 |
 |
| ||
| ||
| سيدتي I الكيبورد العربي I أعلن لدينا |
| التسجيل | أنظمة وقوانين | المجموعة الاجتماعية |  المدونات | معرض الصور | ابتسامات | شروح خاصة |
| ||||||||
جديد مواضيع القصة القصيرة |
| |
 |
| Sponsored Links | |
| | |
10-30-2006, 02:59 AM
| رقم المشاركة : 1 | ||||||||||||||||||
| عضٌوة شٌرٍفـَ منتديـُآت سَيدتـيّ 
|  ياحبيب الروح بكتب لك وصاتي في بيت بوعبدالله بوعبدالله , ام عبدالله وعيالهم عبدالله الي اهو ولدهم العود عمره 23 سنه يدرس بالجامعه تخصصه محاسبه اخوه علي عمره 22 سنه بعد يدرس في الجامعه واختهم اخر العنقود والوحيده عنود عمرها 18 سنه وهي لها اخر سنه بالمدرسه عبدالله يحب راس امه : صبحج الله بالخير يمه ام عبدالله : صبحك الله بالنور يالغالي (( تصب له كوب حليب )) عبدالله : وين ابوي وعلي وعنود الا بعنود داخله عليهم وهي شايله شنطتها بتروح المدرسه: صباح الخير ام عبدالله وعبدالله : صباح النور ام عبدالله : تعالي اكلي لج شي قبل لاتروحين المدرسه عبدالله : يمه نسيت اقولج اليوم بروح ويا الشباب السعوديه ام عبدالله : شيوديكم السعوديه عبدالله : ملينا من القعده والطلعه بنروح ابها نغير جو ام عبدالله : زين تسوون تغيرون من جو الدراسه عبدالله وهو يقوم : عيل بترخص بروح اجهز اغراضي راح عبدالله لغرفته الا تلفونه يرن عبدالله : هلا والله سلمان : حيالله الغالي شخبارك عبدالله : الحمدلله عايشين سلمان : ها عيل متى بنمشي عبدالله : الساعه 9 زين سلمان : اوكي يكون احسن عن الزحمه عبدالله : اوكي على خير اتفقو الشباب على الطلعه بتكون الساعه 9 سلمان صديق عبدالله الورح بالروح طبعا معاهم اثنين راح تعرفونهم بعدين ومعاه بنفس الجامعه وهو البجر لامه وابوه وعنده اخو صغنون اسمه احمد عمره 7 سنوات بعد مارتب عبدالله اغراضه نزل تحت لقى امه وابوه قاعدين يتريقون وقال حق ابوه انه بيروح ابها ويا الشباب وحب راس امه وابوه وودعهم طبعا ماطلع من البيت الا بعد ماسمع توصيات امه ركب عبدالله سيارته الرنج السماوي وراح حق سلمان يوم وصل بيت سلمان اتصل به عشان يطلع وودع سلمان امه وابوه واخوه وركب ويا عبدالله السياره في السياره رن تلفون سلمان وكانت الرنه مميزه وهي اغنيه (( الحب انت - لحربي العامري )) عبدالله معصب يازعم : رد ع التلفون حشى عرس مب رنه سلمان يرد وهو يضحك : فديت هالصوت انا شوق : فداك الاش ياعمري صباح الورد سلمان : صباح العسل شخبارج شوق : الحمدلله بخير وانت شخبارك سلمان : بخير يدوم لج الخير يابعد كل غالي عبدالله يكلم سلمان بصوت خفيف : ياعيني ع الحب من صباح الله خير استح على ويهك ولاتغازل جدامي سلمان يكلم شوق وهو فاطس من الضحك شوق بدلع : عيل معزم خلاص بتروح سلمان : اي غلاي الحين ماشيين شوق : تروح وترد لي بالسلامه فديتك سلمان : ارد لج سلمان وانتي الصاجه شوق تضحك سلمان : تامريني بشي حياتي من هناك شوق : ابي سلامتك وماوصيك تحمل بروحك واول ماتوصل اتصل فيني سلمان : تامريني امر يالغاليه في هالحظه وقفت سياره عبدالله وركبو باقي الشباب وواصلو طريجهم لجسر الملك فهد والحمدلله ماكان زحمه في الجوازات ولا التفتيش وخلصو امورهم بسرعه وبعد ماطوفو الاجراءات وخلصو كلشي احمد : عبود شغل شي نرتبش فيه احمد رفيج عبدلله وسلمان الثالث ورابعهم سلطان وكلهم بنفس العمر وبنفس الجامعه اربعتهم وقلوبهم على بعض احمد عمره 23 سنه وعنده اخو اسمه محمد عمره 25 سنه واخت اسمها لولوه عمرها 17 وهي بثاني ثانوي واحمد وايد متعلق باخته واخته بعد متعلقه فيه سلطان بنفس عمر الباقي وعنده اخو اسمه حسن عمره 27 سنه وخاطب بنت عمه في السياره الشباب مرتبشين واولهم احمد سلطان : عبود خفف السرعه اذا انت ماتبي روحك انا ابي روحي سلمان : اي حتى انا ترا خطيبتي تنطرني وراي عرس الكل يضحك على كلام سلمان عبدالله: اذا خفيت السرعه مابنوصل الا عقب اسبوع في بيت بوعبدالله ( العصر ) رن التلفون وترد ام عبدالله المتصل : السلام عليكم ام عبدالله : وعليكم السلام المتصل : الشيخه هذي بيت عبدالله ......... ام عبدالله : اي نعم امر اخوي بغيت شي المتصل : لو سمحتي ممكن اكلم بو عبدالله ام عبدالله : اي لحظه شوي وراحت ام عبدالله فوق عشان تنادي بوعبدلله بوعبدالله : السلام عليكم المتصل : وعليكم السلام منو معاي بوعبدالله بوعبدالله : اي نعم انا بوعبدالله خير اخوي في هاللحظه طاحت السماعه من يد بو عبدالله في المستشفى التخصصي (( بالرياض )) ((غرفه العنايه المركزه - العنايه المشدد )) صوت الاجهزه والممرضات والدكاتره حوالين السرير يحاولون ينقذون المريض باي وسيله الدكتو فواز // ياسستر جيبي الاكسجين بسرعه وتروح تركض تيب الاكسجين وتحطه على ويه سلمان الي قل تنفسه لآخر درجه وكان عنده نزيف حاد بخشمه والسستر مو عارفه شلون تحط الاكسجين او توقف النزيف لانها توها مبتدئه الدكتور ناصر يحاول يوقف النزيف والحمدلله وقف وفي اخر لحظه يصيح جهاز تخطيط القلب ويحاولون ينقذونه الدكتور فواز يحط على صدر سلمان الصعق الكهربائي ويتحرك سلمان فوق السرير بقوه وعقب محاوله انقاذ دامت 6 ساعات تقريبا داخل غرفه العمليات طلع الدكتور فواز والتعب بعينه الدكتور ناصر //شفت حالات وايد لكن مثل هذي الحاله ماشفت الدكتور فواز// اي والله نخلص من شي يطلع لنا شي ثاني الله يقومه بالسلامه الدكتور ناصر // امين بس محتاجين شويه اشعه الدكتور فواز// بس تتحسن حالته شويه عشان نقدر نطلعه برا الغرفه لان الحين عايش ع الاجهزه وراح الدكتور فواز فصخ القفازات وبدل ثياب العمليات الي كان لابسهم وراح مكتبه وياته السستر الدكتور فواز// خبرتو اهل المريض السستر // لا والله ماحصلنا شي معاه يثبت هويته بس في واحد من الشباب لقو عنده تلفونه واتصلنه باهله وقال بيخبر اهل الباقي الدكتور فواز// الله يصبرهم في الغرفه الثانيه من المستشفى كان عبدالله مسدوح على السرير وحالته حاله الدم بثيابه كلهم وشكله يعور القلب المغذي والاكسجين وبعض الاجهزه كانت مركبه عليه عبدالله يحرك يده للسستر السستر // سلامات ماتشوف شر اخوي عبدالله ياشر على الماي السستر // تبي ماي عبدالله يهز راسه بمعنى اي وراحت صبت له بقلاص ماي وحاول يشرب ويم فتح عيونه عدل شاف ملابسه شلون مبلله بالدم غمى عليه وراحت السستر تركض تنادي الدكتور ناصر (( عبدالله من يوم هو صغير من يشوف الدم يدور راسه ويغمى عليه شلون الحين ثيابه كلهم دم )) في الغرفه الثالثه كانو موجودين سلطان واحمد سلطان كان مسدوح على السرير وريله مجبسه (( مجبره )) وماكان يقدر يحركها لان كسر قوي في الركبه والوحيد الي طلع من الحادث وماصارله شي مجرد رضوض خفيفه وكدمات في ويهه هو احمد في بيت بوعبدالله ام عبدالله تصيح لان قالو لهم ان واحد من الشباب حالته خطيره وبيت الحيا والموت وكانت تحسب ان عبدالله بوعبدالله اتصل ببوسلمان وماكان عنده الا رقم بوسلمان لان رفيجه وقاله بالي صار وراح بوعبدالله مر عليه واتصل بوسلمان ببو احمد وسلطان وقالولهم الخبر الي انصعقو فيه ومرو عليهم وراحو المطار واحجزو على اقرب طياره للرياض وكانت بعد نص ساعه تقريبا وركبو الطياره وكل واحد قابض قلبه خايف على ضناه حشاشه يوفه ويلوم روحه ليش رضى بان يخلي ولده يروح في القهوه كانو موجودين حسن ومنصور قاعدين سوالف وضحك حسن ومنصور هذيله مثال للصداقه مايتفارقون عن بعض ابدا وكانو توهم من شوي واصلين القهوه منصور // ياصبي عطنا اثنين شاي الريال// حاضر ويابلهم الشاي وقعدوا تقريبا نص ساعه يسالفون وكل واحد مايمل من سوالف الثاني منصور وهو يدخن وكانت عينه على صوب المطبخ مال القهوه ويدخن ومندمج بالتدخين وفجاه شاف شي غريب وتم يراقب من بعيد حسن وهو يحرك يده جدام ويه منصور // هي انا هني منصور التفت متخرع// هاشفيك حسن // الي ماخذ عقلتك يتهنى به منصور // قول حق روحك محد خذ عقلي ولا شي حسن// اي بنشوف منصور // اذا انت قدوتي وين بتشوف حسن // امممممم شفيك وين سرحت منصور يطالع الساعه في يده // اوووه تاخرت الساعه عشر قوم خلني اروح ارقد باجر وراي دوام من اصبح حسن // ديايه انت ترقد من هالحزه منصور // لاديج هـ هـ هـ هـ حسن // بايخه منصور // مثلك00 اقولك وراي دوام تقولي ديايه عبالك كل الناس مثلك كل اسبوعين ماخذ اجازه صج كسول حسن يبي يغير السالفه // انزين يالله خنروح قبل لاتاخر منصور // بطوفها لك هالمره هع هع هع منصور عمره 27 سنه للحين