قصة هناء العاشقه !

[بلاحب وبلاوجع]

رد: قصة هناء العاشقه !

وبعد يومين هناء خرجت من المستشفى والحمدلله صحتها زينه وامورها كلها بخير..
بدر ياخذها على طوول السوق ..
بدر:ها ياهنو..كيفك اليوم احسن..؟؟
هناء:الحمدلله انا بخير..
بدر:ايش رايك نروح عالسوق وتاخذي الي ناقصك..
هناء:ايوه ..
بدر :ابشري انتي تامري..قلتلك وانتي معايه ماتخافي ..راح يصير كل شي في السليم..ويشغل الاستريو بالسيارة بالصوت العالي على اغنيه غربيه.. ويسرع ..
وهناء: تصرخ..وااااه..لاتسرع شويه شويه وقفت قلبي..وبدر يضحك ويستانس لمن هي تخاف...!
وبعدين ينزلو عالسوق ويشتروا ملابس وفساتين ولانجري وبناطيلوكل شي..
بدر:كل ما تدلعيني ادلعك..
هناء:تضحك وتقوله ما انحرم منك يا...وتسكت..
بدر:ايوا..يا...ايه؟؟؟قوليها والله ؟لأخليك ملكه,,
هناء:ياحبيبي..وتضحك بخجل..
طبعا فايزة تتصل فيهم وتطمن على هناء وتذكرها بالحفله الي هي حتكون بكره..

وفي اليوم الثاني بدر جهز كل شي للحفله من الصباح ..وهو يجهز في الدي جيه وكل مايلزم..
طبعا بنات الشله كلهم راح يجو وكل وحده مع خويها..غير الناس الكباريه الي راح يجو..
وبدأت الحفله والناس بدأو يجو ..هناء طبعا جات من عند الكوافير ..لابسه فستان قصير ومفتوح من اعلى.. ناعم وميك اب خفيف وتسريحه شعر بسيطه..
ووالبنات كلهم اتفاجؤا فيها و..ماصدقو مستغربين لاانها طالعه جنان..
ومن ضمن الناس الي حضروا شباب( الأورق) الفرقه الي بيعزفوا عاللاورق كان في واحد منهم اسمراني وحليوة وكان بس يطالع في هناء بنظرات اعجاب وصمت من بعيد..
وهناء كانت تبادله ..وكانت مستغربه من نظراته..وحست هناء مع الوقت انه هذا الشاب ممكن ينسيها حبيبها خالد..
وطبعا لمن طلعت عالبست وكانت ترقص كان يبتسم لها ويحاول يقوول كلمات تلفت انتباهها..
وهي راحت توشوش اذن ليلى وتقولها شوفي هذاك الاسمراني صاحب الاورق الي يغني..شكله معجب فيا..وليلى تطالع فيه وتقولها ..وووع ما لقيتي الا هذا..؟؟؟
هناء:تنحرج وتقولها ايش فيه هذا..؟؟ ليلى:مافيه ولا شي جذاب..بس صوته حلو..
هناء:طيب خلاص انا عاجبني صوته.. وتقعد تطالع فيه..
ليلى : تطالع في هناء وتشوفها تطالع في المغني وتقولها..هاااا؟؟......... بدينا..اعجاب..
هناء:تضحك وتقول:احس نظراته خطيررررره...
ووقت العشا هناء تتعرف عالشاب الاسمراني..وتكون فايزة هي الواسطه بينهم..
هناء:ما قلتلي اسمك..؟؟ويرد عليها:اسمي خالد..
هناء تنصدم ويتغير شكلها و..فايزة تجلس تضحك وتقوله اهلا اهلا بخالد..
وتدق كتف هناء و تقرب منها وتقولها في اذنها من خالد لخالد وياقلبي لاتحزن..ههههههه
هناء:تبلع ريقها..وتجلس ساكته وشاردة الذهن..
وخالد الاسمراني يسألها ..:هنو؟؟ايش فيك ..من يوم قلتلك اسمي وانتي وجهك متغير اخاف اسمي مو عاجبك..ولا يهمك اذا ما عجبك نغيره..
خالد(شاب حنون مرح طيب وشخصيته اجتماعي وهادئ وصبور وخدوم وحبوب وحساس وودمه خفيف مستوى تعليمه الكفاءه..)
طبعا هناء في اخر الحفله تقبل تاخذ منه الرقم وتبدأ تتعرف عليه وتحس هناء مع خالد الاسمراني ..انها اول مره تعرف الحب وانه الي صار لها اول ما اسمه حب بس كان مجرد شيء سخيف....وتحبه..وتصير دايما تقابله وتروح معاه كل مكان..

لكن خالد ما ياخذ معاها فتره الا ويتعلق فيها..ويبي يخطبها ويتزوجها.. ولكنها تتركه فتره ..وهو يصر ويصر وما يتركها حتى يتصل بصحباتها ويدور عليها وفي النهايه تقوله وتصارحه بحقيقتها ويحزن عليها ويوعدها انه بيستر عليها وماراح يتخلى عنها..
هناء في هذيك الفتره تروح المحكمة والقاضي يطلب ابوها ويحضر ابوها وهو زعلان وما يطالع في وجهها حتى ما قلها مبروك ..وهي سلمت على يده وراسه قدام القاضي ..وتسامحت منه.. ويعقد عليها ويتم زواجها من خالد.. وتروح معاه وهي نسيت شي اسمه ماضي وجرح.. ..وهي فرحانه مرررره..ويسووا فرح صغير لكن من دون حضور اهلها..بس مع صحباتها واهل العريس بس ..
وتتصور في الزواج وتنبسط..(لكن هناء كانت دايما تحس انه راح تفارق حبيبها خالد..او انه شي بيسير لهم ..)وكانت دايما تقول لخالد هذا الكلام بس هو كان يطمنها ويعاهدها بالله انه ماراح يتركها ابدا ابدا مهما سار..

لكن اختها سوسن..تجلس حزينه جدا لأنها عرفت بزواج اختها وما حضرته..وتجلس تبكي كثيررررر..
وفي اليوم الثاني ابو هناء ينادي اخوان هناء الكبار( الي يكونوا متشددين مررره ومطوعين..) ويقولهم بسالفة اختهم هناء..انها تزوجت ..ولمن يعرفوا الحقيقة ينصدموا وتاخذهم الغيره ويزعلوا ويطلبوا من ابوهم انهم ياخذوا سوسن عندهم عشان ماتسوي زي ما سوت اختها هناء ..
ولكن ابوهم يقولهم انه يمكن هي تشرد لو قلها..
ولازم يباغتها وهي على غفله عشان ما تجهز نفسها زي هناء لمن شردت..وقلهم انه راح يزورهم انشاء الله قريب..

وفي اليوم الثاني جت زوجة ابوها ودقت الباب على سوسن ..وسوسن مسكينه غافله ماتدري عن شي ..تفتح الباب وتقولها ابوكي يقول يله البسي عشان تروحي معانا..
سوسن تستغرب منهم وتسألها فين...؟؟؟
وتقولها معزومين عشا عند اخوك الكبير..
سوسن على طول تلبس وتخرج من غرفتها وتقفل الباب وكانت هذي اخر مررره فيها تشوف غرفتها..
وتروح معاهم عند اخوها الكبير الي يرحب فيهم وهو وزوجته(لئيمة.. الي من تحت لتحت..)..وبعد ساعتين ابوهم ياخذ زوجته ويقول لسوسن انا رايح اوديها لبيت اهلها وانتي اخوك يرجعك..وسوسن الى الان تكون مو عارفه حاجه ..بس بعد نص الليل اخوها يطلب منها انها تنام عنده اليوم وبكره يوديها وتقعد على هذا الحال يومين وبعدها تبدأ تعرف انه ابوها تركها ولا بيسأل عنها وتبدأ تذوق من حلرمة اخوها انواع العذاب ..وكل يوم تنام وهي تبكي..
وبعد مرور سنه وسوسن عند اخوها الكبير (عبد العزيز).. المطوع..سوسن تكون حفظت المصحف ..ولكنه حرمها من كل شي حتى من زيارات اخواتها ..وصار اخوها عبد العزيز يدور على هناء ويبحث ويسأل وفي الاخير لقى عنوان اهل زوجها من عند العمده..
وراح عندهم ولقى هناء تعيش مع اهل زوجها..مبسوطه ومرتاحه مع زوجها وحبيبها خالد ..
وبدأ يتعرف على خالد ..ومكان عمله ..بس هناء تشك في جية اخوها هذي وتقول اكيد في وراها (إنا)..
وطبعا خالد يكون عرف من هناء انه اخوانها بدأوا يلاحظو على زوجها كثير حاجات مو عاجبتهم فيه..
وخالد يطنش..
ومن هذي الحاجات..(مره اخوها جاء يزورها وطلب يشوفها وجاته وكان زوجها في العمل..وقالها :
عبد العزيز:شوفي ياهناء..انتي الان متزوجه على سنة الله ورسوله والي سار سار بس ابغى منك تسمعيني وتفهميني كويس..اولا زوجك انا سألت عنه ..ولقيته انسان ضايع صايع بمعنى الكلمه يعني ماينفع يكون لك زوج..هناء :ليش ايش سمعت عنه..؟؟
عبد العزيز:اولا انسان ما يصلي ولا يعرف ربه..وثانيا هو انسان حق جو وفلات واغاني ومسوي فيها انه فنان ومغني..وبعدين ماعنده وظيفه زينه...وووغيره..؟؟

هناء:كيف يعني اتطلق منه.. على طول من غير ما اصبر عليه واساعده انه يصلح نفسه..؟؟
عبد العزيز:( بطريقة تهديد) انا قلتلك وبس..؟؟ويخرج من عندها ..
هناء تجلس تفكر وتخاف من كلام اخوها وتروح تتصل على خالد وتطلب منه انه يجي بسرعه ..في موضوع مهم..
خالد:يجي من العمل بعد ما استأذن..ويدخل البيت..
يلقى هناء جالسه منتظرته ..
خالد:خير يا هنو ايش فيك..؟
هناء:حبيبي اجلس واسمعني انا راح اقولك كلام وابي منك وعد انك ما تتركني مهما صار..
خالد :لاحول ولا قوة الا بالله وعد يا حبيبتي ويا قلبي اني ما اتركك ابدا مهما صار..
هناء: اليوم جاني اخويه عبد العزيز وووووو.........الخ وتحكي له الحكايه وهو يفهمها ويقولها يعني يبغو يطلقوك مني اخوانك المطاوعه..؟؟
طيب انا اعرف اتصرف..ويرفع سماعه التليفون ويدق على اخوها عبد العزيز ويحذره انه يتركه هو وزوجته في حاله ..لكن اخوها عبد العزيز عنيد وحط خالد براسه..وقال لازم اطلق اختي منه غصبا عليه..
وراح عبد العزيز وجمع اخوانه وقلهم السالفه وزعلوا انه يتحداهم..
ويوم راحو زيارة لهناء لكن امه قالتلهم انهم نقلوا بيت جديد ..ويبدأو اخوانها يدورا على بيت هناء ويبحثوا وما يلاقوها..
ومرت سنه وهناء وخالد متخبيين عن الناس.. وساكنين في بيت لحالهم....ولكن اخوانها لازالوا يبحثوا عنها..هم بس يعرفو بيت اهله..

[بلاحب وبلاوجع]

اطمنكم على ولدي الحمدلله بخير ..ومعليش اعذروني كتبتها في عجاله من امري اتمنى انها تكون واضحه,,,انتظروا الحلقة الاخيرة من قصة هناء العاشقه..

[بلاحب وبلاوجع]

