أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > حياتك سيدتي > الحياة الزوجية





مواقف زوجية مضحكة


جديد مواضيع الحياة الزوجية


إضافة رد

  • Facebook

  • Twitter


Sponsored Links
قديم 11-11-2010, 04:01 PM   رقم المشاركة : 1
:: سيدة مميـزه ::










Smile مواقف زوجية مضحكة

مواقف زوجية مضحكة








هذي وحدة تقول مره وصلني زوجي للمدرسه اللي كنت معلمه فيهاالصباح قلت له وانا نازله راح اشتاق لك ياحبي.... قال انزلي انزلي لا تروح عليك الحصه الاولى .. آآآآآآه بغيت اصفعه بالمسطرة

وحدة ثانية تقول:
زوجي موراعي هدايا ابد قلت ابشتري هدية جوال الي يستخدمه قديم المهم غلفته وكتبت في الكرت شعر وكلالالالالالالالام حلو وعطيته الهديةوكنت بجنبه المهم فكه بشراسة وجهه فيه علامات استغراب وتعجب وانا مبتسمة طلع وناظرقال لمين هذا قلت لك حبيبي قال شاريته بالفين وخمسمية يابنت ال*** هو فرحان بس شوفوالتعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بس تصدقون رحمته هههههههه هههههههه


وهذي وحدةثانية تقول انها حطت شموع من عند الباب الى غرفة النوم والشموع طبعا على الارض وهي جلست في غرفتها وكاشخة وتنتظر زوجها

المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينةانهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للاسف الحين تطلقت (ماتنلام تطلب الطلاق )

وحده من الحريم ملت من الروتين اليومي في حياتها وحبت انها تسوي مفاجئة لزوجها بسهرة رومنسية...المهم قامت واطلبت الكيكة من الدبلوماسي والعصيرات
وخلت الاضاءة بالمجلس هادية وولعت الشموع ونومت عيالها وتزينت عشان تهيئ الجو لهم .....
.المهم جاء الزوج من الاستراحة وريحته تفوح دخاخين واستقبلته ودخلته للمجلس وقطعت له من الكيكة
وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر.
.تقول هي انها بلعتها وسكتت منيب مخربة السهرة...قام وكمل ذا الماصل وقالها الحين وراك طالبة حجم كبير
من الكيكة كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه......
.تدرون المفروض انها تحط له خبز وفول ويخب عليه هذا مهب وجه تدليع(جعله الضربة ذا البخيل)



هذي وحدة من البنات توها متزوجة وحابه تسوي حركة لزوجها .
..قامت وتزينت وتجهزت من مجاميعه وحطت الاضاءة هادية وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه مظلمة والدخاخين
حاجبة الرؤية قام يركض للصالة وجلس يناديها
وهي ساكتة ماترد عليه تتغلى عليه(على بالها حركة ماتدري مسيكينة انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...
المفروض انها صبت على راسه موية نار.....


/ هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورومنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب).
...بالله مو المفروض تنثر على السرير تين شوكي عشان يتأدب ذا الباصق......



وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
ويعزمني بدال ما انا أعزمه...قامت وعزمته زي كل مره ويوم خلصوا ماكلين
قالت له اكرمك الله ياابو فلان على العشى...عاد هو شرق بالعصير من الروعه
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع....
.تقول عقبها طاح وجهه تأدب وصار يطلعها كل سنه مره(تعب نفسه صراحه)......



وفي وحده لاهي ولازوجه يدلون الرومانسيه وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
شاف الدنياظلام يوم دخل على زوجته ولع النور وطفى الشموع قالها الله يهداك الحين أنا شاريهن لاطفى الكهرب<<<<<قمة التحطيم


هذي وحده جنااااااااانها البلونات عااااااااد ذاك اليوم فكل جدر حطت نفاخه ..وشك شك هذا طبعا صوت مفاتيح الباب جاء رجالها ..ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون.. هذولي لسع ما تخرجوا من الإبتدائي ..والله مسكين ووووبايخ حطم الحرررررررريمه..
ههههههههه



وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها>>>>>> المهم ما أطول عليكم .
رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب
وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ......
واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة>>> زوجي كتوم جداً
قلتله ياعيوني ياحبيبي عجبتك الحركة .........
قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه .
إيش رايكم فيه>>>>>> طعس صحيح .


وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر



لـ حفظ الموضوع والإستفاده منه إستخدمى هذا الرابط :
مواقف زوجية مضحكة
http://forum.sedty.com/t347232.html


رد مع اقتباس

Sponsored Links





قديم 12-01-2010, 12:49 AM   رقم المشاركة : 7
:: سيدة جـديـدة ::










افتراضي رد: مواقف زوجية مضحكة


وربي تسطحت ضحك الله يعطيك العافية


برنامج تكسير الدهون وازالة السيلوليت بدون عمليات 6 جلسة 1000 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0112499111/0554171121

إضافة رد




مواقف زوجية مضحكة

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
مواقف مضحكة في صلاة الفجـــــر ريما111 للمواضيع الفكاهيه 22 06-08-2013 05:33 PM
حوارات زوجية مضحكة خرس العيون الحياة الزوجية 12 05-26-2011 10:00 PM
مواقف مضحكة حبيبت فارس المواضيع المكررة 4 01-09-2011 06:38 AM
مواقف مضحكة حدثت للبنات الأميرة13 المواضيع المكررة 28 01-09-2011 06:01 AM
مواقف مضحكة!! miss kitkat للمواضيع الفكاهيه 1 07-14-2008 09:00 AM







Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter