أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > خصوصية سيدتي > مشكلتي



ضايجه ومكسور خاطري


جديد مواضيع مشكلتي


إضافة رد

  • Facebook

  • Twitter


Sponsored Links
قديم 07-02-2009, 10:36 AM   رقم المشاركة : 1
العضوية ملك للجميع الكل يستطيع إستخدامهآ لطرح مشاكلهم الخاصه بسريه تامه










افتراضي ضايجه ومكسور خاطري

ضايجه ومكسور خاطري



السلام عليكم
انا عمري 21 .. وساكنه في الامارات
خواتي والله اني ضايجه .. وايد
وما عندي حد اشكيله
صديقاتي وايد لكن ما احب اشكي همومي لهن
و صديقتي القريبه اللي دايما كنا نشكي لبعض ونشارك بعض السراء والضراء .. مشغوله ولاهيه في دنياها مع زوجها ..!
هالشي مكدرني انها مشغوله عني لكني احاول أأقلم نفسي على بعدها عني
سبب ضيقي اهلي والتفرقه
يفرقون بيني وبين اختي اللي اكبر مني بسنه
تخرجنا هالسنه الحمدلله .. بس انا اخذت شهادة الدبلوم
وهي خذت شهادة البكالريوس ..
شهادتها أعلى مني .. لكن كلن ياخذ نصيبه
يابولنا هدايا .. خواتي الـ 2 واخويه اللي اكبر منا
جابولنا هدايا .. تشاركوا في المبلغ وخذوالنا ..
لكن هديتي أقل منها ...
جابولنا شنط ماركات ..
والزياده انه هيه جابولها ساعه ماركه ايضا ..
وانا لااا ..
واليوم الثاني عشان يراضوني جابولي عطر ..
لكن وين قيمة العطر ووين قيمة الساعه !!!
عطونا الهدايا مع بعض وع اساس منهم كلهم .. مب حلوه في حقي
خواتي الصغار تموا يسألون ليش ( .....) عطيتوها زياده ساعه ..!
وقبل جيه بعد صار موقف ..
اميه اشترت لنا اطقم ذهب ..
انتوا احكموا ..
كان سعر مالي 4 الاف ريال .. وكان خفيف وبسيط
و اختي خذلتها طقم بـ 8 الاف ..
يعني ضعف السعر !!
ماباكم تقولون عني ياهل وتفكيري تفكير يهال
لكن العبره .. انهم يستغلون عليه اشيا وما يستغلونها على اختي ..
وغير جيه ابويه ما يخليني اسير مقابلات وظايف ..
عن كل مكان يقولي مب اوكي .. وكله رياييل ..
لكني هي سارت مقابله وامتحنت وتقريبا مقبوله خلاص
والمكان مترووووووس ريااااااااااييل
كل مكان فيه الجنسين وما شالله عدنا تنظيم في معظم الاماكن يخلون الحريم في قسم والرياييل في قسم
ماصارلي شهر من تخرجت واحس جايسني اكتئاب
يبوني في البيت أربي الصغاريه واجابلهم واسبحهم واكلهم ..
ترا اختي والده من عشرة ايام وعدنا في البيت هي و ولدها الثاني
انا المسؤولة عن ولدها وعن اخويه الصغير بعد ..
تعبت يا بنات من هالعيشه ... محد يقدّر اللي اسوييييه في البيت
وفوق كل ها يفرقون بيني وبين اختي .. و حاطينها ع راسهم
كل ها عشان يابت البكالريوس !!
ع فكره انا ناويه اكمل دراستي .. بس قالولي الكليه عقب سنه
في وحده كلمتني انها تبا تخطبني حق قريب لها .. يصير ولد خال ابوها
وتبا ترشحني عند امه
تمت تكلمني عنه واستااااااانست والله ما اكذب عليكم يا بنات
كل المواصفات اللي كنت احلم فيها لزوج المستقبل فيييييييه
سواء الشكل .. الطول .. الحاله المادية المنصب والنسب
استغربت انا في حلم ولا في علم ..
طلبت صوره لي عشان تراوي امه وانا رفضت
قلتلها خليهم يكلمون اهلي وايوون البيت
و اول شي لازم امه ترمس امي وجيه
قالتلي خلاص اوكي ..
ومن 3 ايام هالكلام و للحين ما ردت علي خبر ولا سألت عن رقم امي
يا بنات انا ادعي في صلاتي انه يكون من نصيبي ..
وينها ليش ما ردت علي استحي اسألها ..
ابا اطلع من جو البيت يمكن اعيش حياة سعيده لو تزوجت
من زمان وانا اعاني ويا اهلي وفيه اشيا وايد ما ذكرتها انا ذكرت بس اخر التطورات
دعواتكم انه الريال هذا يكون من نصيبي
و لو فيه خير لي الموضوع ..يتم ع خير
ادعووووووولي من قلبكم
اسمحولي عالاطاله
لـ حفظ الموضوع والإستفاده منه إستخدمى هذا الرابط :
ضايجه ومكسور خاطري
http://forum.sedty.com/t172260.html




رد مع اقتباس

Sponsored Links



قديم 07-02-2009, 01:46 PM   رقم المشاركة : 2
عضٌوة شٌرٍفـَ منتديـُآت سَيدتـيّ











شكر وتقدير 
افتراضي رد: ضايجه ومكسور خاطري


الله يعنينج اختيه ويوفقج ..

