أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > حياتك سيدتي > افتحي قلبك


حبيبي عرسه يوم 22\1\2009واحسه يوم وفاتي ساعدوني تكفون


جديد مواضيع افتحي قلبك


إضافة رد

  • Facebook

  • Twitter


Sponsored Links
قديم 01-13-2010, 01:55   رقم المشاركة : 1
:: سيدة جـديـدة ::













حبيبي عرسه يوم 22\1\2010واحسه يوم وفاتي ساعدوني تكفون

حبيبي عرسه يوم 22\1\2010واحسه يوم وفاتي ساعدوني تكفون



السلام عليكم ورحمة الله وبركاته

انا اختكم فالله محتاجه لكم

انا وحيده ماعندي خوات واتمنى تكونون خواتي

انا مشكلتي صعبه علي كثير رغم ان شخصيتي قويه

بس موقادره اواجه هالمشكله ابداً

انا بنت تحب دراستها وقضيت حياتي ووقت فراغي كله بالدراسه

لين تخرجت من الثانويه ولي هالوقت اناماكنت افكر بالشباب

ولا اعرف شنو يعني علاقه بين بنت وولد

وبعد تخرجي تقدموا لي عيال عمي وانا رافضه فكرت زواجي من عايلتنا

حاولت اتهرب من هالزواج وانصحتني وحده من صديقاتي اني ادخل احد

مواقع التعارف بغرض الزواج

وفعلا دخلت وتعرفت على شاب

علمني الحب وحسسني اني البنت الوحيده بالعالم

لدرجة اني ماقمت انام ولا اطلع مع اهلي ودي كل الوقت وياه

واي مكان اروح له لازم يكون اهو فيه

وما انام الا على صوته

وحبيته حييييييييل وللحين احبه ومااقدر ابعد عنه

واول ماعرفته كنت خايفه حيل

وحلفته انه اذا الزواج مو هدفه من هالعلاقه

يقولي عشان ننهيها

وللاسف

كان يقول لا احبج وابيج ومااعيش بدونج

وبعد فتره كنت رايحه السوق وقلت له وجاء هناك فعلا

وكان واقف قريب مني وجاء رجال وسلم عليه

وكنت اسمعه قال له متى العرس؟

قال له شهر 1

!!

انصدمت

ولما رديت البيت اتصلت وسالته

انكر الكلام اول شي

وبعدين اعترف انه من قبل لا يعرفني

واهو خاطب بنت عمه

وانه خاف يقول لي ويخسرني

وانه اذا بعدت عنه بخرب حياته

واناا للحين اكلمه

بس

هو بدا يتغير مايتصل

ولايسال عني مثل اول

ولما اعاتبه يقول لي مشغول

وان قلت له انا ماراح اتصل يزعل

وانا مااحب ازعله ابد والله مااحب ازعله

والحين هو يبيني احضر العرس

وبصراحه خااااااااااااااايفه

احس اني بموت

ولا ادري شنو اسوي

تعبانه حييييييل

وعايشه بصراع مع نفسي

اصلي وادعي لكن قلبي

مومطاوعني اتركه

ومابي اخرب بيته ولا ابي اظلم زوجته

والله محتاجه احد يوقف معاي

ماعندي احد لاعندي خوات ولا بنات عم ولا حتى صديقات اثق فيهم

تكفون ساعدوووووني

لو بكلمه

تكفون
لـ حفظ الموضوع والإستفاده منه إستخدمى هذا الرابط :
حبيبي عرسه يوم 22\1\2010واحسه يوم وفاتي ساعدوني تكفون
http://forum.sedty.com/t228086.html





التعديل الأخير تم بواسطة الحـ خـــالـــد ـب ; 01-15-2010 الساعة 22:46.
رد مع اقتباس

Sponsored Links




قديم 01-13-2010, 02:16   رقم المشاركة : 2
:: سيدة رائعــة ::












افتراضي رد: حبيبي عرسه يوم 22\1\2009واحسه يوم وفاتي ساعدوني تكفون


انتي اللي خليتيه يتحكم ف قلبك من البدايه ... ع الأقل احفظي الجزء الباقي من كرامتك واقطعي علاقتك فيه ولا تقولي مأ اقدر وأحبه أصلاً ما يستاهل ذرة حب ... كذاب وغير كذا خاين والله استغربت من كلامك لا وبعد بكل قوة عين يريدك تحضرين عرسه ... زين إن الله كشفه على حقيقته بس والله مستغربه كيف تفكرين بهاللإسلوب إنك تتعرفين ع شخص من مواقع التعارف بهدف الزواج شيء معروف إنه الشاب مستحيل يتزوج وحده ما يعرفها وما يعرف أخلاقها ولا عمره شافها غير كذا اتعرف عليها من موقع اكيد بيقول عنك مثل بنات هالأيام سوري طبعاً ...

فوقي لنفسك أختي واتركيه عنك ولا تتصلي فيه أبد ولو يرسلك ويتصل لا تردي عليه وإذا بإمكانك تغيري رقمك أحسن تغيريه ... إحفظي كرامتك وكرامة أهلك ما فيها شي لو اتزوجتي من الاهل أو انتظري نصيبك وربي يوفقك ...


قديم 01-13-2010, 02:19   رقم المشاركة : 3
:: سيدة مميـزه ::













افتراضي رد: حبيبي عرسه يوم 22\1\2009واحسه يوم وفاتي ساعدوني تكفون


الله على قصتك اثرت فيني لكن صدقيني انه مع ألاسف هو الخسران لانك وثقتي فيه وهو للاسف كان خاطب ولاتزعلي مني كان يبي يتسلى لحد ما يجي زواجه ومشينه وقوة عينه يطلب منك تحظري عرسه يعني ضرب قبلك وجرحه ولاهمه يأختي حنا البنات نصدق اي شي وبحكم تجربتي بزواج وطلاق عرفت كيف شباب يفكرون وشوفي ياختي أذا قلبك قوي احظري العرس اذا ماتقدرين اتركيه وغيري رقمك وتأكدي ان الله راح يعوضك برجل يستاهل حبك وا أول شي يسويه يخطبك واتمنا من الله لك الستر دنيا واخره آمين ........وعذراَ على أطاله بس انتي مثل أختي....

قديم 01-13-2010, 02:19   رقم المشاركة : 4
:: سيدة نشيطـة ::












افتراضي رد: حبيبي عرسه يوم 22\1\2009واحسه يوم وفاتي ساعدوني تكفون


اختي اسمحي لي اقول لج اشطبي لغب حبيبي اولا ..
لان هذا الشخص ما يستاهل حبك وبدل ما تتحسرين عليه تحسري على الوقت الي ضاع معاه من عمرك
والحمدلله انه انفضح وظهر عاى حقيقته واحمدي الله ع هذا الشي وراجعي سالفت رفضك الزواج من عيلتك
يمكن ولد عمك ايكون لك احسن من الغريب ويصونك .

قديم 01-13-2010, 02:35   رقم المشاركة : 5
:: سيدة مميـزه ::













وسام العضوه المبدعه 
افتراضي رد: حبيبي عرسه يوم 22\1\2009واحسه يوم وفاتي ساعدوني تكفون




حبيبتي الحب الخالد أتأثرت بقصتك وحسيت فيكِ

بس الاخوات معاهم حق هو ماكان صادق معاكِ بدليل

انو خبا عليكِ انو خاطب للأسف اللي حبيتيه مايستاهل الحب

دوسي على قلبك اعرف انو مو حاجه سهله بس احفظي كرامتك

وادعي واستغفري كتيررر هي بإذن الله مفرجة الكروب

الله يكون بعونك

قديم 01-13-2010, 04:21   رقم المشاركة : 6
:: سيدة جـديـدة ::












icon18 رد: حبيبي عرسه يوم 22\1\2009واحسه يوم وفاتي ساعدوني تكفون


الحب لا يعرف زمنا ولا مكانا.لكن ذلك لا يعني ان نثق في كل من يدعي الحب,في زمننا هذا صعب جدا ان نجد الحب لكنه غير مستحيل.اختي,لن يتوقف العالم لمجرد انك خدعت في هذا الشخص,واصلي حياتك وسيعوضك الله عنه خيرا.فلا خير فيما لم يختره الله.

قديم 01-13-2010, 06:02   رقم المشاركة : 7
:: سيدة مميـزه ::













شكر وتقدير 
افتراضي رد: حبيبي عرسه يوم 22\1\2009واحسه يوم وفاتي ساعدوني تكفون


أقول خلي الريال بحاله أحسن

دام انتي وضحتي له انه لو ماكان هدفه الزواج راح تتركينه فخلاص اتركيه

يعني شنو هدفها علاقتكم الحين الا خراب بيت البنت البريئة اللي بياخذها

وهو في الاول والاخير شخص غير كفو لج والحمد لله انه بان على حقيقته

قديم 01-13-2010, 06:57   رقم المشاركة : 8
:: سيدة رائعــة ::













افتراضي رد: حبيبي عرسه يوم 22\1\2009واحسه يوم وفاتي ساعدوني تكفون


حبيبتي نصيييحه

هو من البداية ماكان صريح معاك !!

شلون تتمنى تعيشي معاه

صدقيني اتقربي من الله اكثر راح تشوفين هالحب يزول
والله يرزقج بولد الحلال الي يسعدج ويستر عليج


برنامج تكسير الدهون وازالة السيلوليت بدون عمليات 6 جلسة 1000 ريال اتصلى بنا 0112499111 / 0554171121
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0112499111 / 0554171121

إضافة رد




حبيبي عرسه يوم 22\1\2009واحسه يوم وفاتي ساعدوني تكفون

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
بنات تكفون جمعو لي افكار لعيد ميلاد زوجي حبيبي ام هادي الجميل الحياة الزوجية 16 02-14-2012 08:10
تكفون ساعدوني ام نهار صحة الطفل 10 12-24-2011 14:47
تكفون ساعدوني دلوعه اهلها صحة الطفل 10 10-25-2010 14:29
ساعدوني تكفون @سحابة صيف@ الحمل والولادة 11 11-01-2009 15:26
ساعدوني فزوجي حبيبي...... غرام السنين الحياة الزوجية 3 02-08-2008 15:26







Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter