متزوجه جديد وعمتي دايره ورا جوزي ساعدوني خواتي

[مشكلتي]

متزوجه جديد وعمتي دايره ورا جوزي ساعدوني خواتي



السلام عليكم ورحمة الله وبركاته
انا اكتبلكم مشكلتي يا خواتي وبتمنى تساعدني00000
انا متزوجه جديد صارلي شهر جوزي مليح بس كدب علينا حكا انه عنده بيت وسياره بس طلع البيت والسياره عقب ما تجوزته مو اله طلعن لامه انا حكيت بستحمل العيشه عند امه عبين ما اسافر اشتغل انا وياه برى اول الدار هو زبطها وقسمها بالنص 3غرف لامه عندها حمام ومطبخ هو مفكر لاتشوفني ولا اشوفها باعتبارها شقتينوداري غرفة نوم وحمام ومطبخ وغرفة ظيوفكل الغرف مفتوحه الاغرفة النوم الوحيده اللي معاي مفتاحها ثاني يوم من عرسي واحنا نايمين اجت صارت عمتي تخبط بالباب وتصيح باللليل داري اتركوها داري
تهاوش معها جوزي راحت جابت ابنها هادا ابنها مرته فتانه مثله راحت عمتي نادتهم وحكتلهم اخدو داري يعني حشت بدماغهم كلام فاضي هدا عشان تفتن بين اولادها انا رحت عالبلاكونه اجا اخو جوزي وسكر الباب عوجهي فاجا جوزي وتهاوش معهم رحت انا نمت عند دار اهلي بعدين رجعت عالدار 0000000
كل يوم تعمل عمتي مشكله بتصدقن انه رحت انا وجوزي عالسوق نشتري اكل واغراض وفواكه للمطبخ كلشي بجيبه بعيها منه اجت اختي علي شافتها بتوخد بكاسات المطبخ وثاني يوم رجعت من الشغل ما لقيتش اشي بالمطبخ حتى كاسات ما لقيت كلشي بتوخده والله اني بعيط هسع وانا اكتب
ومش ساكته بتظل لما اروح عالشغل تحشي براس جوزي امبارح رحت من الشغل انا ممرضه اه رجعت امبارح من الشغل تعبان بداوم 13 ساعه ورا بعضها المهم رجعت اجري منتفخات متورمات طليت بالصالون لقيت خواته متجمعات علي عمتي بتحشي براسهن والعله بداري قاعدات بطلعن وبفوتن انا صرت اعيط بس مو قدامهم اجا جوزي وصار ييح علي قتله بدي اروح عالدكتور شايف اجري راح بده يوخد مفاتيح السياره من امه طلعت السياره مش اله قلتله وين بدك تروح قللها بدي اخدها عالمستشفى اجريها ورمانات مش طبيعي قالتله يمه بتدلع لنا كنت اشتغل وانا حامل واجري متورمات وما احكي هسع ليشنها تعبانه بدها دكتور ييييييييه يمه مقل عقلك هاي بدها تتحالا قدام خواتها00ما وداني عالدكتور والله اجري بعيط من وجعهن
بتصدقن اني برجع باللليل بلاقي خواته بتعشن من الاكل اللي بجيبه هنه وولادهن وما ظل معي مصاري اجيب اكل بقله خلص عارفات اني برجع من الدوام ميت ليش باجن بقول بدها تقطعني من خواتي

بتصدقن ما باركلنا بالعرس ولا اجن يباركن؟
ما قول غير اللله يجزي منها هالفتانه الناكره للجميل
امبارح نمت عند اهلي والعله ابوي ما اقله اشي احسن ما تصير مشاكل

ساعدني ارجوكن ساعدتني
الله يطعم كل واحده بترد علي بالجنه والجوز الصالح وبالاولاد والبنات

امين شو اعمل بيها؟

لـ حفظ الموضوع والإستفاده منه إستخدمى هذا الرابط :
متزوجه جديد وعمتي دايره ورا جوزي ساعدوني خواتي
http://forum.sedty.com/t177954.html

[inda]

اطلبي منه انكم تروحو تستاجرو شقة ولو بيت واحد احسن من انك تضلي بالمشاكل قوليله انك بتحبيه بس ما يتقدري تعيشي هيك لانو هدا بياثر على نفسيتك قوليلو حتى لو كانو ما بيقصدو هيك بس انتي ما بتقدري بس كل ده قوليه بحنان و حب عشان ما يفمكيش غلط و لنشاء الله يكون خير و الله ييسر امورك انشاء الله

[دلوعةوقمر]

حبيبتي الله يكون معك ويساعدك .. انتي اهم خطوة لازم تعمليها انك تحكي لجوووووووزك انك بتحبي ولو شو ما صار مش راح تستغني عنه وبعدها واقنعي انكم تستاجرون بيت صغييير على قدكم احسن من العيشة يلي عايشتيها والله يكون معك ويساعدك ياااااااااااااااااااااااااااااارب وطنينا عنك يا حلوة

[moon.333]

شوفي حبيبتي حاولي تمسكين زوجك من اليد اللي تالمه بما انك حامل حاولي تفهمينه ان الزعل مع الحامل مو زين لا لها ولا للجنين بمعنى اصح اشتري راحتك وقولي له ان هذا الوضع وانا مابعد جبت اولاد كيف لاجبت انا مراح اتحمل وبما انك انتي وياه تشتغلو يعني بامكانكم تستاجروا والله لو هي غرفه بس براحه احسن من قصر فيه مشاكل وخليك قويه شخصيه عليهم لايهظمون حقك لان اهل الزوج بطبعهم يحبون مرة الولد ضعيفه وتحت سيطرتهم صدقيني هذا الكلام من واقعي

[حياتي عشتها بكتمان]

حبيبتي الله يفرج عليك ..أدعي كثيير

[حبيبة ميرو]

وانا رائي من راي الاخت موووون اطلعي من البيت اهم شيء راااحتك

[الورده الجوريه]

الله يكون بعونك ويصبرك ويفرج همك رأي الاخوات صحيح اسكنو لحالكو

[أحلام ميتة]

و الله راي الأخوات عين العقل
اقنعي زوجك تسكنو وحدكو
و لو هو كان متردد كولي انك انتي اللي حتدفعي الايجار
علشان يقتنع
أحسن ما تصرفي فلوسك عا الفاضي
والله المستعان