اول شي صلي على النبي .. عليه افضل الصلاة والسلام ..
ثاني شي في اهل مايعرفون شو يعني يوم التفرقه بين الابناء ..
وفيه اهالي ابد مايدورون عن ابنائهم ولا يبالون ..

صح انا وياج اختيه في كل شي قلتيه بس اصبري تحملي مهما كان هم اهلج وبعدين هم قاعدين يفرقون بس يعطوج حمدي ربج ع النعمه وحاولي وياهم انج تقدمين على وظائف او رمسي اختج ترمسهم او قدمي نفس المكان اللي اهي قدمت فيه ..
وصدقيني مب قصدهم تفرقه بس اهالي جي انا اعرف واايد اهالي ..

وتحمليهم صدقيني مافي حد مثل الاهل ..
ومب لازم اي شي ييبون لها يعطوج نفس الشي ولاتتحسسين واايد اختيه اذكري الله وادعيه ..


اما من ناحية ربيعتج اللي تبغى صورتج زين ماسويتي ماشاء الله عليج ..
اذا حد يبغاج ايي ويطق بابكم ..
واكثري من الاستغفار و ادعي ربج انه يكون من نصيبج ..

واما من ناحيه صديقتج ..,,,
بقولج قصتي عسب اونسج وياي ..^^..
انتي مثلي كان عندي صديقه تؤامي بالروح اشكيلها وتشكيلي بس بعد ماتزوجت احس اني ما اقدر اقولها كل شي لان بروحها في اشياء تلهييها ريلها واهل ريلها واهلها واشياء واايده ..
صار فيني فتره ماعاد ابغى اي شي ولا كنت اكل دخلت في مرحله كئيبه جدا حياتي كلها سودا كنت بتحطم بس فكرت واختيه وقفت وياي الحياه ماتتوقف عند شخص انا وياج صديقتي بس بناات وطبعها مابتلاقي مثل صديقتج مب لازم تقوليلهم اسرارج المهم تتسلي وياهم وترمسيهم وتفضفضي وان شاء الله تحصلي اللي تفهمج ..

وان شاء الله يرزقج بالزوج الصالح ياارب ..

اختيه اخر كلمه لاتخلي شي يهزج انتي بعدج صغيره والدنيا جدامج ..
صدقيني الله مايضيع حد ..

صدقيني بدعيلج ان شاء الله ..
وسامحيني اختيه ادري طولت عليج ^^


قديم 07-02-2009, 03:41 PM   رقم المشاركة : 3
:: سيدة نشيطـة ::










افتراضي رد: ضايجه ومكسور خاطري


السلام عليكم
حبيبتي انا مريت باللي مريت فيه كلامج صحيح الاهل يفرقون بس صدقيني مو من قلبهم يعني تجي من غير قصد يمكن لان اختج اكبر منج عشان جذي يحسون اهي المسئولة واهي اللي فاهمة بتقولين فرق بس سنة
صحيح ماكو فرق حيل بس صدقيني اهم يحسون ان فيه فرق بالسن والله انا ساعات عيال اخوي فرق بينهم سنة بس دايما انا اعتمد على الكبير واذا اظاربو الومة واقول انت الكبير
حياتي الزواج يمكن يشيلج من الكئابة اللي انتي فيه ويمكن يزيدج تعاسة بس والله ما راح تستغنين عن اهلج انصحج الزمي الاستغفار والله ان راج يخرجج من الضيق اللي انتي فيه وعن الصديقات ترى هذي حال الدنيا صديق رايح وصديق جاي
ادعيلك ان الله يرزقج بالزوج الصالح اللي اتوفقين معاه طول عمرج وسامحيني عالطوالة وان بغيتي شي انا اختج حاضرة لج باي وقت اذا الله قدرني

قديم 07-03-2009, 05:15 PM   رقم المشاركة : 4
:: سيدة مميـزه ::










