أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى جمالك سيدتي > صالون العنايه بالشعر



خلطة تطويل الشعر


جديد مواضيع صالون العنايه بالشعر


إضافة رد

  • Facebook

  • Twitter


Sponsored Links
قديم 01-04-2009, 07:01 PM   رقم المشاركة : 1
:: سيدة جـديـدة ::










icon26 خلطة تطويل الشعر

خلطة تطويل الشعر



قوة بنات

انا مابي شي منكم الا تدعولي لو نفعت معاكم بان الله يسهل علي اموري

انا من فترة كنت ابيع هالخلطة ووايد وايد شروا مني مرتين وثلاث وقالوا حق رفيجاتهم وربعهم

بس حاليا تبعت وماني قادرة اسوي الزيوت لأن يتعبون ولازم نعبيهم بغراش وننظفهم وتعالي طحني المكونات وصفيهم زين ومادري شنو

تعب وحوسة الصراحة


حاليا بس موجهة اهتمامي حق خلطات الحنة للبيع وبس

اما الزيوت تركتها من زمان

فقلت افيدكم يمكن وحدة فيكم حابة تجربها


بس لااااازم تتقيدون بالشروط المكتوبة

وولا وحدة فيكم تقول مانفعتني بعدين وبالاخير تكون مو ماشية صح

انا ترى مالي ذنب ومن الحين اللهم قد بلغت اللهم فاشهد



اولا
اسم الزيت

( خلطة مجربة )
لأن جربته على نفسي وعلى اختي قبل لا ابيعه
ولو ماشفت نتيجة فظيعة جان ما فكرت ابيعه




التعليمات :
لازم تحطون الخلطة اول اسبوع بشكل يومي
ساعتين - 3 يوميا بس لكم يالكبار
وساعة - ساعة ونص بس يوميا للبنات الصغار
هالاسبوع علشان الفروة تتنظف عدل من الشوائب وتتغذى تغذية صح من الزيت

وفي الاسابيع الباجية تستعملونها بنفس عدد الساعات
لكن 3 مرات في الاسبوع بس
وهالاسابيع الباجي علشان يستفيد الشعر من الزيت على هداوة ورواق وما تتعبين عمرج ولا تملين يوميا

لأن لو صار الشي روتيني ويومي بتملين


وبتشوفون النتيجة بالنعومة واللمعة من اول استعمال
ونتيجة انبات الشعر وتطويلة بتبدي معاكم من ثاني الى ثالث اسبوع
كلوحدة وحسب طبيعة فروة راسها



الحين :
طول فترة اللي تستعملين فيها الزيت لازم تسوين التالي :

1- ممنوووووووع تمشطين شعرج واهوا مبلول
لأن البصيلات بتكون مفتوحة ومتوسعة بفعل الماي الحار فراح تطيح الشعرة وجنه العيد .

2- لما يكون شعرج معقد ومتشابك دايما تمشطين اللي تحت وتفككينه بعدين تصعدين لي فوق وتمشطين .

3- الزيت ممنوووووووووووع تنامون فيه ولا ترى بييب نتيجة عكسية ويطيح الشعر بدل لا يتقوى .

4- لو بتحطين بلسم لاتحطينه على جذور الشعر مباشرة
فركيه بايدج ودهني فيه الشعر من بره واطراف الشعر لاتدهنين الفروة بالبلسم .

5- دايما لما تغسلين شعرج وتخلصين فتحي الدوش على الماي البارد ورشي على راسج
علشان تنكمش المسام وتتسكر .





هالزيت يكفيج تقريبا شهرين الى 3 اشهر ويمكن اكثر لو التزمتي بطريقة استخدامه
وانا زودت لكم المقادير لأن ادري فيكم كسالى ومالكم خلق كليوم تسوون الخلطة .
وطبعا تحاولون تدورون برطمانات زجاااااااااااااااج
مو اي نوع ثاني
زجاج بس لأن البلاستيك بيفرز مواد تضر الزيت مع الوقت وطول مدته


الحين مقادير الزيت ( كلها تلقينها بالحواي ) :
1- ...................كوب زيت الحبة السودا ( حبة البركة ) .
2- ...................كوب زيت الجرجير .
3- ...................نص كوب زين باراشوت الازرق السائل .
4- ...................7 ملاعق زيت خروع .
5- ...................7 ملاعق زيت لوز .
6- ...................ملعقتين طعام من بذور حبة البركة المطحونة طحن ناعم .
7- ...................ملعقة طعام حلبة مطحونة ( ماراح تبين ريحتها نهائيا ) .
8- ...................ملعقتين طعام سعتر مطحون .
9- ...................ملعقة طعام حرمل مطحون طحن ناعم .
10- .................ملعقة طعام بذور سفرجل مطحونه .
11- .................فصين ثوم مهروسين ومحموسين الى ان يصير لونهم اشقر .
12- ................. ملعقة طعام سدر مطحون .



