ام زوجي تنام معي بنفس السرير...!!

[ضوء الفجر]

السلام عليكم ورحمه الله وبركاته
انني اكتب هذا الموضوع لاقنع كل زوجه متضايقه من ام زوجها



اخواتي اود ان اقسم لكم بالله العظيم
بان كل كلمه سوف اكتبها هي حقيقه حدثت لي في يوم من الايام
اخواتي تزوجت وعمري عشرين سنه
وكنت ماني داريه عن الدنيا ومقالب الحريم وحركاتهم


المهم كانت ام زوجي حرمه متسلطه سليطه لسان يكرهها الجميع
من اخوات زوجها وجيرانها واقاربها لان لسانها متبري منها
عندما تزوجت تعلقت بزوجي كاي زوجه تحب زوجها000ولكن
الحب يحتاج الى تضحيات واولها المواجه مع ام زوجي00
وكان الكل يحذرني منها00ولكنني قررت ان اكسب المعركه لصالحي


في البدايه اود ان اوضح ماهو اكثر شئ اعانني على المواجهه
(بعد اعانه الله سبحانه وتعالى)


((((كنت دائما اضع ببالي لو انها كانت امي فماالذي سوف افعله بهذا الموقف)))))
الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى


كانت تحرص ان تدخل غرفتي بدون اذن وتاخذ بعض اغراضي وتستخدمه امامي
لكي تغيضني وتجبرني على الكلام (ولكن اتخيلها امي)واصمت
كنت احرص ان لا اقفل الغرفه اذا كنت نائمه وزوجي غير موجود
لانها تحب ان تفتح الباب بين فتره والثانيه
(ولكن اتخيلها امي تود الاطمئنان علي)واصمت
كان يوجد داخل غرفتي حمام لمن نركب له باب لانه داخل الغرفه
وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه
اخذ روب الحمام واغلق الستاره واتروش عادي جدا
وبعدين البس داخل الحمام(ولكن اتخيلها امي استحي اقولها اطلعي برى)
المفروض هي تستحي


كنت انام الظهريه عندما يكون زوجي بالعمل
واكتشف انها نامت معي بنفس السرير
عندما كنت اغط بالنوم لاني اترك الباب مفتوح
لها كما اسلفت سابقا وكانت حجتها ان مكيفها حار ومكيفنا ابرد 00
والبيت فيه خمس مكيفات مااختارت الا غرفتي(ولكن اتخيلها امي)واصمت


كانت تقتحم غرفتي وتفتش بين ملابسي بحجه ان الشغاله مضيعه تنوره بنتها
يمكن مدخلتها عندي ويشهد الله اني كنت اساعدها بعمليه التفتيش
(لاني اتخيلها امي)واصمت


كانت تحاول احراجي امام الحريم عندما نجتمع
ولكن اسكت لاني عارفه الناس تقول حتى لو عمتها غلطانه
المفروض مايتهاوشون قدام الحريم يعني اطلع انا الغلطانه
وهذا مالا ارضاه لنفسي بعد هذا الصبر الطويل


اما وجبات الاكل هذي يبيلها مجلدات لحالها لانها كل مره تغير مزاجها
مره تبي الاكل مالح ومره باهت مره الرز لين ومره تبغاه نثري0
مره تقول البهارات تسبب لي حرقان ومره الاكل ماصخ مافيه بهارات
وطبعا في كل مره اطبخ له طبخه من جديد
حسب المواصفات المطلوبه(وطبعا اتخيلها امي)ومشتهيه تاكل هالطبخه


لما ارجع من السوق اوريها اغراضي واحد واحد حتى الاشياء الخاصه
(تذكرت موقف طريف بقوله لكم مره اشتريت لمعه الجسم
وريتها على انها كريم عادي0 طبعا هي كل كريماتي من املاكها الشخصيه
وتستخدمها متى مابغت 0وتخيلوا شلون بيكون شكلها وهي رايحه عند ناس
وهي مستخدمه لمعه الجسم


وطبعا لما جاني عيال ياسلام بدات تلقى اثاره اكثر 00
عيالكم سوو وعيالكم فعلو00بذكر لكم موقف واحد 00
مره ولدي كب بيبسي على الموكيت حق غرفتها00
قالت انا حلفت ان البيبسي ماينمسح ولازم يتغير الموكيت كله
(طبعا تبغى تنرفزني وتشوف رده فعلي)
المهم ولدها عيا قال هذا جبروت مهو طلب معقول 00
ورحت وغيرت موكيت الغرفه على حسابي الخاص



المهم يااخوات ان هالمعارك دامت تقريبا خمس سنوات
(داحس والغبراء)
وبعدها اعلنت ام زوجي استسلمها


وصارت تفضلني على زوجات اولادها السته
وصارت كل ماشافت شي جديد عند زوجات عيالها او بناتها تشتريه لي
وتقول شفتهم شروه اكيد انه شي دارج هالوقت وقلت باشتريه للغاليه
وصارت تستشيرني بكل شي يخصها
حتى لو عيالها قالوا لها شي ماتثق فيهم لحد ماتاخذ رايي
وصارت تدعي لكل عجوز تشوفها ان الله يرزقها بحرمه ولد مثلي


طبعا كل الناس مستغربين بما فيهم زوجي واخوانه
شلون قدرت اكسب ام زوجي
واقسم بالله تقريبا تسعين بالميه من المشاكل ماكان يدري عنها زوجي
لاني كنت اقول في نفسي
(طيب واذا عرف بالمشكله يرمي امه بالشارع
ولا يروح يهاوشها وتزيد المشكله ماتنقص وهذا الي هي تبغاه)
كان مايدري الا بالمشكله الي يشوفها بعينه



والله اني اكتب قصتي مع ام زوجي لكي تستفيد منها
كل عروس توها باول المشوار وماهي عارفه كيف تتصرف مع ام زوجها

منقوـول

 

 

[كل الحلا بحرينية]

 

 

[ضوء الفجر]

الله يعافيكِ حبيبتي وشااااااااااكرة تواجدك في موضوعي

 

 

[m joseph]

يالله .... ام زوجها هذي مو طبيعيه

لو انا ماادري ايش اسوي بحالتها ..... بس بجد انبهرت من تصرفات صاحبة القصة

رهيبه ماشاء الله عليها بس عندها طولت بال ...

يسلمووووووووو ضوء الفجر على القصه عنجد روووعه

واحمد ربي واشكره على ام زوجي

 

 

[ضوء الفجر]

مشكووووووووورة حبيبتي على المرور الجميل

 

 

[! عذوق آلورد !]

مشكوووووووره حبيبتي على القصه

 

 

[دانة مغربية]

مشكوورة أختي على هالنقلة المفيدة
إن شاء الله نستفيد منها مستقبلا

 

 

[الوفااا طبعي]

بصراحه عندك صبر وطوله باااااااااااااااااااااااااااااااااااااال

والصبر مفتاااح الفرج

وكثر الله من امثااالك وقلل من امثال ام زوجك


والله يعطيكي الف عااااافيه


الطيبون للطيباااات

 

 

[ضوء الفجر]

شاكرة تواجدكم جميعا

وبالنسه للوفاااااااا طبعي

مشكوووووووووووووة على المرور

وهذه القصة مو قصتي هذه القصة انا نقلتها من منتدى ثاني


وشكرا

 

 

[كنت بيوم حساس]

معقووووووووووووووووووووووولة فيه ام زوج بنكد زي هذي والاغرب فيه زوجة ابن بالصبر هذا
الله لايبلانا بالسوء الحمد لله خالتي ام زوجي امرأة عاقلة وقورة الحمدلله مرة ثانية