

[اميرةالقلوووب]

تعالو شوفو مفاجات العيد (l) انجن زوجي منها.....

بسم الله




نبدا...........


هذى اول مره زوجى يسافر عنى من يوم ماتزوجنا .. وجلست افكر الاسبوعين اللى طافوا وش اسوى .. والحين بقول لكم وش سويت معاه ..


طبعا مع بدايه الاسبوع بديت فى نفسى .. صرت احط خلطه تنعم الجسم مره رهيبه مرتين باليوم .. ورحت يوم الاثنين وصبغت شعرى خصل طلعت ماشاء الله جناااان .. ماقصيته لانه مايحب الشعر قصير .. ويوم الاثنين فى البيت حفيت رجولى وايدى .. وغيرت فى غرفه النوم ترتيبها .. رحت سعد الدين للحلويات وحجزت لنا شيز كيك يموت فيها وانا بعد .. ورحت السوق جبت لى بدله حلوه ناعمه ( قميص وبنطلون .. واخذت قميص نوم لونه خوخى .. واخذت مفرش حق السرير .. واخذت لى عطورات حق الفرش خالتى وصتنى عليهم صج انهم حق العجايز بس بصراحه جابوا مفعول رهيب خخخخ .. ونسيت اقول لكم اخذت بعد شموع صغار 20 حبه .. واخذت شنطه ليه ماادرى بس كان المحل مسوى تخفيضات قلت حق العيد مره وحده .. يوم الثلاثاء رحت تحنيت عند حنايه .. ووجهزت كل شى . ونمت بدرى علشان مااتعب حالى يوم الاربعاء .


يوم الاربعاء الصباح اتصلت عليه واكدت معاه متى بيجى وقال لى على الساعه 10 الصباح .. فطرت كويس .. ورحت اخذت دش عدل قلت لاخوى .. يوصلنى لبيتى .. بدرى .. ومانسيت قلت لامى الله يطول بعمرها تسوى لى ذيك القهوه اللى تعدل الراس ..اول ماوصلت البيت كلمت محل الحلويات علشان يتصلون عليه ويكلمونه علشان يجيب الحلى معاه وهو جاى .. طبعا غيرت غرفه النوم وحطيت المفرش الجديد .. و حطيت العطور اللى وصيتنى عليها و نثرت الشموع ع الارض .. و طفيت الانوار وحطيت موسيقى هادئه .. بعدها لبست البدله الجديده . و تمكيجك كانى رايحه عرس على انه مايحب المكياج الكثير واستشورت الشعر .. ونسيت اقول لكم قميص النوم حطيته على السرير واخذت له بجامه مره حلوه وهديه خلتيهم بعد على السرير ..


حطيت القهوه .. وشويه رطب .. ع طاوله وشغلت الدى فى دى على مسلسل اجنبى هو يحبه كنت مخليه اخوى يسجل له حلقاته ..

وتبخرت وبخرت البيت وطفيت الانوار وارسلت له مسج حلو وقلت له قبل ماتدخل البيت عطنى رنه ..


المهم ..


دخل البيت وهو مستغرب ليه الانوار مطفيه .. كنت كاتبه لوحه اول مايدخل انا فى المطبخ لاتزعجبنى ع طووووووووووول راح المطبخ .. واول مادخل كتبت له ورقه ثانيه انا بالحمام استاذن قبل ماتدخل ع طووووووول طار الحمام ودخل من غير مايدق ومالقانى لانى كنت كاتبه على المرايه .. اوعك تدخل غرفه النوم لانك راح تنقهر .. وطبعا اخونا فى الله اسمعه يقول لى انت وينك حرام عليك .. وانا اضحك .. الين قلت بس .. بعدها دخل غرفه النوم واسمعه يقول الله الله ... وش ذا الزين .. بس وينه المزيون وانا ميته من الضحك بعدها راح مجلس الحريم ماكنت موجوده .. والمجلس مالقانى قام جلس بالصاله .. ع الطاوله .. ويقول وينها هذى ياربى .. تعبت وانا ادور عليها قمت طلعت له من تحت الطاوله وقلت له انا هنا شبيك لبيك حوريتك بين ايدك وضحكت ضحكه اللى يحبها قام ضمنى يابنات ضمه خياليه بصراحه رحت فيها وقلت له وين الحلى قال لى فى المطبخ .. ياشاطره ..
منقول

اتمنى الاستفاده

للجميع وعيدكم مبارك

لـ حفظ الموضوع والإستفاده منه إستخدمى هذا الرابط :
تعالو شوفو مفاجات العيد (l) انجن زوجي منها.....
http://forum.sedty.com/t110831.html

[همس الخيال]

حركات قمه في الرومااانسيه

تسلم الايدي علي النقل

في انتظااار جديدكي

[رووح روووحي]

يااااااااااااعيني ,, تكتيك حلوووووووووو ..ماشاءالله ..

تسلمين اميره عاى المنقوول الرائع ,,,,,,

[اميرةالقلوووب]

مشكوووووووووووووووورات حبيباتي

على طلتكم الحلوه

[شمعة امل]

سلمت يداك عزيزتي

[همسة العشاق]

هههههههههه


عجيبة الحركة

صج بجننوني هههههههه


<<<< مخها مشحونة من أفكار الرومنسية


وان شاء الله اسويها في المستقبل


ادري دائما ملقوفة بس احب اتعلم هع

[ام تووووووتي]

مشاءالله
يسللموووو على النقل

[روح الورد]

احلى شي المفااااااااااجاءات .. الله يهنيكم ويسعدكــــم يااااااااااااااا رب