كل وحده متاخر عن الحمل اكثر من سنه تتفضل:)

[مجنونة%عبودي]

كل وحده متاخر عن الحمل اكثر من سنه تتفضل:)

السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين



بصراحه يابنات انا شفت الموضوع بمنتدى واعجبني
ان كل وحده تدخل وتقول ايش سبب تاخر حملها وكم لها متزوجه ونكسب دعوه في ظهر الغيب من بعض ونشكي لبعض

انا اول وحده صار لي سنه و9 شهور متزوجه عندي ضعف فالتبويض
واخذت كلوميد هذا الشهر الثالث لي وانا اكله بس لحد الحين ربي ماكتب

الله يرزقني يارب وكل محرومه
يارب في هاليوم الفضيل تنفخ باارحامي الروح واخواتي المحرومات قادر ياكريم:)

لاتفشلوني ياليت كلكم تشاركوني:026:

[الاميره..الحزينه]

يالله يا رب العلمين يرزقج بذريه الصالحه
انا صارلي سنه ما حمله واتمنى من الله ان يرزقني الذريه الصالحه ويرزق كل محتاج

[bulbul]

الله يرزق الجميع الذريه الصالحه اللهم آمين
أنا حملت بعد ما تزوجت ب 7 شهور ، يعني ما أعتبر متأخره بس كان عندي كيس ماء على المبيض
الآن عندي ولدين عقبال عندكم ان شا الله و عن قريب

[مجنونة%عبودي]

مشكورات حبيباتي
الاميره الحزينه مشكوره ياعمري على الدعوه وان شاء الله ماتشوفين الدوره ولا انا والمحرومات قادر ياكريم

بلبل مشكوره ياعمري الله يخليلك عيالك يارب وتفرحين بشوفتهم معاريس:)

[أثير5]

الله يرزقكم الذرية ولايحرمكم ضمتهم وتربيتهم على الطاعة ياحبايبي ان شاءالله مافات
عليكم كثيرسنة أوسنة وتسع أشهرماتخوف أنامارزقني ربي الحمل غيربعدسنة وخمس أشهرولاراجعت ولاقلقت أبدابعكس زوجي كان متضايق وتعبانه نفسه لين حملت لاوبعدماكمل الحمل ثلاث أشهرسقطت وتعالوشوفوحال زوجي وبعدثلاث أشهرحملت والحمدلله

فنصيحة لوجه الله لاتتعبواأنفسكم المكتوب بيصيروالمطلوب منكم الدعاءوالله يرزكم

والدنيابالعكس الشي ألي تجري وراه مايجيك والشي ألي تتركه تلقاه بين يدينك

أناأعرف وحدة يوم تزوج أخوهامايبغى حرمته تحمل فكان يأكلها حبوب منع الحمل بيدة وتعبت حرمته وراح يحلل لهافطلعت حامل فسبحان الله لايعجزة اذاأرادشيئاأحد


الله يرزقكم الذرية الطيبة ألي تقرلهاأعيونكــــــــــــــــــم

[ذكرى]

مشكورة حبيبتى على الموضوع
واللة يرزقك الذرية الصالحة ويرزق كل الاخوات المحرومة ويرزقنى معكم
ادعو لى ياأحبائى
ومشكورة للاخت اثير على النصائح الغالية

[أم أنس]

بالنسبه لي انا صارلي 8 سنين ما حملت وما خليت شي ما سويت من عمليات وحريم للتمريخ والتدهين واخر شي طلع عندي ضعف في المبايض وكيس على المبيض وزياده وزن ولله الحمد نزلت من وزني 15 كيلوا وسويت عمليه تلقيح صناعي وربي رزقني ببنتي

وبعدها ب3 سنوات حاولت اسوي رجيم ما قدرت وبعدين سويت عمليه تثقيب الكيس الي على المبايض وعمليه تسليك الانابيب وعلى طول سافرت ورحت للدكتور زيد الكيلاني الي في الاردن وسويت عنده عمليه اطفال الانابيب وربي ما حرمني ورزقني بابني انس ولله الحمد والمنه



وانا الحين صارلي 12 سنه زواج والحين ولدي الحمدلله عمره سنه ونص ومتشوقه اني احمل بعد ولكن مااقدر احمل الا بعمليات اطفال انابيب لاني متينه احاول اني اضعف مااقدر

على العموم ربي يرزق كل وحده محرومه يارب العالمين ويخليلي عيالي قولوا امين لاني شفت الموت والله العالم بالحال والحمدلله صبرت واحتسبت والله يابنات عليكم بالدعاء والصبر ولا تقولوا ملينا وماادري شنو عندي حماتي تقولي ماشاء الله عليج انتي وزوجج عليكم طولت بال وصبر

قلت لها الصبر من رب العالمين

ادري قصيت لكم قصه حياتي بس حبيت اشارك معاكم والله يرزق الجميع اللهم امين

[nouchette]

salam alikom ana kaman zayokom baali sana aala gawaz bas mou hamil bas wallahi koli zayi baad inchallah yarzoaana awlad salhine ya rab alaalamin bas matidaafou ya banate il doaa howa ilwahid merci win inchaalah yarzoaana