( لاحظوا المقادير مافيها زيت زيتون )
لاتحطون زيت زيتون لأن ينشف الشعر حتى لو مفيد بس ينشف الشعر وحار على فروة الراس




تخلطون المقادير كلها مع بعض وتخلون الزيت يتخمر اسبوع في مكان مسكر ( لا بارد ولا حار )

ولما تبون تستعملونه لايكون تحطونه بالثلاجة ترى انا بعدين مالي شغل لو ماياب نتيجة
ولا تحطونه في مكان حار
خلوه في حرارة الغرفة لأن هالدرجة راح تكون مناسبة لفروة راسكم اولا
وبعدين ماراح تخرب الزيت.


المهم

الاستعمال :
اولا : تسوين مساج حق راسج لمدة دقيقتين او 3 .
ثانيا: تاخذين قطنة وتغمسينها بالزيت وتفركين فيها فروة راسج ( مو تصبين الزيت بايدج وتغرقين شعرج )
بس بقطنة مغموسة بالزيت وتفركين الفروة بس.
ثالثا : تاخذين شوية زيت بايدج وتفركين اطراف شعرج على شان التقصف يروح وينعم .
رابعا : حقكم انتوا يالكبار تحطونه يوميا من ساعتين الى 3 ساعات لا اكثر ولا اقل وبعدين تغسلون شعركم عادي,
حق النبات الصغار تحطونه من ساعة الى ساعة ونص وبعدين تغسلونه عادي.
خامسا : يفضل انكم تلبسون قبعة نايلون علشان لا ينشف الزيت بسرعة .



سادسا:

سبوح الهنا ياريتني كنت انا

النتيجة المبدئية المرضية بتشوفونها بعد شهر باذن الله وكلما طولتي باستعمال الزيت كلما زادت الفايدة طبعا
لاتنسون التغذية
ترى تفاعلها مع استخدام الزيت وايد حلوة وتمام التمام

انا جربتها على نفسي واستفدت
شعري طال بشكل كبير





:r ose:
لـ حفظ الموضوع والإستفاده منه إستخدمى هذا الرابط :
خلطة تطويل الشعر
http://forum.sedty.com/t127452.html




رد مع اقتباس

Sponsored Links




قديم 01-04-2009, 07:23 PM   رقم المشاركة : 2
:: VIP ::











وسام فراشة سيدتي 
افتراضي رد: خلطة تطويل الشعر


ـألـسَـلآمٍ عَـلـيـكُـمٍ و رحـمَــة ـألـلـَّـه و بـَركـآتـُـه




الله يعطيكي العاااافيه

حمااااكِ الرحمن ورعااااااكِ


قديم 01-11-2009, 11:41 AM   رقم المشاركة : 3
:: سيدة رائعــة ::










افتراضي رد: خلطة تطويل الشعر


يسلمووووووووووووووووووووووووووووووووووووووووو


برنامج تكسير الدهون وازالة السيلوليت بدون عمليات 6 جلسة 1000 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0112499111/0554171121

إضافة رد




خلطة تطويل الشعر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
تطويل الشعر بسرعه كبيرة امة الله المصرية صالون العنايه بالشعر 143 08-18-2014 01:02 PM
خلطه تطويل الشعر>>>>> كاتمة الشوق صالون العنايه بالشعر 13 04-04-2014 04:35 PM
وصفة تطويل الشعر ...للبنات الزين كلة صالون العنايه بالشعر 25 02-06-2011 06:38 AM
خلطة اعشاب عجيبة..خياااال..تطول الشعر،تكثف الشعر،تنعم الشعر،ويغديه .للكبار والصغار. marwa2005 منتجات بشرة _تجميل _ عطور 41 12-15-2010 08:27 PM
ملف شامل لطرق تطويل الشعر ..لا يفوتكم .. .: candy :. صالون العنايه بالشعر 10 11-04-2010 04:35 PM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter