منقهره حدي ..

[مشكلتي]

منقهره حدي ..



سسلام عليكم ..
بغيت مساعدتكم ياعضوات ..والله منقهره على وضعي .
زوجي مااحس يقربني كثير يعنى كل انا الي اروح له واذا مارحت نضل على هالوضع بس انزل نفسي واروح وحتى لو كان بخاطره ينام معاي مايبين لي ولو قربني بسرعه يخلص وانا اضل ومرةوحده يجيني بالجنس ومن فترة لفترة وانا والله البس له واتعطر له ومايجي الا البيت نظيف والمكان مهيئ يعنى يكون موقفي محرج لم يجي من بره وانا كاشخه له ولبسه احلى لبس ومزينه المكان ويقهرني ويجلس عند التلفزيون او يروح ينام ولامرة سهرنا مثل باقي الازواج ليلة جمعه او غيره وكل اقوله انا مقصره يقول لا اجل ليه هالتعامل يقول خليني على رآحتي هو فيه السكر واحنا الحين صار لنا متزوجين سنه وشوي وعندي ولد وحتى الطلعه مانطلع ولايمسك ايدي اويضمني اسوي المستحيل عشان يجي من نفسه مستحيل واذا نامنا على السرير هو بجهه وانا بجهه واذا جيت يمه يقول بيطيح والله مافيني عيب والكل يمدحني وهو بعد يمدحني بس ليه يسوي كذا مدري نفسي مرة يجيني يمسك يدي او يضمني او يقولي تعالي نروح مطعم او نروح اي مكان لو بالشارع نمشي مافيه او احط راسي على رجوله او صدره ويحرك شعري نهائيا مايسوي كذا لازم انا اقول واتكلم وازعل ويتلفظ علي على اقل شي وانا انقهر وماني متعوده على هالاسلوب احب يدلعني وافتقده كثير من كل النواحي
وهذاغير الماده الي منقص علي فيها موب كل شي يعطيني وانا اكل واشرب مع اهله لان راتبه ضعيف والماده له دور بعد والله نفسيتي زفت من هالوضع المفروض اتعود بس مااقدر احبه وماابيه يغلط علي هو يحبني ويموت فيني بس تعامله مااطيقه هو اكبر مني 35وانا 22 ..
ابي حل ابي ارئكم ...

لـ حفظ الموضوع والإستفاده منه إستخدمى هذا الرابط :
منقهره حدي ..
http://forum.sedty.com/t406043.html

[مشكلتي]

وينكم ... ليه ماحد رد علي

[بسبوسه الطازج]

الله يعينك ويفرجها عليك والله كانك تتكلمين عني أنا نفسك واعظم والحين رحت لاهلي ابيه يحس فيني ويفقدني سوي مثلي اكثري من الاستغفار وبكل صلاه ادعي ربي انه يسخره لك ويهديه وانتي حاولي تفهمينه انك تحبينه ومحتاجته وتبين قربه ومن هالكلام بس بجو يكون رايق ومبسوط علشان يسمعك وان شالله ربي يفرجها عليك ويحطك بعيونه والفااال لي ان شالله

[بعثرة فكر .. !!]

عزيزتي ..

حآولي تكون المبادرهـ في الامور اللي تبغيها ..
يمكن هو جآهل بمثل هالامور ..
حاولي انتي تعلميه .. وبعدها هو راح يتعود ..
لاتحآولي تستلمي .. حاولي تغيريه .. مافي شي يصير بيوم آو شهر ..
يبغالك .. تنتظري فترهـ .. وان شاء الله يتغير معاك ..
ومشكلة الامور الماديه .. والعمر .. إنتي عارفتها من قبل الزواج ..
يعني المفروض يكون فيك رضاء من هالناحيه ..

..

أسسسسال الله أن يسخر لك زووووجك .. ويتغير للاحسن يارب
وتتحسن آموركم المـــآديه ..

موفقه يارب

: /

[مشكلتي]

آساليه اكيد فيه سبب معقوله منا والطريق بيسوي كذا

[mimikati]

حبيبتي انت قلتي ان عنده سكر فهل ممكن يكون هذا الموضوع مأثر؟؟؟
و اذا الرجال ما كان مية مية بهالموضوع ما ممكن يتصرف مع زوجته بشكل طبيعي
الله يسخروا لك و يسعدكم

[قطرات امل]

الله يصلح الحال بينكم ويهدي زوجك

[مشكلتي]

أختي إنتي ذكرتي الاجابه في كلامك وهي إن عنده السكر وانتي ما تعرفين كيف السكر عند الرجال يضعف الرغبه بشكل فظيع ويجد صعوبه في الانتصاب ( عذرا على الكلمه ) وكذلك السكر يخلي الانسان عصبي أسأل الله العظيم أن يشفيه ويكفيه وان يألف ما بين قلوبكم ويمتعكم بالصحه والعافيه وانصحيه بالحميه والرياضه وخصوصا الهروله أو المشي السريع يوميا لأنها تعيد الحيويه والنشاط للجسم وتنزل السكر كثير وتعدل المزاج
وآسف على الاطاله