بنات انا آسفه جدا جدا ..لاني يوم كتبت الجزء الاخير كتبته من غير ما اوضح لكم امور مهمه..حقيقة انا اشكر الي تابعتني ونبهتني عليها..
وبالنسبة لعلاقة هناء وبدر كانت علاقه جدا عاديه مبنيه على مصلحه ..لو تتذكروا كلام فايزة لهناء يوم قالتلها اذا تبي توصلي لشي لازم تتنازلي بمقابل ..
وهذا بالضبط الي حصل مع هناء..يوم راحت وسلمت نفسها لبدر في المسبح..يمكن انا ما وضحت لكم بالتفصيل لكن انا قصدت انه خلص منها ..يعني مارس معاها الجنس..في المسبح وعشان كذه هي انهارت..
وبعدها اعطاها الي هي تبغاه جابلها الحبوب..و (سقطلها الجنين)..
وبكذه يكونو الاثنين خالصين..كل واحد قدم خدمه للثاني مقابل خدمه..لأانه في كثير علاقات من النوع هذا ..؟؟
بدر ..من النوع الي ما تشبع نفسه من البنات يعني كل يوم مع وحده وبعد ما يذوقها يملها ويتركها..
وهو سوا مع هناء نفس الشي..وبالذات انه عارف قصتها وانها مستحيل تنسى الي تحبه..
وبعدين هناء بمجرد ما تتعرف على خالد.. بدر( يعرف انه هناء كانت تبغاه مصلحه بس ..وما زعل كثير لانه متعود من البنات انهم يحبوه فتره عشان فلوسه..) ويعتذر من هناء و يسافر الخارج (عشان يعالج امه المريضه)..ويقفل الفله.. وهناء تودعه و تروح عند خالد في شقة صاحبه ..(صاحبه معطيه مفتاح الشقه ومسافر) وخالد كان هذيك الفتره يروح ويجي عليها الين تزوجها..(في فترة قبل ما تعترف له عن حياتها..كانت متخبيه في الكامباوند..الشاليه حق بنات الشله..وكانت كلها اسبوعين بس وصارحته..بعد ما عرفت انه عن جد حبها وتعلق فيها وشاريها..)..
اما بالنسبه لاخوان هناء ..اصروا انهم يطلقوها لأنهم عندهم مبدأ معروف(انه الوحده ماتتزوج عن حب)..
وحتى انهم زعلانين انها شردت..وسوت هذي الحركات الي طوول عمرهم مربينها عالحشمه والادب..بس لاتصدقوا انهم مطاوعه حقيقين..هم فقط متسترين بالدين....زي الارهابييين بالضبط
وفي الاخير كانوا يدوروا على سبب يطلقوها منه..وقالوا انه لونه اسمر وما يصلح يناسبنا...
وطلعوا فيه كثير عيوب غير انه مغني وصايع قالو..(ديوث وولد شيخ وقواد ومخنث)استغفر الله العظيم من الفاظ سيئه..
وبعدين اخوها عبد العزيز انسان قذر ..تاريخه وصخ بالعائله لأنه كان زمان دايما يتحرش بخواته..البنات..
والعياذ بالله..
وعلى فكره هناء وزوجها خالد لمن خرجوا بيت اهله( بيت اهل خالد) وقبل ما يروحوا بيت مستقل لحالهم ..راحوا عند ريم اخت هناء..الي استقبلتهم وضيفتهم بجناح خاص بفلتها لمدة 3 شهوووور..
وفي هذه الفتره هناء رجعت الكليه وكملت دراستها..
كانت ريم اختها مدرسه..(ريم عرفت زوجها على زوج اختها هناء وصاروا اصحاب وحتى طلعاتهم مع بعض..)وعلى فكره لا تنسوا فارق الجمال بين ريم واختها هناء..
كانت هناء غيوره مرررره على زوجها(عندها عقدة نقص من صغرها اخواتها واخوانها محطمينها) لأنه ريم كانت تكشف وجهها وتقعد تتضحك وتخف دمها قدام زوج هناء الي كان منبهر بجمال ريم..وكان دايما يطالع فيها نظرات وما يقدر ينزل عيونه منها الا لمن تدقه هناء وتقوله خلاااص اكلت الادميه بعيونك..
وبعدين هناء وخالد يلاقو بيت مناسب ويسكنوا فيه لحالهم..وكانت ريم تروح وتجي عند اختها هناء..
ومن هنا عرفوا اخوانهم فين بيت هناء..؟؟
لأنهم اصلا يعرفوا بيت ريم وراقبوهم ووصلولهم..(بس لمن وصلولهم كانو مجهزين حركة خطيره لايمكن تخطر على بال هناء وخالد..ابدا ابدا..)


وفي يوم من الايام خالد يتصل على هناء ويطلب منه انها تحضر العشاء بسرعه..لأنه كان في الطريق كان مررره جوعان.. اسرعت هناء تحضر لخالد العشاء...وتفننت بترتيب الصفره..وانتظرت خالد يجي لكن ماجا..تأخر ساعه ساعتين راحت تتصل عليه لكن مايرد؟؟؟
هناء زادت حيره وقلق..اضطرت تتصل على امه وتسألها عنه؟؟...لكن امه تقولها انه ما مر عليها من يومين..؟؟
هناء تبدأ تخاف وتفكر في اشياء كثيره ممكن تحصل لخالد وتخاف وتتعوذ من ابليس وتنتظر....؟؟
دقايق الا يجي خالد وثيابه متسخه..وشكله عرقان وريحته خايسه..!
هناء:وين كنت وتطالع فيه نظرات غيره وشك..؟؟
خالد:يعني انتي ما انتي شايفه شكلي كيف وسخ وريحتي... يعني فين انا مثلا..كنت بعرس..؟؟ سيارتي خربت بنص الخط..ووديتها الورشه وجيت..؟؟
هناء تزعل من خالد وتصير عصبيه وترفع صوتها ايوة صح صدقتك..؟؟ ..:انا انتظرتك من اول وانت تقولي جهزي العشاء وجهزته ورتبته وفي الاخير ما تجي..؟؟ ليش انت ايش شايفني عندك..؟؟
خالد يعصب ويكب الصفره ويقولها هذا عشاك ما ابي تعشا..هناء تبكي وتتهمه انه ما يحبها ..و تدخل معه نقاشات ما تخلص الين قبل الفجر..يكون اعتذرلها وينامو الاثنين حاضنين بعض..
وفي اليوم الثاني هناء تصحي خالد الساعه 8 العمل ولكن خالد ما يصحى لأنه كان سهران معاها..وتعبان..؟؟وتحاول فيه الين يصحى على الساعه 9 وربع..
ويبوسها قبل ما يروح الدوام ويودعها..هناء تجي تبغا تنام ما تقدر..؟؟
هناء:غريبه ما جاني نوم اليوم طيب خليني ارتب البيت واسوي احلى غدا لخلودي اعوضه عن عشا امس الي حرمته منه...
ترتب البيت وتسوي احلى غدا لخلودي وتاخذ شور وتلبس احسن لبس ..وتعطر البيت وتعطر شرشف السرير والمخدات وتحط الشموع بكل مكان بالبيت..
وتروح تطالع في الوقت وتقول بقي ساعه وتصير الساعه وحده .(خالد عمله من 8 الصباح الين 5 العصر)بس هو دايما وقت البريك يروح عند هناء يجلس معاها ساعه ويرجع دوامه..)
هناء تطالع في الساعه وتقوول باقي نص ساعه ويجي خلودي خليني اسجل له بصوتي على كاسيت (اغاني ورسايل وكلام حب وغزل وعشق..)عشان ياخذه في السياره ويقعد يسمعني وبكذا اكون طول الوقت في باله..
وتمسك المسجل وتحط الشريط وتبدأ تقول بصوتها الحلو..والدلع..اهداء الى حبيبي خالد ..
كي يكون اجمل ذكرى بيننا ..وتبدأ تقول اشعار حافظتها واغاني وتقوول انتبه تنساني يا خالد حتى لو فرقنا القدر..(كانت تتكلم عن الفراق بكثره..)..وفي اخر الشريط تقوله خذ احلى بوسه على شفتيك..امممممواح...
وينتهي الشريط ويجي خالد وهي طبعا تحط الشريط تحت السرير..
ويفرح خالد من استقبالها الجميل له ويتغدا ويروحوا غرفتهم وعالسرير..خالد يطالع في هناء نظرات وهناء برضه تطالع فيه ويحضنوا بعض وكأنهم بيتفارقو..ويجلسوا يبوسو بعض ..كثير وهم في احضان بعض
هناء تتنهد تنهيده قويه وتقول لخالد انا خايفه..خالد يسألها ويقولها ليش خايفه حبيبتي..؟؟
هناء:تحط راسها على صدر خالد وتقوله ماادري ليش حاسه بخوووف..؟؟
خالد : يطمنها ويهديها ويقولها لاتخافي انا معاكي بعد الله وعد ما حسيبك مهما صار....؟؟
هناء:تدمع عيونها وخالد يمسح دموعها ويبوسها وينام معاها ويقولها انتي ما نمتي لازم ترتاحي الين ارجع من العمل يله نامي ..وتودعه ويودعها وتنام..
وتقوم هناء على جرس الباب..يدق بشكل مو طبيعي..تطالع في الساعه وتلاقيها الساعه 6ونص معقوله سته وخالد ما جا من العمل..الظاهر هو الي جا( وتقول..بس خالد عنده مفتاح ؟؟او يكون مضيع مفتاحه زي عوايده..) ..و تروح عند الباب وتطالع من العين السحريه ووما تشوف احد لكن تشوف انه في احد مغطي بيده عالعين السحريه..وتبدأ هناء تخااف..وجرس الباب مستمر في الدق....؟؟؟؟؟؟؟
هناء تكون لابسه قميص نوم عريان..وقصير مررره..وتروح تلبس روب الاستقبال..وتقول خليني اتصل بخالد اتأكد منه احسن..وتروح تمسك التلفون وترفع السماعه وما تلاقي خط..؟؟الخط مقطوع..؟؟
تبدأ هناء تخااف وتقلق وتحاول تشوف الجوال وتلاقي جوالها مفصووول....؟؟؟
هنا هناء تبدأ تقلق وتخاف وتروح عند الباب وتقوول :ميــــــــــــــــــــــــن ..؟؟؟ميــــــــــــــــــــــن...؟؟؟
ولد الجيران الصغير يبكي ويقولها الحقي امي مررره تعبانه تقوم تفتح الباب وتفاجأ بوجووود كل اخوانها على الباب..وتنصدم..منهم وتقولهم ..انتوا ليش جايين..؟؟
اخوها الكبير عبد العزيز يقولها احنا اليوم جايين نصفي حسابات قديمه بيننا..؟؟
هناء تبلع ريقها وتخاف وتسأله كيف يعني..؟؟
يقوم يجاوبها بصوت ونبره حاده يلله البسي بسرعه وتعالي معانا..؟؟؟
هناء:ما اقدر لازم استأذن من زوجي اول..
اخوانها يقوموا يطالعوا في بعض ويضحكوا ههههههههههههههه ..اصلا هذا لو لقيتيه هو خلاااص بالسجن..وتنصدم هناء وتقول ليش ايش سوى سجنوه..؟؟لا اكيد بيطلع .هو ما سوى شي..
يقولولها زوجك مسكوه معاه حشيش في الشارع..(طبعا لبسوه هم القضيه..) على فكره هم عندهم واسطات في كل مكان حتى عندهم شيوخ و قضاه ..واسطات..)
ويفتشوا بيتها ويدخلو غرفة نومها وويفتشوا كل شي حتى اوراقهم ودفاترهم الخاصه ياخذوها معاهم..و البومات صورهم..(كل الذكريات الجميله ياخذوها)..
وهناء طبعا مصدومه تتمنى انه يكون حلم بس هي هذي الحقيقه الي كانت من اول خايفه منها..

