 |
 |
| ||
| ||
| سيدتي I الكيبورد العربي I أعلن لدينا |
| التسجيل | أنظمة وقوانين | المجموعة الاجتماعية |  المدونات | معرض الصور | ابتسامات | شروح خاصة |
| ||||||||
جديد مواضيع الحمل والولادة |
| |
 |
| Sponsored Links | |
| | |
02-21-2010, 05:36 PM
| رقم المشاركة : 1 | ||||||||||||||||||
| :: سيدة نشيطـة :: | الأمسااااااااااااااك عند المرأة يا أخواتي أنا كان عندي نزول بالأرحام لاتتي بصراحة كنت أحمل أشياء ثقيلة بعد ولادتي الأخيرة طبعا بسبب ظروف انتقالنا لبيت جديد تعرفون حنا الحريم ما نصبر ! طبعا بتقولون كيف تعرفين ؟؟ من علاماته ألم بالظهر شديد وكذلك وقت الجماع تكوني غير مرتاحة وفيه شيئ ينغص عليك (اتمنى تفهموا )! المهم ذكرت لي إحدى الأخوات ممرخة ممتازة ترى والله ما اعرفها لكنها والله عالجتني من أشياء كثيرة منغصة علي حياتي الله يرزقها الخير ذيك المرأة وين ماراحت والله اني ادعيلها بكل وقت ! المهم كلمتها وقالت لي تجيني وقت الدورة واليوم الخامس يكون أفضل ! ورحت لها على الموعد المحدد ..المهم شرحتها بالشيئ اللي اعاني منه قالت لي راح اعرف وش فيك بدون ما تتكلمين ! المهم قامت بالتمريخ الا وصرخت ذيك الصرخة يا اختي انت مو بس الرحم خربان عندك ونازل الا معدتك خربانة ! والله اني اندهشت وشلون عرفت ؟قالت انت معك امساك مزمن صح والا لا ؟قلت ايه وش دراك ؟شوفي معدتك فيها التصاقات ؟وعندك كسل بالمعدة يعني الأكل يا حبيتي ما يتهضم زين وهذا الي مسبب لك إمساك ؟قلت لها والله ما تركت شيئ ما استخدمته للإمساك لكن ما نفع معي وبديت اشعر انه جزء لا يتجزأ مني ؟ قالت تدرين ان الرجال ينفر من المرأة اللي فيها إمساك ؟قلت أفا يا ذا العلم واللله يوم بديت اتذكر أشياء كانها صحتني من النوووووووووووم ؟قلت كيف ؟قالت الإمساك يسبب روائح في المنطقة اللي انت خابرة مهما حاولت ان تنظفيها از تعطريها ؟بصراحة بغيت أصيح بأعلى صوتي ؟معلومات جديدة نكبر ولا أحد يعلمنا عن هذه الأمور قاتل الله الجهل !وفي رواية أخرى قلت :لو كان الجهل رجلا لقتلته !!!!!!!! المهم ..قالت ترى رحمك بالباب ؟قلت وش بابه ؟قالت شوي ويطلع على برا ؟قلت حسبي الله ونعم الوكيل زين ما طلع وسير على الجيران ! قالت شوفي حبيبتي نزول الأرحام أمرها سهل راح امرخك في كل دورة وان شاء الله تطيبين بس لا تشليين أشياء ثقيلة وخاصة وقت الدورة أو نفاس ؟قلت ابد ما يصير خاطرك إلا طيب يا بنت الأجواد ! طبعا مرختني ثلاث دورات وطبعا دفعت لها فلوس حق التمريخ ! أما الموضوع الثاني (خراب المعدة )قالت شوفي ابذكرلك وصفة خرافية وسحرية وبتدعيلي بس اللي يكرهونك لا تقولين لهم أبد مدى الحياة وبعد شغالتك انتبهي منها لا تشوفك وانت قاعدة تاخذين هالوصفة !قلت أبد وقالت لي هذه الوصفة راح تعالج أمور كثيرة عندك مو بس معدتك يعني راح تزينين وتزين بشرتك الباهتة !(والله انها جاءت على الجرح )وأقول ورى بشرتي باهتة مهما سويت فيها ما ينفعلها شيئ اثر المصيبة بالمعدة وقالت لي بعد شهر من استخدام الوصفة راح تشوفين وجهك بالمراية وتقولون يا سلام سلّم معقولة الطخمة أنا !وراح كلن يلاحظ التغغيرات حتى زوجك قالت بس لا تقولين لأحد حتى زوجك !وإذا سألك أحد قولي عادي انا سامنة حبتين ! وقالت لي هالوصفة استمري عليها مدى الحياة ما راح تضرك زي ما تاكلين رز خوذي هالوصفة !لكن يا أخواتي انا أخذتها أربعة شهور ومن الشهر الأول زنت وفعلا لما اشوف نفسي بالمراية ما اصدق اني انا تغير شكلي اثر الإمساك مو هين لاعب فيني لعب ! الهم أليكن الوصفة (تبي تقولون وش هالخطبة الطويلة العريضة )وأقولكم المخرج عاوز كذا !(تعرفون عنصر التشويق مهم !!!!!!!!!!!!!!! بسم الله نبدأ ... قالت تاخذين على الريق الآتي تخلطين (ماش +فلفل أبيض +زنجبيل )طبعا كله مطحون وبنسب متساوية ! ثم تاخذين قد ملعقة صغيرة من تلك الخلطة مع حليب حار وتخلطينهم مع بعض +سبع تمرات وبسسسسسسسسسسسسسس! طيب انا سألتها عن كل واحد منهم بالضبط وش فايدته ؟ قالت التمر +الحليب حق الإمساك راح يكنس معدتك كنس ويشيل الالتصاقات اللي فيها ! والماش معروف فوائده للظهر وجبر الكسور يعني مثل الحلبة والزنجبيل معروفة فوائده أيضا والفلفل الأبيض يا عيني عليه !كيف ما نعرف فوائده ؟قالت لي تعرفين ليش الاندونسيات زينات من تحت علشان الفلفل الابيض علشان كذا قلت لك شغالتك لا تعرف بالوصفة والله لو تدري انك تاخذين فلفل ابيض ان تصكك عين لانهم يقدسون شيئ اسمه فلفل ابيض !يعني اللي فهمته من الممرخة انه ممتاز للخوا (صوت يطلع من الفرج )وقالت هو بشكل عام مفيد للمرأة ولازم تاخذه على طول تراه مفيد مفيد مفيد بكل ما تعنيه الكلمة من معنى وراح تشوفون فوائده واضحة عليكم ! ..ملاحظات هامة .. _الفلفل الأبيض يختلف عن الفلفل الأسود اختلاف جذري ولونه بهد ما تطحنينه سكري أو بيج !وتراه اشد حرارة من الفلفل الأسود ! _الحليب اللي ما تبغى السمنة تاخذ قليل الدسم او منزوع الدسم ! _التمر اللي ما تبغى السمنة تاخذ السكري حق الثلاجة ! _انا بصراحة في البداية ما تحملت الفلفل الأبيض والزنجبيل فقللت مقاديرهم يعني (كأس ماش _نصف كأس زنجبيل +نصف كأس فلفل أبيض )وخلطتهم مع بعض وحطيتهم بثلاجة غرفتي ! _استمريت على هذه الخلطة اربعة شهور والكل لاحظ التغييرات وأولهم ابو الشباب والكل يسأل لكن كنت اقول سمنة لا أكثر ! يا أخوات اللي يمرون على الموضوع ما ابغى منكم الا الدعاء لزوجي ان الله يهديه ويصلحه الله يجراكم خير والسلام ختااااااااااااااااااااااام .. ..تراني ما أحلل اي وحدة تنقل الموضوع دون أن تذكر اسمي عليه وتنسبه لي .. اسم صاحبة الموضوع ام رغد وامل لـ حفظ الموضوع والإستفاده منه إستخدمى هذا الرابط
:
 | ||||||||||||||||||
 |
| Sponsored Links | |
| | |
|
02-22-2010, 12:26 AM
| رقم المشاركة : 2 |
| :: سيدة نشيطـة :: |  رد: الأمسااااااااااااااك عند المرأة 18 وحدة ولا نص رد مو معقول اللة يسامحكن ياااااااااارب-----------------زعلانة |
|
02-22-2010, 01:49 AM
| رقم المشاركة : 3 |
| عضٌوة شٌرٍفـَ منتديـُآت سَيدتـيّ  
| رد: الأمسااااااااااااااك عند المرأة كله ولا زعلك الف مليون تريليون شكر الك على هالموضوع الهام تقبلي مروري |
|
02-22-2010, 02:33 AM
| رقم المشاركة : 4 |
| :: سيدة نشيطـة :: | رد: الأمسااااااااااااااك عند المرأة بسألك أختى مالمقصود(بالماش) |
|
02-22-2010, 02:40 AM
| رقم المشاركة : 5 |
| :: سيدة نشيطـة :: | رد: الأمسااااااااااااااك عند المرأة أختي شوشو وش دخل زوجي واللة وش حليلة هادية ربي الموضوع مولي جاني على الإيميل وحبيت أفيدكم الماش حبيبتي روحي للعطار وقولي أب ماش لونة أخضر ومدور حباتة صغيرة مرة كبر حبت الفلفل ويسلموااااااا على مرورك الحلو |
|
02-22-2010, 10:33 AM
| رقم المشاركة : 6 |
| :: سيدة جـديـدة :: | رد: الأمسااااااااااااااك عند المرأة  تسلم هالانامل على كتابة الموضوع مشكوره الله يجزاكي خير |
|
03-05-2010, 11:40 PM
| رقم المشاركة : 7 |
| :: سيدة جـديـدة :: | رد: الأمسااااااااااااااك عند المرأة تسلمون يا اخوات جزاكم الله خير صراحه انا اعاني من الامساك المزمن وعساني القى العلاج من وصفتك |
|
03-06-2010, 06:00 AM
| رقم المشاركة : 8 |
| :: سيدة رائعــة :: | رد: الأمسااااااااااااااك عند المرأة |
| جلسة ازالة الشعر بليزر الجنتل ليز 1800ريال(خصم 50%)جلسات علاج تشققات السمنة والحمل واثارالحروق والجروح بالفراكشنال ليزر0554171121 |
| برنامج العروس توحيد ونضارة وتبييض البشرة والركب والاكواع بالتقشير الكريستالى واحماض الفواكه والفراكشنال ليزر والاوكسجين والطحالب البحرية 0554171121 |
|
| أدوات الموضوع | إبحث في الموضوع |
| انواع عرض الموضوع | |
| منتديات سيدتي - موقع سيدتى | |
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ما هي عورة المرأة أمام المرأة؟ | samanur | منتدى البيت الإسلامي | 18 | 11-26-2011 11:55 PM |
| قلب المرأة الشاكر ... وقلب المرأة اللاعن ..وقلب المرأة المستفز | رناالشوق | الحياة الزوجية | 15 | 09-07-2010 01:28 AM |
| ؟؟هل الرجل يصنع المرأة أم المرأة تصنع الرجل؟ | مشتاقة لى الله | الحياة الزوجية | 3 | 04-23-2010 04:19 AM |
| المرأة القصيرة أكثر أنوثة من المرأة الطويلة | عراقيةاصيلة | الحياة الزوجية | 19 | 02-17-2010 04:16 PM |
| عداء وتسلط المرأة على المرأة........ما السبب؟؟؟؟؟؟؟ | بنفسج | نادي سيدتي | 7 | 04-08-2009 01:31 PM |
العرض العادي
