أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > حياتك سيدتي > الحمل والولادة




أسئلتكموالاجابة عن ادوية النفاااس،،،


جديد مواضيع الحمل والولادة


إضافة رد

  • Facebook

  • Twitter


Sponsored Links
قديم 11-12-2009, 10:29 AM   رقم المشاركة : 1
:: سيدة جـديـدة ::










icon26 أسئلتكموالاجابة عن ادوية النفاااس،،،

أسئلتكموالاجابة عن ادوية النفاااس،،،



مراحب ....


وصلت عندى رسائل ...

اسئله عن النفاس

الخراب

النظام

حبيت احطها هنا بدون ذكر اسماء

اسئله عامه للاستفاده...

وبحط موضوع عن طريقه الكرشه بالتفصيل اكثر

لان البعض مافهم ...

وبحط موضوع عن نظام النفاس كامل من الصبح الى الليل

مثل ماطلب بعضكم

بس مادرى مسموح هنا احط اكثر من موضوع باليوم .,,

نجى للاسئله ....

1 شلون ماغسل شعرى وانا نفاس وشلون ماكون واقفه ؟

الترويش للنفاس يختلف.. يعنى لما تجين تتروشن وانتى نفاس لا توقفين تحت الدش

زى مانسوى حنا بلايام العاديه

لا اجلسى على الكرسى الافرنجى حق الحمام

واغسلى جسمك من تحت ,,,, يعنى لاتغسلين شعرك

السبب ...

غسل الشعر وقت الدوره والنفاس مضر للحرمه.. لان الرحم خفيف..

ويسبب ضعف للمبايض .. وفى دراسات تقول : يسبب امراض شينه
ابحثوا عن الموضوع وتشفون ...

2 بعد كم يوم اغسل شعرى وانا نفاس؟

بعد كم يوم

يعنى نفاسك كله لا تغسلينه الامرتين ثلاث بالكثير ...

3 احس بنفاسى زى الثلجه برحمى ... وش السبب ؟

السبب هواء ... حتى مع حرصك ممكن يدخل .. الهواء يدخل مع الاذن

من الرجول اذا مشيتى حافيه...

4 نظام فيافى زين ؟

ماشوف فيه شي غلط .... عندى اعتراض على شي واحد بس فيه

االمطبوخه.... او الطبيخه .. او مشروب الاعشاب

ثقيل ... وفيه اعشاب كثيره مامنها فايده ممكن تستغنين عنها ...

5 عندى حساسيه من الماش .. وش اسوى ؟

ماظن الماش يسبب حساسيه ,,, بالعموم انتى ابخص بنفسك
اذا يسبب لك حساسيه لا تستعملينه ...

6 ممكن اسوى الهوم واحفظه بالفريز ..

والله انا مافضل يصلح بدرى اول باول افضل .. وبنهايه الظروف تحكم ....

انا مثلا اشترى اغراضى من بدرى لان عندى ظغط مرتفع وعاده اتنوم اخر شهور حملى

عشان كذا ظروفى حكمت .,,,,

7 ممكن اتشطف بالمره الايام الاولى ؟

ممكن بس مو لحالها مع ملح افضل

والغسول الجيد

مره + ملح + قشر رمان + ارطا

8 ولدت السنه الماضيه ومات مولودى .. وكنت حزينه طول النفاس و
طبقت نظام ومانفع معاى تتوقعين الحاله النفسيه لها دور ؟

الله يعوض عليك .. ماحد ينكر دور الحاله النفسيه بالنفاس

اذا اجتمع بالنفاس

اكل صح
وادويه سنعه
وراحه نفسيه

بتكون النتيجه طيبه ....

بس بعد مع تقديرى لظرفك .. الاهمال مو بصالحك

انتى بعد الاربعين ودك تحملين بسرعه عشان تعوضين الى راح منك

لازم تحملين وانتى صح ورحامك سليمه

لا تهدمين شي

على حساب بناء شي اخر ..

9 التحاميل النسائيه زينه ..؟

مو شينه ولها فايده بس مو للجميع ..

يعنى الى معها التهاب ماتمشى معها ..

وانا افضل تحاميل شغل يد بالبيت

افضل .. حتى من التحاميل الطبيه ...

وتستخدم يوم وراء يوم ..

وهناك طريقه يربطون خيط بالتحميله من تحت
وتدخلينه ويبقى الخيط طالع من برى

وتنامين

والصبح تسحبين الخيط وتطلع البلاوى ..

وبالنسبه للتحاميل الطبيه الى من الصيدليه

فيه تحاميل سعرها 16 او 17 ريال

كرتون ابيض فيها خطوط خضرء

تستخدم يوم وراء يوم ...

مايحضرنى اسمها الحين

هذه جيده للاستعمال ...

10 انا طهرت من النفاس لى عشرين يوم ...اكمل النظام او خلاص عادى ؟؟

لا طبعا تكملين الى نهايه الاربعين

حتى لو مامعك دم .. كملى .. كل شي

الاكل الممنوع تتركينه...

والنظام خليه قائم

والغسول

كل شي ... كل شي ...

وهذه من الاخطاء اللى تصير اذا طهرت قالت خلاص قضيت ,,,

11 وشو لهوم العشرين يوم الاولى ..
ماش + حلب

تطحن بعلبه وتكون نفس المقادر يعنى مقادير متساويه

ويسف الصبح سف

ويشرب عليه حليب حار

او ممكن تحطينه بعد مع العجينه وتسوين خبزه ..

واللهوم على جوع افضل ... يعنى لاتاكلين قبله شي

12 كيف التمره والرشاد ؟ ومتى تستخدم اول الايام او اخرها ؟

التمره اهم ركن من اركان نفاسك ..

تمر بدون فصم ... بدون نوى .. ويفضل التمر الجيد

تكون معبوطه يعنى معجونه .,, تحطين شوى بقدرر وتحطين معه

رشاد حب بدون طحن+ فلفل اسود + حبه سوداء + سمن برى وانا افضل السمن البرى

اكثر من زيت الزيتون فيه بنات تحط زيت زيتون ماتبى السمنه

السمن افضل .. تحمى التمر على النار تسخين خفيف

وتاكلين منها طول الاربعين

صبح ولليل وكل وقت مفيده

وتشربين عليها قهوه بدون هيل مع دواء القهوه
13 الطماطم ... الموز .. الا ناناس.. الفاصوليا .. الجزر ... البطاطس .. تضر بالنفاس؟

ممن تاكلين مع المرقه والمرقوق بطاطس

الباقى مانصح فيه ...

14 اشوف عند حريم اخوانى قواطى خضراء وحمراء .. ولاعرفت وش و الا من المنتدى انها ادويه

ولهوم ...؟

هههههههههه مو مهم لون العلبه المهم اللى بالداخل ... ومدى الاستفاده من القوواطى والاستخدم الزين لها

الطيبه الى تخلص القوطى حقها .. مو بعضهم يطوف وتنتهى صلاحيته .. وهى ماكلت منه ..

15 اخذت لهوم عباره عن

( قشرر رمان +رشاد + حبه سوداء+ حلبه + سكر نبات )
واشربهم بعصير .. صح او غلط ؟

بعصير ... وويلى ويلاه

مااردى من الاول غير التالى

لا طبعا مايصلح ...

16 بنفاسى ماينزل معى دم بس افراز بنى .. ومعى صوت .. واحس برود جنسى وزوجى ضايق منى ؟

ياختى الحاله عندك حاله

عدم نزول الدم بنفاس ممكن يصير مع العمليه القيصرى

مو عدم نزوله لا يكون قليل

وبحالتك

ماينزل معك دم وشي بنى + صوت

دليل خراب اكيد

والنتيجه البرود وشكوى الزوج ...

عطى نفسك مده علاجيه ثلاث شهور ثلاث دورات وراء بعض

واهتمى بكل التفاصيل الصغيره ..
من اكل

وشرب

ولهوم
ادويه

وممنوع

وكبو

بالنسبه لحالتك ..

عليك بالكرشه باول دوره تجيك كرشه الذبيحه

وبحط موضوع مستقل عن الطريقه للكرشه
هذا للعلاج الصوت معك

16 انا مو حامل ... بس اقدر استخدم الهوم بالدوره ؟

طبعا واكيد والمفروض تتعاملى مع دورتك الصغيره بنظام تعاملك بالنفاس الكبير

اهمال الدوره شين .. احذروا يابنات ...

17 انا حامل ومعى صوت .... وش اسوى ؟

مانصحك تسوين شي كونك حامل ,,, ربك يعين
بس لاتفتحين رجولك قدام مكيف

خاصه وقت العلاقه .. وفهمك كفايه

هذه نتيجه الاهمال ... جايك نفاس

الله الله بنفسك ...

18 قلتى بموضوعك حلب تقصدين الحلبه ..؟

نعم هى نفسها

19 وش فايده الغسول؟

يشد المنطقه ويطهرها ويساعد بالتائم الجروح

20 انا قيصرى استخدم الغسول ؟

نعم تستخدمينه ..

