تشيز كيك فراوله

[أجمل إحساس@]

تشيز كيك فراوله

السلام عليكم ورحمه الله وبركاته


اليوم رااح اسوي تشيز كيك في طرق كثيره لعمل تشيز كيك وهذي احدا طرقي المفظله ولمحبوبه لدى الجميع


قبل لابدء في عمل تشيز كيك عندي همسه

تشيز كيك اليوم بنكة الفراوله تقدرون تغيرونها بأي فاكه انتو تحبونها بنفس الطريقه

واذا ماتبون الحليب المحلى تقدرون تظيفون السكر

والوان الطعام تقدرون تستبدلونها بالجيلي بنكهات الي بتسون فيها تشيز كيك وبيعطيكم مذاق الفاكه الي تبونه

بس انا افضل الوان الطعام وطعم الفواكه الطازجه

ومره شفت حلقه من حلقات سمر بالخليجي مسويه تشيز كيك بأوراق الورد وعجبني ان شاء الله بجربه

شكلي طولت عليكم ^_^

يالله خلونا نبدء

بسم الله الرحمن الرحيم

المقادير

الطبقه الاولى

بسكوت دايجيستيف 200 جرام او اي بسكوت شاهي او اي كيكه ((اختياري))
زبده 25 جرام

الطبقه الثانيه

جبنة فيلادلفيا 200 جرام

حليب نستل المحلى 190 جرام ((تقريبا نص من العلبه الكبيره))

قشطه سائله 200 ملي ((او كريمه الخفق اختياري))

1 قشطه عاديه 170 جرام

ظرف 1 دريم ويب

2 ونص م ك جيلاتين بدون لون ونكهه مذوبه في ماء ساخن

حليب 50 ملي

ربع م ص ملون الطعام اللون وردي((اذا تبون لونه اغمق تقدرون تزيدون بس الافتح احلى))


7 حبات فراوله طازجه

الطبقه الثالثه

نص ظرف جيلي فراوله
فراوله طازجه


الطريقه

أولا نطحن البسكوت ونذوب الزبده ونخلطه مع بعض جيدا ونصفيه بشكل متساوي في الصينيه تشيز كيك الي تفتح

وندخلها الفرن لمدة دقيقه من فوق وتحت ونحطه على جنب

((تستطيعون تحطونه في الثلاجه لحتى تتماسك البسكوت اختياري انا افضل ادخله الفرن لمده دقيقه يعطيني طعم

رائع للبسكوت ))

في خلاطه العصير نصب الحليب و 7 حبات الفراوله ونخلطه مو واايد لانه نريد قطع من الفراوله

شوفو كيف القطع




ونصب الخليط في خلاطه الخفق ونحط ظرف دريم ويب ونخلطه الين يصير مثل الكريمه

وبعدها نحط القشطه السائله ولحليب المحلى ولقشطه العاديه وجبنة فيلادلفيا ولجيلاتين

ونخفقه الين يصير عندنا مزيج من الكريمه

ونضيف عليه ملون الطعام



ونصبه في الصينيه الي صفينا فيها البسكوت وندخلها الثلاجه لمدة 5 ساعات او اكثر لحتى تجمد الكيكه


انذوب الجيلي في ماء ساخن ونخليه يبرد


بعد ماتجمد الكيكه نطلعها ونزينها بـ شرائح الفراوله ونصب عليها الجيلي
وندخلها مره ثانيه الثلاجه لمده ساعه او اكثر لحتى تجمد جيدا


هذي بعد ماطلعناها من الثلاجه وحطيناها في الصينيه


وهذا صحن اختي

بالعافيه عليكم

منقول

[نسمة رييح]

خياااااااااااااااااااااااااااال ماشاءالله

[أجمل إحساس@]

شكري يسبقه حبي لكِ سيدتي ..

نورتي موضوعي بتواجدك .. !

[*دلوعتــــه*]

يمي يمي يمي
يعطيك العافيه غلاتي

[أجمل إحساس@]

الله يعافيك ياعسل .. ~

دُمتي عِطراً يفوح عبيرهـ ..}

[ام كوكو]

مستوى فوق الوصف

[أجمل إحساس@]

سيدتي الرقيقه

رااائعه وومميزة أنتي
الف شكر لطلتك المبهره

مااأجمل قلبك ودي له

[ام فىء وفتون]

واوا واو واو شكلها جنان

تسسسسسسسسسسلمى