افتراضي رد: ضايجه ومكسور خاطري


حبيبتى لاتجعلى موضوع التفرقة بينك وبين اختك يسيطر على تفكيرك اول شئ هل هم فرضوا عليهما ان تحصل على البكارليوس وفرضوا عليك الدبلوم مثلما قلت حبيبتى كل شئ نصيب فهم لا يستطيعون التفرقه بينكم على فكرة يمكن طبيعى انك تتدايقى لو حسيتى بانهم بيفرقوا بينك وبينها بس الموضوع مش بيتقاس بالفلوس المهم انهم فكروا فيك زى مافكروا فيها وليه متقوليش انهم مكنش معاهم فلوس تكمل علشان يجيبوا لك العطر فى الوقت اللى جابوا لها فيه الساعه
دايما حبيبتى الاخت الكبرى او الاخ الاكبر بيكون له مكانه خاصه بس مش معنى كده انهم مش بيحبوا باقى الاخوة لا ابدا بالعكس بس شيلى موضوع انهم بيفرقوا ده من دماغك
واعلمى انهم يحبوكى وقد يكون والدك يرى فيك الابنة الطيبة الصغيرة التى يخاف عليها من الرجال اذا خرجت وحدها او اشتغلت فى مكان به رجال اما اختك فكبيبرة ستطيع التصرف او طبيعة شخصيتها يمكنها ان تواجه المشكلات وان مافعله معك خوف عليه لا اكثر
اما بالنسبة لصديقتك والعريس الذى حدثتك عنه فماشاء الله عليك فى تصرفك واطلب منك ان تنسى الموضوع ولا تفكرى به الى ان يشاء الله ويحدث واعلمى انه اذا كان من نصيبك ستاخذينه مهما حدث اما لو كان ليس من نصيبك فاعلمى ان الله يخبئ لك الخير
اهلك يحبوكى احبيهم واحبى اختك واتخذيها قدوة لك واعلمى ماللذى يجعلها متميزة عنك اذا كانت فكرة التفرقة لازلت براسك وحاولى ان تكونى مثلها
اتمنى من الله ان يهديك الى الصواب وان مابه الخير تجدينه باذن الله ومبروك التخرج وعقبال مانبارك لك على العريس

قديم 07-04-2009, 02:14 PM   رقم المشاركة : 6
:: سيدة رائعــة ::










افتراضي رد: ضايجه ومكسور خاطري


السلام عليكم

اختي اكيد في شيئ انتي ماتاخذي بالك منه بينك وبين اختك

يمكن هي حنونه مثلا او مطيعه او شيئ هم حابينه فيها

انا بس اريد اكول انو هذي مو تفرقه وهذا الموقف كثير يصير مع كل البنات

او الاخوان التميز الاهل مو على عبالهم التفرقه بس احنا نشوفها انو هي تفرقه

بس صدقيني التفرقه الحقيقه انو يجيبون لاختك بس وانتي لاء

احنا مانريدك تكون شايله جواكي اي زعل لامك او ابوكي لان مايصير

مهما كان هذولي اهلنا والبنات ظيوف على اهلهم يعني بكره يصير لك بيت

وتجين ظيفه عليهم وكمان هم لازم يكونون راضين عنا لانو رضا الرب من رضا الوالدين

لاتزعلي حالك وقربي من اختج وشوفي شنو فيها من ميزه وتعلمي منها مو عيب

انتواخوات وبالنسبه لموضوع الخطوبه اولا استخيري ولاتخلين مشاكل البيت ايان

كانت تكون سبب انك تاخذي قرار وتندمي عليه الزواج مولعبه ولا هروب من مشكلة اكيد

انتي فاهمه هذا الشي والله يقدرلك الخير يارب وادعي كثير وان شاء الله خير

واحنا كلنا اخواتج واذا في اي مشكلة او عندج اي شيئ احنا موجودين

قديم 07-04-2009, 03:41 PM   رقم المشاركة : 7
:: سيدة نشيطـة ::










افتراضي رد: ضايجه ومكسور خاطري


اختى احمدى ربج انهم يتذكرونك على الاقل انا امى متوفية وابوى متزوج وعندة اولاد من زوجتة الحالية
وانا ممرضة قبل فترة دخل المستشفى تعبان وانا ماخليتة طول اليوم اخلى عيالى بالبيت واقعد عندة تصدقين
مايضحك عندى ولا يعطينى اى اهتمام اما اذا زارتة اختى من ابوى مجرد زيارة وتروح يضحك معاها ويقول لها حبيبتى وروحى البيت ارتاحى وخايف عليها اذا ماكلت عشاء اما انا مايسأنى على الاقل شلونج طول اليوم ساكت والله كريم

قديم 07-04-2009, 04:31 PM   رقم المشاركة : 8
:: سيدة جـديـدة ::










افتراضي رد: ضايجه ومكسور خاطري


الله بعوضك خير حبيبتي ادعي الله يرزقك بزوج صالح يسعدك وادعيلي معاكـ
وكل عائلة تفضل احد الابناء وتجزل له بالعطاء
والله يرزقكـ الوظيفة والزوج الهم آمين


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0541475444

إضافة رد




ضايجه ومكسور خاطري

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
...!!..قمم في خاطري ..!!... أوراق نادي سيدتي 14 07-08-2009 02:19 AM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل تابع لشركة اد ان توب وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter