تريد تخطف زوجي مني

[مشكلتي]

تريد تخطف زوجي مني

[size=4]السلام عليكم اخواتي الغاليات الجاء اليكم بعد الله في حل مشكلتي هذه ... ...انا متزوجه من عشر سنوات ولي ثلاثه اطفال حياتي مع زوجي مستقره الى حد ما والحمد لله واكيد ما في بيت يخلو من المشاكل ولكن تعودت انا وزوجي ان نسرع الى حل المشكله قبل ما تتفاقم لكن....قبل شهرين حدث ان زوجي عمل حادث بالسياره وصدم فتاه في العشرين تقريبا...طبعا اسعفها واشرف على علاجها وادخلت العنايه المركزه والحمدلله خرجت من العنايه وتحسنت حالتها كثير وكنت اروح معاه لزيارتها في المستشفى ولما خرجت من المستشفى كنت اروح معاه للبيت نزورها ..المهم كنت الاحظ ان اهلها يضغطون على زوجي علشان يجي يزورها ويتصلون فيه بعد كذا بدأت هي تتصل فيه تشكي له من اي وجع فيها من اثار الحادث حتى لو كان بسيط وتتطلب حظوره مع انه ليس الطبيب المعالج ..نسيت اقوللكم ان زوجي طيب جدا وعلى نياته واول مره يعمل حادث فهو خايف وقلق جدا من اى تطورات سلبيه للحادث مع انها طابت بنسبة 80في الميه وصارت هي واهلها مثل ما قلت لكم يتصلون به كل وقت ولما يكون معها بالغرفه يحاولون يخاون لهم الجو وهذا الي لاحظته من خلال زيارتي لها معاه يحاولون يشغلوني عنهم بأي شى ....الحقيقه انا قلقه جدا جدا جدا من هذا الاسلوب وايش راح تكون نهايته ...والي زاد من قلقي ان احد اقارب زوجي حصل معاه نفس الحادث وانتهت بالزواج:...ارجوكم اخواتي لاتبخلوا علي بارائكم ومشورتكم والله ان هذا الامر منغص علي حياتي لاني احب زوجي واخاف عليه من هذي البنت واهلها وخطواتهم الشيطانيه وشكرا

[Emotion_girl]

ادعي لله و حاولي تشغلي زوجك بانه ما يروح لها و بعدين هو ما يصلح يروح لها الانه غير محرم لها و صارحيه بانو هذا الشىء مضايقك لانو اذا كان صح ع نياته ما راح يلاحظ انك متضايقه

[مها محمد الحربي]

لاتتركيه يروح لها ... هؤلاء لايخافون الله...

[وردة محمدية]

اختي والله العظيم مشكلتك تبط الكبد وتقهر كل اللي يقراها الله يعينك صراحة ..
يعني اشدخل زوجك عشان تتصل فيه البنت تتشكى له وجعها ؟ لا هو طبيب ولا هو زوجها ولا اخوها
وباين ان هم راسمين ع زوجك خطة عشان يخطفونه منك خصوصا انه شافوكم طيبين وعلى نياتكم
واللي صار لبنتهم قضاء وقدر وانتو سويتو اللي عليكم واخذتوها للعلاج وتطمنتو عليها وخلاص
انتهى الموضوع ما يصير يا اختي كل يوم والثاني يتصلون على زوجك علشان يروح لهم وبعدين حرام يروح للبنت في غرفتها ويختلي فيها لا هو زوجها ولا هو ولي امرها ولا طبيبها يعني ما في داعي لكل هذي الزيارات والاتصالات !! وباين يا اختي انهم ناويين على تزويج بنتهم لزوجك ويخلونه يتعلق فيها من كثر زيارته لها ومكالمته معاها شخصيا !!
واللي صار لأحد اقربائكم هو بمثابة تحذير لكم من الله عشان ما تقعون في نفس القصة ونفس المصير الاسود والمتضررة الاولى راح اتكون انتي فحافظي على زوجك من مكر وخداع البنت واهلها عشان ما تصحين في يوم وتشوفين زوجك جايب لك ضرة تنقص عليك عيشتك لا سمح الله خصوصا ان زوجك حاس بالذنب اتجاه البنت .. فأنتي واجب عليك كزوجة انك تحمين مملكتك وحياتك الزوجية من الخطر وتمنعي زوجك بأسرع وقت من الاتصال بالبنت او زيارتها وخليه يقطع علاقته فيهم نهائيا واقنعيه بشتي الطرق
فأنتي اول شي لا زم تسوينه انك تكلمين زوجك بالهداوة لكن بجدية تامة وتشرحين له ملاحظاتك واستنتاجاتك و احساسك من تصرفات البنت وهلها وذكريه بقصة قريبكم والي حصل له نفس القصة من قبلكم
وقولي له انك مو راضية عن اللي قاعد يصير ورفضي بشكل قاطع انه يكون بين زوجك وبينهم اي اتصال
لانه روحته لهم مالها اي داعي حتى لو كانت تتألم بجد .. لانه روحته لها ما بتزيل الوجع !!
واذا عندها اي شي فالمستشفى فاتح ابوابه وخليه يعطيها مبلغ معين كتعويض مادي عن اللي سببه لها الحادث عشان تتعالج فيه اذا احتاجت .. واذا اصر زوجك على انه يتطمن عليها الى ان تتشافى تماما
فهنا انتي قولي له انك راح تقومي بهذي المهمة بنفسك لانك مو راضية انه يكلم بنت غريبة مهما كانت الاسباب يعني مكالماتها انتي اللي تردين عليها وتسألين عنها مو زوجك واظن ان التلفون بيكون كافي للسؤال عنها وعن احوالها وما في داعي للزيارات واذا هم سألو عن زوجك وطلبو حضوره .. دايم قولي لهم انه مشغول ، مشغول ، مشغول وبكذا هم راح يفهمون انكم كاشفينهم ويقلبون وجوههم وما عاد يتصلون عليكم يتشكون .

[عبير الاحلام]

حسسيه بالغييييييييييييييييييييييره عليه وعدم رضائك حتى عن انه يكلمها
وكلمي البنت واهلها انه لايتصلون على زوجك انت بتهتمي بالوضع بعد رضاء زوجك
وادعي ان زوجك مايكون عينه على شي والله معك

[مجداف حبي]

خلي زوجك يغير رقمه ويقطع علاقته فيهم ...الله يعينك...

[الملح كلهـ]

أنتي قولي له أن هالوضع مايرضيك لانه مايجوز انه هو يكلمها

أو حتى يزورها وأنتي قولي له انك انتي بتهتمي بالبنت واذا عندها اي شي خليها تدق عليك انتي مو هو

والله يصلح حاله ويبعد عنه عيال الحرام

ويخليه لك ياارب

[خيال آنثى]

حبيبتي خذي هذي النصيحه انا متزوجه وامكن افيدك الرجال بصفه عامه سوا كان طيب او شديد مايجووون الا بالاسلوب الحلو والمعامله الحلوه
اول شي تسوينه خلي عيالك عند اهلك وسوي جو مرررره حلو بالبيت وبعد كذا اظهري حبك وعالميه انه ماتتخيلي انا احد ثاني ياخذه منك وحسسيه انك غيرانه وقوليله باسلوب حلو انه يغير رقم جواله لان هذا هو الحل الوحيييييييييييد انا البنت ماتتوصل لزوجك وقوليله لو تبي راحتي وتحبني غير عشان انا ارتاح صدقني بعد هاليله الحلوه راح يسوي الي تبين**المهم هالله هالله باليله خليه رومانسيه واهتمي بنفسك وبيتك عالطووول لان الرجال لو نقص شي عليه يدوره **الله يحميك انتي وزوجك