أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > حياتك سيدتي > الحياة الزوجية





عيد ميلاد زواجي


جديد مواضيع الحياة الزوجية


إضافة رد

  • Facebook

  • Twitter

Sponsored Links
قديم 04-27-2007, 05:30 PM   رقم المشاركة : 1
:: سيدة نشيطـة ::








افتراضي عيد ميلاد زواجي

عيد ميلاد زواجي

اهلين حبايبي
كيفكم ان شاء الله بخير
انا باقي اقل من شهر ويكون لنا انا وزوجي سنه متزوجين وحابه احتفل في ذاك اليوم ومعجبتني فكره النجوم المضيئه في الغرفه
وين القاها يعني ابغى محل احصلها فيها
ولي طلب ثاني ابغى اقتراحات لذاك اليوم
آآآآآآآآآآآآآآآآآآآآآآآآآآآآآآآآآآآآآآآآآآآآآآآآسف ه على الاطاله


واكون شاكره لكم
لـ حفظ الموضوع والإستفاده منه إستخدمى هذا الرابط :
عيد ميلاد زواجي
http://forum.sedty.com/t30627.html


رد مع اقتباس

Sponsored Links



قديم 04-27-2007, 11:16 PM   رقم المشاركة : 2
عضٌوة شٌرٍفـَ منتديـُآت سَيدتـيّ








شكر وتقدير وسام العضوة المتعاونه 
افتراضي


--------------------------------------------------------------------------------

[[أخواتي في أفكار كثيره ...... بس يبغى لها تعب ,,, يعني مثلا : جهزي لك كيكه وضعي بالوسط شموع حسب سنوات الزواج .. وطبع غيري من شكلك بالصبغه للشعر وكمان ماكياج رائع ولبس مغري ... ولاتنسو غرفة النوم بالشموع والمفارش الجديده وبعد اشتري هديه لزوجك (( مجموعة عطورات & ساعه ماركه ثمينه &بوكيه ورد مع بطاقة حب &احجزي بمطعم واعزميه على حسابك وقدمي الهديه بعد العشا ء&أو احجزي شاليه وسوي فيه مفاجآتك &البسي فستان زواجك وذكريه فيه وبليلة زواجكم & جهاز جوال جديد عالموضه& أطقم سبح وكبكات وساعه )) يعني حسب الماده اللي معك تقدري توفري هديه لو رمزيه ,,,,, وصدقوني أهم شي نفسيتك تكون مرحه ومبسوطه علشان تنعكس على زوجك ,,,,,,(((( وحياة زوجيه سعيده للجميع )))))) [
[/

وهذه افكار ثانيه


--------------------------------------------------------------------------------

اذا تبين زيادة افكار خوذي:
ممكن اول شي تجهزين البانيو لزوجك حطي رغوه وزيوت عطريه وشموع على الارفف<اهم شي ماتشغلين لمبات ذيك الليله> ويمديك حتى تتحممين معاه.
بعد كذا ممكن تملين ارضية الغرفه بالونات حمرا وعلى السرير حطي بتلات ورد احمر طبيعي اشتري الورد وفككي البتلات وانشريها راح تعطيك شكل وريحه وزي ماقلت لك حطي فواحات وولعي شموع وبدووووووووووووون لمبات..
اكتبي كرت عبري فيه عن مدى حبك لزوجك وحاولي يكون كلامك مؤثر وصادق وحطي الكرت برضو على السرير جمب الهديه
<ميداليه كشخه,كبك ماركه,ساعه,نظاره شمسيه,جوال,قلم ماركة>
ممكن تجهزين صحن فيه فواكه مقطعه فراوله وتفاح وكرز وكمثرى وفواكه حاليه زي كذا وحطيها في حمام ثلجي وممكن تاكلونها سوا على السرير..
غيري بشكلك وهذا اهم شي لازم يشوفك بشكل جديد انا ما اقول اصبغي وقصي لا, بس شوفي اذا دايم شعرك ناعم اعمليه كيرلي او ارفعيه بشكل حلو ونزلي خصل يمديك تحطين مسكرا شعر وعندك الوان كثير نقي اللي يعجبك و اذا غسلتيها تروح بس تعطيك شكل ذيك الليله ,اذا دايم تحطين روج فاتح حطي غامق واذا دايم غامق حطي فاتح واذا كل الاثنين حطي محدد وروج فاتح اهم شي حاولي يكون شكلك جديد كانك وحده ثانيه ترى الرجال يموتون بالتجديد خصوصا مناسبات زي كذا.
اخيرا وليس آخرا اللبس ثم اللبس ثم اللبس.. الله الله باللبس المغري وحاولي تجهزين لبسين مو لبس واحد واذا كنتوا بتحتفلون اليوم كله من الصباح الى الليل معناته جهزي اكثر من لبسين واذا بس بتحتفلون ذيك الليله جهزي لبسين..
ملاحظه:ممكن هذا كله تجهزينه وتطلعون تتعشون بشرط انه ما يشوف الغرفه الا اذا رجعتو عشان يتفاجئ واحرصو يكون العشاء خفيف شوي والله يوفقكم واتمنى تعجبك الافكار


ان شاء الله اكون افدتك


وهذه فكره ثانيه

بسم الله الرحمن الرحيم

ونبدا بالافكار

لمناسبة عيد ميلاد الزوج مثلا ( مع انها حرام الاعياد بس هاي افكار للزوجه)

اذا كان عندج عيال وحبيتي يشاركون في الاحتفال ..
شو رايج ترتبين للمناسبة قبلها بشهر
يعني تفصلين لبس موحد لهم ..

وتتشاركون بالافكار على نوع الهديه وكل واحد يختار على حسب ميزانيته
ويفضل الابناء ان الهدية تكون من مصروفهم الخاص وها الشي بيشجعهم على الادخار وبيعلمهم اهمية الادخار لاي طاريء

وطبعا الزوجه تفصلها فستان سهره غير شكل يكون فريد من نوعه وسبيشل مثل مايقولون او تكتفي بعربي او مغربي او حتى يشمك يعني لاتقولون ان ها الافكار بس للناس الاغنياء لا حتى محدودي الدخل يقدرون بابسط الاشياء ومب شرط توحيد زي هاي فقط فكره

عشان يكون اليوم ها مميز وماينسى

المهم خلاص خلصتي لبس انتي وعيالج وتمكيجتي جنج عروس

نيي للاكل والديكور

اختاري الالوان اللي يحبها الزوج يعني لونه المفضل وحاولي تغيرين في غرفة الطعام او الصاله وتجلبين لونها للونه المفضل

ادري صعب بس اللي يبا الشي بيسويه

وريلج اطرديه من البيت ها اليوم ولا تخلينه يرد الا يوم تخلصين شريره انا

وبعد خلي عيالج يساعدونج عشان يحسون بالفرحه

ادري ان صعب عليج تسوين كل شي بروحج ممكن تطلبين من اختج او اخت الزوج تساعدج وبخصوص الحلويات والاكل

اذا تقدرين تسوين اكل في ها اليوم سوي كل شي يحبه ريلج مالذ وطاب بس بالمعقول يعني ماتسوين عزيمه وف الاخر كل الاكل يروح في خبر كان لا حرام عليج

في حل اخر وهو المطعم
عندج مطاعم مشهوره باكلاتها البحريه خليها الاكلات تكون متنوعه يعني بحريه على مشواي بس ابعدي عن العيش واللحم والدياي لانه كاره حياته منهم طول الاسبوع

عندج مطعمين انا افضلهم واكلهم حلو يعني عندج مطعم الديوان لاكلاته البحريه والمشاوي بصراحه لذيذ ( ها للي ساكنين في العين)

وعندج بعد تشيلي خطير ,... ومايبا مني تعليق على اكلاته

المهم اطلبي وجبات على قدكم انتي وريلج وعيالج

والحلويات اطلبيها من فيفل اطلب الكيك اللي بحجم صغير بصراحه روعه وطعمه الذ او اي نوع من المطاعم ومحلات الحلويات اللي تفضلينها انتي انا مجرد حطيلتج اقتراحات

المهم نيي للهديه وعلى حسب ذوقج يعني اما انها تكون ساعه او عطر او مجموعه كريمات وعدة حلاقة او كتاب مفضل عند ريلج وتعب وماحصله في اي مكان يعني انتي تعرفين ريلج والشي اللي يحبه فحاولي قدر الامكان ان الهديه تكون مناسبة

وتغلفينها طبعا تغليف رهيب مايحتاي محلات التغليف منتشرة وما اكثرها

في حل ثاني للهديه
اشتري صندوق حجمه معقول يعني لا كبير ولا صغير او على حسب الكميه
يعني تحطين فيه مب هديه وحده لا اكثر هذا اذا كنتي مقتدره يعني عندج ميزانه ولله الحمد

تشترين عطرين وتغلفينهن بدون الكرتون مالهم تحطينهن في قطعه قماش من الشيفون لونه حلو وتلفينها وتربطينها بشريط احمر

وتشترين مجموعه كريمات للحمام من لايف ستايل وطبعا هي مسكره يعني عليها بلاستيك لاتغلفينها اذا ماتبين بس اربطيها بشريط احمر

وبعد اشتري شمع او مجات او اي شي ثاني تقدرين تترسين به الصندوق

داخل الصندوق رشي ورد مجفف اللي فيه ريحه

وييبي الورق اللي مقطع شرايح وانثريه في الصندوق ها الورق اللي مقطع ماعرف والله من وين بس فس الوان حلوه منه

وعقب رتبي الهدايا داخل الصندوق واخر شي اذا حبيتي عطري الصندوق او تكفي ريحه الورد

وردي حطي ورد مجفف فوق الهدايا

وسكري الصندوق وغلفيه او بس ربطيه بشريط احمر

وعقب دسيه فاي مكان ولاتظهرين الهديه الاعقب ماتخلصون من الحفله ويفضل انكم تكونون بروحكم بعيد عن الاطفال

ترتيب السفره او طاوله الطعام على ذوقج بس اهم شي تجانس الالوان وحطي بعد شموع من نفس الالوان اللي بترتبين بها الطاوله

وفكره رهيبه انا قريتها فموقع

انثري ورد احمر ابيض وردي من عند باب الغرفه اللي مسويه فيها الحفله او حتى من باب الصاله لين الغرفه

وحطي بين الورد شمعه على بعد كمن متر يعني درب يمشي عليه

( والله وطلعت الافكار يا قليب )

المهم ها اللي عندي الحين وان شاء الله من احصل افكار يديده برد واخبركن بها

اتمنى تعيبكن الافكار


التعديل الأخير تم بواسطة جوسى ; 04-27-2007 الساعة 11:21 PM.

قديم 04-28-2007, 01:13 PM   رقم المشاركة : 3
:: سيدة نشيطـة ::








افتراضي


مشكورررررررررررررررررررررررررررررررررررره
ويعطيك العافيه افكار جدا رائعه


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تجديد نضاره البشره ..التخلص من اثار حب الشباب واثار الجروح والحروق بجهاز الفراكشنال ليزر العجيب .. اتصلي بنا الرياض 0112499111 _0554171121

إضافة رد



عيد ميلاد زواجي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
عيد زواجي ام جميل وعبدالاله الحياة الزوجية 4 07-27-2010 12:47 AM
زواجي بعد شهر ساعدوني ابغى صيغه رومانسيه لبطاقات دعوه زواجي نداء أسئلة وإستفسارات العروس 8 06-11-2009 11:57 PM
صوررررررررررررر زواجي غالية زوجها عروض متنوعه 8 04-20-2009 10:46 PM
أحلى عيد ميلاد..عيد ميلاد mino82 أحساس حزين ملتقى الضيافة والاهداءات 4 09-21-2008 08:28 PM
يا شاعرات زواجي قرب مازلت سيده المواضيع المكررة 0 01-08-2008 02:19 AM




Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل تابع لشركة اد ان توب وليس له علاقه بأي جهة أخرى
Privacy Policy

Facebook Twitter Twitter