أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > مطبخ لك > مائدة _ طبخ > أطباق منوعه > الحلويات



دروس في عمل التورتااااات مجانااااااااااا


جديد مواضيع الحلويات


إضافة رد

  • Facebook

  • Twitter



Sponsored Links
قديم 10-21-2008, 11:37 PM   رقم المشاركة : 1
:: سيدة نشيطـة ::












icon25 دروس في عمل التورتااااات مجانااااااااااا

دروس في عمل التورتااااات مجانااااااااااا



لو عايزة تعملي تورتات حلوة ولذيذه وتكون احلي من الجاهزة؟؟؟؟
ركزي معايا وجهزي نفسك

الدرس الاول: تورته الفواكه

دروس في عمل التورتااااات مجانااااااااااا

طبعا مفيش تورته من غير كيك اسفنجي
(((((طريقه الكيكه الاسفنجيه))))
6بيضات مفصولين
1 1/2 كوب دقيق
1 1/2 كوب سكر بودرة
4 ملاعق زيت ذرة
6 ملاعق ماء مغلي
ملعقه كبيرة بكنج باودر
ملعقه صغيرة فانيليا
طبعا لو عايزة تعملي الكيكه بالشوكولاته حطي ملعقتين كبيرة كاكاو
وتنقصي من الدقيق نفس الكميه يعني معلقتين دقيق

الطريقه:
1- سخني الفرن على حرارة متوسطه
وتجهزي الصينيه اللي هتعملي فيها الكيك وتكون نظيفه
ادهنيها بالفرشاه بالزيت وتبطنيها بالدقيق حوالي معلقتين دقيق او 3
2- تضربي صفار البيض والفانيليا كويس وتحطي 6 ملاعق الميه المغليه
بس خدي بالك تحطيهم وانتي بتضربي البيض عشان الميه السخنه ممكن تسوي البيض
وتضربي كويس اوي لحد ما تلاقي رغاوي كتيرة على الوش
3- تحطي الزيت وتضربي كويس
4- تحطي السكر البودرة وتضربي كتير اوي لحد ماتلاقي لون البيض بقي فاتح اوي
المرحله دي مهمه عشان نجاح الكيك يتوقف على ضرب البيض
5- تنخلي الدقيق والبكنج باودر والكاكاو اذا كانت بالشوكولاته وتقلبيهم وتحطيهم على خليط البيض شويه شويه
وتقلبي بملعقه مش بالمضرب عشان الهوا مايطلعش لحد ماتخلصي كميه الدقيق
6- تحطي على بياض البيض ذره ملح ( ده سر اوعي تقولي لحد عليه )
والملح بيساعد في رفع البياض بسرعه
وتضربي البياض كويس لحد مايجمد ويكون متماسك
7- تحطي البياض على الخليط شويه شويه وتقلبي بخفه متناهيه
( اوعي تقلبي جامد عشان الهوا مايطلعش)تحطي الخليط في الصينيه المتبطنه بالدقيق وتدخليها الفرن
اوعي تفتحي عليها قبل 1/3 ساعه
وبعد مايمر الوقت وطي الفرن خالص وسيبيها لحد ماتستوي كويس وتختبريها بالسكين من الوسط
8- اول ماتستوي تكوني طبعا مقفله المطبخ ومايكونش فيه اي مصدر للهوا تقلبي الكيكه على منخل سلك وترشيها بالسفن اب كويس اوي وسيبيها تبرد كويس.
كده نبقى خلصنا الكيك
معلش عشان طولت شويه في الكيك لكن الكيك دي اهم حاجه في التورته ولازم نهتم بيها
نبدا بقى في تزيين التورته
هنا هنحتاج ل:
1- كميه من الكريم شانتيه
2- كمبوت خوخ
3- تفاحه مقطعه شرائح معصور عليها ليمون عشان ماتغمقش
4- كريز احمر
5- شيكولاته فرماسيلا ملونه
6- ورود ملونه من السكر وفرعين شجر دي موجوده جاهزة في محلات الحلوانيه
طريقه التزيين
1-تقطعي الكيك على اتنين على ثلاثه حسب علو الكيك معاكي وتبطني كل طبقه بالكريم شانتيه لحد ماتغطي الطبقات كلها والجوانب والوجه
2- تغطي جوانب الكيك بالشيكولاته الفرماسيلا كويس اوي
3- تعملي وردات بكيس الحلويات في حرف الكيك
4- تقطعي كمبوت الخوخ شرائح مش رفيعه ولا تخينه يعني وسط
5-ترصي الخوخ والتفاح لحد ماتخلصي الدايرة كلها
وتحطي الورد الملون في نص التورته وفرعين الشجر جنبها
6- ترصي الكريز على الفاكهه وحوالين الورد عشان تغطي الكريم شانتيه
وكده بقى عندك احلي تورته فواكه
اللي يجربها يوريني صورتها وقولولي رايكم بلييييييييييز
وده منظر تاني للتورته
دروس في عمل التورتااااات مجانااااااااااا
لـ حفظ الموضوع والإستفاده منه إستخدمى هذا الرابط :
دروس في عمل التورتااااات مجانااااااااااا
http://forum.sedty.com/t113002.html



