السمك المقلى (السهل الممتنع )

[miimii]

السمك المقلى (السهل الممتنع )



السلام عليكم ورحمة الله وبركاته

ان شاء الله تكونو جميعا فى أتم صحة وأسعد حال


النهاردة أول موضوع لى ف قسمكم وعارفة أنى مبتدأة جنبكم بس أنا مبدأى فى المطبخ ( أمشى جنب الحيط ) يعنى أعمل زى الكتاب ما قال من غير لا أبتكارات ولا تذويق بس الحمد لله النتايج فى أغلب الأحوال بتكون مرضية

النهاردة جبتلكم طريقتى المتواضعة فى قلى السمك النيلى ونوعه اسمه (بلطى ) وطبعا لذيذ جدااااا وطعم وأسألو أى واحدة مصرية عليه

الشرط الأساسى ان يكون السمك طازة يعنى تشوفيه فى السوق وهو بيلعب كده فى الماية والا النتيجة مش هتكون أد كده
وده شكله :



بعد ما ننظف السمك من جوه ونغسله من بره كويس ونشيل القشر من عليه بليفة أو سكينة



نحضر الخلطة اللى هننقع فيها السمك
لكل كيلو سمك بتكون عبارة عن :

راس توم صغيرة + معلقة ملح كبيرة + ملعقة كمون متوسطة + ملعقتين خل + ملعقة زيت ذرة + ليمونة بقشرها




بالاضافة الى شطة حمرا للناس اللى بيحبوا الحااار وانا مش منهم


نحط كل المكونات دى فى الخلاط ونضربهم بيبقوا زى العصيدة فى النهاية وهى دى الحشوة والنقعة للسمك

نشق السمك كل سمكة يادوب شقين بالسكينة من كل جهة ويتم دعكهم بالنقعة وحشو الداخل بيها بردو بالمنظر ده



وبعدين نحط السمك فى علبة محكمة الغلق ونحطه فى التلاجة لمدة ساعة او 2


نطلعه ونغطيه بطبقة رقيييييقة من الدقيق بالشكل ده :



ونقليه فى زيت النوع اللى يعجبك انا بفضل عباد الشمس
بحط كمية زيت بسيطة جدا مش زيت عميق يعنى يادوب تغطى قاع القلاية

ويكون الزيت سخن ونحط السمكة فيه بس 3 او 4 دقايق على كل وش
وده شكلها النهائى :



أنا بحب أقدمها مع رز سمك اللى بعمله بالبصل والتوم والبهار والطماطم وأقدمه مع عصير برتقال لاااااازم وطماطم بكمون وملح وخل فقط



طريقة سهلة وبسيطة والنتيجة مرضية ان شاء الله

أتمنى الموضوع يعجبكم

[nfma]

ياسلام عليكي الرز اكتر شي عجبني لاني مابحب السمك كتير بس خلطتك بتشبه الي بحطه عالسمك وبضيف كمان بهارات سمك وقرفه القرفه بتعطيه نكهة زاكيه كتير وبحشية بالتوم مع البهارات والليمون وفعلا نكهته بتكون لزيزة والبلطي زاكي كتير ومافي عضم كتير يسلمو ايديكي يارب ويعطيكي العافيه يارب

واحلى تقييم لاول مشاركه

[DoDo Elmasria]

لالالالالالالالالالالالالالالالالالا

يا ميمي ايه المفجأ ه الخطيره دى ماشاء الله ماشاء الله

انا مش هسيبك بعد كده لازم تنزلي لينا كل اكلاتك ده انتى طلعتى خطيره يا بنتى الله اكبر عليكى

وكمان عامله سمك وبلطى يعن جننتينى عالصبح

انا النهارده خلاااااص هعمل سمك بس للاسف مش بلطى نيلى

طريقتك سهله ولذيذه انا بعمله كده وبيكون ممممممم اوعى وشك

معليش بقي شغاله عاميه مصريه ما صدقت لاقيتك انفجرت هههههه

واحلى تقييم ليكى ولو مانفعش عشان كنت لسه مقيماكى هيبقالك عندى تقيييم
ههههههههههههه

[طائرالوئام]

يا سلام يا miimii شو هل السمكات الحلوين

تسلم ايدك ياعسل .....

يا عيني على الاكل المصري الجميل..........

ياريت نشوف مشاركاتك دايما بقسمنا ياقمر

واحلى تقييم...لاحلى miimii

[jaw]

عليكم السلام ورحمة الله وبركاته



بجد شهتيني بهذا الوقت يمممممممم
وماشالله مانتي عارفه قدراتك هنا الكل حايشجعك لا تخافي
اكيد نستنى الابداعات الثانيه ياعسل

[belange404]

ممممممممممممممممم مممممممممممممممممممم

روووووووووووووووووعة رووووووووووووعة


تسلمـــــــــــــــــــــــــــين

[soso baghdad]

روووووووعة
عاشت الايادي

[ام اسلام 2009]