قصة يابدايات المحبة يانهايات الوله (قصة سعودية رومانسيه من أرض الواقع )

[كل الحلا بحرينية]

قصة يابدايات المحبة يانهايات الوله (قصة سعودية رومانسيه من أرض الواقع )


الجزء الأول


تبدأ احداث قصتنا في منزل أبو سلطان وابدا اعرفكم بعائله هذا البيت

(عائله أبو سلطان)

أبو سلطان : العم محمد شخصيه مرموقه من عائله معروفه جدا سكنت الرياض العم محمد له شركت عقارات وشركه انشاء مباني وله ولدين وبنتين وزوجه تحبه وتقدره وتصير له بنت عمه.
أم سلطان : واسمها فاطمه امراءه هاديه وطيبه جدا وربه بيت ممتازه واهم شيء بالدنيا عندها اولادها وزوجها وحلمها تشوف اولادها وبناتها كل واحد ببيته وحوله عياله مثلها مثل اي ام.
سلطان : الولد البكر لامه وابوه انسان مثقف ومتعلم اتزوج حب حياته واسم زوجته العنود وتصير له بنت خالته وهي بنت طيبه وحبوبه وتحب زوجها من يوم كانت طفله وتحقق حلم طفولتها بزواجها من سلطان اللي محسسها انها ملكه وسلطان متخرج من فتره من قسم هندسه الكترونيه والحين يحضر الماجستير.
ساره : وهذي أولى البنات البكر لام سلطان بنت حبوبه وطيبه وشوي لها حركات جنان لكنها عاقله وقت الحاجه وانسانه اجتماعيه جدا وحاليا هي مخطوبه لناصر واللي راح نعرف قصتهم بعدين وملكتها قريب جدا وساره الحين متخرجه من قسم رياضيات.
عبد الله : وهذا الولد اللي مدلع من الجميع وحتى من اخواته ومع كذا هو انسان طيب جدا واخلاق يمكن فيه شويه غرور لكنه اجتماعي جدا وعلى فكره عبد الله متخرج من قسم هندسه معماريه وعبد الله بالفعل يعتبر فارس احلام اي فتاه لانه امتاز بالوسامه والطيبه والثقه بالنفس وهذا كان حال جميع اولاد ابو سلطان وفيه شيء يميزه عن اخوه سلطان وهو الرجه الغير طبيعيه واللقافه .
ريم : وهذه آخر العنقود ومدلعه من الجميع بنت طيبه وحبوبه تحب المزح والاجتماعات البنوتيه وفيها جانب من الرومانسيه ورافعه شعار لازواج الابعد الدراسه ومطفشه امها بشروط زوج المستقبل اللي بتتنازل وتقبل فيه ودائما يكون هناك نقاش حاد حول الموضوع هذا بينها وبين امها واختها ساره وتخرج كالعاده غير منتصره ولهذا مسميه بالبيت بالدبلوماسيه والفيلسوفه وهي الان تدرس ثالث جامعه قسم حاسب .
العنود : زوجت سلطان الولد البكر للعائله وتصير بنت خالته وتوفت امها من زمان لذلك تعتبر خالتها ام سلطان مثل امها وهي سعيده جدا بزواجها من سلطان.

(عائله أبو ناصر )


أبو ناصر : العم طلال وهو شقيق العم محمد أبو سلطان أمتاز العم طلال بطيبت قلبه الشديد وحبه لاولاد اخوه الاربعه حتى انه طول عمره كان يتمنى انه يكون في نصيب لناصر ولده ببنت اخوه ساره لشده معزته لاخوه ويمتلك شركه كبيره ومشهوره حاله حال اخوه .
أم ناصر : واسمها هند انسانه هاديه بطبعها وامنيت حياتها تشوف اولادها عرسان وعرايس بالكوشه انسان بسيطه ومتفهمه لكن راقيه ومتعلمه تحب اولاد اختها ام سلطان حب شديد وريم هي المدلــلـه عندها لانها تعتبرها بمكانت بنتها شهد وحاليا تحاول تحقق حلمها بتزويج ناصر من ساره .
ناصر: شاب ممتاز متعلم وراقي رومانسي لدرجه خياليه حتى انه يكون دوما في مواقف دفاعيه ضد التعليقات اللاذعه والساخره من قبل شله الانس اولاد عمه وزملاءه ناصر من كان صغير ربط مصيره بمصير بنت عمه ساره وكان يحبها حب شديد ويخاف عليها من كل شيء وكان يتمنى انه يخطب ساره من زمان من ايام كان طالب بالجامعه لكن تعقل اهله منعه انه يقوم بهذا الشيء قبل يتخرج ويتوظف ويبني نفسه وهذا اللي صار فعلا وراح نعرف احداث خطبته بالقصه .
سلوى : بنت عاقله ورزينه خجوله جدا وتقريبا هي منعزله عن الاخرين ماعادا عن بنات عمها وبعض زميلاتها تخرجت من الجامعه من قسم الفيزياء بنفس السنه اللي تخرجت فيها ساره وتعتبر ساره هي اقرب انسانه لها نظرا لتقارب الافكار بينهم.
شهد: هذه ام لسانين او على قول ريم أم سبعين لسان بنت حبوبه وملقوووفه ماتترك احد بحاله وكثيره تعليقات لاذعه ودقات بالكلام لكنها انسانه عطوفه وتحب الجميع .

(عائله أبو ماجد )

أبو ماجد : العم عبد العزيز تاجر كبير له ذيعه وصيته بالرياض ومشهوره عائلته بالعراقه والاصل والحسب والنسب تعب واجتهد وبناء ثروته بكفاح وعرق مايحب الحال المايل ودائما ينقد على شباب هذه الجيل رزقه الله بولد اسمه ماجد وبنوته قمر اسمها وفاء وهم شمسه وقمره في الكون يحبهم جدا لكن عايش مع فكره ومتخوف فيها انه ينتهي ذكره ببمماته نظرا لعزوف ماجد عن الزواج رغم اصرار والده ويعتبر أبو ماجد صديق عائله ابو سلطان وأبو ناصر من القدم فبدات علاقتهم بالعمل ثم الجيره وامتدت لصداقه قويه حتى كل من يشوفهم يظنهم اخوان مو أصدقاء.
أم ماجد : الخاله جوهره انسانه طيبه وحنونه لكنها تعاني من اولادها كثير من ماجد اللي يتعبها بعزوفه عن الزواج ووفاء اللي ترفض كل من تقدم لها امنيتها انها تتوفق بتزويج اولادها مثل اي ام وهذا الهدف اللي تسعى له باستمرار.
ماجد: الولد البكر لامه وابوه شاب راقي ووسيم بكل ماتعنيه الكلمه وهبه الله وسامه وجمال عن امه وابوه وكان رغم وسامته هذه مو مغرور او متسلط بالعكس انسان مرح وحبوب وطيب جدا أعز أصدقائه واللي يعتبره مثل اخوه هو عبد الله ولد العم أبو سلطان وكان عبد الله زميله منذ الطفوله وشاركه جميع احداث حياته بكبره وصغرها ويعتبر المؤسس لفرقه لاللزواج في شله الانس حيث هو وعبد الله يكونوا الحزب الاساسي فيها لكن بنشوف هل راح يغير ماجد رايه او لا في هذه المساله .
وفاء : بنت حبوبه وطيوبه وهي اقرب مثال للبنت العصريه مثقفه متعلمه ورزينه ورمااااااااااااانسيه لابعد حد أعز صديقاتها هي ريم وتعتبرها بعد مستودع أسرارها والاهم انها تعتبر ريم وساره كانهم اخواتها وتعلق العائلتين ببعض زاد هذه الثقه فيها .

(شخصيات ثانويه )

فيصل: صديق قديم وعزيز لسلطان ارتبط معاه بصداقه متينه ويعتبر مقرب بعد من عبدالله وينظر عبد الله له دوما نظرات احترام كاخ كبير.
هديل : احد المشاكسات الاربعه بالكليه وهي صديقه عزيزه لوفاء وريم وماتخبي عنهم شيء وراح نلاحظ ظهورها اكثر من مره بالقصه .
فهد: العضو الثالث في سلسله المرح المكون من عبد الله وماجد ويعتبر صديق للاثنين وانسان طيب جدا ويحب اصدقائه مثل اخوانه .
سلمان : صديق قديم لفيصل وسلطان .
تغريد : زميله دراسه سابقه وسلوى وساره ولها علاقه أخويه مع ريم بحكم معرفتها باختها ..

[كل الحلا بحرينية]

والحين نبدا قصتنا

في غرفه ريم كانت ريم جالسه منهمكه بدراسه مادتها اللي هي اخر امتحان فيي هذه السنه وبعدها بتبدا العطله الصيفيه وكانت ريم تحاول تركز بقوه على مادتها لانها مخططه انها تجيب علمات عاليه حتى تحقق حلمها بانها تكون معيده بالجامعه واجتهادها وحبها لدكاترتها وزميلاتها خلا هذا الحلم لها يكون شبه حقيقه كانت ريم انتهت من دراستها وجالسه تراجع وهي حاسه براحه لان جميع امتحاناتها اللي قدمتها كانت ممتازه علاماتها فيها وكانت وهي تقرأ تفكر في هذا الحلم وقطع حبل افكارها طرقات على الباب طالعت في الساعه لقتها ثلاثه بالليل مستحيل تكون امها هي اللي داقه عليها اكيد احد من اخوانها وأول ماخطر على باللها ساره قامت ريم تفتح الباب وبالفعل كانت ساره
ساره: ريومه لازلتي تذاكري للحين ماخلصتي؟؟
ريم : بلى خلصت الحمد لله من الساعه 12 تقريبا بس جلست اراجع.
ساره : يابنتي حرام عليك ارحمي عيونك ونفسك بتنجني من كثر ماتدرسي أمس دخلت عليك وانتي نايمه بصحيك تراجع وسمعتك تخرفي بالماده من شده الارهاق
ريم (وبدأت تضايق من الحاح اختها عليها ) : خلاص سرونه قربت اخلص بقى لي ثلاث صفحات وانتهى وانتي دخلتي علي وعطلتيني
ساره : بالله الحين انا عطلتك الا قلي رحمت عيونك انها تروح فيها من الكتاب والسهر.
ريم : سروووووووووووووووونه خلاص عاد وش تبي مني خلصيني برجع اراجع وانام ؟؟؟
ساره : الحمد لله والشكر وشفيكي يابنت صاحيه انتي شفيكي عصبتي هذا جزاتي اخاف على مصلحتك ؟؟
ريم (وتحاول تهدي اعصابها المتوتره من الماده ومن كلام ساره ) : هلا سرونه عيوني انتي تدرين اني متوتره لان بكره اخر ماده ابي اجيب فيها علامات زينه مثل اللي قبلها
ساره : لاتخافي ريوم انا متأكده أنك بتجيبي الفول مارك اعرفك دافوره ههههههههه
ريم : هههههههههههه الله يقطع سوالفك قولي ماشاء الله تبارك الله المهم شبغيتي .؟
ساره: أبد ريومه بس حبيت اطمئن عليكي تعرفيني حبوبه واحبك واختك الكبيره تخاف على مصلحتك وحبيت اشوفك خلصتي الماده ولا لا ؟
ريم : هههههههههههه ياجعلني مااخلا تمام سرونه الحمد لله قربت اخلص بس لو سمحتي ممكن تتركيني الحين علشان اخلص اللي بقى لي شوفي الساعه صارت 3 وربع خليني اخلص علشان الحقى انام واقوم للامتحان لاتنسي تصحيني اخاف تروح علي نومه وربي بيصير فيني شيء.
ساره : لاتخافي ريومه من عيوني انا فديتك تأمرين أمر متى تبيني اصحيك؟
ريم : يؤؤؤؤؤ عليك سرونه ياحبك للهذر يابنت مثل العاده الساعه 7 علشان يمديني اتحضر للامتحان ؟
ساره : حرام عليك الامتحان 9 بتصحي 7 وش عندك ؟
ريم : أوف من الحاحك ياختي بقوم اراجع شوي عندك مانع ؟
ساره ( وهي مستغربه ) : تراجعين طيب دوبك تقولين بتخلصين مراجعه ؟
ريم : سرونه بالله ضفي وجهك اوكي مابيكي تصحيني. <<<< تقولها وهي معصبه لانها تحس ان ساره ضيعت عليها الوقت بدون فائده.
ساره : يابنت شفيكي اوكي براحتك انا بصحيك 7 اوكي يلا سي يو
ريم : الحمد لله والشكر بس سي يو
وطلعت ساره وقفلت الباب على ريم وهي مستغربه من اختها اللي دوم هذا حالها من الجامعه لغرفتها للكتاب على طول للامتحان ولكن باعماقها كانت تتمنى بصدق التوفيق لأختها لانها تعرف ريم وقد ايش متعلقه بحلمها دخلت ساره غرفتها وضبططت المنبه وطفت الانوار وراحت فراشها وكانت بنيتها انها تنام لكن فكرها مشغول جدا كانت تفكر في مستقبلها وحياتها اللي راح تقبل عليها وتفكر كيف انها كانت صغيره وكبرت وتخرجت وصاره في سن زواج وكانت تفكر بخطوبتها لناصر وانها تحس ان خوبتها لناصر حلم جميل لها ناصر الانسان اللي حبته من قلبها لان ناصر ماكن بس حبيبها كان ابن عمها واللي كان دائما يراعيها ولما كانت طفله كان يحميها من شغب اولاد عمها واخوانها وناصر كان بسن سلطان والصديق المقرب لسلطان وماكانت تحلم ان حلمها راح يتحقق وبيخطبها لين فاجاهم قبل ثلاث اسابيع بزياره لبيتهم مع عمها وزوجت عمها وبنات عمها سلوى وشهد وهم صديقات ساره وريم وخطبوا ساره لناصر وبيكون ملكتها قريب بعد امتحانات البنات باسبوعين حتى يحضروا للملكه وزواجها بيكون بنهايه العطله
ساره : آآه ه ه ياناصر لو تدري شكثر أحبك وشكثر زواجي منك حلم اتمنى انه يحقق الله لايحرمني منك .
ابتسمت ساره وتمنت لناصر ليله سعيده ونامت.
نرجع لريم في هذا الوقت ريم كانت انتهت من مراجعه الثلاث صفحات الاخيره وضبطت المنبه والجوال انه يصحيها على 7 احتياطا يمكن ساره تنام وماتحس بنفسها وراحت لفراشها واستسلمت لنوم عميق بعد مجهود وارهاق
وعم الهدوء بيت ابو سلطان والسكون
الساعه خمسه بالضبط صوت النبه يرن في غرفه ام وابو سلطان
ام سلطان : قوم ياابو سلطان الفجر أذن قوم الحق الصلاه بالمسجد أنا بقوم اصحي الشباب والبنات.
أبو سلطان : لبيه ياغناتي بقوم الحين الله لايحرمني منك.
أم سلطان : الله يسلملي عمرك ويديمك علينا.
وتقوم من فراشها وتروح تبي تصحي الشباب وتدخل غرفه عبد الله بعد ماتدق على الباب
أم سلطان : عبد الله يمه قوم الفجر أذن قوم توضى والحق ابوك بالمسجد ؟
عبدالله : ............
ام سلطان : عبدالله ياولدي قوم الله يصلحك تنام متأخر ولاتقدر تقوم لصلاه الفجر قوم ياولدي !
عبد الله : طيب يمه بقوم الحين <<<<< يتكلم وهو مرهق وتعبان لانه مانام الا الساعه اربع كان سهران على مشروع يتممه علشان يكون جهاز ويسلمه لابوه الصباح بالدوام.

أم سلطان : الله يحفظك ياولدي ويحميك من كل عين ويوفقك ويرزقك ببنت الحلال اللي تفرح قلبي فيك .
عبد الله : آمين يارب ويحفظكي لي ياأغلى أم بالدنيا.
ويقوم عبد الله من فراشه ويروح المغسله يتوضاء
وتخرج ام سلطان وتروح غرفه ساره وتدق الباب وتدخل
أم سلطان : سوير قومي الفجر أذن قومي صلي ؟
ساره : ناصر خليني انام تعبانه انا مانمت!!
أم سلطان وهي تبتسم على كلام بنتها : وش ناصر الله يصلحك قومي بس جالسه تحلمي بفارس الاحلام اللي بياخذك منا قريب قومي يابنيتي الله يوفقك يارب ويسعدك بحياتك قومي صلي الفجر وادعي الله يوفقك بحياتك القادمه.
ساره (تقوم من النوم وهي مو مركزه ومو عارفه هي وش قالت ) : سم يمه وش فيه ؟
أم سلطان : سم عدوك اقول قومي توضي وصلي يلا .
ساره : حاضر يمه , يمه ريومه قامت ولا بعدها ؟
أم سلطان : لا والله بعدي هذه مانامت الامتأخر والله قلبي يوكلني عليها الله يحفظها ويحقق لها أمانيها بروح أصحيها .
ساره : طيب يمه وانا بقوم اصلي .
وتقوم ساره وتروح الله يكرم القارئين دوره المياه اللي بنفس غرفتها وتتوضى
وبهذا الوقت تكون ام سلطان بداخل غرفه ريم وبمجرد مافتحت الباب ودخلت شافت ريم قامت من سريرها مفزوعه
أم سلطان وقلبها تنزع على بنتها : بسم الله عليك يابنيتي فزعتك من نومك آسفه والله سبحان الله انتي الوحيده من اخوانك اللي ماتعبيني نومك حيل خفيف مثل ابوك الله يحفظكم .
ريم : هلا يمه صباح الخير لا يمه لاتشيلين همي انا ظنيت انك ساره وبتقومين علشان اراجع وخفت تكون صلاه الفجر ضاعت علي والحمد لله انك صحتيني يلا يمه بقوم اصلي .
وتقوم ريم من فراشها وتحب راس امها .
أم سلطان : الله يحفظك يابنيتي ويوفقك يارب العالمين.
ريم : آمين يارب الله لايحرمني منك يمه ولا من دعائك .
وفي هذا الوقت يكون ابو سلطان خرج هو وعبد الله وراحوا مسجد الحاره يصلوا الفجر .
والبنات كل واحده فيهم تصلي وتدعي ربها يحفظ والدنها ويوفقهم بحياتهم وبمستقبلهم
والام تصلي وتدعهي ان الله يكمل فرحتها بعبد الله وساره وريم مثل مافرحت بسلطان وانه يرزق سلطان بالذريه الصالحه ويحفظ له زوجته .
بعد صلاه الفجر رجع ابو سلطان وعبد الله للبيت وهم بالطريق كالعاده كانوا يتناقشوا عن مواضيع كثيره وغالبا ماتكون هذه المواضيع مواضيع خاصه بالعمل لكن هذه المره قرر ابو سلطان يفتح موضوع جديد مهم بالنسبه له وشاف ان الوقت حان انه يتكلم بهذا الموضوع مع ولده عبد الله
أبو سلطان : عبد الله ياولدي كيف امورك بالعمل ؟
عبد الله : الحمد لله يبه تمام ماعلي بفضل الله وثم بفضل رضاك علي أنت وأمي ماشي حالي.
أبو سلطان : طيب ياولدي تحس انه الراتب مقصر معك ؟
عبد الله : شدعوه يبه الحمد لله انت مو مقصر معي بشيء وراتبي احسن من كثير من زملائي المتخرجين معي بنفس القسم وانا الحمد لله شاكر ربي على هذه النعمه.
أبو سلطان : طيب ياولدي انا اشوف انك كبرت ماشاء الله عليك وتقدر تتحمل مسؤوليه بيت .
عبد الله ( وبدأ يفهم قصد أبوه ) : يبه أنا ادري أني بفضل الله ثم فضلك اقدر أفتح بيت واتحمل مسؤوليه لكن يبه الموضوع لازال بدري عليه الحين حنا محيوسين بزواج ساره اللي بيكون بالعطله وبنكون مشغولين وانا بصراحه مافكرت بالزواج حاليا واول ماافكر بجي واطلب منك انت وامي تخطب لي.
أبو سلطان ( وهو حاس باليأس كالعاده من راي عبد الله اللي ماتغير ) : على راحتك ياولدي مااقدر اجبرك على شيء صدق اني اتمنى اشوف عيالك وافرح فيهم لكن مابي اغصبك على شيء كل شيءءء ممكن بالغصب الا الزواج بالاتفاق الله يوفقك يارب وينير لك دربك .
عبد الله : الله لايحرمني منك يبه ويديمك على راسي انت وامي.
ويدخلوا للبيت ويروح كل واحد على غرفته وينام .
أما ريم فصلت الفجر وحست بنشاط كبير فقررت انها تسوي لها فطور بسيط وبعدين تجلس تراجع وتستغل الوقت وصدق هي بتتعب لكن تعبها ليوم واحد وبعدين ترتاح فتره طويله ونزلت ريم تحت ودخلت المطبخ وسوت لها سندوتش وعصير وطلعت فوق غرفتها وفطرت وبعد كذا جلست تراجع لين الساعه 7 دخلت عليها ساره
ساره (بإستغراب ) : ريومه انتي مانمتي من الفجر ؟
ريم : لا
ساره : لييييييييييه ؟؟؟؟؟
ريم : الحمد لله والشكر شفيكي يالخبله تصارخين قمت اراجع ماجاني نوم فقلت استغل الوقت ازين ؟
ساره ك وربي انه مافي خبل غيرك يابنت النوم مفيد مثل الدراسه لاتهملي بعمرك؟
ريم : واللي يسلم عمرك ساره فكينا من محاضرتك براجع وبروح امتحن ولما ارد بنام
ساره : على راحتك يالفلسوفه ( وتمد لسانها على اختها )
ريم : وجع سرونه هههههههههه بالله ضفي يور فيس
ساره : هههههههههه طيب هين اوريك ريمه المفروض تحترميني انا كلها كم شهر وبطس من عندكم بروح حق نصوري .
ريم : مالت بس عليك وعلى نصوري اقول ابركها من ساعه بتخففين زحمه بالبيت هههههههه
ساره : وجع لاتقولي على نصوري مالت مااسمحلك ترى زوجا اختك الكبيره احترمينه.
ريم : هههههههههههه تكفين بس يانصوري وتمد لاسانها على اختها ؟
ساره ( وهي منحرجه ) : ريومه طيب تتطنزين ها مصيرك تنخطبين وتشوفي وش بسوي معك
ريم : هههههههه الله لايقولها حتى لو انخطبت مارح اسمح لك تعلقين علي وتشوفين
ساره : ايه هين وقتها نشوف
ريم : أيه نشوف هههههههههه يلا عاد طسي روحي احلمي بفارس الاحلام وانا ابي اكمل مراجعتي والبس !
ساره : انزين بطس الله يوفقك يارب مااقدر اقول غير كذا صدق انك سليطه لسان لكنك بالنهايه اختي واحبك .
ريم : وانا بعد احبك يلا ضفي يور فيس
ساره : الله يأخذلي عمر العدو ههههههههه وجع طيب ريمه هين يلا سلام
ريم : سلام
وتراجع ريم وتنهي مراجعتها وتبدي تلبس علشان تروح الجامعه
وبالفعل تروح وتدور قاعه امتحانها وتدخل الامتحان.

[كل الحلا بحرينية]

`~'*¤!||!¤*'~`(( يابدايات المحبه يانهايات الوله))`~'*¤!||!¤*'~`


توقفنا الجزء الماضي مع ريم وطموحها في نيل درجات عاليه في الماده الاخيره حتى تكلل نجاحها هذا الترم بالتفوق وبالفعل راحت بطله قصتنا ريم للامتحان وبعد مضي ساعتين وربع في الامتحان خرجت ريم من القاعه رقم 8 وعلى وجها علامات الرضاء والاستبشار وتوجهت ريم لقسم الطالبات حتى تأخذ اغراضها من الدرج الخاص بها الا وسمعت صوت مألوف لها يناديها من خلفها التفتت ريم مصدر الصوت ولقت انها اعز صديقاتها وفاء
وفاء : ريم ريومه !
ريم : هلا وفاء هلا قلبي حيا الله وفاااااااااء <<تقولها والابتسامه ساطعه على شفاتها
وفاء : وين الناس مايسألون عنا ولا يعطونا وجه ؟؟؟!!
ريم : هههههههه الله يقطع سوالفك وفاء ماتبطلين عادتك!
وفاء : شوفوا البنت شوفوا تضحك كاني اقول لها نكته يابنت انا اتكلم من جد شفيك قطعتيني ماعدتي تذكرين صديقتك وفاء ولا نسيتونا ؟
ريم : لا ياقلبي شدعه انساك روحي انتي (وتغمز لها )
وفاء : أقووووووول طسي بس الحين روحك انا لو روحك تسألين عني والله شكلك شفتي لك شوفه ثانيه ماأقول الا الله لنا بس <<< وتمد لسانها لريم
ريم : وااااااااااافي شفكي علي تعرفيني وقت الامتحانات انعزل عن الكل وانتي مو غريبه عن طبعي لكي اكثر من عشر سنوات صديقتي المفروض انك عارف طبعي الله يقلع شرك !!
وفاء : أقول بسسسس ولا كلمه ياناسينا ياناسينا
ريم : هههههههههه طسي بس الشرهه على اللي معطيكي وجه هههههههههه
وفاء : صدق لاقالوا شين وقوايه عين هههههههههه
ريم : شتقصدين ياطاسه انا شينه ولا خشتك ذي هههههههههه
وفاء: ياجعلني مااخلا من الضحكه اذوب انا ياناس فيها
ريم : هههههههههههههههههههههه ووووووووووافي وربي انك مو صاحيه من جد فكينا بس من مسخرتك علي
وفاء : ايه الله لنا نتغزل فيهم وياخذونها طناز عنهم الله لنا بس
ريم: وربي اني طاسه !
وفاء : طاسه ولا جنط ههههههههه
ريم : هههههههههه حشى صرت اكلم اخوي عبد الله مو وااافي
وفاء ( وتغيرت ملامح وجهها يوم سمعت اسم عبد الله ) " : قولي لي قلبوووووووو وش سويتي بالامتحان اكيد جاوبتي زين لانك مروقه ولا كان مسحتي معالم وجهي بالملزمه لو انك مو مجاوبه ادري فيكي دافوره ههههههههه ؟!
ريم : بسم الله علي أعوذ بالله من عينك هههههههههههه وجيعه قولي ماشاء الله الحمد لله جاوبت اكيد ولا كان على قولك مسحت معالم وجهك هههههههههههه .
وفاء : ياجعله دوم الضحكه قلبي ماشاء الله تبارك الله ياجعلني انخبل لو جاك مني شيء يضرك .
ريم : واااافي يالمجنونه لاتقولين عن حالك كذا صدق انك مب صاحيه.
وفاء : صدق ريومه شخبار شهد ؟
ريم : وربي مادري ماكلمتها من فتره ولا ادري عنها ان شاء الله تكون توفقت بامتحانتها ؟
وفاء : ان شاء الله .
وشوي واثناء كلام ريم ووفاء يسمعوا صوت من وراهم يقول
شهد : هاي شله اخباركم يالخبلات ؟
وفاء قبل تلتف لمصدر الصوت : مافينا في الشله من لسانها طويل الا ام سبعين لسان هذه شهوده ههههههههه هلا بالخبله سبحان الله الهبول على ذكرهم ّ!
شهد : ههههههههههههههه ردتيها لي ها طيب وافي ماعليه ملحوقه شخباركم
وفاء : تمام كيفك قلبوا سبحان الله جبنا سيرت القط جاكم ينط ههههههههه
شهد : ايه شفتوا هذا من طيبي اجي على سيرتي العطره هههههههههه.
وفاء : لايكثر بس ياام لسانين ههههههههه شخبار امتحناتك ؟
شهد : تماموووووووووووووووو الحمد لله اخيررررررررررر خلصنا وبنرتاح والله اشتقت للوناسه والسهرو الضحك وللنت اللي انقطعت عنه فتره طويله .
ريم : أكيد لانك تموتين اذا ماجلستيي باليوم على الاقل ثلاث ساعات على النت وان شهد تغيب عن النت اسبوعين بحالهم هذه معجزه بسجلها بحدث في مثل هذا اليوم هههههههههههههه
شهد (وتمد لسانها على ريم ) : مقهوره مني عادي هذه احد اسباب الشهره مو مثل وحده الله يستر عليها يوم جاءت تسوي ايميل كل شي تصل علي شهد كيف يتسوا هذا وكيف يتسوا هذا (وتغمز لريم )
وفاء( وهي مستغربه ) : مين تقصدين شهد ؟؟؟
ريم : شهد كيف سلوى احم احم ؟
شهد: ههههههههههههههههههههه واحد انكبس دمه انحبس لحمي مر نصحتك لا تتطنزين علي
ريم : ههههههههههه لا والله مع وجهك تنكتي مايحتاج اقول مين اللي جربت الصندل تبي تاخذه وطاحت على وجهها فيه قدام الجميع هههههههه
شهد ( وحمر وجهها ) : ريووووووووومه عن الطناز !!!
ريم + وفاء : هههههههههههههههههههههههههههههههههههههههههههههههههه هههههههه
ومن بعيد جاء العضو الرابع بالشله وهو مكمل لشله الصرقعه بالكليه
هديل : صباح الخير على مجموعات الهندسه والرياضيات .
ريم + وفاء + شهد : صباح النور والسرور
وفاء : والله مروقه اليوم هدوله
هديل : أكيددددددددددد مروقه بالله في احد يخلص من شبح الامتحانات ولا يروق
ريم : صادقه والله قسم بالله اني احس براحه عجيبه
شهد : اكيد خصوصا انك من مجموعه الدافورات ههههههههههههه
ريم : بسم الله علي
هديل : أعوذ بالله شهد لاتطقين بنت عمك بعين بس
شهد : ههههههههههههههه شفيكم علي اعوذ بالله وفاء الحقيني
وفاء: خخخخخخ أي ألحقك انتي وانتي ام لسانين الله لايبلنا بس
شهد ( وتلوي شفاها ) : مالت عليكم كلكم علي قال صديقات قال حتى انتي ريم المثل يقول انا وأخويا على ابن عمي وانا وابن عمي على الغريب.!
ريم : ههههههههههههههه وين الاغراب مااشوفهم .
شهد : اهي اهي مسكينه ياشهوده كلهم عليكي
هديل : أي مسكينه اي خرابيط انتي سكين مو مسكينه هههههههههههه
وفاء : ههههههههههههههه عز الله نشبوا فيكي بنت ابو سطان وبنت أبو صالح
شهد + وفاء + ريم + هديل : ههههههههههههههههههههههههههههههههههه
شهد : ريم اقول انتي بكره فاضيه ؟؟؟
ريم : ان شاء الله مااعتقد وراي شيء ليش ؟؟
شهد : والله قررنا انا والبنات وسلوى نجيكم بكره شرايك تستقبلينا ؟؟
ريم : شوفوا البقره تستأذن ياخبله انتي صاحبت بيت وكلكم الله يحيكم وابركها من ساعه .
شهد : ههههههههههههههه الحمد لله والشكر مخبوله والله ياخبله انا استاذنك يمكن ودك ترتاحي ولا شيء
ريم : راحتي بشوفتكم ياحبايبي
وفا: أجل قولوا تم ههههههههههه
هديل + شهد + ريم : تم ههههههههههههههههههه
ريم : أوكي توصون شيء ؟
وفاء : وين ريومه ؟
ريم : وربي بروح البيت بنام مانمت انا من امس وتعبانه وبعدين وش ابغى بوجوهكم الكشره اللي مقابلتكم اربع وعشرين ساعه يالانترنت او يالبيت هههههههههههههه
هديل : الحين احنا وجوهنا القشره يابومه الشرهه على اللي يصادقكك هههههههههه.
وفاء : عن الغلط على عمري انا عاد عادي تقول كشرات تقول جياكر هي حره
شهد : لا والله انتي وصديقتك شكلنا بنقص لسانكم
ريم : ماعاد الا انتي ياام لسانين ههههههههههههههه
شهد : هههههههههههههه طيب طيب يالفيلسوفه
وفاء : ههههههههههههههههه ياشينكم بس بنات عم وتتناقرون
ريم : هههههههه ايه من كثر كرهي لشهد اناقرها
شهد : لا والله انا اللي اموت فيكي اجل حتى انا اكررررررررررررررررهك
ريم : ههههههههههههههههههههه الحمد لله هذا ماكنا نبغي هههههههههههه
هديل : وربي انكم رايحين فيها بس طسوا
ريم : يلا بنوتات توصون شيء ؟؟ برررررررررررررروووووووووووووح !!!
شهد + وفاء + هديل : الله يحفظك عيوني !!
ريم : احنا على موعدنا اوكي لاتنسون انتظركم
شهد + وفاء + هديل : ان شاء الله
ريم : الله يحفظك لي عيالي الطيبين ههههههههههههه
شهد : هههههههههههههههه طسي بس
وفاء : ماتبي تنقلعي بس
هديل : وجيعه هههههههههه
ريم : طيب هين هين اقووووووووووووول بنااااااااااااااااات
شهد + وفاء + هديل : هلااااااااااااا ؟؟؟؟؟؟؟
ريم : ظفوا يووووووووووووووووور فيييييييييييييسسسس هههههههههههههههههه <<<<<<<وتمد لسانها
راحت ريم واخذت تصريحها وطلعت من الكليه لقت السواق ينتظرها ورجعت للبيت
هديل : وربي البنت هذه عسوووووووووووووووله
شهد : ايه الله يسعدها بنت عمي ويوفقها يارب ويرزقها بالزوج الصالح اللي يطسها من خلقتنا
وفاء : هههههههههههه شهد تبين تعرفينا انها بنت عمك ندري انها بنت عمك ههههههههههههه
شهد : وجعععععععععععععععع وااااااااااااافي ههههههههههههه ياجعله بعريس يطسك انتي بعد
وفاء :كانك تبين اقول لك وانتي بعد يرزقك بعيس ماني قايله <<<<<<وتمد لسانها
هديل : ههههههههههههههههههههه قوووووووووووووووووووووووووووويه والله
شهد: وجععععععععععععععععععععععععععععععععععععععع وافي وربي انك طاسه مثل ريم طسي بس بروح البيت بروح اشوف اخبار ايميلي ابرك لي منكم
هديل : ههههههههههه عصبت بنت ابو ناصر
شهد + وفاء : ههههههههههههههههههههههه
شهد : يلا بنات سي يو جميعا
وفا: وانا بعد اروح
هديل : وانا بروح شكل اخويا ينتظرني من الصباح وانا جالسه اهذر معكم
شهد : اجل شرايكم نطلع مع بعض ؟؟
هديل + وفاء : أوكي
وراحوا البنات كل وحده تأخذ تصريحها وتتجهز للخروج من بوابه الجامعه
وفي هذا الوقت كانت ريم وصلت للبيت ودخلت الصاله وراحت المطبخ لقت امها تجهز الغداء
ريم : السلام عليكم ورحمه الله وبركاته
ام سلطان : هلا ببنيتي وعليكم السلام ورحمه الله وبركاته
ريم ( تمشي لين توصل لأمها وتبوس راسها ) : كيفك يمه عساك بخير ؟
أم سلطان : بخير يمه بشرني عنك يابعدي شسويتي بالأمتحان ؟؟
ريم : أبشرك يمه انا بخير الحمد لله والامتحان تمام بفضل الله وثم بفضل دعائك انت وابوي !!
أم سلطان : الله يوفقك يابنتي يارب ويرزقك الزوج الصالح آمين
ريم : يايمه ادعيلي بالتخرج اول واتوضف وبعدين يصير خير على الزواج
ام سلطان : يابنت انا ان عشت لكم اليوم مارح اعيشش باكر وانا امنيتي اشوفك واخوانك ببيت ازواجكم وزوجاتكم متهنين واوالادكم حولكم
ريم ( تبغى تقفل الموضوع ماتبي تزعل امها ) : الله يعطيكي طولت العمر يمه وتربين اولاد اولادنا
أم سلطان : آمين يارب ويرضى عليك يابنتي
ريم : آمين يمه
ريم : يمه ساره نايمه ولا صاحيه ؟
أم سلطان : لا والله يابعدي نايمه لانها ياقلبي عليها مانامت الا الفجر
ريم : أدري كانت سهرانه وجتني امس الساعه ثلاثه تسألني ان خلصت الماده او لا
أم سلطان : أيه يابنيتي كلنا كنا قلقانين عليك وبنفس الوقت مطمنين لاننا نعرفك ونعرف اجتهادك
ريم : الله يحفظكم لي ولا يحرمني منكم
أم سلطان ؛ آمين يابنيتي
ريم : يمه بقولك شيء
ام سلطان : هلا يابنيتي سمي ؟؟
ريم : امممممممم يمه انا بكره وفاء وهديل تعرفيهم وشهد بنت عمي وسلوى اختها بيجونا باكر وابي اسوي لهم سهره زينه وحفله بسيطه على قدنا بمناسبه اجتماعنا وانتهاء الامتحانات

[كل الحلا بحرينية]

أم سلطان : طيب يابنيتي الله يحيهم
ريم : تسلمين يمه بس ابي انزل انا وانتي اليوم السوق نشتري اغراض ولوازم زيارتهم
أم سلطان : والله يابنيتي انا مو فاضيه اليوم شرايك تروحي مع عبد الله ؟
ريم : يمه عبد الله مو فاضي لي اما بشغله ولا مع صديقه ماجد يعني مارح يفضى لي ؟؟!!!!
أم سلطان : اساليه يمكن فاضي واذا مافضى يصير خير
ريم ( وهي مو عاجبها راي امها بس ماتبي تعترض ) : طيب يمه هو عبد الله فوق ؟
أم سلطان : ايه بغرفته رجع من شوي وابوك بعد
ريم : زين بروح اسلم على أبوي وبعدين بروح له!
أم سلطان : زين يابنيتي الله يوفقك
ريم : تأمرين شيء يمه تبيني اساعدك بشيء ؟
أم سلطان : لايابنيتي سلامتك توكلي
ريم : أوكي سي يو
أم سلطان : وش ذا ريوم قولي حاضر يمه
ريم : ههههههههههه تأمرين أمر يادهن العود انتي حاضر يمه
أم سلطان : هههههههههه الله يحفظك يلا روحي
وتخرج ريم من المطبخ وتروح لمكتب ابوها وتطق الباب
أبو سلطان : هلا هلا ريم الغلا هلا ببنيتي الغاليه
ريم ( تبوس على راس ابوها ) : هلا يبه هلا تاج راسي كيفك يبه ؟
أبو سلطان : بخير يابنيتي بشرين ؟
ريم : تمام التمام يبه !!
أبو سلطان : عافيه عليكي ياغاليه ترفعين راسنا دوم
ريم : الله لايحرمني منك يبه
أبو سلطان : آمين وانتي بعد يابنيتي
وشوي يدخل عبد الله : هلا هلا بالمزيونه دلوعه البيت الفيلسوفه ههههههه
ريم : هلا هههههههههه هلا ببدر الضواحي هلا عبود وبعدين وش الظلم هذا انت والله اللي مدلع من البيت مو انا ههههههههه.
عبد الله : الحين انا اللي مدلع يالفيلسوفه وربي انك فله
ريم : هههههههههههههه عبود بغيتك بطلب ياخوي ؟
عبد الله : تدفعين كم هههههههههه
ريم : بسم الله مثل المنشار طالع تأكل ونازل تأكل وش ذا ؟؟
عبد الله : هههههههههههههه امزح معك ريومه شفيكي سمي ياوخيتي؟
ريم : بغيتك توصلني اليوم السوق اشتري اغراض بكره البنات جايني وابي اسوي لهم حفله بسيطه ومرتبه
عبد الله : وليه ماتروحين مع السواق انتي وساره ؟؟
ريم : امممممممممم يعني ماتبي توصلني ؟؟
عبد الله : لا والله ياقلبي بس سؤال انتي تأمرين أمر!!!
ريم : هههههههههههههههه وش ذا الغزل لاكون خطيبتك ولا ادري ههههههه؟
عبد الله : ههههههههههههه لا والله بس اختي الغاليه
ريم : ياجعلني مااخلا
أبو سلطان : ههههههههههه الله يحفظكم ياعيالي ولا يحرمني شوفتكم تضحكون
ريم + عبد الله : آمين يبه
ريم : ها وش قلت عبود ؟؟
عبد الله : قلت الله يحفظك ابشري على رقبتي
ريم : الله يحفظك عبود
عبد الله : بس بكلم ماجد وفهد وابلغهم اني باتأخر اليوم
ريم : هههههههههه عيالك ذول لازم تقول لهم
عبد الله : هههههه هين تتطنزين
ريم : هههههههههههههههههههه لا استخف دمي بس هههههههه
عبد الله : لاتخففيه بعدين يصيبك فقر دم ههههههههههههههه
ريم : هههههههههههههههههه
وتدخل ام سلطان عليهم وتقول لهم : يلا الغذاء جهز بعدكم تتناقشون
أبو سلطان : الله يحفظك لي يابعدي ولا يحرمني منك
أم سلطان : ياقليبي انا مين لي بدنيتي سواك انت وعيالك الله لايحرمني
أبو سلطان : أنتي الغلا وعيالي اغليه مبس مو مثل محبتي لك يادنيتي
ريم ( تدق يد عبد الله وتهمس له ) : شوف كيف مو مثلك يالجلف تعلم يمكن تستفيد لاخطبت ههههه
عبد الله : قولي بس الله يتمم عليهم لاتعطيهم عين يالفيلسوفه
أبو سلطان : شنو تقولون تتهامسوا بوشوا ؟
ريم + عبد الله : ولا شيء يبه بس نقول متى بنتغداء
أم سلطان : الحين يلا الغذاء جاهز
ريم : زين يمه انا ببدل ملابسي وبنزل لكم وبصحي سارونه بعد
أم سلطان : زين يابنيتي نحتريك
ريم : أوكي
وطلع ابو سلطان وأم سلطان وعبد الله على غرفه السفره
وطلعت ريم غرفتها تبدل ملابسها وبعدين راحت غرفه ساره ودقت الباب
ساره : ادخل
ريم : هلا سارونه انتي صحيتي ظنيتك نايمه
ساره : لا والله صحيت وخذيت لي شور سريع وكنت بروح روم مالك ابي اسالك شنو سويتي بالامتحان
ريم : ابشرك كله اووووووووووووكي
ساره : دووووووووووووووووووووووم مو يووووووووووووووووووم تمااااااااااااامووووووووووو
ريم : اقول سرونه ترى بنات عمي ابو ناصر بيجوا بكره وبعد هديل ووفاء
ساره ( وحست برجفه يوم انها سمعت اسم ناصر ) : والله زين الله يحيهم والله مشتاقه لوناستهم
ريم : ايه وبروح انا وعبد الله اليوم نسوي شوبينج توصين شيء
ساره : ايه ابيكي تجيبي لي عطر جديد
ريم : سمي شتبين نوعه ؟
ساره : أبي عطر دريم لايف
ريم : أوكي ولايهمك يلا ننزل تراهم يحترونا
ساره : أوكي
وينزلوا ساره وريم ويتغذوا مع العائله وبعد الغذاء تستاذن ريم الاسره انها تروح تنام لانها تعبانه من الامتحان والارهاق وتأكد على عبد الله يمرها بعد العشاء
وبعد الغداء يروح كل واحد لغرفته ويكمل اشغاله
العصر يرن تلفون البيت وترد عليه ام سلطان : الو مين معي ؟
سلطان: هلا يمه السلام عليكم ورحمه الله وبركاته
أم سلطان : هلا هلا ببعدي هلا سلطان وعليكم السلام ورحمه الله وبركاته يمه
سلطان : كيفك يمه أخبارك واخبار الوالد ؟
أم سلطان : كلنا بخير يابعدي كيف العنود ؟
سلطان : والله انها بخير هذي هي بجنبي بعطيها بعد شوي تسلم عليك
ام سلطان : الله يحفظكم ويحميكم ياولدي
سلطان : يمه كيف ابوي والبنات وعبد الله ؟
أم سلطان : والله ياولدي ابوك تغداء ودخل نام وعبد الله بعد وريم رجعت من الامتحان تغدت بعد ونامت وساره في غرفتها وكلنا بخير يمه .
سلطان : الحمد لله الله لايغير عليكم الا للاحسن
أم سلطان : آمين
سلطان : يمه ببشرك ببشاره ؟
أم سلطان : سم ياولدي لبيه ؟هات بشارتك ؟
سلطان : يمه عائله ابو سلطان بتزيد واحد صغينون يشيل اسمها
أم سلطان ( وعيونها تدمع من الفرح ) : صدق ياولدي الله يحفظكم ومبروك عليكم ويارب يتمم عليكم بالخير وينها العنود ببارك لها
سلطان : هه هي خذيها
العنود :: السلام عليكم ورحمه الله وبركاته
أم سلطان : هلا هلا وعليكم السلام ورحمه الله وبركاته حياك يابنت الاجاويد
العنود : الله يحيك خالتي كيفك ياخاله ؟
أم سلطان : بخير يابنيتي دامك بخير ؟ أنتي كيفك ؟
العنود : بخير ياخاله ها خالتي الله الله ابيكي تشدي حيلك وتهتمي بولدي ابيه يطلع صنع مثل ابوه
ام سلطان : ياعيوني انا لبيه يابعدي بيكون صنع مثل ابوه واصيل مثلك ياغناتي
العنود : الله لايحرمني منك ياخالتي صدق انا اني انحرمت من امي لكن يشهد الله اني اعتبرك مثل امي الله لايحرمني منك يارب
ام سلطان : الله يحفظك يابنيتي ويرحم والدينا والديكي
العنود: توصين شي خاله ؟
أم سلطان : ايه يابنيتي انتبهي على عمرك
العنود : الله يسلمك في أمان الكريم هذا سلطان معك
سلطان : هلا يمه ها شرايك ؟
أم سلطان: اصيله بنت الاجاويد الله يديم عليكم حياتكم هنا وسعاده مااوصيك فيها يمه دير بالك عليها
سلطان : انتي وهي بعيوني يمه توصين شيء حبيت افرحك انتي وابوي بالخبر واسلم عليك
ام سلطان : دربك خضر ياولدي الله يحفك انتبه لعمرك
سلطان : باذن الله فامان الكريم يمه
أم سلطان : في أمان الرحمن

[كل الحلا بحرينية]

الجزء الثالث

(في بيت أبو ناصر بعد صلاه المغرب)
من عاده عائله ابو ناصر يجتمع أو ناصر وام ناصر وأي أحد من البنات وأولادهم فاضين على القهوه والحلى واللي يعتبر الاجتماع الاسري لهم في صاله البيت ام ناصر وابو ناصر وسلوى يتقهوى
أم ناصر : سلوى يابنيتي وين اختك ماعدت اسمع لها صوت من يوم رعت من الجامعه ؟
سلوى : والله يمه مادري لكن أكيد انها على النت اللي ذابحها .
أم ناصر: هذه البنت عيونها بتروح ياعلى المذاكره او على النت مادري وش اسوي لها الله يستر عليها ويرزقها الزوج الصالح وياكي يابنيتي ويجعلني افرح فيكم ان شاء الله.
سلوى : في حياتك يمه أعطني فنجالك يمه بصب لك .
أم ناصر: الله يحرسك يابنيتي تسلمين يابعدي.
أبو ناصر : أم ناصر ها كلمتي ام سلطان على موضوع ناصر وساره ؟
أم ناصر: ايه كلمتها واتفقنا على انه بعد اسبوعين بيتم الموضوع على خير ان شاء الله.
سلوى : اسبوعين مو كثير يمه ؟ تدرين ناصر مستعجل حيل !
أم ناصر: صادقه يابعدي بس تدرين شهد وريم اليوم خلصوا امتحانات وساره ماجهزت شيء للملكه وتدرين اولى فرحت ام سلطان في بناتها وتبي تسوي شيء مرتب.
سلوى : زين يمه رايك اكلم خالتي واسالها ااذ تحتاج مساعده ؟
ام ناصر: اصيله يابنيتي ياجعلني افرح فيك يوم زواجك.
أبو ناصر: آمين يارب ناصر وبعده سلوى وأخر شيء أم سبعين لسان على قول ريم شهد ههههههههه.
أم ناصر : ههههههههههههههه يابو ناصر ياجعل ضحكتك دوم تدري ريم وشهد يعاندون بعض دوم .
وشوي تنزل شهد من غرفتها وهي تبتسم
أبو ناصر: حي الله بعنقود البيت ياهلا ببنيتي
أم ناصر: عاش من شافك بنيتي والله احس كانك ساكنه ببيت ثاني مو بيتنا
شهوده وتجي تبوس راس امها وابوها وهي تضحك : يبه انت وأمي تدرون انه انا لي فتره عن النت وان ابي ارفه عن نفسي بعد قلق الامتحانات يعني لاتلوموني الله يحفظلي راسكم.
سلوى : شهد كلمتي ريم عن زيارتنا(وهي تعطيها فنجان القهوه ) ؟
شهد : ايه كلمتها وهي تنتظرنا بكهر ان شاء الله بعد المغرب .
أم ناصر : أشوف خططتوا للروحه ولا قلتوا لنا ؟
شهد : ياميمتي انتي تدرين انه احنا من زمان عن بيت عمنا ابو سلطان وتدرين مااجتمعنا من زمان مع بنات عمنا وماعاش من يتخطى شوركم يمه .
أبو ناصر: الله يسهلكم يابنيتي بس مين بيوصلكم ؟
سلوى : أكيد ناصر يبه لانه السواق انت تحتاجه بمشاويرك وغير كذا ناصر مارح يفوت شوفت ديار ليلي هههههههه.
أم ناصر + أبو ناصر + شهد : ههههههههههههههههههههههههههههههههههههههههههههههههه
ويدخل عليهم ناصر وهم يضحكون
ناصر : السلام عليكم ورحمه الله وبركاته مساء الخير يالله تديم ضحكتهم وسعادتهم خير ضحكونا معكم ؟
شهد : ياحي الله أخوي العود لا سلامتك ياغالي بس بغيناك انا وشهد بطلب؟
ناصر : سمي شهوده ؟
شهد : نبيك توصلنا انا وسلوى بكره ان شاء الله بعد صلاه المغرب بيت عمي ابو سلطان !
ناصر: ( وهو يبتسم بقوه ) أكيد بوصلكم وليش لا انا لي كم اخت يعني هي كلها اختين الله يحفظكم لي .
سلوى : ياجعلني مااخلى نصور يسلمو يااخويا الغالي .
أم ناصر : يابنتا بتاخذون معكم شيء لهم ؟
سلوى: أكيد يمه لانه من زمان عنهم .
ام ناصر: زين متى بتروحون السوق ؟
سلوى : والله مادري يمه شرايك شهد ؟
شهد : انا لو علي الحين بس الراي لناصر؟
ناصر : والله اللي تبونه !
سلوى : انزين صلي العشاء واحنا بنكون جاهزين اوكي .
ناصر : أوكي تم.
وتقوم شهد وسلوى يتجهزون .
أبو ناصر: هاشخبار عريسنا ؟
ناصر وهو يبتسم : بخير يبه دامك بخير ياجعلني مااخلى منك لا انت ولا ميمتي
أم ناصر: ناصر ياولدي احنا اتفقنا انا وخالتك ام سلطان انه ملكتك تكون بعد اسبوعين.
ناصر( وعلى وجهه ملامح خيبه الامل ) : يمه بسحنا اتفقنا تكون نهايه الاسبوع الجاي قبل الامتحانات تذكرين ؟
أم ناصر: ايه ياولدي اكر بس ام سلطان قالت انها تبي تجهز للملكى والبنات بعد.
ناصر: وش يجهزون يمه هذه ملكه مي زواج يعني ماتبيلها شيء .
أبو سلطان : هههههههههههههه أشوفك مستعجل ان ساره تكون زوجتك.
ناصر ( وبجراءه ) : يبه تدري انت وامي اني من زمان وانا انتظر هذه اللحظه اللي اكون فيها زوج ساره ومسؤول عنها والحين اكتشف ان الموضوع تأجل بعد مامنيت نفسي.
أم ناصر : ياولدي تصبر صبرت كل هذه المده ماتصبر بعد شوي ؟
ناصر ( وهو حاس بالاحباط شوي ) : خير يمه عسى الله يجعل بهذا التأخيره خير زين يمه انا بقوم اتجهز للصلاه وبروح وبلغى البنات اني بنتظرهم ويوم ارد للبيت بكلمه جوال ينزلوا لي .
أم ناصر: زين ياولدي عسى الله يحفظك.
ناصر ويقوم ويحب راس امه وابوه ويروح يتوضى ويطلع السياره وباله مشغول بالكلام اللي قالته امه ماكان مقتنع ابدا بهذا التأجيل لانه ماشاف له داعي حس كانهم بيتعمدون على التاجيل
ناصر: آآآآآآآآآآه يا طولت البال والصبر صبرت عنك ياساره سنين وماني قادر اتحمل بعد اسبوعين حبك تملكني حيل ياساره ليتك تدرين بقدر حبك في قلبي ياسيده قلبي. وأستغفر ربه وراح للمسجد يصلي.

( بيت ابو سلطان )
في الصاله
عبد الله : السلام عليكم ورحمه الله وبركاته ويبوس راس امه وابوه
ام سلطان : ياهلا بولدي ياجعلني ماانحرم من هذه الدخله
أبو سلطان : هلا بولدي ها وش سويت بالمخطط .
عبد الله : والله زين يبه بيكون جاهز عندك .
أم سلطان : تبي تشرب قهوه ؟
عبد الله : تسلمين يمه من يد مااعدمها. يمه وين البنات ؟
أم سلطان : والله مادري انا اللي اعرفه انه انت وهم بتروحوا السوق ولا لا ؟
عبد الله : ايوه صدق بس وينهم ؟
أم سلطان : زين اجل بينزلوا الحين .
وشوي تدخل عليهم ريم
ريم : السلام عليكم ورحمه الله وبركاته والله وجوهكم نور ماشاء الله ياعسى لايفرقنا . وتحب راس امها وابوها
عبد الله : ها جاتكم الفيلسوفه هههههههههههه .
ريم : هههههههههههههههه عبود شفيك علي؟
عبد الله : يابنت انتي متى تبين تروحي السوق انتي واختك ؟
ريم : انا جاهزه قلي قومي وانا بروح .
عبد الله : قطع الله عدوك يابنت انا وانتي مو اتفقنا بعد المغرب اشوفك جالسه تتقهوين ؟
ريم : انزين عبوووووووووووووووووود بروح اتجهز ثواني .
عبد الله : وساره ماتبي تروح .؟
ريم : والله مادري بس ماظنيت انت تخبر ساره كيف ؟
عبد الله : انزين انا انتظراوكي بكلم ماجد .
ريم ( هي وتلوي فمها ) : يعني لازم تكلم اولادك ؟؟
عبد الله : ريومه الله يقطع سوالفك شفيكي على اصدقائي هي كلهم ثنين ماجد وفيصل وانتي تدرين انهم اخوان صديقاتك .
ريم : ادري ادري زين بروح اتجهز لين تخلص.
عبد الله : زين يلا روحي . ويدق على جوال ماجد
ماجد : حي الله هذا الصوت ياهلا عبودي توك لى بالي .
عبد لله : وانت عن باللي ماغبت هين على بالي وانت ماتتصل يادب ؟ هههههههه
ماجد : عبود ياقلبي تدري كيف انا مشغول ومع كذا براضيك اموووووووووووووووووه.
عبد الله : قطع الله هالشفه مالت وجيعه تبوس فيني وش شايفني عندك خطيبتك ؟
ماجد : أغلى وربي انت عبد الله الزين ياجعلني مااخلى عبود طلبتك طلب؟
عبد الله : لبيه سم ؟
ماجد : طلبتك عطني قلبك ؟

[كل الحلا بحرينية]

عبد الله : ههههههههههههههههههههههههههههههههههههه وجيعه يادب وش فيك انت وجيعه ههههههههه.
ماجد : افااااااااااا انا وجيعهه تقلي هذا وانا اموت فيك ؟
عبد الله : ياولد وربي انك مو عاقل اقول انعدل ليجيك طراق.
ماجد : يابعد حي والله الطراق منك احلى على قلبي من العسل .
عبد الله : زين يادب اسمعني انت بتروح الاستراحه اليوم ؟
ماجد : اكيد عبود بروح اليوم سلمان بيجي من حفر الباطن ونبي نسوي له حفل بسيط بالاستراحه وبعد سالم وناصر ولد عمك .
عبد الله : وفيصل بيجي ولا لا ؟
ماجد : والله مادري عبد الله بس اذا حبيت بكلمه لك ؟
عبد الله : أوكي ابو المجد كلمه انت وانا بروح اخذ الاهل بوديهم السوق اوكي .
ماجد : أوكي ياغالي بحفظ الله .
عبد الله : زين اشوفك يادب اليوم بالاستراحه .
ماجد : عبد الله اقول ؟
عبد الله : هلا ماجد ؟
ماجد : أمووووووووووووووووه عطني بوسه قبل تقفل ؟
عبد الله : ههههههههههههههه زين اسمع بعطيك بوسه بس حط السماعه على اذنك زين ؟
ماجد : يابعد حي زين حطيتها يلا عطيني ؟
عبد الله : ماجد اسمع صوت القطار ههههههههههههههههه.( ويقفل السماعه بوجهه )
(في بيت ابو ماجد )
ماجد : الدبي قفل بوجهي هين ياعبود اذا ماوريتك ههههههههههههه.
وفاء : خير مجود مين كلمك ؟
ماجد : هذا عبد الله ولد أبو سلطان جيرانا ماتعرفينهم ؟
وفاء : الحمد لله والشكر يدب كيف مااعرفهم وريم بنتهم اعز صديقاتي وصديقه الطفوله !!!
ماجد : هههههههههههههه هين يادبيه اقول انتي بغيتيني بشيء قبل يدق ذا الدب ؟
وفاء :ايه بغيتك ابيك بكره توصلني بيتهم !
ماجد : بيت من ؟؟
وفاء: يالله مجود على الذكاء ياخي لاتستهبل بيت خالتي أم سلطان .
ماجد : ياخبلك ووش دراني انا ؟؟؟
وفاء: هي يادب قبل شوي كنت تتكلم عنهم وانا قلت لك بروح بيتهم يعني بالله بيكون بيت من ؟؟؟ هههههههههه
ماجد : اها طيب قولي كذا من اول تدرين اني مو ذكي مثلك ههههههههه.
وفاء : ايه هين انت انت الله يجيرنا بس منك عقلك يوزن بلد ماشاء الله عليك هههههههههههه.
ماجد : افاااااااا يابنت جوهره بتطقينا عين !!!!!
وفاء: مالت قلت ماشاء الله .
ماجد : زين متى تبي تروحي لهم ؟
وفاء : بعد المغرب على طووووووووووووووووووووول .
ماجد : ليه وش عندكم ؟؟
وفاء : ياخي وش دخلك زياره بس .
ماجد : افاااااااااااا يااختي العزيزه شفيكي علي انتي وعبود دوم تحطموني ههههههههههههههه.
وفاء : سلامتك من التحطيم خيو المهم مجود انا بعطيك اسم عطر تجيبه لي .
ماجد : ليش ؟
وفاء: مجود ابي اعطيه لريم هديه بكره.
ماجد : اها اوكي ايش اسمه ؟
وفاء: lyrical
ماجد : اوكي ان شاء الله ماانسى اسمه ان نسيته بتصل عليكي.
وفاء : اوكي يسلموووووووووووووووووووو خيو الله لايحرمني.
ماجد: ولو خيتو ماعندي بهذه الدنيا اخت غيرك الله يحفظك انت وابوي وامي لي .
وفاء : آآآآآآآآآآمـــــــــــــــــــــــين.
أم ماجد : ماشاء الله عليكم الله يحرصكم ويحفظكم ويفرحني فيكم .
ماجد : بحياتك يمه ان شاء الله انتي وابوي.
أم ماجد : لو تسمع كلامي بس ياولدي وتخليني اخطب لك بنت الحلال اللي تريحك.
ماجد : يمممممممممممممه تدرين راي بذا الموضوع انا ماااااااااا بي اتزوج.
أبو ماجد : يعني شنو بتظل طول عمرك كذا اعزب وانا مالي حق اشوف اسمي تحمله احفادي؟؟؟
ماجد : يبه الله يحفظك ويخليك لنا وان شاء الله تشوف احفادك من وفاء اختي.
أبو ماجد : ياولدي انت تدري ان اولاد البنت مايشلون الاسم وانت ولدي الوحيد واذا ماتزوجت معناها تبي تمحي اسمي .
ماجد ( وهو متضايق من كلام ابوه ) : يبه الله يحفظك يصير خير والله يقدم اللي في الخير.
أبو ماجد : يعني متى ؟؟؟
ماجد : لين الله يسهل يبه.
أم ماجد : ياولدي هذه كلمتك دوم وانا وابوك صابرين والله يرزقك بالبنت الصالحه ياولدي حنا نبي نفرح فيك وباختك لاتحرمنا من هذه الفرحه وفرحت الابن غير البنت .
ماجد : الله يحفظكم يمه والله ادري . ويقوم يبوس راس امه وابوه ويستاذنهم.ويروح غرفته ويتصل على فيصل.
فيصل: هلا بمجود الحين كنت بتصل عليك والله .
ماجد: هلا ابو عبد الله اول شيء السلام عليكم ورحمه الله وبركاته.
فيصل: وعليكم السلام ورحمه الله وبركاته شفيك ياطعس صوتك متغير ؟
ماجد : مافي شيء بس كالعاده نقاشي وجدالي مع الوالد والوالده حول مساله الزواج .
فيصل : ياخي وليه انت ماترحهم وتخطب وتتزوج .
ماجد : ياخي وليه اجيب لنفسي وجع الراس انا كذا مرتاح متحمل مسؤوليه نفسي وبس اجيب لي وحده اتحمل مسؤوليتها ومسؤوليه عيالها بعد .
فيصل : بس انت تدري ان الاستقرار زين وبعدين الله يحفظلك ابوك وامك بس بعد عمر طويل انت بتتحمل مسؤوليه اهلك يعني كذا او كذا متحمل مسؤوليتهم .
ماجد : صدق يافيصل والله مادري صراحه خلقي ضايق واعصب يوم يفتحوا معي الموضوع.
فيصل : هين يادب كلها كم شهر ان شاء الله ونسمع خبر ملكتك ههههههههههههههههههه.
ماجد : الله وحددتها بعد مالت عليك هههههههههههههههههههههه.
فيصل : وليش لا ماتدري وش يصير انت ماشا الله شاب ممتاز مأدب ومحترم ولكك وظيفتك ومركزك وراتبك ماشاء الله حلو وماينقصك شيء الاانك تطيح اللي براسك بس.
ماجد : فيصل حشى بالله روح اخطبلي يالخاطبه هههههههههههههههه.
فيصل : ههههههههههههههههههههههههههه مالت عليك ماتنصح ههههههههههههههههههه.
ماجد : زين يالفيلسوف دامك كذا ليه ماتزوجت للان .
فيصل: انت تدري ان ملكتي قريب يعني لاتقارني فيك.
ماجد : اها طيب يادب ههههههههههههههههههههههههه.
فيصل : تحشر ابو الشباب ماعرف وش يقول قال اها هههههههههههههههههههههههههه,
ماجد : هههههههههههههههههههههه الله يرجك بس اوكي فيصل اشوفك اليوم بالاستراحه لان سلمان بيجي.
فيصل : اكيد بس تقاولتوا مع المطبخ علشان المندي ؟
ماجد : أكييييييييييييييييييييد ناصر كلمهم قدامي .
فيصل: زين اوكي اجل تمام اشوفك على خير توصي شيء ياغالي ؟
ماجد : لاسلامتك .
فيصل : الله يسلمك .
ماجد : اوكي يلا مع السلامه
فيصل : مع السلامه .

(بيت أبو سلطان )
عبد الله : الله يرجه الدب وربي مو صاحي.
أم عبد الله : هذا ماجد صديقك ماغيره ؟
عبد الله : ايه يمه ولد خالتي جوهره.
أم عبد الله : يالله والله من زمان عنهم مادري شخبار امه .؟
عبد الله: والله بخير يمه وبنتها مع ريم واعز صديقاتها تدرين .
أم عبد الله : ايه والله وفاء ماشاء الله عليها كامله والكمال لله .
وتزل ريم بهذه اللحظه
ريم : ها عبود مشينا ؟
عبد الله : يلا بس عسى نلحق قبل الصلاه.؟
ريم : حتى لو مالحقنا انت ادخل صلي بمسجد الرجال وانا بالنساء ونكمل تسوق.
عبد الله : زين يالفيلسوفه قدامي يلا.
ريم: اوكي يمه تبين شيء ماشيات من السوق ؟
أم عبد الله : لاتسلمين يابنيتي روحوا الله يحرسكم.
ريم : زين سي يوووووووووووووووو
أم عبد الله : ههههههههههههههه وعليكم مثل ماقلتم هههههههههههههه
وتروح ريم وعبد الله يركبوا السياره
وتبداء ريم تتسوق وتواعد المطاعم وتختار الحلويات والعصائر
وبعدين تمر تشتي لها طقم جديد لها ولساره .
عبد الله : ها ريوم خلاص تبين شيء ثاني ؟
ريم :ايه ابي؟
عبد الله : خير نسينا شيء حنا ؟
ريم : نسينا شيئن ؟
عبد الله : وشو ؟
ريم : اولا ابيك توديني نشتري اشرطه وبعدين تشتري لي باسكن روبنز.
عبد الله : خير يادبيه شكلك مسويه حفله مو سهره بسيطه ؟
ريم : ههههههههههههه قول ماشاء الله وبعدين عبود انا والبنات من زمان مااجتمعنا ونبي نستانس .
عبد الله : يعني ماتستانسون الا بالاكل والاشرطه ؟
ريم: عبووووووووود خلاص لاتتطنز رجعني البيت مابي شيء .
عبد الله : خير يادبيه شفيكي زعلتي امزح معك اوكي بنروح نشتري اشرطه وباسكن روبنز على ذا الخشم .
ريم : ياجعلني مااخلى يارب زين ابيك تشتريلي ( راشد الماجد الحل الصعب – عبد المجيد الحب الجديد- ديانا حداد شريطها الجديد – راشد الفارس حبايب –اصاله اوقات – محمد عبد يادموعه) و.....
عبد الله : هي هي يادبيه هههههههههههههههههههههه حشى وربي حفله على مستوى ممكن احضرها ؟؟؟؟
ريم : هههههههههههههههههههههههههههههههههههههههههههههه لا أكيد مو ممكن يلا بس روح اشتريها لي.
عبد الله : زين تأمرين أمر خيتو.
ريم : مايأمر عليك ظالم ياقلبي.
وينزل عبد الله يشتري الاشرطه ويرجع .
عبد الله : زين هذه الاشرطه تبين شيء ثاني ؟
ريم : اكيد نسيت اني ابي باسكن روبنز؟؟؟
عبد الله : لا مانسيت ماقدر انسى اصلا شيء تبيه اختي الغاليه .ههههههه
ريم : مادري احسن انك تبالغ في رد فعلك هههههههههههههههه.
عبد الله : حرام عليكي وش قصدك اني مصلحجي ههههههههههههههههههههههه.
ريم : ههههههههههههههههههههههههههههههههههه يمكن والله مادري؟؟؟
عبد الله : تهي تهي مسكين ياعبود تهي تهي وينك ياماجد تشوف صديقك يتهزاء .
ريم : ههههههههههههههههههههههههههههههههه الله يرجك بس يلا برعه اشتري لي ولساره .
عبد الله : زين وش تبين انواع ؟
ريم : ثلاث كور حجم كبير توفي وتشيز كيك واوريو وخلي يحط صوص توفي وبدون مكسرات.
عبد الله : اوف يادبيه هههههههههههههههههههههههه انزين وساره ؟
ريم : انا وساره نفس الشيء.
عبد الله : اوكي .
ويشتروا الآيس كريم ويرجعوا البيت....

[كل الحلا بحرينية]

يابدايات المحبه يانهايات الوله (الجزء الرابع)

يوم الخميس (في بيت أبو سلطان بعد المغرب )


كانت ريم تصلي المغرب وبعد نهايتها من الصلاه بدات تتجهز علشان تستقبل صديقاتهاوبنات عمها وكانت ريم عزمت هديل ووفاء بعد مثل مااتفقوا وكانت محضره لسهره حلوه مره مثل السهرات المعتاده لهم ولبست ريم وكعادتها اكتفيت بوضع مكياج هادي جدا وفتحت الدرج تبي تأخذ العطر لكن تفجأت ان عطرها خلص وان انشغالها بالدراسها نساها انها تشتري عطر جديد ونسيت بعد انها تشتريه يوم نزلت مع عبد الله السوق فقررت انها تروح تستأذن ساره انها تأخذ من عطرها وراحت غرفه ساره وطرقت الباب...
ساره: مين؟؟؟
ريم: انا ياساره لو سمحتي افتحي بسالك عن شيء!
ساره : ثواني ريم .
وشوي فتحت الباب
ساره : هلا ريم ها البنات وصلوا ؟؟؟
ريم : لا بعدهم ماوصلوا بس خلاص على وشك وانا لبست بس جيت ابتعطر علشان انزل اكمل تجهيزات السهره واتفقدها لقيت عطري خلص ممكن اخذ أي عطر من عطورك اتعطر فيه. ؟؟
ساره: لبيه ياعيوني روحي التسريحه بتلقي عطور كثيره اختاري اللي تبغى وتعطري ؟؟
ريم : يسلمووووووووووووووو سرونه اشوفك جاهزه ( وتأخذ عطر انانيا وتتعطر)
ساره: ايوه خلصت الحمد لله يلا ننزل انا وانتي نشوف المجلس والاستريو وكل شيء بس قليلي انتي ذكرتي السواق يروح يجيب الاغراض؟
ريم : ايوه الاغراض بعد وصلت والحين بنزل اجهزها .
ساره : أوكي ريومه يلا مشينا .
وتنزل ساره وريم وتروح ريم تبخر المجلس وساره تجلس تجهز العصير.

(في بيت ابو ماجد )

وفاء ( وهي تدق على باب غرفه ماجد ) : مجودي يلا انا جاهزه !
ماجد: أوكي وفاء دقيقه بس وبطلع لك انتي اسبقني على الصاله .
وفاء : أوكي .
تنزل وفاء ولا شوي يدق جوالها


(هدوله المرجوجه يتصل بك ).....

وفاء: الو ياهلا والله هدوله كيف الحال.؟
هديل : بسم الله يالخبله مالحق ادق دقه الا انتي راده علي ؟؟؟
وفاء: زين يالخبله المره الجايه بخليكي تدقي لين تطقين .
هديل :ههههههههههههه صدقيتي اقول لاتصدقي الله يكفينا شرك بس ههههههههه
وفاء: بس ولا قطو ههههههههههههههه
هديل : تنكتين مع وجهك هههههههههههه أقول وفاء متى بتروحي عند ريومه .
وفاء: انا جاهزه الحين بس انتظر البرنس يخلص .
هديل : اها طيب انا شوي بعد وبلحقكم اوكي .
وفاء: أوكي مو مشكله بس لاتتأخري بعدين ريم وشهد ياكلوكي بلسانهم
هديل : هههههههههههههههه ايه خصوصا شهوده ام سعبين لسان.
وفا: هههههههههههههههههههههه الله يرجك جالسه تحشين فيها يادبه؟
هديل: أقول وفاء انقلعي بس ترى صرفتي علي وكلفتي على بالك فاتورة جوالي قليله اعتقد بتجي 500 هذا الشهر وكله منك ياهبله انتي وريومه قلبي.
وفاء: اقول مالت بس الحين انا صرت هبله وريم قلبك طيب الشره على اللي يرد عليكي.
هديل : يؤؤؤؤؤؤؤؤؤؤ بنت ابو ماجد عصبت امزح معك صدق انك خبله .
وفا: ههههههههههههههههههههههههههه وربي ماغلط يوم سميتك بالجوال هدوله المرجوجه الله يرجك فوق رجتك.
هديل : هههههههههههههه آمين ان شاء الله انا وانتي بقوطي سن توب.
وفاء: هههههههههههههههههه وربي انك مو صاحيه يلا بس أشوفك هناك لاتخلصي السوالف علينا.
هديل: أوكي سي يو
وفاء: سي يو.
وتقفل الجوال وتنزل للصاله وهي لابسه عبايتها وتنتظر ماجد وشوي ينزل ماجد
وفاء: أحلىىىىىىىىىىىىىىىىى وش الكشخه هذه وش وراك شكلك ناوي سهره محترمه مع شله الانس.؟
ماجد : هههههههههههههههههه ياشين اللقافه بس اقول وفاء شرايك فيني ؟
وفاء: وربي كشخه ماشاء الله تبارك الله رقيتك من كل عين ههههههههههههه.
ماجد : ههههههههههههههههههه الله يرجك بس صدق انك مرجوجه وانتي ايش الكشخه هذه والحركات الحلوه ياهوووووووو على البيج بس هههههههههههه.
وفاء: ههههههههههههههههههه علشان تعرف ان أختك ذوق المهم جبت لي هديه ريم ؟
ماجد : أي هديه ؟
وفاء: مجودي عن الهبل عاد العطر اللي وصيتك عليه
ماجد: اها قولي كذا ايه جبته بالسياره وغلفته بعد تغليف حلو .
وفاء: ياجعلني مااخلا يسلمو خيوووووووووووو أوكي يلا بنروح لأني تأخرت وبعدين وش يفكني من كلام ريم هههههههههه.
ماجد: أوكي توكلنا .
ويركب ماجد ووفاء السياره ويوصلها لبيت أبو سلطان وتنزل وفاء تدق الجرس وماجد ينتظر بالسياره لين دخلت وفاء وبعدها يدق جوال على عبد الله.
ماجد: عبوووووووووووووود يابعد قلبي والله هلا السلام عليكم ورحمه الله وبركاته .
عبد الله: هلااااااااااااباأبو المجد حياك وعليكم السلام ورحمه الله وبركاته.
ماجد : ها كيف الحال بشرني عنك عساك بخير يابعدي ؟
عبد الله : تمام بخير بسماع صوتك وأنت كيفك ؟
ماجد : والله انا تمام ماعلي بخير .
عبد الله : ياجعلك دوم أقول أبو المجد أنت وينك فيه ؟
ماجد : أنا تحت عند بيتكم اطلع لي بسرعه بنروح انا وانت الاستراحه انت جاهز؟؟
عبد الله : أيه جاهز الحين بنزل لك يلا قفل .
ماجد : أوكي يلا سلام.
عبد الله: سلاااااااااااااااااااام
وينزل عبد الله مستعجل علشان لا يتأخر على ماجد وهو طالع من البيت يشوف اخته ريم واقفه مع وفاء ترحب فيها
عبد الله : احم احم طريق .
وفاء: وي بسرعه ريومه خلينا ندخل هذا عبد الله اخوكي اكيد الطاس ماجد بره ينتظره ؟
ريم : ههههههههههه ياخي عادي شفيكي تخرعتي كانك شايفه جني ههههههههه.
وفاء: ريووووووومه مع وجهك تضحكي وجيعه انا كذا كاشفه وجهي وبمكياجي وانتي تقولي كذا يلا بسرعه بندخل .
ريم : ههههههههههههههههه الله يرجك يلا بسرعه طيب ادخلي حياكي نور البيت.
وخلال هذه الفتره عبد الله كان يحاول يلفت نظره ومو سامع الحوار اللي داير بين ريم ووفاء ويوم دخلت وفاء خرج لماجد .
ماجد : شفيك تأخرت يادب ؟
عبد الله : هههههههههههههه الله يرجك كنت انتظر اختك تدخل تعرف البنات يوم يرحبوا ببعض سنه يجلسوووووووو هههههههههههههههه
ماجد:هههههههههههه صدقت والله يلا خليهم يستانسوا.
عبد الله : أوكي يلا يادب مشينا لنتأخر على الشباب.
ماجد : أوكي توكلنا.
وينطلقوا الشباب على الاستراحه

[كل الحلا بحرينية]

في بيت أبوسلطان

ساره: حي الله وفاء القاطعه وينك يادبيه .؟
وفاء: الله يحيكي ياقلبي وربي ياسرونه تعرفي الامتحانات وقرفها وانتي من قبل مجربه هذا الشيء.
ساره : صادقه والله الله يوفقكم هذا انتم استرحتوا وبتجلسوا ثلاث شهور وبترتاحوا.
ريم :أقول وفاء انا وانتي بنروح يوم شوبينج شرايك علشان ملكه سرونه ؟
وفاء: أوكي ماعندي مانع ريومه نتفق على يوم وانا حاضره .
ريم : تمام أوكي خلال الاسبوع هذا لازم ننزل انا وانتي ان شاء الله .
وفاء: على خير ياقلبي ساره وانتي جهزتي شيء ؟
ساره : لا والله بعدي ماجهزت بس ان شاء الله خلال الايام الجايه بنزل اشتري لي فستان الملكه وكمالياته ان شاء الله .
ريم : انتي ماعليكي اختاري بس الفستان وحددي لونه وخلي الكماليات علي انا ووفاء بنشتري لكي اشياء حلوه مره.
ساره: أوكي عيوني مو مشكله انا حاطه لون بمزاجي بس مادري بنزل السوق واشوف الموديلات النازله انا بعد مابدي شيء مره مزخرف يعني شيء كلاسيكي هادي .
وفاء: أحسن شيء الهادي لانه الشيء السيمبل يعطي شكل روعه وانتي ماشاء الله عليكي ملامحكي حلوه وطفوليه.
ساره : تسلمين ياقلبي أوكي اتفقنا أجل.
وشوي يدق جرس الباب وتروح ريم تفتح وتلقى عند الباب هديل وشهد سلوى .
ريم : ياهلا والله بمن جانا حي الله من لفانا وجاء
سلوى + شهد + هديل : الله يحيكي ريومه .
ريم : هدوله يادبيه انتي والخبلتين اللي معك ليه تأخرتوا ولامتفقين تمرون على بعض ؟
هديل : لا والله انا وصلت ولقيتهم عند الباب وصلوا وطبعا ناصر وفيصل راحوا مع بعض للاستراحه فهمتي كيف .
ريم : ايوه عبد الله بعد راح مع ماجد اخو وفاء ولو شفتوا ههههههههههههههه عبد الله طلع بوجه وفاء هههههههه.
شهد : هههههههههههههه من جدك والله اكيد وجهها صار الوان هههههههههههههه.
ريم : تعرفين وفاء قامت تهزاء فيني الخبله قلت لها وان وش دخلني هو اللي طلع يفكرك دخلتي هههههههههه.
سلوى : هههههههههههههه الله يقطع سوالفكم وانتي بعد ياريم تتشمتين .
وتدخلهم ريم المجلس .
ريم : ههههههههههه ايه اتشمت ههههههههههه.
وفاء: هلا والله ببنات ابو ناصر وبنت ابو صالح يالله تحيهم .
شهد +سلوى + هديل : الله يحيكي يارب.
وفاء : ريم انتي قلتي تشمتين على وشو ؟
ريم : هههههههه ولا شيء .
شهد : هههههههههههههههه لا تكذبي وفاء ترى ريم كانت تتشمت فيكي يوم عبد الله طلع بوجهك ههههههههههههههههه.
وفاء ( ووجهها أحمر ) : وجيعه ريم يالفضيحه انتي الله لايسلطك على مسلم فضحتني استروا ماوجهتوا ههههههه.
ساره : ههههههههههههههه بالله من جدك عبد الله طلع بوجهك ههههههههههههههه.
وفاء: سررررررروووووووووونه خلاص بالله ههههههههههههههههه غثيتوني تكفون بس انتم اللي ماطلعتوا بوجه أحد .
ريم : هههههههههههههه أنا لا الحمد لله ههههههههههههههههههه لاني انتبه زين مو مثلك ياخبله ههههههه.
شهد : ريومه لاتتشمتين ترى بعدين يصير فيكي مثلها ههههههههههههههههه.
ريم : لا مارح يصير لاني مفتحه عيوني زين .
سلوى : شقصدك مفتحه عيونك يعني تناظرين ها طيب طيب عند عمي محمد بعلمه عليكي هههههههههه.
ريم : الله يأخذ عمر عدوك وش تقولي انتي الله يرجك ههههههههههههههههههههههه قصدي اني منتبه .
وفاء: ههههههههههههههههه تستاهلين علشان انتي ماصدقتي يالفضيحه تلقين شيء علي .
ريم + ساره + شهد + هديل + سلوى : هههههههههههههههههههههههههههههههههههههه
وشوي تدخل على البنات ام سلطان .
أم سلطان : السلا م عليكم ورحمه الله وبركاته انا جيت اسلم عليكم واشوف اخباركم يالله تحيهم هلا فيكم والله نورتوا البيت.
شهد : البيت منور بكي ياخاله كيفك ياخالتي ؟
أم سلطان : بخير يابعدي كيف أمك ؟
شهد : بخير ياخالتي الله يسلمك يارب .
أم سلطان : وانتي يابعدي ياسلوى كيفك ها لقيتي وظيفه ولا لا ؟
سلوى : لا والله ياخاله على الله ان شاء الله الرزق قريب .
أم سلطان : الله يوفقك يارب ويرزقك بالزوج الصالح .
سلوى : بحياتك ياخالتي .
أم سلطان : هلا والله ببنت أبو ماجد نور البيت فيكي وين الغيبه ؟
وفاء : هلا خالتي البيت منور فيكي وبعمي والله ياخاله تعرفين الامتحانات كيف والحمد لله هذا انا خلصت بتشوفوني كل يوم عندكم .
أم سلطان : الله يحيكي يابنيتي البيت بيتك وانتي أخت ريم وساره مو غريبه يابنيتي.
وفاء: تسلمين ياخاله .
أم سلطان : هلا هلا بالمزيونه بنت الاجاويد بنت أبو فيصل هلا هديل .
هديل : هلا فيكي ياخاله الله يحيكي يارب ويبقيكي .
أم سلطان : كيفك كيف أمك ؟
هديل : والله بخير وتسلم عليكي وتنتظر زيارتك .
أم سلطان : الله يبقيكي يابنيتي ياجلعها دوم بخير ان شاء الله زيارتي لها قريبه باذن الله . ها وأخوكي فيصل متى ملكته أن شاء الله ؟
هديل : خلاص ياخاله هانت كلها أسبوع ان شاء الله قبل ملكه ساره وكلكم معزومين لها .
أم سلطان : الله يوفقه يارب .
هديل : تسلمين ياخالتي .
أم سطان : زين يابنات أنا جيبت بسلم عليكم وبروح وسلمولي على أمهاتكم.
البنات: :يوصل ياخاله الله يسلمك ويبقيكي.
هديل : ياحليلها خالتي ام سلطان طيبه على نياتها والله .
ريم : تسلمين ياقلبي .
وتقوم ساره تقدم العصير لهم وتشغل ريم الاستريوا على أصاله اغنيه روح وروح
وفاء : الله ياحبي لهذه الاغنيه تجنن والله .
هديل : صح صوت أصاله فيها حلو ه مره مضبطه مره .
سلوى : اصلا كل اغاني أصاله روعه وصوتها يجنن.
ساره : صح والله .
شهد : ساره جهزتي للملكه ؟
ساره : لا والله ياشهد ان شاء الله هذا الاسبوع .
شهد : ماتعرفين ناصر ايش قال يوم عرف انكم اجلتوا الملكه اسبوعين .
ساره ( وهي مرتبكه شوي وخجلانه ) : وش قال ؟
شهد : زعل والله قال احنا اتفقنا على انه بدري .
ساره : وايش خالتي قالت له ؟
سلوى : قالت له انها اتفقت مع خالتي فاطمه وانه لازم يتم الملكه بموعدها علشان التجهيزات .
ساره : وهو أي قال وافق ولا لا .
شهد : وافق بس زعل والله .
ساره : ................
سلوى : ساره صدق ليه اجلتيها اسبوعين ؟
ساره : والله سلوى تعرفين لازم اجهز وبعدين الوحده بتملك مره وحده بعمرها وانا ابي اتحضر لهذه الليله زين.
سلوى : يحق لكي صادقه الله يوفقك أنت وناصر يارب بحياتكم القادمه .
ساره : وياكي يارب ان شاء الله.
هديل : الله هذا العصير مره روعه هذه انتوا مسوينه بالبيت ؟
ريم : ايوه انا سويته عجبك ؟
هديل : تسمل يديكي وربي روعه مره من ايش يتكون .؟
ريم : سفن أب + بيره توت + عصير تفاح مع نعناع مقطع للزينه وأكيد الثلج .
هديل: روعه والله لذيذ ايش اسمه طيب ؟
ريم : هذا العصير اسمه شمبانيا سعودي بالعافيه على قلبك بصب لكي جديد.
هديل : تسلمين على الوصفه ياقلبي .
ويقضوا البنات السهره ضحك ووناسه

(في استراحه الشباب )
ماجد : حمد الله على السلامه سلمان عاش من شافك .
سلمان : الله يسلمك ياغالي انت كيفك وكيف احوالك بعدك على رايك عازف عن الزواج ؟
ماجد : ههههههههههههههه شفيكم علي كاني انا اللي معقدكم عندكم عبد الله بعد مو متزوج وفيصل.
فيصل: هي انت كم مره قلت لك ملكتي بعد اسبوع يعني لاتقارني فيك .
ماجد : ههههههههههههههههه طيب يادب .
سلمان : عبد الله وله ظروفه ومادري بعد هو الدب ليه مو راضي يتزوج وأنا ملكت وفرحي باخر سبعه ان شاء الله وفيصل مملك بقى انت ياماجد وعبد الله شدوا حيلكم .
عبد الله : هههههههههههههه سلمان شفيك لهذه الدرحه مستانس بالزواج ؟
سلمان : وربي مارح تعرفون قيمه كلامي الا لاملكت ياطاس انت وياه.
ماجد + عبد الله : هههههههههههههههههههههههههه .
ماجد : الحين انت وش عليك مملكين ولا لا قلي شخبار حفر الباطن ؟
سلمان : والله تمام لكن مارح ارتاح لين اشوفك انت وعبد الله مملكين لازم شله الانس يتشاركوا بكل شيء هههههه حتى بالزواج .
عبد الله : ههههههههههههه أوكي انتم السابقون ونحن اللاحقون .
سلمان : ان شاء الله .
فيصل: سلمان متى بتنقل للرياض نهائي ؟
سلمان : والله مادري للان حسب الشركه ان شاء الله قريب او بحاول انقل للدمام انا .
فيصل : ان شاء الله بس لو احتجت شيء بلغني انا بقول لأبو فهد بيفيدك مره .
سلمان : تسلم يالغالي ماتقصر راعي واجب .
فيصل: يحفظك ربي.
ويكملوا الشباب سهرتهم بالاستراحه وبهذا الجزء تنتهي احدث قصتنا لهذا اليوم وتابعوا معنا الجزء القادم حتى تعرفوا اخر تطورات أبطال قصتنا.