بليييييييييييييييييييييز ابغى شوركم والله تعبت

[مشكلتي]

بليييييييييييييييييييييز ابغى شوركم والله تعبت

السلام عليكم ورحمة الله وبركاته
انا وحده متزوجه من فتره بسيطه المهم احب زوجي وهويموت فيني
بس انا مو مرتاحه معاه بالاخص في العلاقه الجنسيه مايقدر يعطيني حقي مع العلم بانه مريض سكر وقبل فتره سوى تحاليل وطلع عنده صديد ودوالي يعني الانجاب عنده صعب ومن فترة شهر صار على طول تعبان ولايقدر حتى يجامعني واذا قدر احيانا اتمنى انه ماصار لانه تعبني على الفاضي يعني مايقدر يكمل وانا بنت حلوه وصغيره ولا ادري هل هو طبيعي لان عنده سكر واش تنصحوني عشان اقدر ارتاح هل انفصل عن من احببت اولا
ولكم مني جزيل الشكر

[Aиgel~]

الله يشفي زوجج دام ان مريض شنو ذنبه تنفصلين عنه عشان مرضه؟؟
لازم تصبرين و توقفين وياه في هل مرحله
ادعي له بالشفاااء دام انه مريض وتعباان بدال ماتفكرين ان يجامعج
الريال مريض شتبينه يسوي لج با الله عليج انتي بنفسج قلتي سو تحاليل و مادري شنو

و سامحيني اذا قلت لج لو انتي صج تحبينه جان ماقلتي انفصل عنه
شذنب الريال اذا هو مريض هل فترة
حطي نفسج مكانه اسملة عليج بس تخيلي
لو انتي مرضتي و تعبتي لمدة شهر مثلاا
ترضين يقول صارت ماتجامعني؟ انفصل عنها؟ اكيد لا
و بعدين شدخل تقولين انا حلوة و صغيرة انزين الريال مريض
صبري الصبر مفتاح الفرج و ادعي وايد و تمي استغفري

[تكفي الذكرى]

حبيبتي اصبري وموشرط انا زوجي عنده السكر ومبسوطه معاه
فتره وتعدي انشالله

[آيس فراوله]

أسأل الله ان يشفي زوجك
اختي الكريمه المشكله لها حل بإذن الله
عليك فقط التحلي بالصبر

[ام سواف]

حراااااااااااااااااااااااااام والله تعاملينه شذيه هذا بدال ما تداويه وتوقفين معاه تنفصلين عنه اسميلي اقولج انتي شو عديمة احساس لو كنتي تحبينه وتموتين عليه ما يبت هالكلمه بلسانج لو انتي كنتي مكانه بتحسين انصحج اهتمي بريلج بالعكس حسسيه بالحنان عشان ينسى المرض الي فيه واوقفي معاه ولا تخلين عليه قاصر

[فوز4455]

اختي العزيزة لو انفصلتي عنه بسبب هذا الموضوع كيف تواجهين الناس بسبب طلاقك منه وكيف تكون نظرة الناس لك بعدالطلاق بسبب يفشل حتى الكلام فيه ، وان تزوجتي (طبعآ اذاتزوجتي)بعده فزوجك الجديدكيف ينظر لك وكيف يحترمك وانت نظرتك للرجل وانفسك نظرة حيوانية0 انتبهي لزوجك واوقفي معه بهالازمه حتى تنتهي وكثير اعرفهم متزوجات وازواجهم فيهم سكر وماعندهم مشكلة وحطي نفسك بمكانه واحكمي بنفسك على نفسك ، وخلي عنك الانانيه والنظرة السطحية للزواج

[دانه والدنيا خربانه]

البناااااات ماقصروا كلامهم عين العقل والله يسر امورك

[اكبر همومي دنيتي]

والله البنت معها حق ليه قايمين عليها
اذا توها متزوجه وزوجها كذا
كيف بعدين
والسكر مرض لعييين
ويأثر كثيررررر على قدرة الرجل
استخيري الله