12 كيف المنقوعه ؟

المنقوعه

تجبين علبه مويه صحه صغيره
وتحطين فيها شوى ..

عنزروت+ محلب + مره + مباركه شوى

وتحطين مويه وترجين العلبه

وتخلينها تركد

وتشربين منها ...

21 وش احط مع الاكل وانا النفاس؟

مرقوق
مرقه لحمه
اى اكل

تحطين معه

حبه سوداء + ماش + حلب

يكون حب غير مطحون


22 وش هى الاشياء اللى تخرب ؟

الصك

اللك

الشبه

العفص

23 وش الحل مع الفرزات والمويات ؟

الاهتمام بكل شي

بالدوره والنفاس

من اكل وشرب وكبو

وغسول

وابتعاد عن الممنوع

والحل عندى للمويات

لهوم يستخدم العشرين يوم الاخيره بس لاتكثرين لانه ينشف مره

مرتين باليوم يكفى ...
24 ذكرت الرزنه .. شلون استخدمها ؟

الرزنه اطحنى عندك بعلبه صغيره

واذا شربتى شاهى عادى حطى بالكاسه حقنت شوى واشربى الشاهى

تنظف البطن وجيده جدا بالنفاس ...


25 استخدم كبو وانا بنت ماتزوجت ؟

ممكن تستخدميه عادى

هو علاج للهواء واغلب البنات معهم هواء للاسف

26 وش الممنوع تستخدمه البنت الى ماتزوجت بالنظام ؟

التحاميل

ممنوع تستخدمها البنت الى ماتزوجت ..

والباقى عادى

27 اقدر اسوى الكرش وانا مافينى صوت ؟

نعم تقدرين وانصح فيها

28 انا معى صوت ومسوى لى احراج كبير .. بس ماقدر اجيب كرشه ذبيحه صعبه

فيه حل ثانى ؟

فيه حل مع انى افضل الكرشه

بس ماتسكتين على حالك

سوى خبزه بالفرن طحين بر

وحطى فيها كل الادويه الى عندك

حبه سوداء + ماش + فلفل اسود

حلب

واعجينها مع الخبزه ودخليها افرن تستوى

وبعدين طليها وحطيها بصحن

وبطانيه

نفس خطوات الكرشه

بيخف الصوت معك

وبالتكرار والمواظبه والحرص والاهتمام بينتهى
باذن الى ماتنام عينه .. بس لاتهملين

26 انا قريت موضوعك وقمت اشك بنفسى... مدرى

بس وش اكبر مشكله ممكن تواجه الوحده بالنفاس ؟

اكبرمشكله بالنفاس

الهواء

خواء الرحام

وسببه الجوع والاهمال

واعراضه

صوت من تحت يشبه صوت .. ط ...

وهومحرج ومزعج وويصيب البنات والمتزوجات

والمشكله اللثانيه

المويات والافرزات

تضايق الزوج وتنكد على الوحده

وعلاجها الاهتمام

والكبو



28 و ش اعراض الشمم ؟

الدوخه

الغثيان

الاستفراغ

نبض ودف مكان الجرح

الطبيعى من تحت

القيصرى من العمليه ..

_______

اتمنى لكم الفائده
لأمانة منــــقــــولة
لـ حفظ الموضوع والإستفاده منه إستخدمى هذا الرابط :
أسئلتكموالاجابة عن ادوية النفاااس،،،
http://forum.sedty.com/t209529.html




رد مع اقتباس

Sponsored Links



قديم 11-12-2009, 09:29 PM   رقم المشاركة : 2
:: سيدة جـديـدة ::










افتراضي رد: أسئلتكموالاجابة عن ادوية النفاااس،،،


يسلمو على الموضوع



برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0541475444

إضافة رد




أسئلتكموالاجابة عن ادوية النفاااس،،،

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
ادوية الحموضه ام جنا وعمر صحتك 3 10-30-2010 06:41 PM
اجنحة في اغتراااب ... !!!!!!!!! غرشة عطر خواطر وعذب الكلام 6 12-06-2009 12:10 AM
الدوره بعد النفاااس افراااااااح الحمل والولادة 1 07-11-2009 10:38 PM
وسائط اخوية ... samanur الهواتف النقاله والذكية 4 02-28-2009 12:46 PM
ابــــشــــــــــــــــــــــــــــــري اخوية الغامـــــــــــــــضة منتدى البيت الإسلامي 6 02-13-2008 02:05 PM






Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter