حلــويــات شامية" كراويــــة " هــيــلــطــيــة " رز بالـــحليـــب

[طائرالوئام]

حلــويــات شامية" كراويــــة " هــيــلــطــيــة " رز بالـــحليـــب





صبااااااااح """مسااااااااااااء الهنااا والسعادة

اليوم رح اقدملكم ....حلويات "" فيكم تقولوا انها من التراث الشامي

اول شيء رح ابدااااا بالكراوية وهي بنقدمها للضيوف لما بيجو يباركوا للسيدة يلي انجبت... لما تكون الدنيا شتاااااا وبالصيف بنقدم بوظة..... وبنعملها بالايام التانية
المهم انها اكلة طيبة كتير ومفيدة وخصوصا للنساء وصدقيني رح تاكلي كاستين وثلاثة
بعرف اني حكيت كتير ~~~~خلص رح اقصر خخخ








كراوية ::بتلاقيها عند تبع البهارات (اساسا هي نوع من انواع البهارات متل القرفة وغيرها) وهي شكلها بعد الطحن






ضعي مقدار كاس من الكراوية المطحونة مع كاس شاي رز مطحون
والسكر حسب الذوق

ضعيهم على النار وحركي الى ان يغلي



اتركيها لتغلي مدة ربع ساعة ...ليصبح قوامها ثقيل







اسكبيها بكاسات او فناجين شاي وزينيها
اول شي افرشي طبقة جوز هند....بعدها الفستق ...بعدها الجوز والصنوبر










تراها كتير لذيذة ومفيدة كمان وصحتين وعافية





الهيلطية


وهاد النوع من الحلى الحلو فيه طعم المستكة ...وانك بتتحكمي بالحلو تبعه






اخلطي الحليب مع النشااااا واضعيهم على النار


اتركيهم الى ان يثخن قوامها





احضري مقدار ملعقة صغيرة من المستكة وهرسيها لتصبح مثل لبودرة واضيفيها الى الحليب
وهي المستكة للي ما بيعرفها



اتركيها لمدة 5 دقائق تغلي مع الحليب ثم اسكبيها في صحون او جاط
ليسهل عليكي تقطيعها

حضري القطر بالطريقة المعتادة ورشيه على قطع الهيلطية

انا زينتها بالفستق






وصحة وعافية




الرز بالحليب






ضعي الحليب مع الرز ...بس يقرب يستوي الرز اضيفي النشاااء
والسكر وخليه يغلي الى ان يتماسك ((يرجى الانتباه في اثناء وضع النشااا لكي لا يكتل))

ممكن اضافة روح الورد او ماء الزهر






وهي الرابط لموضوعي عن البالوظة وهي كمان نوع تاني من هل الحلويات يلي حكيتلكم عنها
وفيه طريقة الارز بالحليب بالتفصيل

أرز بالــحلــيــب مــــع طــبقــة الــبــرتــقــال ((الــبــالــوظــة))

كان نفسي اعمل توتية بس للاسف لازم التوت الشامي .....يلا بس اروح بالصيف بجيبو معي هههههههه
وبعمل موضوع تاني للتوتية واكلة الحبوب ....وبهيك بكون خلصت الحلويات الشامية يلي بعرفهااااا

انشالله الموضوع يعجبكم ويستاهل تقييمكم يا قمورات

بانتظار رايكم ياصبايااا

لـ حفظ الموضوع والإستفاده منه إستخدمى هذا الرابط :
حلــويــات شامية" كراويــــة " هــيــلــطــيــة " رز بالـــحليـــب
http://forum.sedty.com/t247997.html

[ميمي المزيونه]

يسلمووو ايديكي شي حلو كتير الهيطلية كتير مشهورة عنا بفلسطين وانا بحبها كتير واول قطعه الي انا ههههههه يعطيكي العافية يارب

[العفو عند المقدرة]

ما شاء الله تبارك الرحمن شو هالابداع

انا اموت على الشام واكلات الشام

وخصوصي من يد اختي طائر الوئام
تسلم يدك غاليتي

احلى تقييم وتثبيت لعيونك

[طائرالوئام]

اهلين ميمي نورتي حبيبتي

على فكرة انتو بتسموها غير عنا ....انتو بتقلولها هيطلية ونحنا هيلطية ,,,حرف قبل حرف هههههه حتى كمان اهل الاردن هيك..نفس الشي

الله يسعدك ياقلبي

[طائرالوئام]

تأبشي ألبي حبيبتي العفو .....كلك ذوق

دائما تحرجيني بلطفك..........

مشكووورة على التقييم والتثبيت .........يامشرفتنا الرائعة

[سونة الجاسم]

[جوهرة المنتدى]

واو رووعة عن جد بتشكرك على وصفتك راقية انا حبيت الوصفات واول مرة اسمع فيهن مشاء لله عليك بنستنى منك اكتر

[طائرالوئام]

هلا حبيبتي سونة

يسعدني مرورك الدائم لمواضيعي عزيزتي