>><<فريق سباق الإنجاب>><< حياكم الله يابنات اللي ماجابت عيال تتفضل..الحل الاسرع..

[غلا ناصر]

>><<فريق سباق الإنجاب>><< حياكم الله يابنات اللي ماجابت عيال تتفضل..الحل الاسرع..



السلام عليكم حبيباتي في منتدانا الغالي..
حبيت انقل لكم هالموضوع لإستفادة الجميع ..


كثير منا تعبان وكثير منا تنتظر فرحتها الاولى
تتمنى تحمل طفلها الاول وتسمع صوته وتشوف ضحكته
وتقعده من النوم وتأكله وتشربه وتروشه وتلعب معاه
وتلبسه وتسمعه وهو يقولها ماما وينادي أبوه بابا..
الله يرزقنا وإياكم الذرية الصالحه..


حبيباتي كثير اللي صابره للحين اللي سنه واللي سنتين واللي 3سنين
واللي 10سنوات واللي20 وأكثر ..وأكيد إنها راحت مستشفيات وتحاليل وحوسه
واللي للحين تروح واللي ملت وماعادت تروح واللي إكتشفت إنها عقيم واللي قالو لها مافي أمل ..
ياااااااااه شلون كل وحده جالسه تعاني..ويمكن الأكثريه خلاص فاقده الأمل..


ولكن أنا أقولها لالالالالالا انتي ليش تفقدين الأمل والحل بيدك..
سوي لنفسك جدول محدد تلتزمين فيه لين وقت حدوث الحمل
((وهي أسرع وأضمن الطرق للحمل بأذن الله))
نحن لازلنا في محطة الانتظار والصبر..وسنصبر الى اليوم الموعود
يوم اللي تدوخين وتقولين ماادري شفيني..وتتأخر عليك الدوره وتقولين وينها ماجات
وتسوين تحليل وتطلعين حامل ونقولك الف الف الف مبروك ونبارك لك كلنا واحنا فرحانين..معاك

وانا اليوم حالي مثل حالهم..متزوجه صارلي 4 سنوات ورحت المستشفى وكل فتره اروح ..
والحمدلله على كل حال..
قررت اني اسوي فريق..

((((((فريق سباق الإنجاب..)))))))


طبعا كل وحده تعرف ومايخفى عليها فضل الاستغفار..
قال تعالى " فقلت اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراً وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً "

قال صلى الله عليه وسلم : ( من لزم الاستغفار جعل الله له من كل هم رجا ومن كل ضيق مخرجا ورزقه من حيث لا يحتسب
وسور القران فيها الشفاء.. مثل سورة البقره واية الكرسي وغيرها الكثير
والصلاة على نبينا محمد وعلى اله وصحبه اجمعين لها الفضل الكثير


انا عني ببدأ من اليوم وهذا جدولي
كل يوم بقول
-<استغفرالله>500مره
-<ربي لاتذرني فردا وانت خير الوارثين>100مره
-<سورة مريم > مرة باليوم
هذا اللي حاليا بسويه .. وكل يوم او يومين بقولكم شنو سويت..
وعقبال اليوم اللي ادخل واقولكم (ابشركم انا حامل)


اتمنى تدخلون هالسباق ونشوف من اول وحده راح تحمل..ونبارك لها
والتسجيل مفتوح من اليوم.. ولازم نشجع بعض
حياكم الله ..


اللي ماودها تشارك تكتب لنا دعوه حلوه من قلب..
احنا نحتاج دعواتكم..

[بسمة بسوم]

جزاك الله كل خير
الله يرزقنا الذريه الصالحه يارب
تقبلي مروري

[moh2008]

ان شاء الله انا بابدا معكي

[نور جده]

جزاك الله كل خير
الله يرزقنا الذريه الصالحه يارب
تقبلي مروري

[دمعة المقهور]

انا كمان ببدا معكم

[غلا ناصر]

المشاركة الأصلية كتبت بواسطة بسمة بسوم

جزاك الله كل خير
الله يرزقنا الذريه الصالحه يارب
تقبلي مروري

الله يسلمك ويسعدك وشكراً لك لمرورك الغالي ..

[الفراشه؟]

مشكوره حبيبتي على التشجيع

وانا راح ابدأ معكم من بكره ان شاءالله

والله يرزقنا بالذريه الصالحه عاجلا ليس اجلا

[غلا ناصر]

المشاركة الأصلية كتبت بواسطة moh2008

ان شاء الله انا بابدا معكي

حياك الله يالغالية وإن شاء الله ربنا يرزقك بالذرية الصالحة الطيبة حسنة الخَلق والخُلق