أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى عالمك > فن وتصميم الديكور



طريقة ترتيب نيش السفرة


جديد مواضيع فن وتصميم الديكور


إضافة رد

  • Facebook

  • Twitter


Sponsored Links
قديم 06-08-2009, 07:20 PM   رقم المشاركة : 1
:: سيدة نشيطـة ::











طريقة ترتيب نيش السفرة

طريقة ترتيب نيش السفرة



اهلا بيكم ياعرايس المنتدي
طبعا كل عروسة بتفرش النيش بتاعها بتبقى محتارة تفرشه ازاي؟
ازاي مايبقاش تقليدي؟
انا هديلكم شوية نصايح يارب تفيدكم
بس الاول اعرف النيش لان اكيد في كتير من الاخوات مايعرفوش يعني ايه نيش
لان الاسامي بتختلف من بلد لبلد
النيش ده عبارة عن دولاب ب2 ضلفه او 4 ضلفه حسب حجمه
بيبقى الوش بتاعه زجاج والجوانب زجاج والظهر خشب
لكن فيه مرايه عشان يعكس الضوء
وده بيترص فيه طقم الصيني واطقم الشاي والقهوة والكاسات ....وهكذا
ودي صورته

طريقة ترتيب نيش السفرة

نبدأ بقى طريقه فرشه بسم الله
اولا طبعا لازم تفرشي بالمفارش اللي تبع مفرش السفرة
بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث ده مطرز
بتفرشيه في الوش وفي الجوانب كمان عشان تدي شكل جميل
ودي صورة للتوضيح طبعا منقوله من المنتديات

طريقة ترتيب نيش السفرة

ثانيا ترتيب الاطقم
حاولي وانتي بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين
وكمان هتلاقي صعوبه في تنسيقة خصوصا لو المفرش لونه مش لايق مع الطقم
يعني حاولي يبقى الاطقم على قد ماتقدري لون واحد او لونين بالكتير
يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان ماشيه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيديكي انعكاس جميل جدا
زي النيش ده عبارة عن لونين فضي وابيض مع احمر

طريقة ترتيب نيش السفرة

طريقة الترتيب بقى طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح

وطبعا طقم الشاي بترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القوة اللي تبع طقم الصيني طبعا عشان يبقو شكل واحد

واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل
وطبعا بيكون عندك طقم صواني للتقديم بتكون غير اللي بتستخدميها في المطبخ
ودي بتحطيها في الخلف زي السيرفيس كده اللي اتكلمت عنه من شويه

اما بالنسبه لشنطه الملاعق فليكي حريه الاختيار
ياما بتفتحيها وتحطيها زي ماهي
ياما وده الافضل انك تشيلي الملاعق منها وتضعيها في ادراج البوفيه
طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ميبوظش
بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداري
طبعا لان ماينفعش ان الاطباق تبان في النيش
طريقة ترتيب نيش السفرة
ولو عندك اي اطقم زياده من الكاسات او الشربات او قهوة والنيش اتملا خلاص
فممكن ترصيه جوة البوفيه زي مانتي عايزة
وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه
وده مثال للاكسسوار
طريقة ترتيب نيش السفرة
وكده نبقى خلصنا كلام عن طريقه ترتيب النيش
يارب اكون أفدتكم وماحدش يقول عليا رغاية هههههههههههه

نتقابل في يوم تاني مع موضوع تاني
لـ حفظ الموضوع والإستفاده منه إستخدمى هذا الرابط :
طريقة ترتيب نيش السفرة
http://forum.sedty.com/t166132.html




رد مع اقتباس

Sponsored Links




قديم 07-08-2009, 01:24 AM   رقم المشاركة : 7
:: سيدة نشيطـة ::











افتراضي رد: طريقة ترتيب نيش السفرة


الطريقه فعلا حلوه وفيها كتير من البساطه بس لو مفيش بوفيه والاطقم كثيره اعمل ايه
يا ريت الرد ولكى منى كثير الاحترام

قديم 07-09-2009, 11:28 PM   رقم المشاركة : 8
:: سيدة نشيطـة ::











افتراضي رد: طريقة ترتيب نيش السفرة


يبقى تختاري نيش كبير 4 ضلفة وبيبقى في مساحه من تحت ترصي الاطباق فيها
وترصي حاجتك زي مانتي عايزة بس برضه متكتريش عشان الحاجه مش هتبان ولو لسه فيه عندك اطقم خليها مقفوله زي ماهي وكل فترة بدلي الاطقم وده هيبقى تجديد ليكي ولكل ضيوفك
اتمني اني اكون افدتك
ميرسي على الردود


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0541475444

إضافة رد




طريقة ترتيب نيش السفرة

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
طريقة ترتيب السرير مثل الفنادق (بالصور) ஓ ياسـ الشام ـمين ஓ فن وتصميم الديكور 62 06-20-2012 03:36 AM
طريقة ترتيب علب مكياجك خطييييييييره لا تفوتكم جوسى صالون التسريحات والمكياج 128 11-22-2010 05:37 PM
حلقه مناديل السفرة بعجينه السيراميك lina84 قسم الاشغال اليدويه 12 03-29-2009 05:00 PM
تشكيلة من غرف السفرة ,, روعـــــــــة ஓ ياسـ الشام ـمين ஓ فن وتصميم الديكور 16 10-18-2008 10:44 PM
أفخم أطقم السفرة على الأطلاق زهرة الباحة فن وتصميم الديكور 7 04-06-2008 11:11 AM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل تابع لشركة اد ان توب وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter