قولوا لي شالحل والله تعبت معاها؟

[مشكلتي]

قولوا لي شالحل والله تعبت معاها؟

السلام عليكم ورحمة الله وبركاته
بطرح عليكم مشكلتي وهي من شقين الاول
انا مااحب امي ولا احس بناحيتها من حنيه ودايما انا وياها هواش على اتفه شي رغم اني اصغر بناتها وانا اللي بقيت عندها
موعارفه ليش اغلب الوقت سوء تفاهم بينا واغضب عليها على اتفه شي واقعد ابكي ودي اروح اعتذر لها بس مو قادره فيه شي يمنعني موقادره
ودي تحضني
تصدقون عمري ماحضنتها
بالليل ابكي وخايفه من عقاب ربي بس مااقدرمااقدر فيه شي رادني والله تعبت
وهي بعد تدعي علي
وتعصب على اقل شي
صدقوني مو عارفه ليش
الناس كلها تحسدني على باله انها تدلعني ومهتمه فيني مايدرون بلي يصير بينا وهي مع غيري عادي تعبت تعبت
وصفت هالشي لشيخ قال بينكم حسد
اننا استمرت على رقيه لي فتره الحمدالله خف هواشي معاها بس للحين الوضع مو طبيعي تعبت شسوي
ادري تقولون امك وحرام عليك بس والله غصب عني انا مااودي اسوي كذا ولا انا عاقه لها
حسووووووا فيني......
ودايما ادعي بصلاتي يحنن قلبها علي ويحنن قلبي عليها
تكفون ادعولنا
شسوي معاها قولولي

الشق الثاني من مشكلتي
ان امي مختلفه مع ابوي ولابينهم اي صله نهائي مجرد سلام مع انهم عايشين بنفس البيت
ابوي تزوج ثانيه
زوجته حليله وطيبه معاي
وحتى طيبه مع امي
عقدتي في امي تشوفني طييبه معاها ولاتشوفني اسوي شي لها تهاوشني
وانا والله حتى امي اسوي اللي اقدر عليه
شسوي تعبت انا الضحيه بين امي وابوي
ابوي يحط حرة امي احيانا فيني
وامي اذا سويت شي لزوجة ابوي تهاوشني
تعبت من حياتي كلها
ادعوا لي الله يفرج همي ويرزقني زوج صالح يعوضني
ولا الله يااخذ عمري يفكني

[دنيا الجرح]

ماعليك ياقلبي يمكن امك تعبانه نفسيا عشان كذا تحط حرتها فيك انتي بنتها مهما كان تحمليها وصدقيني مافيه ام تكره بنتها اذا صار لك شئ لاقدر الله اول من يجيك يركض هي بس الواحد احيانا يمكن يتضايق من شي يمكن بسبب مشاكلها هي وابوك تكتم في نفسها وتطلع حرتها فيك ماعليك اصبري وترى صبرك هذا كله لك فيه اجر باذن الله ونصيحتي لك استغفري بنية ان ربي يسخرها لك ويحنن قلبها عليك انا والله مره صار سوء تفاهم بيني وبين امي وانا والله مالي ذنب بس امي الله يهديها كبرت الموضوع وجلست 3ايام ماتكلمني ابدااااا وتضايقت والله 00 استغفرت بنية انها ترضى علي والله ماجلست يوم الا وهي جات لي تكلمني وماصدقت بهالسرعه بس الحمد لله جربي الاستغفار وماراح تندمي وربي معالك ياعسل وطمنيني وش يصير معك
تكفين ادعي لاخوي بالرحمه ولي بالذريه الصالحه

[جورى الحبوبه]

حبيبتي والله نفس قصتي مع بنتي لكن الفرق بيني وبينك انها بكري كل مااتقرب لها او اناقشها باخطاءها ماتحمل اوماتقبل انتي اعرفي السبب المشكله شنوالي اثير المشاكل وحليها مثلا ان امك ماتبيك اطيعين زوجة ابوك هذا من دافع الغيرة امك حاولي ماتحتكين بزوجة ابوك كثير لارضاء الوالده افهمي امك اولا وتقربي اليها واعتذري لوالدتك دائما حتي لو تكون غلطانه راضيها واذا رضة عليك راح اتشوفين من دعاء لك بس يعني ابردي كبدها فهمتى علي وعليك بالدعاء في السجود وبين الاذان والاقامه الله يشرح صدرك ويسر امرك ويهديك انتي وامك وجمعكم بالطاعه وحسن العباده الهم احفضهم من شرالحاسدين والحاقدين يارب

[راجايه عفو ربها]

الله يحنن قلبها عليك ويحنن قلبك عليها
ويفرج كربتك ياقلبي ويشرح لك صدرك
ويرزقك الزوج الصالح والذريه ياربي
ولا يفرق بينكم
ولا تفكري ان الزواج هو الحل بالعكس يمكن تقولين ياليتني عند امي ولاتزوجت
واخير عليك بالاستغفار فله نتائج مبهره وعظيمه
امك ثم امك ثم امك والله المستعان

اللهم لك الشكر ولك الحمد ولك الثناء كما يليق بجلالة وجهك وعظيم سلطانك

[شوق الورد]

الله يحنن قلبها عليك ويحنن قلبك عليها
ويفرج كربتك ياقلبي ويشرح لك صدرك
ويرزقك الزوج الصالح والذريه ياربي
ولا يفرق بينكم

[فيفي روز]

ياقلبي امك اغلى من كل البشر لازم تجبري نفسك على برها ومحبتها لا تتركي الشيطان يفرق بينكم لما تشوفيها حبي راسها واسمعي كلامها بروا آباكم تبركم ابناؤكم لا تقولي ماقدر لا ابد تقدري 00(وما تدري نفس بأي ارض تموت )فكري في اليتيمات !!!يتمنون ان امهم موجودة ولو زعلانه منهم عشان يراضونها المهم يشوفوها ويطلبوا دعواتها !!دعوة الوالدين مستجابه 00 \تحياتي

[مشاعر انثى]

الله يكون بالعون

[زهرة امل]

حبيبتي انا كنت مثلك في فترة من الفترات بس الان الحمد الله احنا سمن على عسل و صرت انا اقر ب وحدة ليها من اخواتي و دايما كنت ادعي ربي اني اكون بارة بها و بوالدي و الحمد الله عم حس انو هالشيء بيتحققلي شوي شوي
حبيبتي انا ما بعرف قديش عمرك بس اغلب البنات في فترة المراهقة بيكونو بنفس وضعك انت حاولي تتقربي منها دايما اشتريلها هدايا و احكيلها اسرارك حتى لو ما سمعتلك المرة الاولى بس لا تتراجعي و ان شاء الله تتحسن علاقتك فيها هادي امك اغلى شيء عندك بالوجود و ما بيحس بهالنعمة غير اللي انحرم منها الله يديم امهاتنا فوق رؤوسنا و يجعلنا بارين بهن.
الله يحنن قلبها عليك ويحنن قلبك عليها
ويفرج كربتك ياقلبي ويشرح لك صدرك
ويرزقك الزوج الصالح والذريه ياربي
ولا يفرق بينكم