الصور المرفقة
نوع الملف: jpg Image024.jpg‏ (52.8 كيلوبايت, المشاهدات 97)
نوع الملف: jpg Image025.jpg‏ (42.0 كيلوبايت, المشاهدات 76)

رد مع اقتباس

Sponsored Links




قديم 10-22-2008, 12:33 AM   رقم المشاركة : 2
:: سيدة نشيطـة ::












افتراضي رد: دروس في عمل التورتااااات مجانااااااااااا


الدرس التاني: تورته الشيكولاته
دروس في عمل التورتااااات مجانااااااااااا

طبعا الكيك زي ما شرحتها لكن التزيين مختلف
هنا هنحتاج ل:
كريم شانتيه محطوط عليه كاكاو
ربع كيلو شيكولاته
ربع كوب لبن
ملعقه زبده
شيكولاته فرماسيلا ملونه
قطعه شيكولاته مروحه جاهزة
طريقه التزيين

1-نسيح الشيكولاته على حمام بخار مائي
2-ونحط اللبن والزبده ونقلبها كويس ونسيبها تبرد شويه
طبعا نكون مبطنين الكيك كويس بالكريم شانتيه ودخلناها التلاجه عشان تكون الكريمه ماسكه نفسها
3-نغطي الكيك بصوص الشيكولاته
4-اول ماتبدأ تمسك نفسها نغطي الجوانب بالشيكولاته الفرماسيلا
5-ونحط الشيكولاته المروحه في نص التورته ونعمل وردات في حرف التورته بالكريمه البيضاء
وبالف هنا
الصور المرفقة
نوع الملف: jpg 6.jpg‏ (185.1 كيلوبايت, المشاهدات 62)


قديم 10-22-2008, 11:48 AM   رقم المشاركة : 3
:: سيدة نشيطـة ::











رد: دروس في عمل التورتااااات مجانااااااااااا


شكرا على الوصفة لكن لو كان ممكن نعرف الدقيق و السكر ب غ



تبارك الله عليك

قديم 10-22-2008, 09:18 PM   رقم المشاركة : 4
:: سيدة نشيطـة ::












افتراضي رد: دروس في عمل التورتااااات مجانااااااااااا


معلش ياجميل معرفش المقدار بالجرام لكن انا بستخدم كبايه الميه الطويله


يارب يكون الموضوع عجبك
بس ماحدش رد على الموضوع ليه؟؟؟؟؟؟
هو الموضوع وحش ولا ايه ياجماعه

قديم 10-22-2008, 10:04 PM   رقم المشاركة : 5
:: سيدة نشيطـة ::












افتراضي رد: دروس في عمل التورتااااات مجانااااااااااا


الدرس الثالث: تورته بالصورة
ممكن تعملي تورته فيها صورتك بدل ماتشتريها من بره غاليه ودي سهله اوي وهتدي شكل جميل في عيد ميلادك او في المناسبه

الادوات المطلوبه
1-الصورة اللي عايزاها بس تكون اقل من مقاس التورته شويه
2- ورق سوليفان ( ورق الهدايا الشفاف )
3- سوليتيب ( شريط لاصق )
4- طبعا الكريم شانتيه والكريز والشيكولاته الفرماسيلا الملونه والورود الجاهزة

الطريقه:

