المطبخ الشامي : حابه تطبخي اي طبخة شامية تفضلي

[sososalle]

المطبخ الشامي : حابه تطبخي اي طبخة شامية تفضلي



هاي بنات كيفكم طبعاً الكل بيعرف عن المطبخ الشامي واكلاتو والطيبات الي فيه من حلويات او طبق رئيسي او او او حكيلي عن اي طبخة شامية حابه تسويها او حلويات شامية وانا رح علمك كيف تسويها وبالصورة كمان والتفصيل الممل

لـ حفظ الموضوع والإستفاده منه إستخدمى هذا الرابط :
المطبخ الشامي : حابه تطبخي اي طبخة شامية تفضلي
http://forum.sedty.com/t117412.html

[زوجة مسافر]

اوكي ابدا انا انا نفسي اعمل اللبنه ما تتصوريش نفسي فيها قد ايه

[زوجة مسافر]

اه نسيت كمان اللحم بعجين متل اللي في باب الحاره

[sososalle]

المشاركة الأصلية كتبت بواسطة بنت طبرق

اه نسيت كمان اللحم بعجين متل اللي في باب الحاره

ولو حبيبتي على راسي من فوء اول شي بنبلش باللبنة الشامية



بالنسبة للبنة في كتير انواع منها بس عندك اللبنة الطيبة كتير هي اللبنة المكبوسة او بالاحرى المونة وطريئة تحضيرها :

1- بنجيب 3 او 6 او على حسب ما بدك انتي لبن وكل 1 كيلو لبن بيطلع نصف كيلو لبنة لانو بتعرفي فيه ماء كتير وبنجيب لكل 1 كيلو لبن كاسة كبيرة من الحليب الصافي دسم او اقل دسم الي انتي بدك ياه

2 - بنجيب كيس خام الي هو (( كسي الطحين )) بنغسلو منيح لحتى نروح منو الطحن اذا كان موجود فيه او جيبيه نظيف اذا بينباع بالسوء بنحط اللبن الكمية الي بدنا ياها مع العلم انو كل 1 كيلو لبن بسوي نصف كيلو لبنة وشوي وبنحط مهو ملح طبعاً لكمية على حسب كمية اللبن او اذا بتحبيه مالح او اقل ملوحة

3- بعد ما نحط اللبن بالكيس بناخدو على البرندة الي هي (( فسحة البيت )) ومنعلئو بحبل وبنخليه بمكان عالي وبنحط تحتو جاط او طشط او صينية كبيرة بمعنى (( شي غميق )) لحتى ينزل المي على الطشط

4- بنخليه لتاني يوم الصبح لحتى ينشف الماء منو وانتي طبعاً بتلمسية وبتشوفيه اذا راح الماء منو وبنجي بناخد الكيس وبنئلبو على صينية كبيرة وبنخلطو مع بعط لحتى نشوف خليط اللبة الي بدنا ياها وطبعاً رح تشوفي لونه ابيض ثلج

5- بنخليه لمدة ساعة على البرندة طبعاً مو تحت الشمس وقت الليل وبعدين بنجيبة وكمان بنخلطو مرة اخيرة

6- هلأ بنجي لطريقة تخزين اللبة الي بسوي طعمة اللبنة يام يام متل مو شايفة بالصورة بنجي اللبنة وهي على الصينية وبناخد مقدار كف اليد او على حسب انتي كيف بتحبي تكون اللبنة مدور كبيرة او صغير وبنبلش ندحرجها لحتى تصير متل الطابة وطبعاً رح تلائي سهولة كبيرة وفوراً بتصير معك

7 - بعد ما نصف اللبنة بالاطرميز (( قدر زجاج )) متل مو شايفة بالشكل اعلاه وبنجط فيه زيت زيتون صافي وينصح يكون من اطيب الزيوت لحتى تكون الطعمة اطيب بعد ما نكون حطينا الزيت لحد انو نشوف تغطو كل اللبنة بنجيب الغطاء وبسكر فيه الاطرميز وفوقه قطعة قماش وبتربطيها بربطة حبل متل مو شايفة وبنخليه لمدة شهر

