شلوون اتعامل معها تعبت

[مشكلتي]

شلوون اتعامل معها تعبت



السلام عليكم ورحمة الله وبركاته

اخواتي اكتب لكم مشكلتي بعد ان تعبت

مشكلتي ام زوجي من تزوجت وهي تعتقد انها مزوجه ولدها عشان يجيب لها شغاله اللي هي انا ومن تشوفني وهي تنحيزات تبيني انظف واغسل واسوي كل شئ وهي بكامل صحتها لو تعبانه او مريضه انا بسكت بس هي مافيها الا الصحه والعافيه وبالنهايه اشوفها تبيني اطبخ بدالها لها ولزوجها ولعيالها المشكله تبيني اجلس ببيتها عشان انظف واشتغل واطبخ ومن اروح لبيتهم ما اطلع من المطبخ وانا اطبخ وانظف المشكله والداهيه الاعظم اني اخلص شغل المطبخ واطلع ابي اجلس معهم ولا القاهم وبالنهايه اشوفهم بغرفة الجلوس مجتمعين على الشاي والقهوه اللي انا سويتهم واخوان زوجي معاهم يعني مااقدر اجلس معهم وكل مره على هالحال حتى الاكل احيانا اكل لوحدي وهم كلهم مجتمعين بغرفة الطعام ياكلون احس كأني شغاله انا اقول الشغاله ااهون لانها تاخذ راتب وانا شنو خذيت

واذا بطلع مع زوجي لازم تروح معنا والا بتعصب وبتزعل وان ما زعلت يعني تكلمت علينا من ورانا وانا من تزوجت ما سافرت ولا مره لوحدي لازم امه معنا انا مااقول ماابيها بس يعني ابي احس بخصوصيه ابي اعيش مثل باقي المتزوجات حتى غرفة نومي تتقصد تدخلها بأي طريقه وتناظر في كل شئ وتتفحص كل شئ كنها تدور شئ

مادري شنو قصدها وليش تدخل غرفتي وتسوي هالشئ واحيانا تفتح الدواليب عادي وتاخذ راحتها كنها جالسه بغرفه عاديه ماكنها غرفة متزوجين واذا كنت بالغرفه مع زوجي تضرب الباب مره وتدخل على طول تصرف اطفال بصراحه واحيانا ماتضرب الباب تدخل علينا فجأه لدرجة انها مره دخلت وانا ناسيه الباب مفتوح وانا بقميص النوم

طبعا هذا الكلام اذا جت عندي بشقتي وتبيني اخدمها وهي تشوف نفسها اننها الامره والناهيه وان زوجي غلطان لانه يطيعني ويسمع كلامي ويوديني اي مكان ابي وتقارن نفسها بي دائما تعتبرني كني ضرتها مو زوجة ولدها والمشكله الاعظم اني اذا جلست معها وسولفت تغلط على امي وتقول كلام يغثني دائما لانها عاشت مع امي فتره ولا تحب امي
واذا تكلمت على امي انا ارد عليها انا كل شئ اتجاوز عنه الا انها تتكلم عن امي باسلوب مشين وما يعجبني

خلتني احس ان زواجي من ولدها كان غلطه مع ان ولدها جوهره ونادر في مثل هالايام نشوف مثله

انا اتحملها دائما واحاول ارضيها لعيون زوجي لانه انسان يستاهل ويحبني وبنفس الوقت يعز امه ويحبها بس شلون اتصرف معها انا اسوي اللي تبيه عشان ارضيها بس انا انسانه موآله

افيدوني حتى لو بكلمه الله يعافيكم

لـ حفظ الموضوع والإستفاده منه إستخدمى هذا الرابط :
شلوون اتعامل معها تعبت
http://forum.sedty.com/t196002.html

[أنا وياك]

وعليكم السلام ورحمة الله وبركاته ..

أختي حاسه فيش وكيف محرومة من الخصوصية الزوجية اللي هي من حقش..

انتي قلتي في كلامش ان زوجش مافي مثله ونادر في هالزمن يعني عشان

عين تكرم ألف عين...

وهاذا مو أي واحد هذا زوجش حبيبيش شريك العمر فلا زم عشانه تتحملي ..

أدري ان اللي تشتكي منه مو شي سهل بس صبري والله يفرج لش..

خليش مثل ما انتي إذا زرتيها طبعي قبله على رأسها في كل مره ،

ولاتنسي الابتسام في وجهها ، نصح الزوج بالأهتمام بأمه ، فالأم تغار

على ابنها من زوجته اللي اخذته منها..

والزوجه الذكيه هي من تعامل ام زوجها معامله ممتازة حتى وان كان

فيه نوع من الارهاق ، فذلك سيكفيك الكثير . ولك الاجر ومهما يكون

هي في مقام الوالدة..

وتذكري عزيزتي دوما بانك في يوم من الأيام بتصيرين حماة

ايضا فعاملي والدة زوجك ما تحبي ان تعاملي عندما تصبحين مكانها.

والله يوفقش..

[ســـاندي]

أختي اسمحيلي اقلك..انك انتِ الي اعطيتيها مجال..لا تقوليلي كيف..
مستحيل الا و الا اعطيتيها ثغرة..لا تعوديها انك تخدمي..خلاص روحي و لا تسوي شي..اذا قالت لك ردي عليها بأدب و بإحترام قوليلها معليش يا عمة ما لي مزاج الآن دوبي نظفت الغرفة بدي ارتاح..
حاولي تقللي الروحات عندها بس من غير ما تحسسي زوجك بشي..عشن لا تخسريه..أو حسسيه بس مو كأنك تشتكي..مثلا انزلي و قولي:
يا الله..امك متعودة اني اطبخلها كل يوم بس كدة حاسة اني تعبت و مليت من هالشغلة..منحرجة مرة منها ما اعرف كيف اقلها هي..
جيبيها بطريقة عادية جداً و شوفي ايش رده و رديلي..
اختي..لازم تلحقي الموضوع قبل ما يتفاقم ..اساسا هو اتفاقم بس اكثر من كدة فين تبغا توصل!
حاولي تقفلي باب بيتك دائما..و اذا انتي ساكنة عندها بالغرفة حاولي دائما تكوني بغرفتك و مقفلة الباب..
و اذا مرة تانية اتكلمت على امك ردي عليها بعدين روحي غرفتك و سوي زعلانة..و اذا جا زوجك اجلسي متضايقة و قولي ياربي انا احب امي مرة و افتقدها ما اتحمل عليها كلمة!!!انا غلطانة ولا لاء ؟مالي غيرك استشيره
طبعا..انتي ماتسوي كدة عشن تفرقي بين الولد و امه..بس انا خوفي يلزمك بيها و يزعل..
و بهذه الحجة لعد تخرجي تاني خليكي بغرفتك و حاولي تنفصلي عنها..يعني حتى لو مو بالبيت بالعادات..
لمن تكون موجودة طفشيها لا تكلميها كتير و سوي انك انسانة مملة..حتى اذا رحتِ لاهله و اخواته..خليكِ مملة عشن لا تنجذبلك و تغار منك و تتملكك..
تعرفي اختي..انا بدي اقلك على شي..هو مهو عذر..بس سبب..
الام لمن تربي ولدها و تتعب و تشقى عليه..تتعود انها تدخل في حياته الصغيرة و الكبيرة..لمن تجي بنت الناس تتدخل فيها هي كمان..لأنها متعودة كدة مع ولدها..
و بتسوي انها تاخذها زي بنتها وتخدمها..بس طبعا البنت ماهي متزوجتها هي متزوجة الولد
شوفي مافي اي حديث ولا اية تحث على كرم و تخصيص الحماة بشي..كما قال صلى الله عليه و سلم(الخالة الام)
و لاتنسي اختِ ان المؤمن القوي خير من المؤمن الضعيف..لا تسمحي لاحد يستغلك..
خذي حقوقك بالكااامل اختي لأن لو انتِ ما اخذتيها محد بياخذها لكِ..



لدي ملاحظة
خليش مثل ما انتي إذا زرتيها طبعي قبله على رأسها في كل مره ،

ليش هالعبارة اختي!!!حتى الصحابة ماسووها في سيد الاكرمين و اشرف الاشرفين محمد صلى الله عليه و سلم..
مو واجب عليكي تقبلي رأسها..اذا ما بغيتي يكفي مصافحة لأنها هي الي ثبتت من الرسول صلى الله عليه و سلم..

[هنوف11]

حبيبتي انا مع الاختين راح تقولين كيف !! على الرغم من اختلاف وجهات النظر

مثل ماقلت لك الاخت الاولى انك تحترمينها وعالطول الابتسامه ومايحتاج تغلطي عليها بالكلام

بالعكس مثل ماقالت الاخت الثانيه تلكعي عليها شوي يعني ماتعطينها مجال انها تتدخل بخصوصيات

يعني مثلا انك تقولين لزوجك ان امه تحبينها وعزيزه على قلبك لكن انتي محتاجه للخصوصيه معه

لانه زوجك ويحبك وتحبينه وهو يستحق الخصوصيه انك تحبين امه بس نفس الوقت تستحين

منها وانك مو متعوده احد يدخل عليك وانتي لابسه قميص نوم

هو راح يفهم امه انها ماتدخل عليكم

يعني انك تفهمين زوجك بطريقه حلوه تحبين اهله الخ ونفس الوقت قولي للي بخاطرك بطريقه

سلسه ماتكون فيها مشاكل مثلا وشغل البيت نفس الشئ خالتي انتي على العين والراس بس انا اليوم تعبانه

مااقدر اشتغل اكيد ماتقدر تجبرك او تقول لك اشتغلي بالقوه

لازم تتعلمين هالطريقه علشان تريحين بالك وبالتوفيق

[عيون ابراهيم]

حبيبتي وانا رايي تخففي زياراتك الها
وتحمليها بس لانها ام زوجك وحسسيها بهالشي
بعدين لما تروحو عندها فهمي زوجك انه انتي كمان تعبانة من شغل بيتك وحاولي حسسي بهالشي يعني انتي ما بتخلصي من بيتك عشان تروحي ترتبي وتنظفي ببيتهم!!!

كمان انتي انسانه والك طاقة وحدود
الله يعينك والله يهديها والله انا بتدايق لما اسمع هالقصص وكانه الحماة ما عندها بنات تخاف عليهم

زوجك لاتخسريه عشانهم وخديها نصيحة لا تراجعيه بأي تصرف ممكن يتصرفوه اهله لانك بهالطريقة ممكن تعملي حزازيات لو هو ما استوعب موقفك منهم .. لا تدخلي اي موضوع نكد لعلاقتك الزوجية

الله يكون بعونك ويوفقك دنيا واخره

[عيون ابراهيم]

صحيح

اكيد امك لازم تدافعي عنها وما تسمحي لاي مخلوق يتكلم كلمة عنها
يعني مو بس حماتك لازم تراعي شعورها وامك مافي مين يراعيها بغيابها

الله يوفقك

[مشكلتي]

مشكورين اخواتي على جهودكم وقرائتكم لمشكلتي

حابه اوضح لكم اني انا احبها ام زوجي ومن اشوفها اقبل راسها دائما واذكرها بالهدايا في المناسبات

بس هي هذا طبعها معي تفكيرها فيه نوع من التخلف وتعتقد ان زوجة الولد من واجبها تخدم ام الزوج و

تطيعها لدرجة ان بنتها تكون جالسه معنا بس ماتبي تتعب بنتها تخليني انا اللي اقوم واسوي اللي تبيه

واذا على روحة بيتها انا قطعت ماروح بالمره ودايما اتعذر ان بيتهم فيه رجال دائما ولا اخذ راحتي

والسبب الاساسي هو الشغل اللي ما يخلص والتدخل في خصوصياتي في السوالف والكلام عن امي واهلي

اللي تعب نفسيتي وانا هونت ماادخل معها في سوالف عقيمه واحاول اسكر اي موضوع يغثني عن طريقها

عشان ماتتكون مشكله كبيره واطول لساني عليها

مااقول الا الله يهديها ويسامحها ممكن هي تفكيرها يكون كذا وتعتبر اللي تسويه عين الصح

مشكورين عالردود

[اسيره زوجي]

حبيبتي شوفي المفروض لو زوجك يحبك ما يسمح لهم يعاملونك كذا معليش يا بنات لا تقولون تحملي وهذي ام زوجك مثل امي لا اكيد لا امي ما تعامل حريم اخواني كذا وفيه بعض الحموات يحسون با الاغيرة
من حريم عيالهم
طيب انتي اقعدي مع زوجك وقولي له انك مو مرتاحه
خلي عندك شخصيه بصراحه لو انا مكانك كان من زمان انجنيت معليش حنا طلعنا من بيوت اهلنا
معززين مكرمين حنا بنات حمايل موشغالات ل ام الرجال عنده بناتها الله لا يهينها
وبعدين اذا هي مو قادرة على الشغل تجيب شغااااااااااااااااااااااااالة ما فيه بيت الحين مافيه شخاله
وبعدين الي ردو عليكي خليكم من المثاليه الزايدة
لو وحدة منكم ذاقت الي هي ذيقته كانت حست
اكيد بتسالون انو ممكن انا حماتي كذا بس الحمد لله حماتي حييييييييييييييييل طيبه تستاهل احد يخدمها مووحدة تسمهني كلام ولا تطلع معي ومافيه خصوصيه
اجل ليش تزوجنا كان قعدنا ببيت اهلنا معززين مكرمين


اسمحي لي بس والله انقهرت علشاااااااااااااااااااااانك