[مسابقة احلى وافيد سفرة].. فطورى الصحى جداااا :)

[miimii]

[مسابقة احلى وافيد سفرة].. فطورى الصحى جداااا :)

السلام عليكم ورحمة الله وبركاته

مشاركتى التانية فى المسابقة واللى ترددت كتير والله انى أنزلها مع ان الصور كانت جاهزة من الاسبوع اللى فات
ترددى كان عشان الفطور عندى كل يوم تقريبا متشابه لأن المكون الرئيسى فيه واحد ولو انه بالنسبة لى مختلف كل يوم

وتانى سبب لأنى بفطر لوحدى


اللى شجعنى أنزل الموضوع بأه ان الفطور فعلا صحى مية المية

انتو شوفو وهتعرفوا

فطور رقم 1:

كما هو واضح : بيض مسلوق طماطم
توست بجبنة رومى وخيار
موزة
وشاى بحليب

الكوباية الضخمة اللى فى الصورة ع الشمال دى هى كوباية الماية اللى بشربها يوميا ع الريق قبل الفطار بنص ساعة ع الاقل ( لزوم الرجيم )







فطور 2 :

أومليت بالسجق
جبنة بيض وزيتون وطماطم



طريقة العمل موضحة بالصور طبعا















فطور 3 :

بيض عيون الصفار غير ناضج شوية
مع جرجير وطماطم
جبنة فيتا مع خبز باجيت وخوخ
وطبعا الشاى بحليب











فطور 4 :

أومليت مع سلطة
فيه جرجير وطماطم وكابوتش وبقدونس
وبطاطس قطعتها زى الشيبس وخبز باجيت و لافاش كي رى (مش بحبها كتير بس مكنش فيه غيرها )
وموزة طبعا وشاااااى بحلييييب
:)















فطور 5 :

نزلت مشوار الصبح بدرى من غير فطور ولما رجعت كنت همووت م الجوع
عملت البيض بالسجق وحطيتة فى ساندوتش ع الواقف كده وشاى بحليب وانتهى
مصورتش غير دى




أتمنى يعجبكم لأنه فعلا فطار صحى ومفيد وكمان مشبع جدااااا
ومتنسوش الشاى بحليب :)

[coolgurl]

ميمي ده انتي بتهزري !!

ده فطور يجنن ومش بسيط ابدا

والأومليت روعة ما شاء الله كل يوم تنويع وتضيفي حاجة جديدة

شهتيني عليه

تسلم ايدك وموفقة

بس مش حلو تفطري لوحدك ( مع اني انا بفطر لوحدي معظم الأيام انا جاي عندك) بس انتي عاملة مجهود كبير

لا في ناس وحدها ما بتفطرش او بتعمل كورن فلكس بالحليب والسلام ههه

[miimii]

ده فعلا فطارى دايما مش بهزر
بس أقولك الحق كول
أنا نصبت عليكم فى طريقة التقديم :) لأنى فى العادة
مش بزوّق الأكل اوى كده
بحطه كله فى صنيه واحدة وخلاص
بس ده لزوم التصوير والمسابقة بأه :)

منورة الموضوع كوكو وقومى بكرة ان شاء الله اعملى أومليت بالسلطة مش هتندمى :)

[ضحكة حلوة]

فطورك كتييييييييييييييييير روعة وزاكي وبشهي


حلو كل يوم شي جديد


عنجد يا ميمي كلك زوء في تحضير


موفقة

[miimii]

صحيح نسيت أقولك كول
أنا بفطر لوحدى لان جوزى بينزل بدرى أوى وبياكل لقمة بالظبط قبل ما يمشى
وانا بشرب الماية الأول واعمل الفيلم ده
وعلى فكرة ساعات بكسل بردو وبعمل حاجة بسيطة لنفسى فطار بس قليل
لان مفيش غدا تقريبا بنتعشى على طول

وابقى تعالى افطرى معايا نونس بعض وانا اعملك اللاللى :) معرفش تعرفيه وللا لأ

[miimii]

ضحكة حلوة
الذوق ذوقك والله ومرورك حلو زيك
منورة

[طائرالوئام]

الـــــلـــــــه فطور امممممممم بيشهي...
ومش بسيط ابدا ...كتير حلو وخفيف..وصحي ...

اما مشان النصب ..فمن هي الناحية ولا يهمك بتووقع الغلبية نصابين من الناحية هي وانا اولهم :)خخخخخخخ على قولتك لزوم التصوير والمسابقة ههههه

بس عن جد يعطيكي العافية

وبرافووو عليكي انك بتفطري من حالك انا لو محلك للاسف ما بسويها

ريتو صحتين وهناااا وبالعافية

الله يوفقك يا قلبي

[coolgurl]

ضحكت من قلبي والله يا ميمي

لزوم التزويء هههه

بصراحة انا ما بنصب هههه لنو تقديم عادي مو كتير مزوء

وزوجي يحب اني ازوء ويتمنى كل يوم هيك

ولا ما عرفش اللالي :(

بس حكاية المي دي عشان الريجيم ؟ مش عارفة يعني هتعملك ايه ؟ دي بس حتطلع اللي في بطنك مش اكتر؟ عموما المي مفيدة

انا قلبتها تشات ههههه