صور الربيع ( من حديقتي ...)

[عاشقة الزهور]

رد: صور الربيع ( من حديقتي ...)

المشاركة الأصلية كتبت بواسطة coolgurl

انا من الصبح شفت الموضوع و نسيت امر اشوفه و ليش تزعلي ممكن يوكن زوار مو اعضاء عشان يعلقوا

روعة يا عاشقة الزهور عنجد شو بدو الواحد احلى من هيك صور ورود خاصة الكلا من وين جايبتيها هاي مستوردة صح ؟ عارفة يوم عرسي كنت بدي مسكتي تكون منها بس ما حصلتها :( على فكرة انا رح اخزن الصور احط خلفيهة للجهاز :)

ياحبيبة قلبي انا مش زعلانه >> أنا بتحركش عشان تدخلوووو>>ههه

بشتري الأزهار من المشاتل بنفسي

ليش ما حصـّلتي زهرة (كلا) متوفره كتير انتي وين مقيمه عفوا؟

على احسابك كل الصور والله لو انك قريبه لأهديتك الشتلة اللي تحبيها

لاتحرمينا من مرورك الرائع

[عاشقة الزهور]

المشاركة الأصلية كتبت بواسطة استر

كتير حلو ورد في بيتك عنجد حلو يعطيكي الف عافية
عندي سؤال انتي تهتمي بلورد او حدا تاني

الله يعافيكي حبيبتي

انا بهتم بالحديقة بنفسي كنت في البداية أشتري الشتلات من المشاتل وازرع واسقي وارش مبيد(عندي مضخة)

واضع سماد وأقلـّم الشجر.. علمت حالي بحالي من التلفزيون والكتب والنت

وكنت أستعين بمُزارع للشجر على المواسم(بداية كل فصل)

بعدين كبرت الحديقة صار صعب الوضع .. هلأ صار ييجي مهندس

زراعي كل شهر وطلبت منه يرّكبلي ري بالتنقيط

بطلت أتعب بالمرة بسقي بسرعة وخلال غيابة طبعا انا مسؤوله

هوايه حلوة وكل يوم بطور في الحديقة وبجدد فيها

نورتي صفحتي يا قمر

[عاشقة الزهور]

المشاركة الأصلية كتبت بواسطة ميساءراوا

ماشاء الله عليكي
والله انك أشطر من امي بس بتعرفي امي بتستغل الارض بزراعة فول وبازيلا ونعنع وسبانخ وسلق وزعتر وجرجير وشبت وريحان وبصل
لا تستغربي بس تراب عمان حمرا وبنفعلها هيك نبتات غير الزهور

انا زارعة ورا البيت شجر مشمش ودراق وكرز وتين وعنب وزعتر

وميرميه وجرجير وفجل ونعنع >> كنت زارعة زمان باذنجان وجيت مرة اقطع وحده وقطعت

اصبعي >> الله ستر وخيطولي إياه في المستشفى من يومها بكره أزرع باذنجان

زرعت بندوره مرة وعندي توت على الرصيف (سبيل)للمارة

سبانخ ما فكرت (عندي ريحان وفلفل)كان عندي زيتون ع الرصيف خلعته

أمانة العاصمة !! ضلت عندي شجرة زيتون وحده ورا البيت

والله كان زيتوني يكفينا ما أشتري أبدا من السوق

حلوة حديقة البيت بتسلي أكتر منها فايدة !! جد

شكرا على مرورك ومشاركتك حبيبتي

[أحزان القمر]

ماشاء الله روعـــــــــــــــــــــــــــــــــــــهـ,

ألوانهاااااا مـــــــــــــــــــره حلوه

مشكوره يا الغـــــــــــــــــــــلا ع الصور

[عاشقة الزهور]

المشاركة الأصلية كتبت بواسطة tine قلب pals

ماشاء الله رووووووووووووووعه

كتير حلوين ماشاء الله عليكي مهتمه ب حديقة البيت والله تفتح النفس

بس ممكن سؤال : انتي بعمان الغربيه ولا الشرقيه ؟

مشكوره حبيبتي عالصور

دمتي بود

أنا بضاحية الياسمين جنبي إسكان الإذاعة والتلفزيون / بعمان الشرقية إداريا ً .. أما بالواقع انا بحد جسر عبدون

يعني (4)دقايق بكون في الدوار الرابع او دوار الداخلية كلهم

قريبين علي .. وانتي وين في الأردن ؟

نورتي صفحتي حبيبتي وشكرا لرأيك بالصور

[coolgurl]

هلا عاشقة انا كنت ساكنة بالجاردنز عند اهلي هلأ انا في الدوحة بس رايحة على عمان قريب بلكي اخدنا منك الشتلة و منطقة ضاحية الياسيمين حلوة زي اسمها خاصة انها جديدة و ما طبعا ما أحلى من حديقة البيت حتى لو فيها وردة واحدة :)

[عاشقة الزهور]

المشاركة الأصلية كتبت بواسطة أحزان القمر

ماشاء الله روعـــــــــــــــــــــــــــــــــــــهـ,

ألوانهاااااا مـــــــــــــــــــره حلوه

مشكوره يا الغـــــــــــــــــــــلا ع الصور

شكرا حبيبتي على رأيك بالصور

نورتي صفحتي

[عاشقة الزهور]

المشاركة الأصلية كتبت بواسطة coolgurl

هلا عاشقة انا كنت ساكنة بالجاردنز عند اهلي هلأ انا في الدوحة بس رايحة على عمان قريب بلكي اخدنا منك الشتلة و منطقة ضاحية الياسيمين حلوة زي اسمها خاصة انها جديدة و ما طبعا ما أحلى من حديقة البيت حتى لو فيها وردة واحدة :)

إن شالله يصيرلك بيت خاص مستقل وتعيشي بسعادة وراحة بال

وربي يرزقك الذرية الصالحة

بتشرفيني بزيارتك يا قمر والله يوفقك