أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى جمالك سيدتي > صالون العنايه بالبشره


جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)


جديد مواضيع صالون العنايه بالبشره


إضافة رد

  • Facebook

  • Twitter

Sponsored Links
قديم 10-12-2010, 06:01 PM   رقم المشاركة : 1
:: سيدة نشيطـة ::








icon25 جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)

جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)



السلام عليكم ورحمة الله وبركاته


بنوته وعايزة تبقى امورة ومفيش حد فى جمالك وحلاوتك
مدام وعايزة تبقى احلى من اى واحه وزوجك ميشفش حد فى جمالك تعالى اقولك تعملى ايه بس امشى ع النظام وصدقينى مش هتبطليه ابدا لانى هتثقى فى نفسك جدا جدا وتعيشى دور البرنسيسه وطبعا انتى فعلا هتبقى برنسيسه بجد وان شاء الله كل مشاكلك هتتحل انا الحمد لله ماشيه عليه ومبسوطه جدا وحبيت افيدكم معايا وبريئه امام الله من التزيين لغير الزوج والمحارم
نبتدى بقا
طبعا هيبقى فى برنامج يومى واسبوعى وشهرى لازم لازم نمشى عليه وميزته انه سهل وسريع ومش مكلف ابدا ابدا

البرنامج اليومى للوجه والجسم ......
1-غسل الوجه فى الصباح بصابون مخصص للوجه واياكى والصابون العادى ممكن تستخدمى (نيفيا-البابايا-دوف)ولازم نخلى بالنا الدهنى يستخدم صابون فيه ليمون او حمض الكبرتيك او صابون مخصص للدهنى والجاف تستخدم صابون بالجلسرين او الحليب او الخيار اما العادى فتستخدم صابون اى شئ بس تبعد عن الصابون اللى للوجه الدهنى
او ممكن تستخدمى غسول مخصوص للوجه زى(جونسون ممتاز او نيتروجينا او كلين اند كلير )
2- بعد غسل الوجه بقطنه نمرر على وجهنا التونك المخصوص لنوع بشرتك سواء بالليمون او الماء الورد او الخيار
ولو معندكيش تونك يبقا نستخدم للبشرة الدهنيه ليمون مخفف بالماء ودى ممكن نعملها ونحتفظ بيها فى الثلاجه
اما البشره العاديه ماء ورد او عصير الخيار وده ممكن نعمله بردوا ونحتفظ بيه فى التلاجه
وطريقه عمله سهله جدا نبشر الخيار كويس ونمسكه ونحطه فى مصفاه ونصفيه والمايا بتاعته هو ده اللى هنستخدمه وده ممتاز جدا جدا
3- بعد اما غسلتى وشك وحطتى التونك وفطرتيه طبعا هتروحى تشوفى اللى وراكى طبيخ تنضيف غسيل مواعين
تعملى ايه اقولك افتحى التلاجه وهاتى منها الخلطة بتاعتنا اللى هتحضريها وتستخدميها يوميا كماسك (علبه زبادى وعليه ملعقة صغيره طحينه وزيهم خميرة بيره فوريه ونصف ليمونه ولو بشرتك دهني بلاش الطحينه خالص ولو حساسه بلاش الليمون الخلطة دى هتكفى معاكى اكتر من اسبوع ) وادهنى على وشك ودخلى العلبه تانى التلاجه وادخلى شوفى اللى وراكى لغايه اما وشك ينشف اغسليه بالما والصابون عشان الريحه وبعدين لو عايزة تدهنيه بالكريم او التونك انتى حرة الخلطة دى هتعم والزبادى هيرطب ويغذى البشره والخميرة والليمون هيوحدوا لون البشره لو فيها بقع وحبوب هتروح
4-انصحك تخدى كبسول زيت كبد الحوت يوميا مفيد جدا للبشرة والشعر والاظافر بس الحامل لأ ولازم شرب الماء على اد ما تقدرى خدى معاكى زجاجه ماء فى المطبخ وكل شوه تشربى
5-قبل النوم نغسل وجهنا كويس جدا وندهن اى كريم مرطب جونسون فوق الممتاز ع فكرة افضل كريم على الاطلاق كترطيب وبالنسبه للوجه الدهنى فى كريمات مخصوصه بدون زيوت مكتوب عليها هتلاقيها فى الصيدليات وفى نيقيا كويس بردوا
6- قبل النوم او بعد الاستحمام والافضل بعد الاستحمام تدهنى جسمك بزيت جونسون بالمسك وده بقا تحفه لا تقولى لوشون ولاغيره بيخلى جسمك ناعم مفيش احلى من كده ولا الريحه واو جوزك هيدوب فيكى
وطريقته بسيطه اوى هتجيبى الزيت وتبشرى عليه المسك المكعب انا بجيبه من عند عبد الصمد القرشى زى الصابونه كده وبعدين ادخله الميكويف واسخنه عشان المسك يتفاعل م الزيت او تسخنى فى حمام بخار
ولو بتحبى اللوشن فانصحك فازلين بزبده الكاكاو بردوا تحفه اوى وانصح اى واحده حامل تستخدمه كدهان لبطنها عشان التشققات بيخففها جدا وعن تجربه
وفى لوشن انا قريت طريقه عمله بس انا لسه هجربه لو كويس هكتبهلكم
7-اياكى والصابون العادى للجسم لو عايزه جسمك ناعم استخدمى شاور او صابون دوف


البرنامج الاسبوعى للوجه والجسم ......
بالنسبه للوجه
هتعملى سنفرة للوجه بحنيه ونعومه وهتبقا عباره عن (معلقه زيت زيتون او لوز مع شويه ارز مصرى مطحون وخليه خشن شويه وعصير نصف ليمونه وزى ما قولنا لو حساسه بلاش الليمون خالص وشويه حليب بودر مقدار معلقه او زبادى وماء للعجن وسبيهم شويه عشان الرز ينتقع مع الخلطهوممكن تضيفى قرفه )هتفركى لمده دقتين بنعومه وحركة دائريه وسبيه على وشك شويه طبعا الخلطة دى هتكفى اكتر من مره شليها فى التلاجه
وبعدين هتعملى اى ماسك مرتين فى الاسبوع حسب نوع بشرتك معايا اكتر من ماسك بيتى عن تجربه كويس لو واحده حبيت تعرفه تقولى لو متعرفيش حاجه كويسه
والموضوع ده مره اسبوعيا والاحسن مرتين

بالنسبه للجسم
نفس الكلام مرة والاحسن مرتين تفركى جسمك كويس بملح الحليب يوكاسبا او استبليه بسكر واخلطى مع زيت زيتون او لوز وشويه شاور او صابون للجسم (دوف او البابايا) مع ماء وتدعكى كويس
مع الاستمرار لون البشره هيفتح لانك شلتى كل الجلد الميت وفتحتى المسام ورطبتى بالزيت
ولو حبيتى تفتحى اى منطقه استخدمى حليب البودره مع الليمون كماسك


البرنامج الشهرى وده مرة فى الشهر املى البانيو ماء ساخن تتحمليه طبعا وتضيفى الشاور وملح البانيو واتنقعى بقا على اد ماتقدرى واسترخى ياسلام هترتاحى جدا وكل التعب هيروح وبعدين بقا سنفرى جسمك كويس
وادهنى طبعا الزيت وده اللى بنعمله كل يوم
وبعديها بيوم اعملى الحلاوة وزيلى الشعر وانا بفضل الموضوع ده يتعمل بعد انتهاء الدورة الشهريه

كده احنا خلصنا برنامج الجسم والوجه
ندخل على
الايدى .....لازم ولازم ايدك تبقا فله وناعمه زى الحرير عشان جوزك يحس انى فى فرق بينك وبينه
يوميا الدهان بزيت جونسون او زيت لوز او زيتون اى زيت وخلاص ولازم تلبسى جوانتى وانتى بتغسلى المواعين وبتنضى وياسلام لو تدهنى الزيت وتلبسيه عشان تعرقى والزيت يشتغل
وانتى بتسنفرى وجهك او اجسمك سننفرى ايدك معاهم
القدم.....يوميا دهان فازلين الطبى قبل النوم او زيت جونسون
ولو فى تشققات استخدمى كريم لونا للقدم تحفه نحفه بجد والبسى شراب ومتنسيش انقعر رجلك فى ماء دافئ مع صابون شاور وملح كل فتره

انا كده الحمدلله خلصت ياريت الموضوع لو عجبكم تردوا عليا وعايزة تفاعل عشان اكتب لكم برنامجى للشعر وللرشاقه
ومتنسونيش بدعوه حلوه






التعديل الأخير تم بواسطة om_memo ; 10-13-2010 الساعة 12:40 PM.
رد مع اقتباس

Sponsored Links



قديم 10-12-2010, 06:41 PM   رقم المشاركة : 2
:: سيدة جـديـدة ::








افتراضي رد: جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)


تسلمي على المجهود


قديم 10-13-2010, 12:10 PM   رقم المشاركة : 3
:: سيدة نشيطـة ::








افتراضي رد: جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)


اقتباس:
المشاركة الأصلية كتبت بواسطة fati-fleure مشاهدة المشاركة
تسلمي على المجهود
بارك الله فيكى ياحبيبتى اسعدنى تواجدك

قديم 10-13-2010, 01:53 PM   رقم المشاركة : 5
:: سيدة نشيطـة ::








افتراضي رد: جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)



فين الردود بجد زعلانه


التعديل الأخير تم بواسطة om_memo ; 10-13-2010 الساعة 06:38 PM.
قديم 10-14-2010, 12:31 PM   رقم المشاركة : 7
:: سيدة جـديـدة ::








افتراضي رد: جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)


مرحبا موضوعك بجنن تسلم ايدك عليه بس بصراحه تعبنا واحنا بنحاول نجدد عشان ننال الرضا وياريت نلاقي حد يجدد عشانا ياريت تحطيلنا موضوع كيف الرجل يجدد ويرتب نفسه عشان زوجته كتغير والله يجازيكي كل خير

قديم 10-14-2010, 12:48 PM   رقم المشاركة : 8
:: سيدة نشيطـة ::









افتراضي رد: جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)


جزاكي الله كل خير وتسلم يدك الحلوة على موضوعك الحلو والمفيد


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تجديد نضاره البشره ..التخلص من اثار حب الشباب واثار الجروح والحروق بجهاز الفراكشنال ليزر العجيب .. اتصلي بنا الرياض 0112499111 _0554171121

إضافة رد



جددى حياتك للاحلى (عايزة تبقى اجمل واحلى ادخلى بسرعه وصفاتى المجربه)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
لو عايزة رجلك تبقى حرير منى عمار صالون العنايه بالبشره 14 10-08-2011 12:39 PM
لو عايزة تعرفى إسم شريك حياتك تعالى ومش هتندمى؟؟؟؟؟ احزان انسانه للمواضيع الفكاهيه 24 04-20-2010 01:43 PM
مشاركه في اجمل واحلى ملف................. اميرةالقلوووب صالون التسريحات والمكياج 20 06-30-2008 07:51 PM
ممكن تعلمونى ازاى احمل صور وصفاتى noorelhoda الحلويات 1 03-30-2008 07:34 PM
عايزة اكبر ترحيب لاختناbeautfule_catواللى تبقى مفاجاه Rinoa ملتقى الضيافة والاهداءات 20 08-19-2007 10:45 PM




Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل تابع لشركة اد ان توب وليس له علاقه بأي جهة أخرى