&~ قصتي مع صديقتي ~&

[الورده الزرقاء]

&~ قصتي مع صديقتي ~&





اليوم..
بحكي لكم قصة ما قط سمعتوا مثلها قصة !!

قصة صديقة عشت معها ولا ني عارفة الى الآن وش هو الشعور اللي لازم يكون مني لها !!
بابتدي قولي وبقول : عرفتها من قبل كم سنه ,, أربع أو خمس
مو مهم ...
المهم اني عرفتها وحبيتها ,, أو خل نقوول انجذبت لها من دوون شعور وتمنيت من قلبي لو كنت صديقتها ..
من دون مقدمات ولا أذكر كيف كان اللقاء ,,
صارت صديقتي وكل دنيتي
وصرت ما أبي غيرها صديقة ..
من كثر ودي وحبي واخلاصي لها .. ما ودي تفارقني
حبيتها وأخلصت بصدق لها
ولو تطلب أي شي ما ترددت أعطيها
ما تتصورون اشكرث كانت مني قريبه
وحيل حيل ارتحت لها
كنا نتمشا بالفسحة دوم ويا بعض
وكنا لو صار يوم مفتوح في المدرسة .. نمشي ونشتري شغلة تجمعنا في بعض
ما أنساها .. كانت ساعة يد من اختيارها >> اشترينا نفس الشي >> وكنت افتخر بصداقتي لها جدام كل البشر
وحتى حبنا كان مشترك
حبينا نفس الأبلة كنا نراقبها ودوم نتكلم عنها
باختصار .. كانت علاقتي معها بذيك الأيااام أقوى علاقة اربطتني بأي انسان كانت جزء عظيييم في حياتي
وأحلى لحظاتي هي الي كنت اقضيها معاها
لا غابت صار اليوم سخيييف
ولا داومت صرت أطير من الفرحة
كانت تقول لي انتي أقرب صديقة لي أنا ارتاح لوجودج جنبي .. أستانس أجلس معاج أسولف وودي السوالف ماتنتهي ..
كان كلامها يحرجني
ماتوقعت في حد ممكن بهالشكل يحبني

المهم ..

الا لما جا ذاك اليوم ..
ياااه وياليته ما كان جا ..
حسيت انها تصدني .. ولا كلمتها تتهرب مني !!
ولا راضية ترد علي ولا حتى مكالماتي ..
لدرجة اني شكيت في نفسي .. قلت وش سويت انا اكيد زعلتها بشي ..
اتصلت قلت أصالحها يعني >> كنت طيبة وعلى نياتي ..
تدرون وش ردت علي ..؟؟؟؟؟

قالت لي واصدمتني واجرحتني بكلامها ..
قالت : الأفضل لنا ان ما نستمر ويا بعض
ليش >> سألتها .. أكيد أهلك مايبون تكوني معي ! إذا فيها احراج اكون صديقتج قوليلي عادي أنا أتقبل منج أي شي (*لأن كنت حضرية وهي بدوية)
قالت مو هذا السبب مو أهلي مايبون
قلت شنو عيل شالسبب .. أنا ضايقتج ,, ليش ليش ماتبين نستمر

أأآآه للآن ما شفى غليلي جوابها .. واتعبتني زووود بردها ..
قالت وكل كلمة كانت تضربني بالصمييم .. : يقولون ان علاقتي معج غلط وممكن تأثر عليج وانا ماحب أحد يقول عنج كذا
لمصلحتج اني أبتعد ,,
لمصلحتج اني أبتعد
لمصلحتج اني أبتعد
لييييييش ليش تقولين كذا ليش
انتي لو تدرين انا يوم عرفتج وشكثر تغيرت حياااتي
كنت وحيدة وأفكاري كلها سلبية
ونظرتي للحياة كانت سوداوية
انتي من دخلتي حياتي
تغيرت
صرت أحس بشفافية وما عدت أحس اني وحيدة
حرااام عليج انتي بكذا بترجعيني لوحدتي
كيف كنت أنا ما تذكري >> كنت اقول لج ماحد كان لي صديق محد كان قربي بيوم الحزن ولا حتى بيوم سعيد
انتي غير
بس قوليلي السبب .. ريحيني وقولي من هذي البنت اللي تقول عنا كذا
صدقيني من الحرة تقول اللي تقول وش علينا
لا تتركيني للوحدة أرجوج لا تتركيني
.. للأسف .. لا حياة لمن تنادي
لو أقول لكم ما تصدقون .. أنا الى الآن أموووت قهر من أتذكر ..
ودي أعرف من هالبنت اللي هدمت حياتي واسلبت مني سعادتي
ولليوم أسألها وما تجاوبني : البنت حلفتني ما أقول

آآآآ ه
من بعدها تغيرت علي حيل
مو شوي اللي بينا كان شي وصااار شي
مو شوي تكوون في يوم عند انسان كل شي
وفجأة تصير بالنسبة له ولا شي ..!
آآآآهه بس لو أعرف من هالبنت بس والله أرتاح

اإلى اليوووم صديقتي هذي ترجع معي مثل الاول ساعات وساااعات أحسها ما تبيني وتبتعد عني شوي شوي
يوم معاي
وسنه ما أشوفها ولا أعرف عن اخبارها شي ..
من بعدها >> حسييييت باكتئاااب وفي ذاك اليووم بكييييت بكييييت لين جفت دموعي ..

انا الحين لهاللحظة وانا
شعوري ناحيتها متضارب
مادري انا للحين أحبها
ولا كرهتها ..!!
مادري ليش الحين كل ما شفتها يفز قلبي وأستحي وانا اكلمها
يارب وش ذا الشعور!! ..
آآآهـ
وييين كنت معها وكيييف صرت ..

عاشت حياتها ولقت غيري توده ويودها
لكن انا ...!! ما فكرت فيني من بلاقي يودني .. وهي عارفة ماضي حياتي من صغري وانا وحيدة وما عندي صداقات
بالله عليكم علموني وين المصلحة لو تركتني ويييين ؟؟؟؟؟

خلاااص انا تعبت أربع سنييين وانا أفكر وللآن مو لاقية مبررر أو سبب ..

تعبت تعبت من صدها لي والله تعبت

وبس .. هذي قصتي ويا أكثر صديقة اعتبرتها قريبة ..للأسف هذي الحقيقة
مدري بداية ولا نهاية حالي اللي وصلت له ..
المهم هذي النتيجة ..

*
*
*






أتمنى أشوف ردودكم لأن فعلا محتاجة أعرف آراءكم ..
أنا محتارة !!!


ودمتم لي بكل ود وحب ..
لكم مني أرقى تحية


المجروحة من صديقتها :
الوردهـ
الزرقاااء

لـ حفظ الموضوع والإستفاده منه إستخدمى هذا الرابط :
&~ قصتي مع صديقتي ~&
http://forum.sedty.com/t265701.html

[فيفي روز]

الصديقة الوفيه المخلصة مستحيل تتركك او تنساكي

ياكثر الصديقات حاولي تبني علاقة جديدة وتكوني حذرة

[الورده الزرقاء]

شكرا فيفي عالمرور ..
بس انا فعلا للآن أحس اني مازلت أحبها وودي نرجع لبعض .!!
يعني لو هي رجعت لي فيوم >> مابتردد وعلى طووول برجع معها كما كنت ..
بس اللي ذابحني ان هي معلقتني ..؟؟
لا هي كذا ولا كذا !!!!

آآآآآه

[زينة بغداد]

الوردة الزرقاء :

في الحياة كل شي متوقع واكيد فيه سبب اللي باعد صديقتج عنج

حاولي تكلميها مرة ثانية.....

واذا ماعرفتي السبب............حاولي تنسي الموضوع وتتذكري الايام الحلوة وبس

[لولو كاتي]

اكيد ياوردة السبب الي قالته لك
هو الي خلاها تضحى لمصلحتك
وترددها باين انها تحبك ....
وخوفها من اي شئ يضرك
هي مابعدت بعد نهائي واضح من كلامك انها خففت ارتباطك بها ممكن هذا >بنظرها ونظر من فسر لها ان العلاقه يشوبها شئ من الغلط >خلت عندها ردة فعل قويه >قويه من عدم الوقوع بالمحذور الي يؤدي اليه كثير من العلاقات >اذ زادت عن الطبيعي

هذا تفسيري لما فعلته اعذريها
وخليك على تواصل >ولا تقطعيها نهائيا
لك كل المنى بان تجدي من يعوضك ويكون عونا لك على الخير

[pakiza]

