أسنـَان النــــــــّدم ..

[مِــيلآف]

أسنـَان النــــــــّدم ..


رائعَه من روائع الشاعر: محمد الدحيمي



أثرني من سنين أحرثْ بذور أرضٍ ماهيـب أرضـي
غبي ياللي نوىَ يجني ثمـار أرضٍ .. ماهيـب أرضـه


حزن كلّي يكابر .. لو سِكن بَعض الفـرَحْ بَعضـي
دخيل الله من مثلي خنق كلّـه .. فـرح بَعضـه ؟


ياليتي ماخذيت مـن اصبـع أمـي خاتـم ٍ فضّـي
باأبدلّه بذهب .. والغبن // ضاع الخاتـم الفضّـه !!


ألااا ياهشم قلبي لاازْهَمت: قِمْ يـا وْلـدي وضّـي
الااا يابري حالي كـم طفـت لـي جمـرةٍ غضـه


كذوبه يابروق الصيف .. طول الصّيف وانَاا امضي ؟
وراك ولااا حصل لِي من سنا نورك .. ولااا ومضَه !!


بعذرك عضّـي الأبهَـام يااسنـان النّـدم عضّـي
ومن مثلي خلع ظِفره نَدم .. من كثـر ماعضّـه ؟


من حراب التجارب قلت لك يَاا نَفسـي: أتّعظـي
مَدام اناّ بوقتٍ يكـذب الوعّـاظ فـي وعظـه ..


أعـرف النافلـه واتحمـد الله حافـظٍ فـرضـي
ولانـي ملـزم ٍ باالفاسـق اللـي تَـاركٍ فرضـه


حسَافه ماجَنيـت الاّ عجـاج البيـد .. ياركضـي
حسافه ياكحيـلان .. الكديـش يمـاري بركضـه


رحم عـودٍ مربينـي علـىَ انّ المرجلـه عرضـي
لابوهاا ديـرةٍ فيهـاا السنافـي .. هاتـكٍ عرضـه


وجيهٍ غاضبه لاهيب لااا ترضـىَ .. ولااا ترضـي
واذاا فيهم توفّىَ العود.. كان أبلـغ عـزاء عرضـه


تهجّيـت المكـان بعيـن شَرهـة نورهَـاا الغضـي
وشوفي كل مااسترسل بحلمٍ .. توقضَـه غمضـه !


أنَاا اللي سولف النحس بغرابَه عـن ردىَ حظـي!!
ونسىَ نفسه وقال: اماّ الدحيمي لعـن ابـو حَظـه

---

ياهشم قلبي/ يابري حالي: هذه الجمل لِـ التعبير عن الحسرة علىَ شيّ رآح.
عجاج البيد: العجاج/ الهواء المصحوب بـِ الغبار والأتربة
والبيد/ جمع البيداء وهي الصحراء.
كحيلان: الخيل الأصيل، الطيب النسب
الكديش: عكس كحيلان خيول الفلاحة، والجر
عود: تطلق على كل ما هو كبير، وهنـَاا الشاعر يقصد والده
السنافي: كنايه عن الرجل الشجاع

[مهاتي@]

تسلمين اختي ميلاف

وانا اقول انكِ عذبة الذوق والاختيار


دمتِ لنا سالمه

[فز الخفوق]

مبعة يا ميلآف كما عودتنا

دمتي بحفظ الله و رعايته

[غلا الدنيا]

عسى عين ترجيك ماتبكيك .. الله عليك فالك العافيه انشاء الله .. نورتينا بذائقتك ..:)

[الزين كلة]

أعـرف النافلـه واتحمـد الله حافـظٍ فـرضـي
ولانـي ملـزم ٍ باالفاسـق اللـي تَـاركٍ فرضـه

ابدعتي يالغاليه
كما تعودناك


:Icon207::Icon207:

[ღ دونـــ Donna ــاا ღ]

راااااااائعة

سلمت يمينك ميلاف

يعطيك العافية

[مِــيلآف]

مهاتي
فز الخفوق
غلا الدنيا
الزين كلة
دونـَاا

مروركم الأروع، يَاا أخوآت
ألف شكر لِـ هذاا الكرم

[~§ شعــ الأمـل ــاع §~]

قصيدة رائعــة جدا
ومؤثرة

:(

سلمت يمينك ميــلاف
سلم ذووقك الرفيع