ماتزوج ساكن بروحه بتعرفون قصته مع الاجزاء حسن مثل ماقلت رفيج منصور الروح بالروح عمره 31 سنه بعد هو مو متزوج وضارب عن الزواج بعد وهو ماعنده اهل يعني لا ام ولا ابو ولا اخوان يعني وحيد بس عنده عم واحد الي اهو ابو سلمان ويمكن هذي الشي الي يخلي حسن ومنصور متعلقين ببعض لانهم اثنينهم من غير اهل نرجع للرياض في المستشفى التخصصي تلفون بوعبدالله يرن وكانت ام عبدالله الي متصله رد عليها بوعبدالله بوعبدالله // الوو ام عبدالله تصيح بوعبدالله معصب //يامره شفيج تصيحين قلنا لج الولد مافيه الا العافيه واذا تحجى بخليه يحاجيج بعد شتبين وينقطع الخط لان بالمستشفى مافيه ارسال بو سلمان يوم شاف شكل ولده طاح عليهم وغمى عليه وصارت له جلطه خفيفه ورقدوه بعد بالمستشفى في بيت شوق الساعه 1 بالليل شوق تتصل بتلفون سلمان وتلاقي مقفول وهي قلبها ناقزها من العصر بس تعوذت من ابليس وقالت يمكن للحين ماوصلو او بالفندق تعبان ورقد خذت جهازها وحطته ع السايلنت وراحت ترقد في المستشفى المستشفى مقلوب فوق تحت والدكاتره يتراكضون على غرفه سلمان ويحطونه له تنفس صناعي واجهزه اضافيه والصعق الكهربائي ولكن يرن الصوت الي ماكانو متوقعيه رن جهاز تخطيط القلب بانه وقف نبض قلب انسان ((الجــــزء الثــالث)) بعد شهرين طبعا توفى سلمان وتغيرت حاله محمد والشباب رجعو البحرين بس ناقصين نقص قلب يحبهم نقص شخص من غيره شبه ضايعين .. في بيت من البيوت في قلب محترق على فرقى غالي سكن فيه محترق على الروح الي عشقت الغالي وذابت في هواه عاشت معاه ع الحلوه والمره بلحظه يختفي منها الشخص الي كانت تخاف من روحها عليه كانت تعشقه تحبه تموت فيه (( تقدرون تقولون مجنونتته )) بغمضه عين رااح منها وتركها وحيده شوق تعتبر نفسها جسد من دون روح لان روحها سلمان ام شوق تطق الباب وماتلاقي رد مثل العاده (( طبعا من عقب وفاه سلمان )) فتحت ام شوق الباب وكانت شايله صينيه الغدا حق شوق لانها من انصعقت بخبر وفاة سلمان وهي ماتاكل ولا تكلم احد ام شوق وهي تتقرب منها وتمسح على شعرها : شوق حبيبتي قومي اكل شي حرام هالي تسوينه في روحج شوق تطالع ويه امها ولكن من دون رد ام شوق وهي تهزها وبدت الدموع تنزل من عيونها : شوق حرام عليج الي تسوينه انتي بتذبحين روحج وبتذبحينه وياج (( وبدى صوتها يعلى )) لو سلمان عايش جان مارضى دمعه من عينج تنزل مارضىتسوين بنفسج هالي تسوينه بس سلمان (( ويخف صوتها )) سلمان راح هذا شي مكتوب مكتوب علينا كلنا وكلنا بنموت ومابيبقى احد طلعت ام شوق من الحجره وسكرت الباب باقوى ماعندها من حرتها على تصرفات بنتها صج شوق معذوره بس هذي كتبت رب العاليمن وقفت شوق وهي قلبها يحرقها من داخل وقفت وكانت دموعها تنزل بس بصمت شوق تقول في سرها :ليش محد حاس فيني ليش كلهم يبوني انساه ولا انسى من انسى سلمان ؟آآآآآآآآآآآآآآآآه ياسلمان ليش مانفذت وعدك وخذتني معاك ليش تخليت عني ليش خليتني بروحي انا من غيرك ماعيش ماعيش ((وتصرخ باعلى ماعندها)) احتـــاجكـ.....احتـــاجــكـ (( وتطيح ع الارض تصيح)) ليش الناس يطالعوني كاني مرتكبه جريمه يشوفون حبي لك جريمه خلاااااص انا تعبت ياسلمان تعبت متى بتاخذني معاك متى ماقلت لي ان روحين بجسد بس انت خذت الروحين وخليت الجسد (( شوق وهي تكفخ ع ويها )) ابييييييييك ياسلمان ابييييييييك (( وتصرخ باعلى ماعندها )) سلمان ماااااراااااح سلمااااان ماااراح بيرجع لي من ابها بيرجع هو رايح كانو ام شوق وابوها يالسين بالصاله من سمعو صراخ بنتهم ركبو الدري بسرعه لدرجه ان ام شوق من الربكه وخوفها على بنتها حشاشة يوفها طاحت ع الدري فتح بوشوق الباب شاف شوق طايحه ع الارض وتكفخ ع روحها مثل المينونه وشعرها طايح ع ويها وتصيح من قلب تصيح وكان شكلها يعور القلب نزل ابو شوق ويلس على ركبه وحط راس شوق على ريله وقام يهديها بس شوق كانت تترجى ابوها وتبوس يده شوق شوق وهي تصيح وشعرها كشه وطايح على ويها : تكفى يبه ارجوووك انا بنت دلوعتك الي ماترد لها طلب تكفى يبيه ابي سلمان ابي سلمان يبه لاتردني لاتردني ونزلت راتسها تبوس يد ابوها بس اهو شال يده بسرعه وماطاوعه قلبه يشوف بنته جذي ومايسوي شي بوشوق رجع راسها على ريله ويلس يمسح على راسها ويقري قرآن ومانطق بكلمه لي ماهدت ونامت فتحت الباب ام شوق وهي مو قادره تمشي من الطيحه لانها كبيره بالسن شوي والظاهر الطيحه كانت قويه وتعورت ام شوق : رقدت ؟؟ بوشوق بالم وحسره : ايه رقدت ام شوق : والله مادري شسوي بهالبنيه بتذبح روحها وتذبحنه وياه بوشوق وهو شايلها كانها بنت صغيره في حضنه وشعرها ومتناثر على يده وويها الطفولي البرئ بس مو أي طفل طفل يتيم فقد امه وابوه من صغره سنه وسدحها على السرير بوشوق : انا ماقدر اخلي بنتي جذي ماعندي الا اهي مابيها تروح مني ام شوق : في يدك شي ومب مسويه قولي شنو مابقى ماسويناه لها بوشوق : ع الاقل نوديها المستشفى أي شي بس ماتم جذي ام شوق : الله كريم وراحت باست بنتها على راتسها وطفت اليتات وسكرت الباب في الطرف الثاني في الجامعه= الكفتيريا كانو موجودين عبدالله واحمد وسلطان طبعاً سلطان بعكازه لان ماشالو الجبس قالو يبيله تقريبا ست شهور لان كسر مو بسيط وكانو قاعدين على نفس الطاوله الي دايمها يقعدون عليها كل مره وكل واحد ماخذ مكانه بس في فراغ في كرسي فاضي وهالكرسي يكون مقابل عبدالله احمد: سلطانو شنو سويت في كويز اليوم سلطان وهو يعابل في عكازه : زفت مثل كل مره مادري شالي حدني اني اسجل وياكم والا انا ويهي ويه دراسه انا زين خلصت الثانويه احمد : اشوه انك عرفت انك مب ويه دراسه ولا ويهى شي اصلا سلطان : جب زين احمد وهو يحرك قلاص العصير وعاض على براطمه كانه بيسوي شي شرير سلطان : احمدو لا تحمل الا العصير عاد بروحي بهالعكاز ومافيني شده اركض ان صبيته والله اكفخك بهالعكازه على راسك اخليك ماتدل يمينك من يسارك احمد وهو ميت ضحك على سلطان سلطان التفت على عبدالله الي سرحان في عالمه سلطان : عبود وين رحت عبدالله وينقز متخرع : كاني موجود وياكم وياكم سلطان : ايه ويانا تقص على عمرك الله يهداك احمد : عبدالله شفيك تراك متغير وااايد كلش مب عبدالله الاولي وين الي يسولف ويضحك وينكت والله لو سلمان هني مابيرضى تسوي بعمرك جذي عبدالله نزل راسه مايبي يسمع اسم سلمان اسم سلمان بالذات يذكره باخو وصديق راااح احمد : سلمان راح راح ياعبدالله بس باقي هني (( ياشر على قلبه )) عبدالله غمض عيونه بقوه وقال في خاطره : ياليتك تعرفون بالبلوه الي بلاني فيها سلمان وراح عبدالله : الله يرحمه ويغمد روحه الجنه سلطان واحمد : اللهم امين عبدالله : انتو ماتحسون بالي في داخلي الي داخلي شي عود عود سلطان : مب احنه اخوانك فضفض قول الي في خاطرك لاتخلي شي احنه نسمعك وبنوقف وياك احمد : قو ياعبدالله ترانا اخوانك عبدالله يطالع الساعه : يالله انا بمشي عندي شغله قبل لاتبدي المحاضره احمد وسلطان :اوكي الله وياك سلطان : تحمل بروحك عبود عبدالله : ان شاء الله ومشـــى عنهـــم احمد : في قلبه شي بس مادري شنو هالشي الي له علاقه بسلمان سلطان : خله على راحته عبود اذا في شي بيقوله من نفسه ومايحب نضغط عليه احمد : الله يحفظه ان شاء اله مابي اخسركم كفايه خسرت واحد سلطان تنهد : مو بس انت الي خسرت كلنا خسرناه اسكت بس لاتقلبها مناحه احمد : ههههههههههههه قوم قوم لانتاخر ع المحاضره عاد بعدين دور لك عذر عشان تدش سلطان : قوووم زين بروحي مالي بارض المصري يسندرني الحين احمد : هع هع مشينا وراحو اثنينهم الكلاس ولقوا عبدالله هناك في شغل منصور منصور يالس ع المكتب ويتذكر الي شافه ذاك اليوم منصور في خاطره هذي العصابه الي صارلنه سنين نبي نعرف مكانها وييت انت يا منصور بكل برود وعرفتها بس مابقول لاحد بمشي خطوه خطوه لي ماوصل للحل الصح الي نقبض عليها فيهم ونقضي عليهم من المجتمع وقطع حبل افكار طبعا الفراش كان يايب له شاي منصور : مشكور بوجاسم بوجاسم (( الفراش )) : العفو بو جاسم ريال كبير في السن وعنده عيال كبار بعمر منصور وهو يشتغل فراش في شغل منصور الصبح والعصر يشتغل بالقهو الي دايما يروح لها منصور وطلع بوجاسم عن منصور ورجع منصور لافكاره بس لازم يامنصور تقول ع الاقل حق حسن هو الي يفهم اكثر مني بهالسوالف هو خبرته اكثر مني بالعصابات ويشيل منصور التلفون ويطق ارقام تلفون حسن الا بحسن داش عليه حسن : هااااي منصور رفع راسه متخرع : بسم الله الرحمن الرحيم انت من وين تطلع لي توني بتصل فيك وبعدين تعال شنو هاي بعد هاي في عينك تقلبنا انجليز يااسود الويه حسن حط يده على خده وينطر منصور يخلص كلامه حسن : ها خلصت ؟؟ منصور يهز راسه بمعنى أي حسن : اول شي انا يايك عشان قضيه السايق الي صارلها سنتين وماخلصنه منها انا مليت صراحه منه ومن اقواله الي ترفع الضغط وقررت اسكر ملفه ونحوله للنيابه العامه منصور يهز راسه : شي جميل حلو حلو كمل حسن : منصورو لا تخليني احط حرة هالهندي فيك منصور : ماقلت شي كمل حسن : ثاني شي شتبي متصل لاتقولي اعزمني ع الغدا منصور : جب زين مابي من غداك حسن : عيل شتبي منصور : بتيي اليوم القهوه؟؟ حسن : يعني اكيد هو في يوم مر ومارحت القوه الا اذا كنت مريض منصور : عيل اسمعني اليوم تعال من وقت ابيك في سالفه مهمه حسن يتعدل في يلسته : كاني جدامك قولها منصور وهو ياشر بصبعه على حسن : اقول احنه في مكان عمل يالله قوم روح خلص شغلك (( وينزل راسه يخلص الاوراق الي بيده )) حسن : اروايك زين وتوه بيطلع الا منصور يقوله منصور : تعال تغدا عندي اليوم التفت عليه حسن : عاد الي يقول انت الي بتطبخ ماجنك بتيت من المطعم لاعت جبدي من اكل المطاعم بروح بيت عمي اتغدى ع الاقل طباخ بيت ومره وحده اشوفهم من توفى ولد عمي وانا مازرتهم بروح لهم منصور : طالع هذي وانا عازمك وتردني يبه في الطقاق روح بيت عمك واعزمني وياك حسن : اذلف زين قالولك عزيمه بروحي بعزم روحي منصور : زين روح لاتعطلني حسن : اروايك يا اسود الويه هذي ثاني مره تطردني وطلع عنه في بيت شوق قعدت شوق وشافت غرفتها ظلام قعدت على السرير وقامت تفرك عيونها تبي تفتح عدل قامت شغلت اليتات وراحت غسلت ويها وراحت عند التسريحه بتنسل شعرها وشافت صوره سلمان الي حاطتها على التسريحه وخذتها ضمتها وقامت تصيح تصيح بصوت مبحوح طافت ام شوق على غرفه بنتها وسمعت صوتها تصيح راحت وفتحت الباب وراحت تركض حق بنتها ام شوق : بس حبيبتي بسج صياح شوق مثل كل مره ماترد على احد ام شوق وتعصب مره ثانيه عليها : شوق خلاص عاد ذبحتيني انا امج امج ردي علي شوق تطالع ويه امها وتتمعن فيها ((يعني لو نعطيها دفتر وقلم رسمته ويه امها)) ام شوق : يووووه ذبحتيني انا بروح انادي ابوج اهو يتفاهم وياج وطلعت ام شوق راحت تنادي ابو شوق في غرفتهم ام شوق : ترى بنتك خلاص بتينني ذبحتي سوته يقهرني وفي نفس الوقت يذبحني بو شوق : وينهي قعدت ؟؟ ام شوق : عيل شلون اقولك ذبحتني بوشوق : ساكته ولا تصيح مثل كل مره ام شوق : اكيد تصيح بوشوق : زين انا بروح لها الحين ام شوق : الله يستر وطلع بوشوق راح غرفة شوق فتح الباب ولقى شوق طايحه ع الارض بو شوق يصرخ : ام شوق لحي على بنتجي لحقي على شوق يات ام شوق تركض وقامت تصيح وكتخ خد شوق : شوق قومي تسمعيني شوق بو شوق : قومي يبي دفتها وروحي لبسي دفتحج خنوديها المستشفى بسرعه وراحت ام شوق تركض يابت دفة شوق ولبست دفتها وطلعو من البيت لـ حفظ الموضوع والإستفاده منه إستخدمى هذا الرابط
:
 | ||||||||||||||||||
 |
| Sponsored Links | |
| | |
|
10-30-2006, 02:59 AM
| رقم المشاركة : 2 |
| عضٌوة شٌرٍفـَ منتديـُآت سَيدتـيّ
| رد: ♥乂♥ يــاحبيـــب الــروح بكتـــب لــكـ وصـــاتــي ♥乂♥ في بيت بوعبدالله = العصر عبدالله كان على السرير منسدح وحاط ايدينه تحت راسه ويفكر عبدالله في خاطره : ياربي انا شسوي الحين وشهد شهد شسوي فيها حرام ياربي والله حرام ماقول الا الله يسامحك ياسلمان قام عبدالله وراح عند التسريحه وتم يطالع نفسه في المنظره ويفكر بالي في مخه وقطع حبل افكاره تلفونه كان يرن راح عبدالله للتلفون عشان يرد عبدالله في خاطره : ياربي شاسوي اقولها لالا مب قايلها انا اتحدى العالم كله عشانه الحين بهالكلمتين راح اخسرها وفجــأه سكت التلفون عبدالله : جان مازعلت خلني ارد اتصل فيها انا من زمان ماحاجيتها وخذ عبدالله التلفون واتصل حق شهد شهد : تو الناس جان بعد مارديت عبدالله : السلام عليكم شهد : وعليكم السلام تو الناس عبدالله عبدالله : معلي شهوده والله بالي مو وياي شهد : زين عيل انا بصكه لي صار بالك وياك كلمني وصكت شهد التلفون بويه عبدالله عبدالله يطالع التلفون شفيها هذي انا قاصرها بعد هالحزه تدلع علي عبدالله : اففففففف شهالعيشه يالله تاخذني ويا سلمان عنود : استغفر ربك (( وراحت لوت على اخوها )) عنود : اسم الله عليك بعدين لي رحت من يبقى لي عبدالله : والله صج لايعه جبدي عنود : ليش شفيك قولي عبدالله : شقولج بس الا تعالي جفتي شهود في المدرسه اليوم عنود : شهود أي شفتها ليش اهي الي مزعله اخوي حبيبي عبدالله : لا مسكينه مامسويه شي عنود : عيل شنو مزعلك ؟؟ عبدالله : ولا شي عنود : اوكو براحتك لاتقول بتطلع اليوم عبدالله : لاليش عنود : بروح حق شهود عندي سالفه وياها ابيك توصلني عبدالله : مالي بارض اطلع خلي علي يوصلج عنود : وتقولي مو شهود مزعلتك اشكره اهي عبدالله : يه قلنالج البنت ماسوت شي عنود (( قامت وقفت بتطلع من الغرفه )) : زين اخوي العزيز لي صار لك بارض تطلع قولي عشان ابرز وتوصلني (( وطلعت عنود وسكرت باب الغرفه )) عبدالله في خاطره : شفيهم ذيلا يتامرون علي وحده تصك الباب في ويهي والثانيه التلفون الله يعيني بس في المستشفى الدكتور توها طالعه من الغرفه ام شوق تركض لها : خير دكتوره شفيها عسى مب شي جايد الدكتوره : تطمني اختي مافيها الا الخير بس انتي شنو تقربين لها ام شوق : انا امها الدكتوره : زين وين ولي امرها ام شوق (( تاشر على بوشوق )) : هذا اهو ابوها الدكتوره وهي ماشيه عن ام شوق : نادي ابوها وتعالو المكتب ام شوق يودت قلبها خايفه على بنتها ام شوق في خاطرها : ياربي بس عسى مافيها شي وراحت لابو شوق ام شوق : الدكتوره تبينا في المكتب بوشوق : انزين يالله امشي نروح شتنطرين بعد وراحو للدكتوره مكتبها في بيت بوسلمان منصور يالس في الصاله مع عمه وولد عمه الصغير حمد منصور وحمد يالس في حضنه : مارحت المدرسه حمد يهز راسه بمعني لا : مارحت امي تقول مابتخليني اروح مكان عنها عشان سلمان راح ماتبيني اروح بعد انا منصور سكت حس ان لسانه انربط وقام وقف بيطلع خلاص باس راس عمه : يالله عمي تامرني بشي بو سلمان : سلامت عمري يالغالي وتحمل بروحك ولاتقطع عاد كل يوم تعال لنا منصور : ان شاء الله عمي وخذ تلفونه وطلع في سياره منصور منصور في قلبه : ياربي ليش كل الناس عندهم ام تهتم فيهم تحب عيالها ماتبي تخسرهم الا انا وهذي وامي عايشه ماسالت عني ولا فكرت تسال حتى لي زرتها تطردني شمسوي لها ياربي شمسوي كل الناس عندهم بيت وعايله مستقرين وانا عندي بيت بس ماعايله استقر وياهم (( ونزلت دمعه من عين منصور )) وعلى طول مسحها لانه مايحب احد يشوف دمعته واهو الحين بالشارع منصور تنهد وقال : الحمدلله على كل حال وخذ تلفونه واتصل في حسن حسن : الووو حسن ... يتكلم السلام عليكم ورحمة الله وبركاته منصور : الله يخسك بطيت اذني خلاص انثبر حسن : الحين متصل عشان تقولي انثبر منصور : وين انت حسن : في الشارع يعني هالحزه وين باكون اكيد في البيت منصور : سخيف تدري حسن : مو اسخف منك والله فاضي متصل وتخسر فاتوره على سخافتك متصل عشان تسالني وين انت منصور : حسون لا تهذر وايد وتعال بطلي الباب حرقتني الشمس حسن : زين وراح حسن فتح الباب حق منصور وهو بعده يكلمه بالتلفون حسن رقع الخط بويه منصور : يالله دش منصور : بل شالخرابه حسن : دش وانت منطم منصور : ههههههههه زين دشو وراحو يلسو بالصاله حسن : شعندك اليوم ماقريت في بيتك منصور : بس رحت بيت عمي تغديت (( منصور يبي يحر حسن )) اقولك عاد خوش طبخه مسويه مرت عمي مجبود دياي تاكل اصابعك وراه كنت اتمنى تكون وياي بس مره ثانيه حسن يطالعه وبطنه يطلع اصوات لانه للحين ماتغدى : بس جب (( ويحذف عليه المخده)) منصور : اقولك بعد ويا سلطه ومخلل انا من شفت المخلل عاد هني صج تذكرتك حسن : منصورو ويعه بس اسكت (( وسوى روحه يصيح )) انا للحين ماتغديت منصور بقق عيونه : من صجك حسن : أي والله منصور وياخذ الجريده الي جدامه : احسن لك عشان تخفف يالدب حسن وهو يصب شاي حق منصور (( السي الوحيد الي يعرف يوسيه حسن الشاي )) منصور : بل بل بتذبحني بشايك عاد الحين احسن واحد يسوي شاي ومادري شعندك حسن : يحصلك عاد تشرب شايي انا البنات يترجوني اعطيهم منصور : ههههههههههههههههههههههههههه اسكت بس لو يدرون انك تسوي شاي والله ماعطوك ويه خير شر حسن : زين جب واخذ الشاي لانه حرقني وقعدو سوالف وهواش كالعاده دايما لي تلاقو منصور وحسن جذي يعني شي عادي عندهم الهواش بس الشي المستحيل ان منصور يزعل من حسن او حسن يزعب من منصور في المستشفى في مكتب الدكتوره الدكتوره : انا حاليا سويت لها الفحوصات اللازمه وان شالله باجر بتطلع النتيجه وهي تحتاج ترقد بالمستشفى جم يوم لان عندها سوء تغذيه شديد ومب زين لها خصوصا بهذي السن ام شوق : والله صارلها شهرين ماتاكل شي بس الماي الي تشربه الدكتوره : هي صايره لها صدمه شي جذي لاني اسمعها كل شوي طرت اسم سلمان منو سلمان؟؟ ام شوق : سلمان هذي خطيبها توفى قبل شهرين تقريبا وهي كانت متعلقه فيه وايد الدكتوره: يعني هي فوق سوء التغذيه صايره لها صدمه شديده واذا ماقدرت تسيطر على نفسها راح يصير لها حاله نفسيه واكتئاب وهذي لحد الحين مالها علاج ام شوق تيود قلبها : اسم الله على بنتي بو شوق : دكتوره شلون نقدر نسيطر على وضعها الحين ونرجعها مثل اول الدكتوره وهي تشوف الملفات الي جدامها : والله اخوي اهي تحتاج دكتوره نفسيه تعالجها وتعطيها وتعطيكم الاشياء الي المفروض تتحاشاها شوق ام شوق : ليش بنتي مينونه نوديها دكتوره نفسيه بوشوق ايودها ويقولها بصوت خفيف : سكتي يامره لاتفضحينه الدكتوره : هذي تفكير اغلب الناس ان الدكتور النفسي للميانين بس الدكتور النفسي مب للميانين بس في حالات لازم تزورين الدكتور النفسي وخصوصا حاله شوق الحين يعني خطيبها مات المفروض ترضى بحكم ربها بس هي متعلقه فيه وايد عشان جذي مب قادره تتخيل انها تنساه بوشوق : ان شالله اول ماتطلع من هني راح نوديها لدكتور نفسي الدكتوره : الله يشافيها ويحفظها لكم ام شوق وبوشوق : امين وطلعو راحو لشوق الغرفه في غرفه شوق قبل لا يدخلون امها وابوها كانو يسمعون صوت داخل الغرفه شوق : سلمان ادري انك تحبني انت ياي تاخذني وياك صح سلمان : انا ياي اوصيج على الامانه تكفين شوق ماوصيج تحملي بالامانه شوق : لاتوصي عليها بس انت وين بتروح عني سلمان : انا بروح بروح تحملي بروحج شوق احبج ويختفي طيف سلمان عن شوق وتصرخ شوق سلماان سلمــــااان صوت شوق وصل لاخر الممر وتفتح ام شوق الباب وتروح تلوي عليها ام شوق : شوق حبيبتي شفيج شوق تطالع باب الحمام : يمه سلمان سلمان توه كان هني والله شفته يمه شوفيه دخل هناك وتاشر على الحمام دش هناك ام شوق : يايمه سلمان توفى توفى شوق تصرخ على امها : سلمان مامات ليش انتي ماتحبينه تقولين انه مات انتي اصلا ماكنتي موافقه انتي اخذه عشان جذي تقولين مات بس سلمان مامات مامات ام شوق : شوق يمه ادعليه بالرحمه شوق : قلت لج سلمان مامات طلعي برع انتي ماتحبيني طلعي برع وفي هالوقت يات الدكتوره والممرضات وعطوها ابرة مهدئ |
|
10-30-2006, 03:00 AM
| رقم المشاركة : 3 |
| عضٌوة شٌرٍفـَ منتديـُآت سَيدتـيّ
| رد: ♥乂♥ يــاحبيـــب الــروح بكتـــب لــكـ وصـــاتــي ♥乂♥ صباح يوم ثاني في بيت بوعبدالله عبدالله في غرفته توه صاحي من النوم بيروح الجامعه قام ودخل الحمام واخذ له شور وطلع لبس له بنطلون بيج وقميص ابيض فيه ع الصدر كتابه بالبيج واخذ الكاب الي دوم يلبسه بيج وفيه كتابه بالابيض وتعطر واخذ كتبه وطلع من الغرفه في الممر وهو كان بينزل عبدالله في قلبه : خلني امر ع عنودوه اشوفها اذا قعدت بوصلها وراح عند غرفة عنود يطق الباب عنود : دشو بعد تطقون الباب شحقه عبدالله : صباح الخير عنود وهي تعدل سريرها قبل لاتروح المدرسه (( عنود طبعها جذي تحب ترتب اغراضها قبل لاتروح المدرسه وماتحب تقعد بمكان مو مرتب )) عنود ومب مهتمه : صباح النور عبدالله : ها شفيها عنود مب ماعطتنه ويه عنود : تصدق مالي بارض اتكلم عبدالله : اها يعني وحده بوحده والله عنودوه لو تدرين شفيني ماسويتي هالحركه عنود وهي تلتفت على اخوها : مو انا قلت لك قولي شفيك بس انت مب راضي شاسوي فيك عبدالله : زين بقولج بس مب الحين انتي لبسي عشان اووصلج المدرسه واروح عنود : مايحتاي ابوي بيوصلني على طريجه عبدالله : عنودوه عن السخافه وقلت لج برزي عنود : وشحقه عمي عبدالله ولهت على شهود تبي تشوفها عبدالله : أي ولهت عليها ابي اشوفها زين وطلع عنها ونزل تحت الصاله عنود تكلم روحها : وي يبي يشوف شهود عيل خلني اتصل فيها اقولها تنطرني عند باب المدرسه عشان يشوفها عبدالله عنود وهي شايله التلفون بتتصل حق شهد عنود : شفيها هذي ليش صاكه تلفونها من الصبح اوووه نسيت اهي من ذيلاك الي يصكون تلفونها بالليل ويفتحونه لي رجعت من المدرسه وتقفل تلفونها وترد على الطاوله وراحت تلبس لبست القميص الابيض ومريولها الكحلي وراحت عند المنظره نسلت شعرها وكانت بتحط كحل بس تذكرت اليوم في تفتيش عشان جذي ماحطت ونزلت تحت حق الباقي تحت كان موجود ام عبدالله وابو عبدالله وعلي وعبدالله وعنود توها نازل (( باختصار العايله كلها )) قعدت عنود تاكل لها كورن فليكس طبعا مو بس عنود الي تاكله هي وعبدالله وعلي وجبتهم المفضله كورن فليكس قام بوعبدالله راح يلبس ثيابه عشان يوصل عنود (( بوعبدالله متقاعد مايروح الدوام )) عنود وهي مندمجه في الاكل : يبه عبدالله بيوصلني بوعبدالله : شنو الطاري يعني وقت الي نقولك وصلها ماتبي وحزة الي بوصلها تقول بتوصلها عبدالله : مايسوى علي قلت بوصلها (( يلتفت على عنود )) قومي روحي ويا ابوي مب وصلج زين عنود تغمز له : وشسمه عبدالله : بعطيج كف شنو شسمه بعد عنود : معلي يالله باي قامت وطلعت برا راحت حق ابوها وراحت المدرسه في المستشفى الدكتوره راحت تطمن على مرضاها واخر غرفه راحت لها هي غرفه شوق لانها كانت متردده تدش عقب الي شافته امس فتحت الدكتوره الباب وراحت يلست يم شوق وقامت تمسح على شعرها فجــأه وعت شوق وتمت تطالع الدكتوره شوق وبشكلها الطفولي الي يعور القلب : بتاخذيني حق سلمان الدكتوره وهي ماسكه ايد شوق : لا انا يايه اقولج شي تركه لج سلمان شوق متلهفه : شنو الدكتوره : انتي حامل شوق وهي مو عارفه شتسوي : انا انا حامل الدكتوره : أي شفيج وقامت شوق تكفخ على عمرها شالفضيحه هذي بعد ليش ياسلمان سويت جذي الدكتوره : هدي هدي المفروض تفرحين مو تسوين جذي شوق : بس سلمان كان خطيبي شنو بيقولون الناس شنو الدكتوره : وانتي شعليج من الناس سلمان ماكان زوجج مالج عليج عندج عقد زواج شوق تهز راسها بمعنى أي والدموع تنزل من عيونها الدكتوره : خلاص يعتبر زوجج شوق وهي تصيح : اترجاج لاتقولين حق امي مابي احد يدري (( وهي تمسك ايد الدكتوره )) بسويلج الي تبين بس لاتقولين حق هلي لاتقولين لهم الدكتوره ابتسمت حق شوق : ان شاء الله مابقول لهم وطلعت الدكتوره بعد ماطمنت شوق على باقي فحوصاتها وصارت شوق بروحها بالغرفه ورجع لها طيف سلمان الي زارها امس سلمان : ها شوق شرايج بالامانه حلوه شوق وجنها مينونه : سلمان الحقني (( وتصرخ )) الحقني انا في مصيبه ياسلمان في مصيبه سلمان وهو يتقرب منها: الحين الي في بطنج صار مصيبه شوق تهز راسها مره بمعني أي ومره بمعني لا سلمان : شوق تحملي بروح وبالي في بطنج تراه ولدي ويختفي طيف سلمان عن عيونها شوق وهي تصيح بغزاره ورجعت لها حالتها الامسيه : سلمــــان حرام عليك ياسلمااان تعالي خذني وياك (( وتطيح شوق من على السرير)) وتقعد ع الارض تصيح من شدة الم الطيحه ومن الحرقه الي في قلبها دخلو عليها امها وابوها وشافوها بهالحاله تقربت منها امها ويلست يمها ع الارض : شوق شتسوين شوق تطالع امها بنظرت خوف وخبث : بروح ويا سلمان انا الحين بيي ياخذني ام شوق : شوق حبيبتي قومي على السرير شوق : اقولج سلمان قالي نطريني هني بايي اخذج يمه بتروحين وياي ام شوق تطالع بوشوق وعيونها كلها حزن : تعال اسمعها شتقول بوشوق يتقرب من شوق : شوق قومي يبه قومي روحي ع السرير انتي تعبانه ولازم ترتاحين شوق وهي تطالع باب الحمام وتضحك : شوفو كاهو وصل سلمان وقامت وقفت والتفتت على امها وابوها شوق : يالله انا بروح تبون شي مسكها ابوها من طرف ايدها وخذاها لسرير وشوق تصرخ من قلب شوق : هدني هدني ليش ماتبيني اروح ويا سلمان خلني اروح لها (( وترد تلتفت على باب الحمام )) شوفه هكو ينطرني (( وتطالع ابوها )) هدني يبه ترى سلمان مايحب ينطر وايد بوشوق وهو يضغط على الجرس عشان الممرضه تيي تعطيها مهدئ شي يهديها وبعد دقايق فتحت الممرضه الباب الممرضه : شفيها رجعت لها حالة امس ام شوق : أي وراحت يابت ابره مهدئ وعطتها شوق واستسلمت شوق للمهدئ ونامت وكانت تتمنى ماتصحى في مدرسه عنود وشهد بصفهم عنود وشهد يالسين يم بعض وطبعا الحين رن جرس نهايه الحصه الثالثه بدايه الفسحه عنود وهي تدخل كتبها الشنطه : شهود شفيج ويا عبدالله شهد تهز جتوفها : مافيني شي عنود : عيل شفيه امس قلت له ايبيني بيتكم وقال ماله بارض من متى اقوله يوصلني بيتكم ويقول ماله بارض شهد : عنودو فكيني انتي واخوج عنود : شفتي يعني في شي شهد : يؤ بالغصب يعني عبدالله مثل ماهو اخوج ولد خالتي وحسبت اخوي يعني مستحيل ازعل اخوي عنود بققت عيونها : حسبت اخوج (( وتهز شهد )) والله لو يسمع عبدالله هالحجي قص لج لسانج الريال يحبج وينطرج تخرجين وانتي تقولين حسبت اخوي شهد : زين خلصي عنود بجديه : صج والله شهود بذمتج ماتحبينه شهد تبي تغير السالفه : درستي حق اختبار الاجا عنود : شهود جاوبيني شهد : شقولج بعد سؤالج غبي ماقد اجاوب عليه عنود : شهد تحبين عبدالله والا لا شهد : أي احبه ارتحتي عنود : عيل ليش مساعه قلتي حسبت اخوي شهد : لان محد يدري اني احبه حتى اهو مايدري عنود : اها شهد : والله عنودو ان نطقتي جدامه قلتي له شهود تحبك بكفخج عنود : ههههههههههههههههههه زين ... قومي خلينا نروح الكفتيريا نشتير شي ترى عصافير بطني قامت تزقزق مشينا وطلعو عنود وشهد من الصف راحو الكفتيريا في شغل حسن ومنصور حسن مندمج في الشغل وكان بالذات هاليوم كارهه روحه فيه لان الشغل واصل لي راسه منصور داش على حسن : قوه حسن من غير لايرفع راسه : الله يقويك منصور : بي شفيك جذي مندمج جنك تطالع فلم هندي حسن : منصور ترى واصله لي لي هني (( ويأشر على خشمه )) ومالي بارضك منصور : زين يبه ماقلنا شي يالله انا بروح تبي شي حسن : أي تعالي البيت بعدين منصور : ان شالله عمي يالله سي يو في الجامعه في الكلاس هدوء الا في اخر الكلاس كانو اثنين مصدر ازعاج حق الكلاس كله سلطان : احمدو هات القلم لا ابط عيونك فيه احمد مندمج ويرسم في الدفتر : رامز متروس قلامه روح اشتر لك سلطان : لا والله ليش ماتروح انت الي ياي بولا قلم اقولك شحقه ياي بعد احمد : مايسوى علينا هالقلم ذليتنا فيه ويلتفت عليهم عبدالله : شفيكم انتو ينيتو يهال سلطان : هذي الي ماخذ قلمي ابي اكتب وعمي احمد يرسم طلع عبدالله قلم ثاني من عنده : هاكم وبس انطمو حشرتونا سلطان التفت يدور دفتره : عبدالله جفت دفتري عبدالله : لا ماشفته حشارنه تبي قلم ماعندك دفتر سلطان : امبله والله توني يايبه واحمد ولا مهتم في سلطان وقاعد يكمل رسمته التفت عليه سلطان : احمدو وعمى هات دفتري احمد : صبر اخلص مابقى شي سلطان يسحب الدفتر من عند احمد ويكفخ احمد بالدفتر على راسه احمد : آآآي شفيك انت متوحش جذي هذي يزاي ارسملك سلطان : محد طلب منك زين وعبدالله يطالعهم ويبتسم ابتسمه ساخره احمد وسلطان يلتفتون وراهم ويشوفون الدكتور كان وراهم من وقت مابتدت هوشتهم لي ماضرب سلطان احمد بالدفتر |
|
10-30-2006, 03:01 AM
| رقم المشاركة : 4 |
| عضٌوة شٌرٍفـَ منتديـُآت سَيدتـيّ
| رد: ♥乂♥ يــاحبيـــب الــروح بكتـــب لــكـ وصـــاتــي ♥乂♥ في المستشفى (( عند شوق )) الدكتوره : والله حالتها ماتطمن ومثل ماقلت لكم هي محتاجه طبيب نفسي انا ماقدر اعالجها نفسيا وهي تراها بحاجه شديده لطبيب نفسي ومثل ماقالتو لي ان من توفى خطيبها وهي تيها الحاله يعني ضروري تودونها بوشوق : زين متى بترخصونها عشان تودونها الدكتوره : اذا انتو بتودونها لدكتور نفسي بالاسعاف نقدر ناخذها ام شوق : شحقه بعد الاسعاف بنوديها احنه الدكتوره : اذا انتو بتودونها بعطيكم رخصه بس على مسؤليتكم اذا صار فيها شي بوشوق : دكتوره سوي الاحسن الدكتوره : عيل تروح باسعاف وانا من العصر راح ننقلها هناك بوشوق : عيل خلاص احنه العصر راح نكون عندها لانها الحين تحت تاثير المخدر وماراح تحس فينا الدكتوره : يكون احسن علشان ترتاح شوي والله يشفيها في بيت بوعبدالله عنود تكلم شهد عنود : شهود عاد تعالي بيتنا شهد وهي تلعب في شعرها : وليش انتي ماتينه كل انا اييلج عنود : شهود عن السخافه تدرين محمد ومزاجه وعلي كل طالع وين الاقيه شهد : زين بفكر عنود : انتي يالبايخه والله لو تبين تين من زمان يتي بس اراويج شهد : زين لاتصيحين علي مافي شدة بايكم بس لاتقولين حق احد عنود : اقول حق من بعد شهد : عن الغشامه ولا تقولين حق اخوج اني بايي عنود : انزين يالله باي سكرت عنود من شهد ونقزت من فوق السرير وراحت ركض غرفه عبدالله طقت الباب عبدالله : مابي غدا وبطلت عنود الباب : يايبتلك احلى غدا عبدالله وهو يطالع يدها مافيها شي : وينه عنود: شهد بتيي الحين عبدالله صد عنها الصوب الثاني : زين عنود : عبدالله شفيك؟ عبدالله : مافيني شي ماتشوفيني ادرس عنود الله يوفقك وباسته على راسه وطلعت عبدالله يفكر : يااااربي شهد موو وقتها تظهرلي هالحزه احبها والله احبها بس هي جذي طبعها وياي دومها تقول ماتحبني وماتفكر في الحب ياربي شالدنيا تحب واحد مايحبك تفقد غالينك صد الصوب الثاني ووقف : سلمان (( وضرب ع الدريشه باقوى ماعنده )) سلمان ووصيته شسوي فيها محد يدري مدري ما انفذها ياربي والله احترت بين قلبي ووصية سلمان بس شهد في قلي من كنا صغار رجع عبدالله يلس على مكتبه وطالع كتابه : انا شحقه ذابح روحي من التفكير احسن شي اروح اسئل امام المسيد لازم ننفذ الوصيه والا لا هز راسه بمعني أي : هذا احسن حل ياعبدالله .... بس ليش ماقول حق سلطان واحمد يمكن يلاقون لي حل خذ سلمان تلفونه بيتصل حق سلطان سلطان : الوووو عبدالله : هلا سلطان وين انت سلطان : في البيت ليش فيك شي عبدالله : مب طالعين اليوم سلطان : اذ تبينا نطلع نطلع ليش لا عبدالله : اوكو الاقيكم في الكوفي سلطان : اوكو جااو وسكر من عند سلطان وطرش مسج حق احمد (( تعال الكوفي انا وسلطان ننطرك هناك )) في بيت بوعبدالله الساعه 5 بالضبط رن الجرس كانت شهد يايه حق عنود وراحت فتحت الباب الخدامه عشان تدش شهد دشت شهد ووقفت عند الباب عشان تفصخ صندلها (( كرمكم الله )) وكانت منزله راسها تحت تعابل في الصندل الي لابسته (( كان صدلها الي لي الركبه وفيه خيوط )) طلع عبدالله مستعيل ودعمها وهو مايدري رفعت شهد راسها من غير شي معصبه ع الصندل وكان تتحلطم عليه عبدالله : اووه سـ وسكت عبدالله شهد طالعته وكان فيها الضحكه بس كتمتها عبدالله : شخبارج شهد؟ شهد صدت عنه وعطته ظهرها ومشت عنه ودخلت البيت تخلص تحلطمها شهد : انا قصاره هالصندل الا ايني اخوها لا(( وتقدله شلون يكلمها شخبارج شهد )) بصفته من يسأل عني قلت احبه مو جذي يحسب بنات الناس لعبه عنود : شفيج تحلطمين جذي جنج عيوز ماكلين عشاها شهد : انا ماقلت لج لالاتقولين حق اخوج العله اني بايي هني عنود : ليش شسوى اخوي شهد : فكينا من اخوج عنود : انا اول مره اشوف وحده تحب تسوي في الي تحبه جذي شهد : عنود حبيبتي واذا احب شتبيني اسويله ادلعه اعطيه قلبي ماعاش الي اعطيه قلبي عشان يذلني ويخوني عنود بققت عيونها : اخوي مايسوي جذي شهد : عنودو تكفين فكيني روحي يبيلي ماي نشفتي ريجي عنود وهي واقفه : زين يالله برب شهد : بايخه روحي ولا تيني عنود : هذي الي ماتستحي قاعده في بيتنا وتطردني شهد: عنود حبيبتي ابي ماي رأفي بحالي وطلعت عنها عنود وماكملت كلامها في المستشفى الدكتوره تمد الاوراق : تفضل بوشوق وقع هني عشان خروج شوق بوشوق ياخذ الاوراق ويوقع عليهم ام شوق كانت بالغرفه ترتب اغراض شوق علشان بنقلونها الطب النفسي شوق كانو حاطين لها مغذي وقاعده تطالع امها شتسوي التفت ام شوق تطالع بنتها طالعتها شوق وكانها تسأل امها وين بروح ام شوق تقربت من بنتها وباستها على راسها كأنها تطمنها : ربي يحفظج ويخليج وبعد دقايق وصلو الممرضات وخذو شوق ونقلوها الاسعاف طبعا راحت معاها امها وابو شوق قال بيلحقهم وشغل الاسعاف صافرته ومشى في بيت حسن منصور يشرب الشاي كل العاده مسويه حسن منصور : حسوون شفيك من ييتك وانت مو على بعضك شصاير حسن : افكر بالي شفته امس منصور : زين متى نقبض عليهم حسن : انت عبالك كلشي بهالسهوله يامنصور هذي فيها حياة وموت يمكن هم مسلحين مانقدر نقتحم القهوه جذي مره وحده لازم يكون في تخطيط دقيق منصور : زين شي حلو متى بتخطط حسن : لي صار الوقت المناسب منصور : ومتى الوقت المناسب حسن وهو يفلت المخده على منصور : اشتغلت سخافتك ها منصور : لا ماعندها شهاده حسن يصد عنه الصوب الثاني : اموت واعرف من وين وارث هالبياخه منصور : هاهاهاهاها محتر مني اصلا لان دمي خفيف وجمال ومال واخلاق والبنات يلاحقوني حسن : اخ منصور بليز غرورك مو علي ماجنا لي رحنا مجمع والا محل البنات يشردون خايفين من شكلك منصور : خايفين منك انت أي (( ويتعدل في يلسته ويلس يلست غرور ويأشر على عمره )) لكن انا (( يهز راسه بمعني لا )) ماظن حسن : اقل اشرب شايك وقم خنروح مكان نغير جو مليت من هالجو الكئيب منصور : يعني وين بتروح البحر حسن : صج من زمان مارحنا البحر منصور قام وقف وخذ مفتاح سيارته يالله مشينا حسن : طالع هذي ماصدق خبر منصور : بتيي زين مب ياي قولي بروح أي مكان صراحه ماقدر ايلس في البيت اكثر تلوع جبدي حسن : زين عشان ماتلوع جبدك يالله امش نروح البحر وطلعــوا منصــور وحســن من البيت وراحوا البحـــر في الكوفي عبدالله حاط سويج سيارته ويلعب فيه على الطاوله واحمد وسلطان يطالعون بعض كأنهم يتريون احد يتحجى سلطان : عبود شنو الي في اخاطرك ؟ عبدالله تنهد ورفع راسه : مشكله مشكله عوده ومب لاقي لها حل احمد يطالع عبدالله : السالفه فيها سلمان (( الله يرحمه )) عبدالله انصدم شلون عرف ان السالفه تخص سلمان : ليش سلمان قالك شي ؟؟ احمد : سلمان ماقال شي بس اسلوبك يقول عبدالله : آآآآآآه شقولكم المصيبه الي حطني فيها سلمان وراح انصدموا سلطان واحمد مصيبه سلمان الي يخاف علينا مثل اخوانه واكثر يحط عبدالله في مصيبه سلطان وهو يقرب من عبدالله ويطبطب على جتفه : خير اخوي شنو هالمصيبه الي حطك فيها سلمان عبدالله وصوته مبحوح : سلمان يبيني اتزوج شوق هني صارت الصدمه القويه حق احمد وسلطان (( احمد وسلطان يدرون ان عبدالله يحب شهد حتى سلمان يدري )) احمد : والحين انت شنو ناوي تسوي عبدالله نزل راسه : مادري شاسوي مادري سلطان : عبدالله فكر عدل ترى السالفه مب سهله وانت تحب شهد وتكلمها وحط في بالك بنات الناس مب لعبه يعني لو درت انك بتتزوج غيرها ماراح تسامحك وبتدعي عليك طول عمرها احمد وهو يدوس على ريل سلطان من تحت الطاوله لان المفروض يهديه مو يزيده عبدالله : مو هذي المشكله انا احبها شهد لي انا وبس احمد : واحنه ماقلنا شي عبدالله : جان زين سلمان قالها على جذي وبس قالي هذي وصيتي تعرفون يعني شنو وصيه يعني امانه في رقبتي سلطان : اهدئ انت الحين وكل مشكله ولها حل عبدالله : تدرون بشنو فكرت احمد وسلطان بصوت واحد : بشنو عبدالله : قلت اسأل شيخ دين او امام المسيد اذا وصيه مانقدر عليها مجبورين ننفذها والا لا سلطان : تفكير عدل عبدالله : زي قوموا نروح الحين (( وطالع ساعته )) الحين بيأذن المغرب بنصلي وبنسأله احمد : اوكو يالله وطلعــوا الشبــاب من الكــوفي وراحو المسيد |
|
10-30-2006, 03:01 AM
| رقم المشاركة : 5 |
| عضٌوة شٌرٍفـَ منتديـُآت سَيدتـيّ
| رد: ♥乂♥ يــاحبيـــب الــروح بكتـــب لــكـ وصـــاتــي ♥乂♥ نروح صوب البحر عند منصور وحسن كانوا ساكتين تقريبا من وصلو البحر وقاعدين يتاملون البحر كان كل واحد فيهم يشكي همومه للبحر وبعد خمس دقايق منصور ياخذ حصى من الارض ويفلتها في البحر حسن كان ساهي وسمع صوت الحصى وتخرع حسن : انت ياهل تفلت الحصى في البحر منصور : ليش بس اليهال يسون هالحركه حسن : انت ماتعرف تحافظ على البيئه منصور : اووووه تحجى عاد فيلسوف زمانه حسن : جنه اذن قوم نروح المسيد ابرك من هاليلسه وقامو راحو المسيد طبعا في سياره منصور لانهم بالاصل رايحين بسيارته في غرفه العنود عنود وشهد كانوا قاعدين يدرسون طقو الباب شهد : اففففففففف قومي جوفي يمكن اخوج عنود : لاتافأفين زين منه اخوي يحبج شهد : عنودو والي يرحم والديج اذا اهو قوليلي خلني اتصل حق امي تاخذني عنود قامت وماعطت شهد ويه فتحت الباب وكانت الريم بنت خالت عنود يايه عنود راحت حضنت الريم بقوه وطقتها على جتفها : وحشتيني يالكريهه الريم : وانتي اكثر والله شخبارك يالي ماتسألين ولا تقولين عندي بنت خاله اسأل عنها عنود : تمامز والله انا العوده المفروض انتي تسالين الريم : انزين يعني مابتدخليني بتخليني واقفه كذا عند الباب عنود : هههههههههههههههههه تعالي دشي الريم تطق العنود وتهمس في اذنها : منو ؟ عنود : الريم اعرفج على صديقتي الصدوقه شهد , وشهد اعرفج على بنت خالتي حبيبتي الريم وراحت الريم تسلم على شهد الريم بنت خالة عنود عمرها 17 سنه بنت هادئه وطيبه وحبوبه ومايخصها في احد الريم شوي قصير وويها طفولي يعني الي يشوفها مايقول عمرها 17 سنه وهي عايشه بالسعوديه لان خالة عنود متزوجه سعودي وعايشين هناك يلست الريم تسولف ويا عنوود عنود : لاتقولين ريمو في الليل بتردون الريم : ليه هالكثر واحشتك انا عنود : هههههههههه أي اكيد الريم : لا ان شاء الله يوم الجمعه بنرجع عنود : وااااااااااو يعني بنسهر اليوم بقول حق عبدالله يطلعنا الريم : هههههههه هذا كل استقبال حقي مثلا عنود : يس بنت خالتي ومن زمان ماشفتها شسوي فيج يعني شهد ساكته وقاعده تطالعهم شلون يسالفون عنود : شهدو شفيج من متى حل عليج الادب شهد : ههههههههههههه لا اشوفج ذبحتي البنت من الاسئله الحمدلله انج تشوفيني تقريبا كل يوم والا جان بتسوين فيني جذي عنود : سكتي يالواثقه شهد قامت وقفت وهي تضحك : ههههههههههههههه يالله انا بمشي الريم : بدري بعدني ماعرفتك عنود : أي بدري بنت خالتي بعدها ماعرفتج شهد تغمرز حق عنود : يعني جنج ماتعرفني قوانين امي عنود : اوكو دبه اشوفج يوم السبت وقامت عنود بتوصل شهد شهد : قعدي مكانج ادل دربي وطلعت شهد من الغرفه ونزلت تحت سلمت على ام عنود وطلعت عند الباب لقت عبدالله شهد في قلبها : ياربي شيبي هذي يطلع لي في ويهي ومشت بسرعه راحت ركبت سيارتهم قبل لايقرب منها عبدالله في غرفة عبدالله دخل عبدالله غرفته وفصخ الكاب وحذفه ع الكرسي ورمى روحه على السرير ونزلت دموع عبدالله بغزاره ويقول بخاطره : ياربي احبها اموت فيها لو هي ماتدلعت يوم خطبتها جان الحين ماصار الي صار آآآآآه من كلمة لو بس هي الي قالت بتكمل دراستها والحين شوق ياربيه شوق الله يرحمك ياسلمان ويسامحك على الي سويته فيني وفي هاللحظه طقت عنود الباب عبدالله بصوته المبحوح ونبره مخنوقه : مابي اكلم احد ولاتطقون الباب مره ثانيه عنود حطت يدها على حلجها : يمه شفيه عبدالله والله هاليومين مو على بعضه الله يستر شفيه اخوي بس هذي اكيد شهود سوت حركه وبطت جبدها خلني اقول حق علي وبعدين بروح اتصل فيها علي من ورى عنود : شنو الي بتقولينه حق علي عنود : اعوذ بالله شفيكم اليوم علي : هههههههههههه مافينا شي يالله قولي خلصيني عنود : علي حبيبي انت نبي نطلع اليوم علي : ماطلبتي بس مو عشانج عشان الريم بس عنود : يحليلهم اخواني كل واحد فيهم عاشق ولهان علي : شقلتي عنود وهي تركض غرفتها : لالا ماقلت شي علي : هههههههههههه يالله لبسوا لا اروح عنكم وبعد ربع ساعه بالضبط طلعوا عنود والريم وراحو مع علي في المستشفى عند شوق شوق كانت قاعده تطالع الغرفه الي هي فيها وكانت حالتها طبيعيه وصلت الدكتوره وقفت عند شوق : السلام عليكم شوق ببرود : وعليكم السلام الدكتوره : شخبارج شوق ان شاء الله احسن شوق : الحمدلله الدكتوره : اكلتي العشى الي يابوه لج شوق تهز راسها بمعنى لا الدكتوره تقرب الكرسي من شوق : ليش ما اكلتي وانتي عندج نقص غذاء شوق : مالي نفس الدكتوره : انتي ماتبين تطلعين من المستشفى باقرب وقت اكلي زين وبتطلعين شوق : انا مابي اطلع ابي اروح حق سلمان الدكتوره وهي تمسح على شعر شوق : حبيبتي انتي الحين كبيره وفاهمه سلمان توفى والمفروض تطلبين له الرحمه مو تسوين بعمرج جذي شوق بصوت حاد : لاتقولين سلمان مات سلمان مامات وبيرجع اصلا هو كل يوم يزورني الدكتوره : اوكي حبيبتي اذا تبين تطلعين بسرعه وتروحين حق سلمان الحين بقولهم يطرشون لج الاكل مع الدويه واكليهم عشان تطلعين حق سلمان واذا تبين أي شي قولي حق هالممرضه(( وتأشر على ممرضه كانت واقفه يمها )) قوليلها وهي مابتقصر شوق وهي صاده الصوب الثاني : ان شاء الله وطلعت عنها الدكتوره بعد ماشخصت مرضها عشان تشوف نوع العلاج الي بيتم حق شوق بعد ماطلعت الدكتوره دخلو ام شوق وابوها ام شوق وهي تبوس شوق على راسها : ها يمه شخبارج الحين شوق تهز راس بمعنى تمام وهي صاده الصوب الثاني بوشوق : يالله شوق تبين شي احنا بنروح الحين لان تاخر الوقت وانتي لازم ترتاحين شوق : ((لارد )) راح بوشوق باسها على راسها وطلعو عنها ودخلت الممرضه بالاكل وحاولت مع شوق تاكل بس ماكلت حتى الادويه ماخذتهم وحطت لها الممرضه المغذي والادويه بالمغذي وطلعت عنها عشان ترتاح وتنام من يوم مانقلوها مانامت في السياره عند علي والبنات عنود : شغل اغنيه الجسمي بصبر على فرقاكم علي : ان شاء الله عمتي ماتبين شي ثاني عنود : لا علي : ان شاء الله ارجعج البت قاعده ورا ومخليتني جني دريول استحي على ويهج وتعالي قعدي جدام عنود : عيب اخلي بنت خالتي تقعد بروحها ورا ((علي في قلبه : خلها تي تقعد جدام )) عنود : بووو علوي وين رحت علي : شنو علوي بعد انتي ماتستحين اخوج اكبر منج تقولين له علوي ناويه ارجعج البيت الريم يالسه تضحك على علي واخته وقف علي عند باسكن روبنز علي : بتحولون والا ايب لكم عنود : لا انت ييب علي : هذي الي بكفخها الحين قاعده تشرط علي عنود : زين بنحول علي : لا المكان زحمه قولو شتبون وانا بييب لكم عنود : امممممم انا ابي على كاكاو وفانيلا علي : والريم الريم مستحيه : على ذوقك ((علي في خاطره : فديتها ياناس)) علي : ان شاءالله ونزل عنهم وخلاهم في السياره طبعا عنود قعدت تتعبث في المسجل وما بقى شريط ماحطته في غرفه شوق بالمستشفى شوق كانت راقده مره وحده فتحت عيونها شوق : سلمان طيف سلما ن: أي انا سلمان شوق تصيح بقوه : سلمان تكفى خذني وياك والله عذبوني ذبحوني كلهم مايحبونك كلهم يقولون لي سلمان مات سلمان خذني وياك سلمان يطالعها : ليش ماقلتي لهم انج حامل شوق تطالع بطنها : سلمان انا مايهمني الي ببطني انا ابيك انت سلمان ابي اروح وياك مابيهم سلمان : اوكي قومي وياي شوق : تحجى من صجك سلمان يتقرب منها : أي من صجي ويمد لها يده : يالله قومي ووقفت شوق وشالت المغذي بقوه من ايدها وتساندت على جتف سلمان وطلعو من الغرفه عند الاستقبال الممرضات كان توه متغير الزام وكانو ممرضات يدد يعني مايدرون بحالة شوق شافو شوق تمشى ورافعه ايدها كأنها متسانده على احد الممرضات تخرعو ا تجدمت منها وحده من الممرضات الممرضه : وين بتروحين ؟ شوق تصرخ عليها : قومي عني انا بروح (( وتطالع طيف سلمان )) انا بروح ويا سلمان الممرضه : وينه سلمان شوق تضحك : كاهو يمي ماتشوفينه في هاللحظه الممرضه الي خصصتها الدكتوره لها كانت توها راجعه من الكفتيريا وشافت شوق الممرضه 2 : شوق وين بتروحين شوق تباعدهم : انتو كل ساعه بتسالوني وين بتروحين ومشت عنهم رايحه صوب الباب الرئيسي الممرضه 2 تنادي على باقي الممرضات علشان يقدرون يمسكون شوق وياخذونها غرفتها شوق بعد مامسكوها الممرضات كانت تطالع طيف سلمان طيف سلمان : خلاص ياشوق الوقت تأخر انا بروح ومشى طيف سلمان عنها وكانت شوق تطالعه وتصرخ بأسم سلمان لي ما اختفى طيفه عن نظرها وقعدت تصيح بصوت عالي وخذوها الممرضات غرفتها لانه بتزعج باقي المرضى وحطوها في سريرها وعطوها مهدئ عشان ترتاح |
|
10-30-2006, 03:02 AM
| رقم المشاركة : 6 |
| عضٌوة شٌرٍفـَ منتديـُآت سَيدتـيّ
| رد: ♥乂♥ يــاحبيـــب الــروح بكتـــب لــكـ وصـــاتــي ♥乂♥ بعد شهر تقريبا في المستشفى في غرفه شوق الممرضه تفتح الباب وتلاقى شوق للحين نايمه الممرضه : شوق قومي صار وقت دواج شوق وهي قايمه عشان تاخذ الدوا : صباح الخير الممرضه : صباح النور شوق وعيونها تدمع : وين امي الممرضه : شوق شفيج شوق وهي تمسح دموعها : مافيني شي بس ابي امي الممرضه وهي تعطيها الدوا : ان شاء الله الحين بتيي وطلعت عنها الممرضه وخلت شوق بروحها شوق وهي تفكر بالي يصير فيها وتحس باحساس غريب تحس ان في شي بداخلها يتحرك وتذكرت كلام الطيف الي يطلع لها دايما ان هالياهل امانه برقبتها وقعدت تصيح بشكل مو طبيعي وكانت متكوره وحاطه راسها على ريولها طلع لها الطيف الي يلاحقها صارله ثلاث شهور طيف سلمان وهو يقرب منها : شوق شفيج ورفعت راسها شوق وشافت الطيف شوق بعصبيه وتصيح:اطلع برا مابي اشوفك عندي اطلع الطيف وهو يتقرب منها اكثر : شوق انا بروح لكن مابرد ارجع لج وعيشي حياتج وانسي سلمان سلمان ماات شوق مات يعني مستحيل يرجع وتحملي بعمرج وبالياهل واختفى الطيف من جدام عيونها شوق وهي يزيد صياحها : يمه وينج وكانت امها توها فاتحه الباب وراحت تركض لبنتها تشوف شفيها ام شوق : شوق حبيبتي شفيج شوق : مافيني شي بس ام شوق : بس شنو شوق وهي تهز راسها : لالا ولا شي ام شوق في خاطرها : لا بالله بنتي ينت شوق : يمه متى بطلع من هني تملل ام شوق : لي قمتي تاكلين عدل وتنسين ........ وسكتت شوق : سلمان الله يرحمه ام شوق بطلت عيونها وتحط يدها على راس بنتها ام شوق : لا مب مصخنه شوق مستغربه من تصرفات امها شوق : يمه شفيج ام شوق : مافيني شي .. بس صبري بروح اسأل متى يرخصونج شوق وهي ترد راسها ع السرير : ان شاء الله وطلعت ام شوق راحت حق الممرضات تسالهم في شغل منصور وحسن منصور مشغول بالشغل لانه كان عنده شغل لين راسه حسن يطق الباب حسن : صباح الخير منصور : صباح النور حسن : مشغول منصور : وايد حسن : اوكي لي فضيت قولي واذا مافضيت نلتقي بعدين منصور : ان شاء الله وطلع حسن من مكتب منصور ولقى في ويهه الفراش الفراش بخوف : السلام عليكم حسن : وعليكم السلام ومشى عنه حسن لانه من اول ما توظف وهو مو مرتاح حق هالانسان بالذات الفراش : الحمدلله ماشاف شي ومشى راح يخلص شغله في بيت بوعبدالله عبدالله راح الجامعه وعنود طبعا بالبيت لان اسبوع اجازه عندها امتحانات نهايه السنه وماتطلع من الغرفه الا حق الاكل تقول انها تبي تييب نسبه حلوه ام عبدالله توها بتلبس دفتها عشان تروح بيت جيرانهم تذكرت ولدها علي مانزل اليوم للجامعه وراحت غرفته ودخلت وشافته للحين راقد فز قلب ام عبدالله ولدها مو من عوايد انه يرقد لي هالحزه حتى لو ماعنده دوام ام عبدالله كشفت اللحاف عن ويهه : علي يمه قوم صار الضحى علي وهو يمسح عيونه : يمه بس شويه ام عبدالله : شنو شويه بيروح عليك الدوام علي ويقعد على السرير: يمه ماعندي اليوم شي ام عبدالله : شنو الي ماعندك علي : يمه ماعندي دوام عاد خليني ارقد ام عبدالله تبي ولدها يقوم على قولتها ماعنده سالفه يرقد لي الضحى ام عبدالله : قوم اليوم بيت خالتك بيونه من السعوديه وينقز علي من فوق السرير علي : صج يمه ام عبدالله : استح على ويهك شكبرك ريال من نطريلك بيت خالتك استخفيت علي : احبها يمه احبها ام عبدالله : من الي تحبها علي وهو رايح (( كرمكم الله )) الحمام : خالتي يمه خالتي وطلعت ام عبدالله من الغرفه تضحك على ولدها يحسبها ماتدري وكانت تدعي في خاطرها ان تكون الريم من نصيبه في الجامعه طبعا عبدالله من عقب ذيك المره الي تهاوشو سلطان واحمد على القلم مايخليهم يقعدوم جنب بعض كان يقعد هو بوسطهم وعبدالله من النوع الي يحب الدراسه يعني ينتبه للشرح ومايسولف سلطان من ورا ظهر عبدالله : احمدوو احمد كالعاده يرسم : ها شتبي سلطان :ملل صح احمد : يعني شتبيني اسويلك سلطان : اففففففف احمد : شوف لا تقعد تأفف سولف ويا عبود خلني اخلص رسمتي سلطان بصوت خفيف : عاد مادري شترسم احمد : سمعتك ها ارسم فارسه احلا مي فديتها سلطان بطل عيونه : احلف اجوفها احمد ماعطاه وويه سلطان يطق احمد : احاجيك التفت له عبدالله : آآآآآآآآآي ويعه ظهري ذبحتي عبالك ضعيف عشان تسوي جذي شكبرك دب سلطان : اوووه السموحه اخ عبدالله واحمد كان يضحك على سلطان لان دوم يحصل زفه من عبدالله لانه مايخليه يركز مع الدكتور في بيت شهد كانت ماسكه كتاب الرياضيات شهد : يمممممه مو فاهمه شي ام شهد : عيل شتسوين يوم المدرسه تشرح شهد بنبرة حزن : يمه صعب والله صعب ام شهد : قولي حق اخوج يشرح لج شهد : اخوج واخوج اخوي خله يقعد في البيت عشان يشرح لي ام شهد : زين قولي حق بنت خالتج شهد : اي والله ذكرتيني عنودوه تموت على الرياضيات يعني تفهم بسرعه ام شهد : روحي اتصلي فيها شوفيها وراحت شهد تتصل حق عنود واتفقت ان اليوم يدرسون مع بعض |
|
10-30-2006, 03:03 AM
| رقم المشاركة : 7 |
| عضٌوة شٌرٍفـَ منتديـُآت سَيدتـيّ