1- تغلفي الصورة بالورق السوليفان وتكون تانيه الورق من الخلف وتلزقيها كويس عشان الكريمه ماتوصلهاش وتبوظها
2- بعد ماتبطني الكيكه بالكريم شانتيه من كل الجهات نحط الصورة في المنتصف سواء كانت تورته مدورة او مستطيله او مربعه
3- نزين التورته من الجوانب بالفارماسيلا ونعمل وردات بالكريم شانتيه حوالين الصورة كانها اطار عشان حدود الصورة متبنش خالص
4- تزينيها زي مانتي عايزة بالكريمه او بالكريز والورود
وانا عملت شكلين منها واحده مدورة والتانيه مستطيله بس طبعا شيلت الصور
وكده بقى عندك تورته جميله وشيك هتعجب صحابك واقاربك لما تقوللهم عمل ايديا وحياه عنيا
الصور المرفقة
نوع الملف: jpg 1Emy1.jpg‏ (119.4 كيلوبايت, المشاهدات 39)
نوع الملف: jpg Image032.jpg‏ (34.8 كيلوبايت, المشاهدات 37)

قديم 10-22-2008, 10:14 PM   رقم المشاركة : 6
عضٌوة شٌرٍفـَ منتديـُآت سَيدتـيّ












عضوة شرف 
افتراضي رد: دروس في عمل التورتااااات مجانااااااااااا


موضوع رائع ووصفات شهية للكيك ان شاء الله بجربها وبدعيلك

لكِ كل الــــــــود

قديم 10-22-2008, 10:23 PM   رقم المشاركة : 7
:: سيدة نشيطـة ::












افتراضي رد: دروس في عمل التورتااااات مجانااااااااااا


الدرس الرابع: الجاتووووووووووه

طبعا كلنا بنحتاج للجاتوه في اعياد الميلاد والمناسبات
عشان كده درس انهارده عن الجاتوه
انا عملت الجاتوه بالشيكولاته
طبعا الكيكه هتكون اسفنجيه زي ماشرحتها قبل كده
بس صينيه الخبيز هتكون مستطيله او مربعه
1- بعد ماتستوي الكيكه وتبرد تشقيها نصفين وتبطنيها بالكريم شانتيه وتبطني الوجه برضه لكن متبطنيش الجوانب وتدخليها الثلاجه عشان تمسك نفسها
2- تجهزي صلصه الشيكولاته اللي قولتلكم عليها قبل كده بس زودي اللبن شويه عشان تبقى سايله اكتر
( اوعي تكتري اوي عشان ماتبقاش سايله خالص)
3- حطي صلصه الشيكولاته على وجه التورته وافرديها على الكيكه كويس ودخليها الثلاجه عشان صلصه الشيكولاته تمسك نفسها شويه
4- قطعي حواف الكيكه وقطعي الكيكه على حجم الجاتوه
5- تزيني كل واحده بشريحه كمبوت خوخ وتعملي ورده من الكريم شانتيه وتحطي عليها كريزه واحده
6- لو عندك فسدق ممكن تكسريه قطع صغيرة اوي وترشيه على وجه الجاتوة حوالين الكريزه
7- وتجيبي ورق بليسيه وتحطيها تحت كل واحده عشان تكون زي الجاهزة وتدخليها الثلاجه وتقدميها لضيوفك
يارب تكون الوصفه عجبتكم
ماتنسوش تردوا عليا بلييييييييييييييييييييييييز
الصور المرفقة
نوع الملف: jpg Image002.jpg‏ (68.1 كيلوبايت, المشاهدات 31)
نوع الملف: jpg Image009.jpg‏ (54.3 كيلوبايت, المشاهدات 28)


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0541475444

إضافة رد





دروس في عمل التورتااااات مجانااااااااااا

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
دروس من الحياة !!! سهيلة المواضيع المكررة 5 03-11-2012 11:55 PM
دروس في الحب lalla ikram المواضيع المكررة 2 11-11-2010 09:45 PM
دروس في الحب فلسطينية أحاديث ضعيفة ودعوات خاطئة 10 10-24-2010 04:56 PM
دروس في الحــــب روح الورد المواضيع المكررة 1 12-05-2008 02:13 PM
دروس في وضع المكياج ام ضي صالون التسريحات والمكياج 3 08-12-2006 06:47 PM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل تابع لشركة اد ان توب وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter