اسرار فهد المساعد؟؟؟؟

[غلا الدنيا]

الأسرار

يارفيف الماء .. وفجر .. واحزان المواني
يا أكثر أهل الأرض طيبة قلب .. وأسرار دفينه
المكان اللي هنا .. مليان ضحكات , وأغاني!
والكلام اللِي بغيت أقول .. يحتاج لــ سكينه!
شوفي الركن البعيد هناك .. كنه صدر حاني
هذا هو اللي يليق بــ شاعر وبنت حزينه!
أنسي الشارع , وعتمات الزوايا , والمباني
هاتي يدينك نلف الغيم ونشكل مدينه !!
عندي الليله كلام وصمت .. وأخاف الثواني ..
تظلمه .. أو تظلم اللي فيه كم ضاعت سنينه
بس لازم تسمعين اللي أبي .. والا تراني ..
لو بـ اعيده لك .. نسيت .. ورحت أقول اللي تبينه !!
شي واحد قبل ما ابدأ .. ما أبي أي شي ثاني ..
يخطر فـ بالك .. وأنا أكشف لك شعور تجهلينه !!
إن أنا .. وبكل ما تحمله "أحبك" من معاني
كنت , وراح أبقى أحبك .. لين .. مدري وش هولينه !!
بس والله ماقدرت أنسى.. ولا همي نساني ..
لا ذكرت إنسان .. فيه أسرار ما بينك وبينه !
كل ما تطري علي فكرة هواك الأولاني
أشعر أني أنطعن مليون مره من يدينه !
أشعر أن عيونك .. الله ما خلقها إلا عشاني !
كيف كانت تبتسم له ؟.. قولي أنك تخدعينه !
صولرة انه كان يمسح دمعك .. تزلزل كياني
وكيف كان يلم شعرك .. ويتبعثر في يمينه !
حتى اسمك يوم رحت أدلله .. حظي رماني
..بنفس الاسم اللي يقول .. بذمتك ماهي غبينه !؟
وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!
لا تظنيني أناني .. لا ..أنا مانيب أناني
لو سلمت من الغرق . بــ اموت في ظهرظهر السفينه !
يا اني ما اكمل واعاني .. أو أكمل ثم أعاني
كل ما اسمع طاري اسمه .. أوتجي عيني فـ عينه !
أينا كان الضحيه ؟.. وأينا اللي كان جاني؟
مدري!.. ولكن قراري لازم أنك تقبلينه:
مثل ما اكره فكرة انه واحد يا خذ مكاني
ما اقدر اجلس في مكان انسان .. كنتي تعشقينه


للشاعر :فهد المساعد

 

 

[مِـيـــلآف]

بـس لازم تسمعيـن اللـي أبـي .. والا تـرانـي ..
لو بـاعيده لك .. نسيت .. ورحت أقول اللي تبينـه !!

/
\
/

روووووعـَه هالبيت،
صح لسـَان فهد المسـَاعد، ودآئمـَاا ً مميّزه يـَاا غلااا
رغم انكِ تمارسين سيـَاسة البخل، علىَ أحبائكِ هنـَاا
:
.

 

 

[الزين كلة]

روووعه
تسلمين اختي

 

 

[غلا الدنيا]

غاليتي مــــــــــــيلآف .. اسعدني تواجدك هنا وتعليقك اجد له مكان بداخلي صحيح ماقلته لكن ساحرص بتوجد في بيتي الثاني همس..

اختي الزين كله..الرائع مرورك الكريم لاتحرمينا الطله..