اويقولولها البسي يلله احنا ما بنروح بدونك احنا خايفين عليكي تقعدي هنا لوحدك يلله اختك سوسن مستنيتك..!
وتقولهم انا ما اقدر اخرج من بيتي من غير ما اسمع رأيي زوجي...
ويبدأو يضربوها (ضرب على خفيف) ويهاوشوها ويسو عليها فيلم ..بس يخوفوها وهي طبعا عندها عقده منهم من زمان فتخاف وتلبس غصب عنها..(وفي راسها تدوور فكرة الهروب من عند اهلها)وياخذوا مفتاح بيتها..
وهذي اخر مرره تشوف فيها بيتها ..وتركب السياره معاهم...
وتودع هناء بنظراتها الي كلها دمووع بيتها والحي الي سكنت فيه مع زوجها وحبيبها خالد وتوصل بيت اخوها وتدخل وخلاااص هناء هذي دخلتها ومعد تخرج الا بعد 3 سنين من العذاب النفسي..
تدخل وهي زوجة خالد ..وطبعا تصير احداث كثيره لها ..اخوانها يطلبوا من المحكمة ان يتم فسخ العقد بينهم لأنه هناء رافضه تطلب الطلاق وخالد راقض يطلب الطلاق (لكن المحكمة ترفض هذا الشي) الى ان يعجزوا اخوانها ويبدأوا يعذبوها . يبنو لها غرفه ورا البيت وما يخلو فيها حتى فتحه غير للمكيف وبس...يحبسوها سنه وغير انهم يعاملوها كخادمه ويججرحوا فيها وفي الاخير يدخل ابوها وهو رافع المسدس عليها ويقولها انا بطلق عليك الرصاص وارتاح منك لو ما طلبتي من زوجك خلع..ويهددها ويحط المسدس في راسها وتخاف من صوت الرصاص ...(وتجيها رهبه من الموقف وتخاااف وتكتب وكاله لاخوها نيابة عنها..وغصب عنها وهي تحت التهديد تكتب طلب الخلع من زوجها....الوكاله عشان اخوها يروح المحكمة وما يبغاها تقابل خالد وممكن تضعف وتفضحهم..( لأنه القاضي طلب حضور خالد وهناء يبغا يشوف وجهات نظرهم..)وخالد يماطلهم ما يطلقها لانه وعدها الين ينصدم ويشوف خط يدها انها خلااص تطلب منه الطلاق..يقوم القاضي يحكم له برجوع المهر له واخوانها يرجعوله مهره.. وخلاااص خالد يرووح ينهار ويتعب ويروح المستشفى من القهر..وبعد مرور سنتين من طلاقها اخوها زوجها رجل مطوع صاحب اخوانها تزوجها متعه..
انتظروا اخر جزء ,,

[بلاحب وبلاوجع]

طبعا هناء ما قدرت تنسى زوجها خالد الي حبته وحبها (طوول هذي السنين كانت تتذكره كل يوم قبل ما تنام ..وكانت تتمنى تشوفه لو بالصدفه من بعيد او تسمع صوته..لانها كانت ممنوعه من الجوال والخروج او من اي وسيلة اتصال..وكانت ايضا..مراقبه بشده من حريم اخوانها ..)

اما بالنسبه لخالد الي تعب كثيررر عشان ينساها وما قدر..وخصوصا انه لازال في نفس الشقه الي جمعته بهناء..امه تتصل فيه وتطلب منه انه يجيها ..ولمن يروح يلقى امه وابوه منتظرينه بالصالون وتصب له امه فنجان قهوة ..ويجلس مع امه و ابوه وويقولوله ..
اسمع يا خالد كل شي قسمه ونصيب والانسان ما يدري وين مكتوب له الخير في هالدنيا..وانت لك الحين 7شهور وانت على هالحال .. وهذا الوضع مو عاجبنا ابدا ..جلوسك لحاللك بنفس الشقه راح يزيدك سوء وماراح ينسيك هناء ..واحنا نبي مصلحتك عشان كذه ..لازم تنقل من هذي الشقه ووتبيع العفش ..وتتخلص من كل الذكريات الي تذكرك بهناء..
وامه تقوله عروستك عندي جاهزة بس انت انقل وخلص من ترتيب الشقه الجديده وراح ازوجك وحده احلا من هناء وانشاء الله تنسيك هناء..
خالد: يا امي اي زواج الله يخليك..؟؟
ابوه:ياولدي الانسان لازم يخلي عنده امل بالله وربك ما يضيع احد توكل على الله وخلينا نفرح فيك من جديد وانسى الماضي وخليه عبره لك .
خالد :يفكر شويه ويقولهم.. شوركم وهداية الله..
امه:تزغرط...للللللللللللو..وتقوله الف الف مبروووك ياولدي..
و اليوم الثاني يروح خالد لبيته ينقل العفش وهو ينقل العفش ..يشوف ملابس وثياب هناء ويحزن كثيرررررررر ويتذكرها في كل لبس من ملابسها. وياخذ قميصين نوم مرره كان يحبهم عليها ويخبيها بين اغراضه.......وفي الاخير مابقي الا السرير..يطلب من العمال انهم يجوا يطلعوه..ويشوف تحته كاسيت..(شريط هناء الي سجلته بصوته)..ويستغرب ياترى حق مين هذا الشريط وايش فيه ..؟اكيد هذا شريط نوال الكويتيه الي ضاع عليه زمان..
وبعد ما نقلوا العفش وانتهى من تسليم الشقه..راح خالد ركب السيارة وتذكر الشريط الي في جيبه وطلعه وشغله..وسمع..صوت هناء..وهي تقول اهداء الى حبيبي خالد..وتغني بصوتها..
وخالد لمن سمعه على طوول جلس يبكي ويتذكرها..وراح يلفلف في الشوارع والاماكن كلها الي كانو يروحوا فيها..ويبكي ويتذكرها..وما رجع البيت الا وجه الفجر..

