دورة تريكو + ورشة عمل 【انتهى التسجيل في الدورة】( الدروس كل سبت و اربعاء )

[أزهار السماء]

رد: دورة تريكو + ورشة عمل 【انتهى التسجيل في الدورة】( الدروس كل سبت و اربعاء )

السلام عليكم اختي
ما بقدر قلك قدي اني بتشكرك على العنوان انا رحت على استنبولي و المحل كان روعة و الالوان بتجنن كتير كمان
بس بدي اسألك عن عنوان المحل اللي بالجاردنز ( بركات ) بالضبط لاني وسط البلد كتير بعيد عني يا ريت تفيديني بكون ممنونتك

[AMANIAMIN]

حبيبتي ازهار بركات بييجي بعد مطعم جبري بنفس السايد لكن لقدام شوي.لكنه اغلى من غيره متل ما قلتلك لأني جربته بسعر الايتامين كان نار.

[AMANIAMIN]

الدرس التاسع
عمل نموذج قياس للتريكو

السلام عليكم اخواتي,هذا الدرس سهل جدا وقصير لكن ضروري للغاية,
اليوم حابة اعطيكم معلومة مهمة وهي عمل نموذج قياس لقطعة مربعة مشغولة بالخيط الذي ستستخدمونه في مشروع تريكو تريدونه وبنفس الابر التي ستستخدمونها.
تشتغلوا 10سم *10سم بالغرزة المراد عملها(مثلا جرسيه,الارز,...)ونعد عدد الغرز المستخدمة بالعرض لعمل 10 سم ونعد عدد الاسطر بالطول اللازمة لعمل 10سم بالطول ,وبهذا نحصل على الغرز اللازمة بالعرض لبداية اي مشروع ونعمل نسبة وتناسب,مثلا عدد الغرز بالعرض =24غ
في 10سم,وعدد السطور بالطول =31(عادة يكون اكثر من الغرز لأن الغرز اعرض)
اذا احتجنا الى 30 سم عرض مثلا لبيبي ,نقسم 30\10=3
ثم نضرب24*3=72غ نبدأ فيها
وكذلك الامر بالطول,اذا اردنا الارتفاع مثلا 18 سم,
عدد السطور في 10 سم =31
نضرب 18*31=558نقسم الناتج على 10=55.8نقربه =56سطر
اذننبدأ ب72 غرزة ونشتغل 56سطر ارتفاع
اترككم مع الصور
هذه عينة صغيرة تبين كيف نعد


وهذه العينة الكاملة

ارجوا منكم عمل العينة بالصوف الذي سنعمل فيه المشروع الجاي ورح اشرح الحردات ونطبقها فيه,سنعمل جاكيت او بلوزة بيبي عمر سنتين ,وعرض الظهر من الاسفل 30 سم وسنحتاج 3 او 4طبب صوف 50غم وابر 3.5 و4.5
اعملوا العينه بالابر الكبيرة وبالغرزة الي رح تشتغلي فيها.
ممكن تبدأوا بعمل البليسيه مسافة 5سم بالابر الصغيرة وتكملوا بالغرزة الي بتحبوها بالابر العادية وترتفعوا مسافة 18سم من البداية,احسبوا كم غرزة ستحتاجوا لعمل عرض 30 سم.
سنعمل حردة الابط بعد هيك.اتركوا القطعة المشغولة على جنب لحد ماييجي وقتها.وسيكون بعد شرح الحردات.
اي استفسار أنا جاهزة.
وايضا حبيت اعطيكم طريقة عمل رسمات بنفس اللون لكن بتغيير الغرز,
شوفوا الرسمة فقط العدل والمقلوب


هذا البترون


وهذه البطانية المشغولة


وهذه غرزة جديدة مشروحة الكلام والصورة

الرجاء تطبيق البترونات.سلام حبيباتي

[احساس دمعه]

هلا وغلا جميعا

كيف حالكم وين بنات الدورة ما اشوف احد

هلا دندن نورتي الدورة و الله واي مساعده انا بالخدمه

يسلم لنا الدرس الجميل بس اسألك اماني نطبق باترون النجوم و الهلال >> صارت مباراه هههههههه

مودتي

[AMANIAMIN]

سلام حبيبتي احساس,البترون اختياري انا عارفة انه سهل وبتعرفوا تسووه,لكن اهم شي مثل ما قلتلكم ابدأوا بعمل بداية الظهر للبيبي علشان لما نشرح الحردات تعملوا ورشة بدل عينة صغيرةفقط للقسم العلوي .مش هيك افضل؟؟؟؟وكمان اذا بتقدروا ابدأوا الأمام بنفس العدد وبنفس الطول للظهر وطبعا كل وحدة فيكم رح يكون عددها غير لأن الصوف غير وشدة اليد برضه غير.ارجو اكون وضحت الامور.
سلام حبيبتي وبقية البنات وينكم رح تزعلوني منكم.
على فكرة اذا كل وحدة حابة تعمل مقاس بيبي آخر تقيس العرض اسفل ابط البيبي (بين الابطين بلف شريط القياس او خيط حول البيبي من تحت الابط وتزيد 3 او4سم لحرية الحركة وتقسم الناتج على 2وهكذا تحصل على مقاس بين الابطين وايضا تقيس من الابط الى الكتف علشان تعرف كم سترتفع بعد حفرة الابط)وتقيس طول الكم من الابط الى الرسغ بعد ثني الذراع وعرض الكم نقيسه بعد عمل الظهر نلف قطعة من الشغل(البليسيه) حول رسغ البيبي ونعد الغرز ونبدأ بنفس العدد للكم ايضا نقيس عرض الكم قبل حردة الكم بلف شريط القياس حولها ,وعرض الرقبة ونعطي مجال للكمر(اللستيك(البليسيه الذي يوضع على حواف الرقبة)) .يعني اما تبدأ اقل او اكثر من 30 سم.وهذه صورة لكيفية مقاسات البيبي.

[احساس دمعه]

هلا وغلا اماني

صدقتي نشتغل في الجاكيت افضل من عمل عينات صغيره للحردات

بس قصدك نشتغل في الجاكيت من الحين نسوي الظهر و الامام

بس بكون الجاكيت مسكر من قدام

شو رأيك اماني نشتغل جاكيت بالباترون يعني نجيب موديلات و إلي نتفق عليه نشتغل فيه

طيب سؤال صغيرون (:

راح نشتغل غرز جديده ولا خلاص نكتفي لهنا



شو وين البنات ساااااااافروا ولا ايه

يا الله يابنات اصحوا الدرس الجديد نزل وبدنا نشتغل مع بعض

[AMANIAMIN]

سلام حبيبتي حسوسة,هلأ ما بدنا نشتغل بالبترون لأنه سهل لكن بدي اعطيكم طريقة بالقياسات علشان شو ما تشوفوا تقدروا تسووا حتى لو ما في بترون,لأن مش كل المقاسات متوفرة بالبترونات.لكن بعد ما ناخذ الاساسيات بنقدر نجيب اي بترون ونشتغل عليه,ماشي حبيبتي.
وايوة انا قصدي لحد ما ينزل شرح البلوزة بتكونوا طلعتوا فيها وجاهزة للحردات.وانتوا احرار بالغرز يعني صرتوا بتعرفوا الاشارات لشو بترمز فأي بترون بتقرأوه وبتقدروا تنفذوه وانا عمالي بنزللكم بكل درس غرز جديدة .استخدموا الغرزة اللي تعجبكم وحتى لو جرسيه.والبليسه اما تعملوه مفرد او زوجي او مركب انتم احرار.
البنات كلهم عندهم ظروف
ام عدنان هلأبعتتلي رسالة ما عاد عندهم نت بالبيت وبتسلم عليكم وحدة وحدة
الدونة انتي عارفة انها مشغولة وتعبانة,
ام السلطان مشغولة بالدراسة ومحتاسة بالبيت برضه بعتتلي رسالة
همسة كمان ما كان عندها نت لكن اظن هلأ حلت المشكلة ورح تتابعنا هاليومين
ام ياسمين احمد وياسمين ما بعرف عنهم شي يا رب يكونوا بخير
ازهار يمكن بتقدر تتابعنا.
يعني مش عارفة شو اقولك حبيبتي وضع محبط,صحيح؟؟؟

[(همسه .. حب)]

السلام عليكم



وحشتوني كتير


والله يعلم قد ايه اشتياقي لكم

اللهم اجمعنا دائما في الخير

اللهم كمان جمعتنا في الدنيا اجمعنا في الاخره

تحت عرشك يوم لا ظل الا ظلك
باسم المتحابين في جلالك

أميييييييييييييييييييييييييييييييييييين