ايش الحل

[مخاويت افكارها]

ايش الحل

مرحبا كيفكم
بنات بنتي قبل اسبوع جيتها تصرخ وحنكها كله دم وقالوا طاحت على حافة الباب المهم هي مانزفت كثير مع ان الجرح وسط مو كبير مرة بس غاير شوي يعني تحسينه محفور المهم كنت بوديها المستشفى بس مرة ابوها وكل الي كانو حاضرين قالوا لا توديها لانه يخيطونه ويترك اثر وبعدين مو كبير لحاله يلحم ولا وديتها وضليت ثلاث ايام استخدم مسحات طبية ولا لحم التهب شوي ونزل منه شوي صديد وارتفعت حرارتها شوي ووديتها ورفض الطبيب يخيطه لها وعطاها خافض ومضاد حيوي وطهروة وظمدوه لها وتحسنت شوي بعدها بيوم سافرت عند اهلي وكانت تلعب مع اخوي ومدري كيف صدمت بالكرسي بمحل الاصابة ورجع انفتح كانه جديد ووديتها لطبيب عند اهلي وخيطه لها وغير لها مرتين وهذي الثانية واحس انه لما غير لها عادي ومتحسن لكن بعد مارجعت من عند الطبيب ارتفعت حرارتها شوي موكثير يعني ثمان وثلاثين درجة بس والغدد الي تحت الجرح للحين متورمه شوي وهو يقول عادي تورم
وانا موسوسة مرة من الحرارة الي معاها وخايفة ان جرحها مايلحم بالله اذا فيه وحدة تعرف بالامور هاذي تقولي ارتفاع الحرارة طبيعي ولا لا مع الجروح وبعدين هل يلحم الجرح لاني ماخيطته لها الا بعد اسبوع من الاصابة والغدد طبيعي تتورم

[مخاويت افكارها]

سبحان الله وبحمده سبحان الله العظيم

[امي دنيتي]

حبيبتي احتمال كبير تكون الحراره من الجرح او الخياطه والله اعلم ربي يطمنك عليه

[اللؤلؤالمكنون]

لاتخافين بس تبعي مع الطبيب وكل الي يصير معها طبيعي وان شاءالله فلها العافيه

[سمية المحترمة]

المنطقة حساسة ولحم الحنك رقيق وخاصة من داخل الفم

لابدمن الرعاية واتركي الطبيب يعمل عمله حتى ا تندمي

في المستقبل ما تشوف شر ان شاء الله

[مخاويت افكارها]

اختي امي دنيتي
اختي اللؤلؤ المكنون
اختي سمية المحترمة
اشكركم على مروركم واجاباتكم على استفساراتي جعله الله في ميزان حسناتكم وجزاكم الله خير