وبعد مرور شهر خالد خلص من تأثيث الشقه الجديده ..والي تكون امه ساعدته فيها..
خالد:امي..؟؟انا الحين خلصت الشقه وما باقي لي الا العروسه ..؟؟
امه:الله يوفقك يا ولدي وييسر امرك ..ومن بكره انشاء الله نروح عند اهلها ونخطبها منهم..
خالد: طيب يا امي ما قلتي لي من تكون العروس..؟؟
امه:بنت جيراننا زمان في بيتنا الاول..
خالد:مين بالضبط..؟؟اعتقد كلهم متزوجات يا امي..
امه:لا وينك انت نسيت اختهم نوف الصغيره..؟؟ ماشاء الله عليها الحين كبرت وصارت احلاهم ..ويش زينها الشعر والطول والبياض..والله انا متأكده انك لو تشوفها راح تنسى هناء والي خلفوها..ههههههه
خالد:بس خلاص يا امي الله يخليك لا تجيبيلي سيرة هناء..عشان ما اتكدر..وابطل ..
امه:خلاااص حبيبي مثل ما تبي انا اينقص لساني لو يجيب لك مره ثانيه طاريها..
خالد:يروح على غرفته ويجلس يفكر في هناء ويعيد اول ذكرياته معاها..
واليوم الثاني امه تجي تصحيه وتقوله قوم ياخالد يلله خلينا نلحق نروح نجيب هديه للعروسه..
ويروحوا السوق وياخذولها هديه وطقم ذهب خفيف..وعطرين..ويغلفوهم ..
ويروحوا يخطبوها وطبعا امهم كلمتهم من زمان انها تبغا نوف لخالد ..ونوف عندها خبر بالموضوع قبل خالد..
خالد يطلب من ابو نوف انه يشوف البنت..ونوف تجي لابسه فستان مشمشي نص الساق وتكون لابسه خلخال..فضه..وشعرها فالته..مفرود على ظهرها..ومكياج خفيف ..وتقدم له عصير
خالد لمن يشوفها ينهبل عليها ومن الربكه حقته يقوم..ويوقف..يسلم عليها وهي طبها تستحي تمد ايدها الناعمه وتطالع تحت في الارض وتسحب ايدها بسرعه وتروح ..وتاخذ قلب خالد..
وبعدها بفتره خالد يملك عليها ويتزوجها..
هناء المسكينه في هذيك الفتره تكون لسه ما تزوجت وتفكر خالد بينتظرها..
كانت كل يوم تتخيل لقاهم ..وترتب ويش راح تسويي وكيف حيكون وايش راح تقوله..(متخيله انه اول ما يشوفها راح يرجعها..)
وبعد مرور سنتين من طلاقهم..عبدالعزيز يقرر يزوج هناء واختها سوسن اثنين اخوان بنفس اليوم..
ويتزوجوا وبعدين كل وحده تروح بيتها..(بس هناء زوجها متزوج وعنده 6 عيال..)وهو ماخذها للمتعه فقط..واخوها راضي..لكنها هي ما تدري..ومن اول يوم وهي في السيارة معاه يقولها انه مافي مبيت عندها..عشان زوجته لاتعرف هذا الشي....وهي تنصدم وتبكي وتقوله انها ما كانت تعرف..وبعدها تسكت وتهدأ وتعرف انه زواجها منه ماراح يدوم..
ويروحوا عالفندق..
هناء في اول يوم..تشوف التليفون وتفرح وعلى طوول يجي في بالها خالد.. وتبدأ تقول لنفسها اول ما حينام زوجي بروح اتصل بخالد حبيبي اخيرا راح اسمع صوته وواقوله على كل شي ..
وفعلا اول ما نام زوجها.. خرجت هناء من الغرفه وقلبها يدققققققق وراحت على الصاله بسرعه.. وقربت من التليفون واخذت بيدها السماعه..
واول ما اخذتها تتفاجأ بصوت حسين من وراها..ايش عندك ماسكه التليفون..؟؟
هناء:تنفجع ويتلون وجهها وتخاف وتقوله لا ولاشي بس كنت ابتأكد بتصل على الساعه ابي اعرف متى صلاة الفجر بالضبط عشان اصحيك..!!
حسين:همممم ما شاء الله عليك دقيقه في المواعيد..ويروح الغرفه وهي تبلع ريقها وتتنفس تنفس الصعداء وتحرم تمسك التليفون..
وفي اليوم الثاني هناء..تقوم وتفطر مع زوجها ويخرجوا يتمشوا وبعدها زوجها ينزلها الفندق ويعتذرلها انه رايح الدوام..وتنزل وتطلع ووتشوف التلفون وتمسكه مره ثانيه واول ما تجي تمسكه يجيها اتصال ..من اختها سوسن..
تسلم عليها وتسأل عن احوالها وتقولها انها اخذت رقم غرفتها من اخو زوجها..
هناء وهي تكلم اختها نفسها لو انه المكالمه تنتهي..ولكن سوسن تجلس تطوول تحكيها تفاصيل ليله الدخله كيف كانت..وهناء مستعجله تطالع في الساعه تبغا تخلص من المكالمه وخايفه لا الوقت يمر وزوجها يجي وتعتذر لاختها سوسن..وقبل ما تقفل سوسن تناديها وتقولها شي ضرروووووري..
هناء: ايش في بسرعه بروح اخذ شور قبل ما زوجي..سوسن:انتبهي تستعملي التليفون..؟؟
هناء:كييييف..؟؟
سوسن:لأنه المكالمه بفلوس حبيبتي واكيد وانتوا طالعين راح يعطوا الفاتورة لزوجك عشان يدفع الحساب وهو اكيد راح يشوف الارقام ومدة المكالمه ووقتها..؟(انتبهي)..؟؟
هناء:ايوة صح انا ليش خايفه اصلا ما راح اكلم احد..؟؟
سوسن:كنت احسب وتقفل..
هناء:تقوول واااو الحمدلله اني ما تهورت والمره هذي بنتظر ماراح اسوي شي الا بسمع كلام سوسن عشان ما اندم..
ويمر اسبوع عليها في الفندق وترجع على بيتها..وبرضه تشوف التليفون لكنها المره هذي ضاربه حسابها وتفكر قبل ما تتصل بخالد..
وبعد 3 شهور من الانتظار..وهناء تقطع قلبها على سماع صوت خالد..
زوجها يقولها بوديك بيت اخوك تقعدين كم يوم وارجعك..وهي تقوله ليش انا هنا مرتاحه..وهو يقولها انه ماراح يبات عندها..وخايف عليها تقعد لحالها ..
وتلوم هناء ملابسها وتفهم منه انه راح يطلقها..وتروح عند اخوها الثاني (طاهر)..
وطبعا طاهر افضل في المعامله من اخوه عبد العزيز..لكنه يعتبر قاسي ..جدا يستقبلها اول يومين بمجامله وبعدها يشيل الخدامه من بيته ويفرض على هناء انها ترووح تحفيظ قران وجدول للتنظيف والطبخ ومافي نوم ولا اي متعه..
وتصبر على هذي المعامله..والين ما تصاب هناء بمرض جلدي معدي ..(فطريات)يقوم يعزلها اخوها في جناح بعيد في البيت..ويمنعها حتى انها تدخل المطبخ..ويرجع يجيب خدامه وتصير الخدامه تجيب لها الاكل ..بعد ما يجف صوتها من الصياح تناديهم تبغا اكل..ولا اي شي..لانهم مايسمعوها..
والشغاله برضه تطنشها..وهناء صابره على هذا الحال لمدة اربعه شهووور وهي محبوسه ومقفل عليها الباب بس تصلي وتدعي في الليل انه ربي يفرج كربتها..
ومرت الايام..ويجي رمضان وهناء محبوسه في هذا المكان الي مافيه نسمة هوا..ويدق الباب عريس لهناء من طرف اخوها عبد العزيز الي ما يخاف الله صار يتاجر بأخته كل يومين يزوجها على واحد من اصحابه متعه وياخذ المهر..(حسبي الله عليه)...
هناء تفرح وتحمد الله وتوافق عليه بس عشان تخرج من الضيق الي هي فيه..
وطبعا هناء شافته وشافها وعجبته..وحددوا الزواج في العيد ..وفي اخر ايام رمضان ..
ابو هناء يمرض ويطلب من العيال انهم يتجمعوا هم واخواتهم ويجوا عنده في البيت..ضروري..
وفعلا تجمعوا العيله كامله..
هناء التقت بكل اخواتها وسلمت عليهم..
ابوهم طلب من طاهر انه هناء تقعد عنده لأنه يبيها تخدمه..
هناء فرحت بشكل ما ينوصف ولكن اخوها طاهر عارض في البدايه وبعدها في الاخير وافق على مضض لأنه ما يقدر يكسر كلمة ابوه..
وتجلس هناء في البيت عند ابوها..الي يكون وحيد وزوجته تركته وطلبت الطلاق منه بعد ما مرض..
هناء تفرح وترجع لغرفتها..وتفتحها وتشوف الغرفه نفسها ما تغيرت سريرها وسرير اختها سوسن ..و كل الذكريات قدامها لكن عليها غبار السنين..
وتبدأ تنفض الغبار عن سريرها القديم..وتلاقي في الكوميدينو..دفترها الصغير الي كانت مدونه فيه يومياتها وامنياتها..
وتجلس تقراه و تبكي ..وتحزن كثيررررر..
وبعد ايام مررتخلص رمضان وجاء العيد.. وهناء طبعا زواجها قرب..
لكنها ترفض لأنها شاورت ابوها وقالتله انه اخوها بيزوجها متعه..واخوها يزعل ويجي البيت وبيغصبها لكن ابوها يبدأ يدافع عنها وترتاح هناء من زواجها الي كانت تعرف انه نهايته الفشل..؟؟؟
هناء..تسير سعيده وترجع ثقتها بنفسها وتطلب من ابوها انه يرجعها الكليه وابوها يوافق..وتبدأ هناء تروح الكليه لكنهم يعتذروا من قبولها لأنها انقطعت كثيرررر عن الكليه..وترجع ومعاها ملفها..وهي حزينه..
وتصير هناء وحيده في هذاك البيت الي ضمها مع اخواتها وبالذات مع اختها سوسن الي ما تجيها الا في السنه حسنه لظروف زوجها..
وتبدأ تجيها فكره انها تروح تداخذ دورة وتطور من نفسها..وابوها يوافق.. وفعلا تروح معهد وتسجل فيه ويقبلوها..
ويصي رابوها هو يوصلها ويرجعها..
وبعدها تسجل في الضمان الاجتماعي وتصير تاخذ مكافأه كل شهر 800 ريال..
وفي يوم من الايام هناء تطلب من صاحبتها في المعهد(عبير)..انها تشتريلها جوال وشريحه ..
وعبير على طووول توافق وتشتريلها واليوم الثاني تجيبه لها..
هناء خلااااص تحس بالحريه..واول ما تاخذ الجوال بيدها..
تروح تدق ارقام عمرها ماراح تنساها ارقام تليفونات خالد..
تتصل بجواله..وتلاقيه مقفل..
وتروح تتصل بتليفون بيتها..وتلاقيه رقم ناس ثانين..
وتبدأ تفكر انها تتصل بأهله..وتصير كل يوم تتصل وتسمع صوتهم وما تلاقيه يرد..مره تسمع امه ترد ومره اخته ترد ومره اخوه الصغير ..وووومع الايام فكرت في فكره وقالت كيف اجيب رقمه..وتذكرت رقم العمل ..ولمن سألت عنه قالولها انه مافي احد عندنا بهذا الاسم..
تقوم هناء تتصل بالسنترال وتلاقي ارقام خالد..وتفرح..وعلى طووول تتصل..
وتلقى الجوال مفتوح ولكن ما احد يرد..وترجع تدق كثيررر ..
وفي النهايه ..تجي تبغا تنام تقوم تلقى اتصال من نفس الرقم الي اول اتصلت عليه..وتقوول الو..؟؟
خالد:الو..؟؟
هناء :تسمع صوت خالد بعد فراق 3 سنين ونص ..
وتقوله الو..؟؟
خالد: لوسمحتي هذا الرقم لقيته عندي ..؟؟
هناء:والعبره تخنقها..اااه خالد
خالد: يستغرب ويقول مين..؟؟
هناء:آآه ياخالد نسيتني..؟؟
خالد:معليش ما عرفتك.. مين..؟؟
هناء: والدموع على خدها..خالد حاول تتذكر صوتي..
خالد :بتقولي مين ولا بسكر الخط..؟؟
هناء: انا هناء..؟؟
خالد:طبعا عرفها..وقلها كيفك ياهناء ويش اخبارك ..؟؟
هناء: تنصدم بقووووة..وتستغرب من بروود خالد..وتبكي وتقوله وحشتني يا خالد..!
خالد:اسمعي يا هناء انا كذه ربع ساعه واكلمك..؟؟
هناء طبعا ماتوقعت هذي المقابله من خالد..وقالت اكيد هو مشغوول..وراح يجيني مشتاق زي اول..
(هناء ما تدري انه تزوج وعنده ولدين..)..
وبعد ربع ساعه خالد ما يتصل لكن هناء تتصل عليه ومايرد الا بعد اربعه مكالمات..
وتبدأ هناء تحكي له كل التفاصيل وهو يسمعها وحكته انها تزوجت بعده وتطلقت منه..
وهو قلها انه متزوج ..وعنده ولدين..بس هناء ما تصدقه وتقوله اكيد انت تكذب علي..مو معقوله تسويها وما تستناني..
وهو يأكد لها ويرسلها صورته مع اولاده..وبعدها هناء تصاب بحاله اكتئاب..
وتصير تتصل بخالد لكن خالد دائما يعتذر لها عشان زوجته ما تشك بالموضوع..
هناء ما تبطل اتصالات على خالد تترجاه وتقوله ارجووك يا خالد رجعني وتبكي تبكي تبكي..
لكن خالد يعتذر لها ويقولها هذا الشي مو بيدينا..
لكن هناء لازالت تتص على خالد في انصاف الليالي..الين جا اليوم وزوجته ردت على هناء..من رقم خالد وطلبت منها انها توقف اتصالات على زوجها ..
هناء تصاب بالاحباط وتبدأ تنهار وتبكي وتقوول كله منهم (اخواني)فرقوا بيني وبين حبيبي خالد؟؟؟؟
وخلوه يتزوج وينساني..
وترجع هناء..تتعرف على شله ..زي شلتها القديمه لكن المره هذيتكون هناء اندقت وفهمت..كل حركات الشلل..وتعرف كيف تتصرف..
اروى..وعبير وبدور..
هناء تقولهم قصتها ويحزنو عليها ويقولولها انسيه..
هناء:كيف انساه وحبه في دمي 5 سنين..
اروى: لازم تطلعي معانا وتتعرفي على غيره..
عبير: احنا كذه نحب كثيررررررر الين تضبط معانا على واحد؟..
بدور:تضحك..ههههههه الله يستر انشهرنا من كثر ما ندور بالمولات..
هناء: ايش الفايده احب وبعدين يتركني..
اروى: مو لازم المهم تنسي خالد..وبس..
هناء:طيب بعدين اوقع بحب الثاني..
عبير:اقووول يله فلها وربك يحلها..
بدور: حرام مسكينه كسرتي خاطري ذكرتيني بنفسي لمن تركني تركي حبيبي الاول..ههههه كنت مجنونه ادوره..وهو تزوج وما سأل عني..
هناء: تقوم معاهم وتروح المولات تفرفر..من مكان لمكان وتاخذ كل ارقام الشباب الي في الموووول وتروح البيت وتكلمهم واحد واحد ..تخلص من واحد وتقفل وتكلم الثاني و...الخ
الين تتعلق بواحد..اسمه محمد..لكن محمد مستعجل يبي يشوفها وتصير هناء تخرج معاه من المعهد وتروح وتجي وطبعا هو مارس معاها الجنس..
وفي يوم من الايام هناء بعد ما نسيت خالد ..وارتاحت مع محمد..
حست انه لازم يجي يتزوجها..لكن محمد رفض وقلها انه راح ينهي علاقته فيها لوطلبت هذا الشي منه..
محمد ما كان عنده بيت خاصيوديها فيه..
كان كل مرره في بيت واحد من اصحابه لكن محمد شوه سمعت هناء..لأنه هناء بطيبتها حكت له قصتها وكانت صادقه معاه وهو نشر صورها مع اصحابه..بلوتوث..(لأنه كان يتفاخر بكثرة البنات في جواله؟)
.وفي يوم من الايام ..........
محمد يطلب من هناء انها تروح معاه شقة صاحبه لكن هناء ترفض طلبه معترضه انه مرره واحد من اصحابه دخل عليهم وهم عاريين ويمارسوا الجنس..
ويقوم محمد يترجاها ويوعدها انه ماراح يخلي احد من اصحابه في البيت..
وتصدقه هناء وتروح لكن ما تدري المسكينه ايش الي راح يصير لها...؟
محمد يدخل هناء شقة صاحبه ماجد..وما كان في احد..طبعا هناء تطمن على الاخر وتبدأ تاخذ راحتها وتفصخ ملابسها ..وبعدها محمد يمارس معاها الجنس..ويخلص ويتصل بصاحبه ويعطيه خبر هناء طبعا في الحمام ما تدري عن شي ..وشويه وهناء تستحم والباب من دون مفتاح..
يدخلوا 3 من اصحاب محمد ويدخلوا على هناء وهي عاريه تتروش..وتصرخ هناء وترفض..لكنهم يهددوها بصورها في الفيديو..
طبعا كانت الكاميرا عليها من اول ما دخلت مع محمد الشقه..وتنصدم من محمد وتبدأ تصرخ وتصرخ وهم يطالبوها بحركات جنسيه مثل العاهرات الي في افلام السكس..
وتنادي محمد وتذكره بوعده لها لكنه يقولها انا ايش يدي هم سوولنا كمين ووقعونا ويروح ويسيبها وهي تصير تستنجد ولكن هيهات ..
وبعد 3 ساعات من ممارستهم واغتصابهم لهناء..تجي الهيئه وتكسر الباب وتلقى هناء في الارض..(الجيران سمعوا صوت هناء وهي تصرخ فاتصلوا على الهيئة. والشرطه)
وياخذوا الشباب وهم متلبسين بالجرم المشهود..
ويودوا هناء المستشفى والشباب للسجن..
وهناء لمن فاقت لقيت وحده سجانه على راسها تحقق معها وتاخذ اقوالها الين ما تحسنت حالتها ودوها للشرطه ثم ارسلوها لمكه دار رعايه الفتيات (الاصلاحيه)
هناء اصبحت مريضه وبعدها بشهر اصيبت بالاغماء ويكتشفوا انها حامل..(اهلها عرفوا عنها كل شي وتبروا منها لأبد)
وتجلس هناك فترة حملها الين تولد وياخذوا منها ولدها ويودوه دار الايتام..
وهناء يتقطع قلبها ..وتبدأ تبكي وتبكي بحرقه على حياتها..
وفي يوم من الايام وهناء قاعده تبكي تقرب منها احد السجينات وتطلب منها انها توقف بكاء وتسمعها..
وهناء توقف وتسمعها وتبدأ هذيك البنت تنصحها وترجعها لله..
هناء تطمن من كلامها وتبدأ تصير صديقتها وتحفظ القران معاها وتصير مدرسه في الاصلاحيه تدرس البنات القران والتجويد..
وتمر الايام والسنين والبنات كل سنه تروح وحده وتجي جديده الا هناء نفس وضعها هو هو ما تغير جالسه في هذاك المكان...
الى ان اصبحت تحبه وتعودت عليه..لكن الايام تسارعت وهناء بلغت الثلاثين من عمرها..
وطبعا النظام يقول انه الاصلاحيه هذي للبنات دون الثلاثين والسجن لمن فوق الثلاثين..جا نقل لهناء في السجن..بجده..وصارت تبكي وما تبغا ترووح لكن قبل ما تروح بليله..
كانت هناء تصلي وتبكي وتدعي الله انه يغفرلها ذنوبها ويتوب عليها..
وفي اليوم الثاني هناء تنتظر نقلها لكنها تتفاجأ بأنهم يطلقوا سراحها ..لأنه احد السجناء سمع بأخلاقها وطلب من مديره الاصلاحيه انه يتزوجها..والمديره وافقت على شرط انها توافق..
وبعدها المديره تقولها الموضوع..هناء تفرح وتوافق..ويجي المأذون ويعقد عليهم..
وطبعا المديرة والمشرفات يجيبوا لهناء ملابس ويحاولوا يسرحولها شعرها ويرتبوها ويجهزوها للعرس.. تدخل الغرفه ورجولها ثقيله مو قادره تحركها..مو مصدقه انها راح تخرج من هذا المكان..
وتجي تشوف عريسها وتلاقيه...
خــــــــــــــــــــــــــــــــالد...؟؟؟ تحاول تمسح عيونها وتقووول اكيد يشبهه او انا من عشقي له صرت اشوفه في كل واحد,,,؟؟

