تعرفيني؟أعرفـك؟ماأذكـر إنـا ملتقـيـن لا أعرفك من تكوني ولا تعرفي مـن أكـون

[.."گلـــ شمــــوخــ ــــي"..]

تعرفيني؟أعرفـك؟ماأذكـر إنـا ملتقـيـن لا أعرفك من تكوني ولا تعرفي مـن أكـون


السلام عليكم ورحمة الله وبركاته



هذي قصه تعلمنا نتيجة سوء الظن بالآخرين والحكم السريع على الاشخاص ...
وتقول القصة أنه كانت فتاة تطالع واحد بعين قويه

فالشاب كان شاعر

وما قصر كتب فيها كم بيت عشان تتأدب

أخليكم مع القصيدة:



..



كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟


..

تحياتي لكم دمتم بحفظ الرحمن,,,,

[*حلــى الكــون*]

..
كلماااااات رائعه جدااااا>>مسويه نفسي مثقفه خخخخخخخ

[.."گلـــ شمــــوخــ ــــي"..]

,،، نورتي يالغلا...وباين انك مثقفه خخخخخخخخ...

[حبيتك بسكات]

نننننننننننننننننننن

[حبيتك بسكات]

قصيدة رائعة جداااااااا

[اميرة دبي]

يآقلبــ,ي عليهآآ بجد ـادمعت عينــ,ي
تسلمين حبيبتــ,ي شمووخـ,هـ

[.."گلـــ شمــــوخــ ــــي"..]

ربي يسلمكم كلكم مشكورين على المرور يسلموو اموره فديتك والله قلبووو

[.^حلآتي بحركآتي^.]

يعطيك العافيه