عزيزتي الورده الزرقاء
تخيلي لو انك قريتي الكلام اللي انت كتبتيه من بنت اخرى الى شاب
كان عرفتي ان هذه البنت تعيش قصة حب وليس علاقة صداقه
حبيبتي هذا الحب اللي تتكلمي عنه حرام بديننا الاسلامي
حبيبتي انت وصديقتك كنتوا ماشين بالطريق الغلط
يعني لو هذا الحب اللي تتكلمي عنه كان مع شاب مو كان الناس كلها قالتلك حرام؟؟
طيب العلاقات مع الجنس الاخر حرام والشذوذ الجنسي حلال؟
حبيبتي هذا كلامك كله كلام غير طبيعي
وكأنه غزل وليس علاقة صداقه اخويه
كلنا عندنا صديقات عزيزات علينا بمعزة اخواتنا
ولكن من توصل الحاله الى هذا التعلق الغير طبيعي يكون تسميتها شذوذ وليس صداقه
انتو ليه تخلطون بين الشذوذ والصداقه وتسامحون انفسكم على علاقات محرمه؟؟
يعني هذه البنت اللي تقولين عنها صديقتك لو تزوجت وعاشت في حضن رجل ايش راح يكون شعورك؟؟
اذا كنتي راح تفرحي اقول لك انت طبيعيه
اما ان كنتي راح تحزني وتريديها ملك لك فأنت غير طبيعيه


تحياتييييييييييييييي

[الورده الزرقاء]

المشاركة الأصلية كتبت بواسطة pakiza

عزيزتي الورده الزرقاء
تخيلي لو انك قريتي الكلام اللي انت كتبتيه من بنت اخرى الى شاب
كان عرفتي ان هذه البنت تعيش قصة حب وليس علاقة صداقه
حبيبتي هذا الحب اللي تتكلمي عنه حرام بديننا الاسلامي
حبيبتي انت وصديقتك كنتوا ماشين بالطريق الغلط
يعني لو هذا الحب اللي تتكلمي عنه كان مع شاب مو كان الناس كلها قالتلك حرام؟؟
طيب العلاقات مع الجنس الاخر حرام والشذوذ الجنسي حلال؟
حبيبتي هذا كلامك كله كلام غير طبيعي
وكأنه غزل وليس علاقة صداقه اخويه
كلنا عندنا صديقات عزيزات علينا بمعزة اخواتنا
ولكن من توصل الحاله الى هذا التعلق الغير طبيعي يكون تسميتها شذوذ وليس صداقه
انتو ليه تخلطون بين الشذوذ والصداقه وتسامحون انفسكم على علاقات محرمه؟؟
يعني هذه البنت اللي تقولين عنها صديقتك لو تزوجت وعاشت في حضن رجل ايش راح يكون شعورك؟؟
اذا كنتي راح تفرحي اقول لك انت طبيعيه
اما ان كنتي راح تحزني وتريديها ملك لك فأنت غير طبيعيه


تحياتييييييييييييييي

لا لا انتوا فاهميني غلط

شوفو .. انا كنت كاتبة هذا الكلام على اساس لنه في قسم الخواااطر ..
وجعلته كالخاطرة بطريقة الطرح >> ما لاحظتوا؟؟؟؟

بس هم نقلوه الى هنا ..!!!!

انا عادي اذا تزوجت اكيييييييييييييييد بفرح لها انا مو احبها لهالدرجة العشق !!! لا لا والعياذ بالله
أدري انه غلط .. وشايفة من هالحالات كانوا عندنا بالمدرسة ..
بس انا مو مثلهم ..
أنا أقصد انها كانت قريبة مني بحيث اني ..كنت اقول لها بعض اسراري وأشكي لها وتشكيلي ..ولما قلت استانس لا داومت واتضايق لا غابت .. لأني كان تقريبا ما عندي صداقات وايد وكانت هي بس صديقتي فلما تغيب من المدرسة ,, أظل لوحدي أتمشى ..
..
تكفون لا تفهموني غلط >> الطريقة كانت على خاطرة لأن هذا اللي طلع معي بحزتها لما جيت أكتب .. عبرت بهالطريقة !!!




اسمحوا لي انا ما كان ودي أعرض مشكلتي بهالمكاااان !!!

كان مجرد فضفضة ...


ترى اذا بتقولوا كذا بحذف الموضووووع
انا ما أرضى !!

[pakiza]

المشاركة الأصلية كتبت بواسطة الورده الزرقاء

شكرا فيفي عالمرور ..
بس انا فعلا للآن أحس اني مازلت أحبها وودي نرجع لبعض .!!
يعني لو هي رجعت لي فيوم >> مابتردد وعلى طووول برجع معها كما كنت ..
بس اللي ذابحني ان هي معلقتني ..؟؟
لا هي كذا ولا كذا !!!!

آآآآآه

شوفي حبيبتي الورده الزرقاء
هذا كلامك كلام خاطره؟؟
تراى احنا مو مجانين ولا قليلين فهم ولا اميين ومانعرف نقرا
مين نقل كلامك اللي على شكل خاطره وغيره الى هذا الشكل؟
كان المفروض تبعثين للاداره الى سيدتي وتقولين ليها تشوف مين هذه اللي تقصدت تشوه سمعتك


تحياتييييييييييييييي