وتقوله هناء:خالد؟؟
خالد: هناء..؟؟
كلهم يطالعوا في بعض ويقولو لبعض لا مو معقوله.؟؟
ايش هذي الصدفه..؟؟ايش هذي المعجزة..؟؟
هناء تقوله..
كيف جيت هنا؟؟وهي مررره في حالة غريبه مو مصدقه نفسها..!
يقولها خالد: زوجتي بلغت الهيئة عليه وانا كنت في حفله مع اصحابي وخوياتهم وجيت هنا..
وهو يسألها وانتي كيف جيتي هنا..؟؟
هناء :تسكت وما ترد عليه وتقوله بعدين احكيك..ويخرجوا وهم ماسكين يدين بعض وعلى صوت المشرفات وهم يزغرطوا فرحانين لهناء..يباركولها وينصحوها..
وهناء تقول الحمدلله الي عوضني..وتروح مع خالد بيتهم ويعيشوا في سبات ونبات ..ويخلفوا صبيان وبنات..
وبكذا انتهت قصة هناء العاشقه..
تحـــــــــــــــــــــــــــــــــــــــــــذير..
احذر كل من تاخذ فكرة من افكار القصة وتستعين فيها..على الشر..
ارجو من كل فتاة ان تأخذ العبرة من هذي القصة ولا تنخدع وراء المغريات ..
واخيـــــــــــــــرا:
أسأل الله ان يستر علينا ويستر بنات المسلمين في كل مكان.. وان يغفر لنا ذنوبنا ويهدينا..ويبعدنا عن عمل المحرمات..
رَوَى الْحَاكِمُ وَصَحَّحَهُ عَنِ ابْنِ عُمَرَ رَضِي اللهُ عَنْهُمَا قَالَ: "لَمْ يَكُنْ رَسُولُ اللهِ صَلى اللهُ عليهِ وسلَّم يَدَعُ هَؤُلاءِ الْكَلِمَاتِ حِينَ يُمْسِي وَحينَ يُصْبِحُ: "اللهُمَّ إِنِّي أَسْألُكَ الْعَافِيَةَ في دِينِي ودُنْيَايَ وَأَهْلِي وَمَالي، اللهُمَّ اسْتُرْ عَوْرَاتي وَآمِنْ رَوْعَاتي وَاحْفَظْنِي مِنْ بَيْنِ يَديَّ وَمِنْ خَلْفي وَعَنْ يَمِينِي وَعَنْ شِمَالي وَأعُوذُ بِعَظَمَتِكَ أَنْ أُغْتَالَ مِن تَحْتي".
الْعَافِيَةُ في الدِّينِ مَعْنَاهُ أَنْ يَكُونَ الْمَرءُ مَحْفُوظًا مِنَ الْوُقُوعَ في الْحَرَامِ مُؤَدِّيًا لِمَا أَوْجَبَ اللهُ عَلَيْهِ.
وَالرَّوْعُ بِالْفَتْحِ الْفَزَعُ. وَيُقَالُ في اللُّغَةِ اغْتَالَهُ إِذَا أَخَذَهُ مِنْ حَيْثُ لَمْ يَدْرِ.

اسأل الله ان يجعل هذا العمل هذا العمل خالصا لوجهه...وان ينتفع من ورائه القاارئ..
اسألكم بالله ان تدعولي بالمغفره والشفاء ..وان تكثروا من الدعاء لي ..واجو منكم ان تسامحوني على تقصيري..
واشكركم لمتابعة القصة ..