وهيك بتكون اللبنة جاهزة وصحتين وهنا

اما بالنسبة للحم بعجين
فا في عندك النوع الميني الي هو ضيافة مقبلات


وعندك الطبئ الرئيسي مع اللبن وبيجي قرص كبير


اما الطريئة
1 - بتجيبي لحمة ناعمة على حسب الاشخاص فمثلاً بتجيبي 1 كيلو لحمة ناعمة بتخلي اللحام يفبملك ياهن مع بصلة ونصق جرزة بئدونس و وئية ليه (( عرفتيها اللي يعني الشحمة البيضة تبع الخاروف )) اما مقادير التوابل تبع اللحم بعجين فهنن :

1 - فلفل اسود مقدار نصف معلقة كبيرة او اذا بتحبيه يكون حار لكل كيلو
2 - ملح مقدار ملعقة كبيرة او على حسب الحاجة لكل كيلو
3 - كمون مقدار ربع معلقة صغيرة لكل كيلو
4 - فلفل ابيض مقدار ربع معلقة صغيرة لكل كيلو

وبتجيبي عجين خميرة (( يعني مخمر جاهز للشغل )) بتقطعي العجين بقدر كف اليد وبتمديه بعصا الخشب لحتى تاخدي الشكل الي بدك ياه وفي اي نوع من الاشكال بدك ياها اذا عندك قوالب متل مستطيل قلب مربع مسدس الي انتي بدك ياه بس الاحسن يكون مدور لسهولة الاكل

2- بعد ما نمد قطع العجين بنجيب صينية مدورة وبندهنا سمنة سمنة او زيت بس الافضل سمنة بدلي اطيب وياييي على الريحة الحلوة بتحطي قطعة قطعة من القطع الي عملناهم من العجين وبتمديه على العجين وبس تخلصي مد اذا حبيتي فينك تحطي صنوبر او مكسرات بس اطيب شي ومن شان ما نروح الطعم خلينا على الصنوبر وبعض من قط البندورة الصغيرة

3 - بعد ما نخلص من كل القطع بدخلي الصواني على الفرن لمدة 20 الى 35 دقيقة اذا كان حرارة الفرن 60 درجة او انتي على حسب كيف بتحبيهم بتحبيهم مأمرين (( يعني عم يقرمشو )) او عاديين وهيك بنكون خلصنا الطبق وصحتين وهنا بتحبي ضيفي معاهم لبن او اي شي تاني بس اللبن اطيب مع اللحم بعجين

واي سؤال عن اي اكلة بتحبيها بباب الحارة انا جاهزة او اكلة شامية

تئبلي سلامي

[زوجة مسافر]

الله يخليك بس عندي استفسار عن اللبن ايش هو عندكم بسوريا مش الحليب على حسب ما فهمت منك بطريقة اللبنه هل هو متل اللي عندنا بليبيا اللبن اللي طعمو يشبه الياغورت او الزبادي

[sososalle]

لا شوفي اختي اللبن مو متل الحليب عنا اللبن لبن والحليب حليب يعني الحليب هو الحليب العادي متل الحليب الي بنحطة بسناك الصباح الوجبة الصباحية اما اللبن فا اللبن العادي الي بنحطو جنب الرز بالبازيلاء واللبن وخيار
وانا وئت حكيتلك انو يضاف كاسة كبيرة من الحليب للبن فا الحليب العادي لانو بيعطي طعمة كتيررررر طيبة للبنة ولازم يكون الحليب ممتاز كمان بيكون اطيب واطيب

واي شي انا جاهزة تئبلي سلامي

[زوجة مسافر]

شكرا شكرا بس شوفي التقارب بين الشعب السوري والليبي انه اللبن عندكم نفس استخدام الليبيين لهده الكلمه وحا اجرب اعملها ويا رب تضبط معي

[sososalle]

ان شاء الله واذا ما زبطت ما في مشكلة حكيني شو الي ما زبط معك وانا بألك


تأبلي سلامي