ماقدر اتصرف على طبيعتي

[مشكلتي]

ماقدر اتصرف على طبيعتي

السلام عليكم
شحالكم ,,

ابيكم تعتبروني مثل اختكم الصغيره وياليتكم تسعادوني
لاني احس اني باختنق من الضيقه وانا توني صغيره وما شفت شي من الدنيا ..!

مشكلتي بدات يوم كنت فصف ثاني متوسط ,,
كانت معاي في نفس الصف " بـويه " لها علاقات مع بنات في نفس مدرستي
كانت تبديلي اعجابها فيني
وطول الوقت اطالعني وتسويلي حركات شذوذ .. استغفر الله !!
لين ما حسيت اني مراقبه منها ابي اتكلم بس استحي لانها طول الوقت اطالعني ونضراتها مب نضرات طبيعيه احسها نضرات رجال ,, وقمت ما اقدر اتصرف على طبيعتي الي انا عليها
المهم استمريت على هالحاله فصف ثاني وثالث واول ثانوي يعني ثلاث اسنين وهي تضايقني والحمد لله ما كنت مثل البنات احب هالسوالف
واركض وراها احسها سوالف تافهه وبايخه ,,
والحين انا في صف ثاني ثانوي انا في صف وهي في صف ثاني
وكل شي خلاص وقف
وحمت ربي انه ابعدني عنها ,, بس تفاجأت انه المشكله اكبرت صارت اكثر من " شاذه " فالمدرسه اتضايقني بنضراتها وحركاتها لي ما بقيت افتك من ذيكي جواني ناس العن منها
للحين احس اني مراقبه وما اقدر اتكلم على راحتي
والله اني انقهر لين اشوف البنات الي في نفس سني يتكلمون ويسولفون ويضحكون وانا بس اقعد مستمعه واخاف اتكلم معاهم ومرات لين ابي اقول شي اتردد واتم ساكته وطول يومي انا على هالحال ,, الا فالبيت اكون وحده ثانيه شخصيه غير 180 درجه اضحك واسولف مع اخواني وخواتي
بس مع شخص غريب ما اقدر احس بخوف مب طبيعي وخنقه واحاول اخلص الكلام بسرعه بسرعه ويبين على اني متوتره ,, وانا فالحقيقه مب جي كللللللللشششش ,, حليوه وطيبه بشهادة غيري
وانا مافي شي معكر حياتي الا هالحاله النفسيه مرات اقول في خاطري معليه هاي حال الدنيا مافي شي كامل الكمال لله .. بس لين اشوف رفيجاتي وهم يسالفون يكون خاطري اتكلم معاهم بس وربي مو قادره

يعني يجيني يوم واحد استانس فيه وعشر ايام كلها ضيقه وخوف
وما ادري هل البويات هم السبب بالي قاعد يصير لي الحين ولا شي ثاني
حاولت كذه مره اغير حياتي حاولت اغير من تفكيري للدنيا شريت كتب مختصه فهالشي
دعيت ربي في بيته انه يفكني من الي انا فيه ويشرحلي صدري
والحمد لله علاقتي بربي اكثر من جيده صلاتي ما طوفها
اقرا قرأن استغفر ربي
بس الضيقه مو راضيه تروح عني مادري هاي بله من ربي ولا انا مسويه شي غلط
اكتب لكم ودموعي اطيح على الكيبورد لانه مب شي طبيعي الي يصير لي
محد يدري عن الي فيني الا ربي ثم انتوا اول ناس اكتب لهم لاني صج محتاجه حق احد يساعدني عشان اعيش حياتي طبيعيه
حتى المدرسه قمت ما اداني اروحها لانه ثلاث ارباع وقتي اكون مخنوقه
ودي ما اروح كلش بس امي تقصبني واليوم بعد ما رحت المدرسه وجاتني زفه من الصبح من امي عشان ايامي كلها اغيب بس هي مو داريه بالي فيني جان اعذرتني :(
ودرجاتي قامت تنزل بسبة هالسالفه وانا فالحقيقه شطاره واحب الدراسه وطموحه
ودي اجيب درجات عاليه بس موو قادره من الهم والحزن الي فيني
ولحد يقولي قولي حق امج ولا كلمي شخص قريب منج هاي اخخخر حل افكر فيه
ما احب اقول حق احد بالي فيني حتى لو كانت امي ..! وبعد لحد يقولي روحي حق دكتور نفساني

ساعدوني يمكن وحده اتقولي كلمة وتغير لي حياتي

[حروف مُتنآثرهـ]

بقول لك شغله ..

انتي اصلا خايفه لما تقولين شي يكون مو بمكانه او تتغير نظره الي حولك فيه

تضطرين انك تسكتين ..



الي بقوله كلمتين :


خلك على طبيعتك وعيشي حياتك .. هذا انتي وهذي شخصيتك اذا فيه كلمه ودك تقولينها قوليها ..

اذا هي غلط عادي انسيها وحاولي ماتكرريها ..



الأنسان يستفيد من تجاربه ويكون له شخصيته المستقله ..


ماراح اقول لك كوني جريئه او هادي لا .. انا اقول كوني كما انتي ...

اهم شي ثقي بنفسك .. هذي انتي فلانه كل انسان يبي يتقبلك مثل مانتي ..


حبي نفسك واكريمها يحبونها الناس لكن لايصل لدرجه الغرور ..



بالتوفيق ,

[القطوه الدلوعه]

حبيبتي انتبهي من هده الاشكال وابعدي عنها والاهم خليكي واثقه من نفسك اتكلمي واضحكي مع صاحباتك ولا يهمك احد بالعربي عيشي حياتك بس انتبهي من رفيقات السوء

[الجانب المشرق]

حبيتي خليك واثقه من نفسك وتأكدي البنات اللي مثل كذا ماتقدر تقرب لك الا برغبتك .. بالعكس عيشي حياتك وانبسطي حرام تضيعين ايامك ع شي تافه .. لان اليوم اللي راح مايرجع .. بالتووووفييق

[مجداف حبي]

الله يعينك ياقلبي خذي راحتك بالكلام وخليك واثقه من نفسك طالما ماتقولين شي غلط...