| رد: ♥乂♥ يــاحبيـــب الــروح بكتـــب لــكـ وصـــاتــي ♥乂♥ في المستشفى عند الممرضات ام شوق : يعني مابترخصونها الممرضه : اختي قلنا لج لي ماتيي دكتورتها وهي تكت الرخصه احنا مابيدنا شي ام شوق بعصبيه : افففففففف يعني البنت يوم تحسنت حالتها وقالت تبي تطلع ماتبون ترخضونها الممرضه : صبري اختي عقب ساعه بتيي دكتورتها تطالع اورقها وتتطمن على حالتها وتقول لكم اذا تقدر ترخصها او لا ام شوق وهي تتكلم ونفسها بطرف خشمها : والدكتوره وين رايحه هالحزه الممرضه : لاتنسين اختي ان هذي دكتوره ومو بس بنت مريضه هي تعالج اكثر من شخص يعني مو بس بنتج عندها وعندها عمليات وحالات تعور القلب اكثر من حالة بنتج ام شوق بدت تعلي صوتها : يعني شقصدت بحالات تعور القلب بنتي حالتها تعور القلب سمعيني ترى بنتي احسن منج الممرضه تتفادى الموقف : المهم اختي انا عندي شغل وانتي انتظري الدكتوره هني او في غرفه شوق ومشت عنها راحت تخلص شغلها الظهر عند عبدالله والشباب سلطان : عبدالله شسويت عن وصية سلمان عبدالله تغير مزاجه : مادري احمد يبي يغير السالفه : متى الامتحانات؟؟ عبدالله : عقب اسبوعين الله يعينا سلطان : اسمع من يتحجى انت اول واحد تستكت عبدالله : ليش ان شاء الله شايفني نابغه والا عبقري سلطان: خخخخخخخخ ع الاقل انت ناجح في الكوزات اما انا ولا كويز ناجح فيه احمد : هذي من غبائك سلطان : لو سمحت اخ احمد جنك غلطت عبدالله : اي احمدو سلطانو مو غبي بس مايدرس والا اهو شاطر بس يبيله دراسه سلطان وهو يعدل قعدته يقعد قعدت غرور : سمعت شقال مو انت ياحظي ماتعرف تقول كلمه حلوه احمد : يعني عاد افهم ادرس عشان تنجح سلطان : عاد الي يقول انت كلش مو جنك طول الوقت ترسم (( وطرت على باله سالفه فارسه احلامه )) الا اقول احمدو راوني فارسه احلامك احمد : وانت شدخلك فارسه احلامي والا احلامك ينقز سلطان ياخذ الدفتر مال احمد احمد وهو ماسك دفتره : شبتسوي سلطان : عاد احمدو بشوفها عبدالله : صج يوم قالك غبي الحين انت مصدق انه يرسم فارسه احلامه احمد : ههههههههههه عشان لي قلت لك تصدق سلطان : اي احمدو رسام ماهر مو غريبه عليه هذي الشي عبدالله : ويهك ... قومي بس نروح بيوتنا احمد : افـــا مليت من قعدتنا عبدالله : انتو قعدتكم ماتنمل بس هواشكم ينمل منه (( ويطلع لسانه حق احمد )) سلطان : صج ياهل وقامو الشباب وراحو بيتهم بعد ساعتين في المستشفى الدكتوره كانت عند الريسبشن تعطي الممرضه بعض الاوراق الممرضه : دكتوره ترى ام شوق تبي رخصه حق بنتها ومعصبه وقلبت المستشفى على راسها عشان هالرخصه الدكتوره : بس شوق للحين ماتحسنت حالتها نهائيا يمكن في اي وقت ترجع لها الحاله الممرضه : انا قلت لها هالكلام بس اهي مو راضيه تقتنع تقول محد بيزيد حالت بنتي غيركم الدكتوره : لاحول ولا قوة الا بالله انا بروح اشوفها الحين الممرضه : اوكي مشت الدكتوره وراحت لغرفه شوق طقت الباب ودخلت الدكتوره : مساء الخير شوق وهي تعدل يلستها على السرير : مساء النور الدكتوره : شخبارج شوق الحين ان شاء الله احسن شوق تبتسم ابتسامه حلوه : بخير الحمدلله الدكتوره بمزح : يوقلون مليتي منا تبين تطلعين شوق بحزن : في احد مايمل من المستشفى الدكتوره : لا ان شاء الله اسبوع بعد وبنرخصج شوق بطلت عيونها : اسبوووع وااايد الدكتوره : ماتبينا نتطمن عليج ولاتنسين انتي حامل شوق تذكرت الي في بطنها حطت يدها على بطنها : الله يعيني الدكتوره ابتسمت لها عشان تشيل الحزن الي انرسم على ويها الدكتوره : المفروض تفرحين ان بييج ياهل ينسيج حياتج شوق : انا مستانسه بس في شي واحد الدكتوره : شنو حست شوق ان ودها تفتح قلبها حق هالانسانه ارتاحت لها شوق وعلامه الحزن انطبعت على ويها مره ثانيه : بس امي ماتدري وان درت يمكن تذبحني وتذبح هالمسكين (( وتاشر على بطنها )) الدكتوره : مافي ام بتسوي جذي اكيد بتعصب بالبدايه بس بعدين بتفرح لفرحتج تنهدت شوق : ماتعرفين امي شكثر عصبيه الدكتوره : بس انتي ماشفتيها شكثر تتعب وتحزن لي تعبتي انتي شوق : الله كريم الدكتوره : الله يعينج واذا تبيني اقولها وافهمها تراني حاضره ابتسمت شوق ابتسامه شكر : مشكوره الدكتوره : ولو هذا واجبي ... يالله شوق انا بروح اشوف باقي المرضه وانتي اكلي زين شوق : ان شاء الله العصر في بيت بو عبدالله رن الجرس الخدامه : منو ؟؟ شهد : ياعلج بطلي الباب انا شهد نقعتيني برع الخدامه تفتح الباب تطالعها شهد بعصبيه .. ومشت عنها كانت ام عبدالله بالصاله ام عبدالله : من عند الباب ميري شهد : هذي انا خالتي وتروح تسلم على خالتها ام عبدالله : شخبارج شهد شهد : بخير الحمدلله خالتي ام عبدالله : وين امج ليش مانزلت شهد : راحت حق يدتي تدرين خدامتها راحت الحين محد عندها ام عبدالله : اي والله اليوم راحت خدامة امي عيل بقول حق عبدالله يوديني شهد عفست ويها من طرو لها عبدالله ((في قلبها )) : ياثقله هالانسان شهد : اوكي خالتي انا بروح حق عنود ام عبدالله : الله معاج بنتي في غرفه عنود شهد تطق الباب عنود في وسط اوراق وكتب وقلامه وعفسه : دشو الباب مبطل شهد بطلت الباب حطت يدها على حلجها : عنودو شنو هذي عنود : يعني شنو اوراق الانس والاجا وتعبير العرب شهد : افففففف ياكرهي لهالمواد << كل شي ياكرهها مادري شتحب عنود : مابقى شي ونتخرج وتعرسين شهد : عنودو لا تلوعين جبدي يايه ادرس انا عنود : والله انج ماتستاهلينه شهد : بتعيدين لي هالاسطوانه بتصل حق امي وبرد بيتنا عنود : امشي انزين خلني اشرحلج لاتنفخين راسي وقعدت عنود تشرح حق شهد في بيت حسن حسن : منصور منصور منمدج يطالع المسلسل : هلا حسن : شفت الي قلتي لي عنهم منصور : منهم ؟ حسن : الي في القهوه منصور يعدل يلسته : اي اي العصابه حسن : عليك نور منصور : شفيهم حسن :باجر بيصير الاجتماع عشان نعرف شلون بنقتحمهم منصور : اها وتوك تقولي حسن : انت وياي اربعه وعشرين ساعه يعني في اي وقت بقولك منصور : بس هذي شغل حسن : خلاص انت عرفت الحين منصور : اوكي حسن : وبعد في شي ثاني منصور : شنو حسن : انا ابي ... ويقطع سالفه حسن صوت الجرس نرجع لشهد والعنود عنود : فهمتي هذي شهد وهي تلعب في قذلتها : اي عنود : عيل بعطيج مسأله وحليها عشان تفمين اكثر شهد : عنودو ليكون صدقتي انج معلمه عنود : هاي الي ماتستحي على ويها بصفقها بالكتاب شهد : خخخخخخخخخخ اتحداج عنود : انكمي وقعدي حلي هالمسأله لا الحين ماعلمج شي واخليج تروحين الامتحان وانتي مو فاهمه شي شهد : الله يخلي المعاهد عنود : اشوفج هديتي المعاهد ويتي اشرح لج شهد : يعني بتذليني عنود تعطيها الورقه : هاج هاج حلي وانتي ساكته خذت شهد الورقه وقعدت تحل فيها عنود انا بروح اسوي عصير وبايي شهد : اوكو غرفه عبدالله فتح عبدالله عيونه عبدالله : آآآآآآي راسي يعورني وراح يدور بندول في السده وماحصل عبدالله : ياربي وين اختفى هذي بعد اكيد عند عنودو وطلع من غرفته حالته حاله عيونه حمره ومن تحت صاير اسود متعود يفتح باب غرفه عنود من غير لايستأذن هالوقت لانها فاضيه وهالايام تدرس فتح عبدالله الباب عبدالله وموقادر يفتح عيونه عدل من الالم : عنودو وين وديتي البندول ؟؟ عبدالله فتح عيونه عدل : اووه شهد اسف وطلع وصك الباب وراه شهد استغربت (( في خاطرها )) : شفي عبدالله جذي وقعدت تفكر وماحلت المساله يات عنود هاج يودي شربي شهد سرحانه عنود تهز شهد : شهود شفيج شهد : ها ولا شي (( وتاخذ القلاص من يدها )) عنود : اشوف حليتي المسأله شهد مرتبكه : ها اي لالالا عنود : شهود شفيج شهد : مافيني شي سلامت عمرج عنود : اي طل شهد : عنودو قلت لج مافيني شي عنود : زين لاتصرخين امشي ندرس ابرك ورجعو يدرسون بس شهد بالها مو معاها في فضول تبي تعرف عبداله شفيه <<<< يتبع الجزء الياي ادري طولت عليكم بس ترقبوا الجزء اللي بعده .. اتمنى ان اشوف ردود |
|
10-30-2006, 03:12 AM
| رقم المشاركة : 8 |
| عضٌوة شٌرٍفـَ منتديـُآت سَيدتـيّ
| رد: ♥乂♥ يــاحبيـــب الــروح بكتـــب لــكـ وصـــاتــي ♥乂♥ ترى القصه اكثر من 25 جزء تبون او لا |
| جلسة ازالة الشعر بليزر الجنتل ليز 1800ريال(خصم 50%)جلسات علاج تشققات السمنة والحمل واثارالحروق والجروح بالفراكشنال ليزر0554171121 |
| برنامج العروس توحيد ونضارة وتبييض البشرة والركب والاكواع بالتقشير الكريستالى واحماض الفواكه والفراكشنال ليزر والاوكسجين والطحالب البحرية 0554171121 |
|
| أدوات الموضوع | إبحث في الموضوع |
| انواع عرض الموضوع | |
| منتديات سيدتي - موقع سيدتى | |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لك الروح | بل المشمش | همس القوافي | 2 | 02-02-2010 03:13 AM |
| ياحبيب الروح من غيرك احبه | ابنة جبل النار | الهواتف النقاله | 1 | 04-09-2008 10:58 PM |
| من وجع الروح | ني ني | خواطر وعذب الكلام | 5 | 02-23-2008 06:15 PM |
| لغة الروح | seham.r | خواطر وعذب الكلام | 3 | 01-17-2008 11:29 PM |
| أخذ وصاتي وأمانه لا تبكيني | كل الحلا بحرينية | همس القوافي | 10 | 06-04-2007 06:11 AM |
العرض العادي
