أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > حياتك سيدتي > الحياة الزوجية



رومانسيتي تعدت الحدود 000 قمه الاحراج هئ هئ


جديد مواضيع الحياة الزوجية


إضافة رد

  • Facebook

  • Twitter

Sponsored Links
قديم 03-22-2011, 04:36 AM   رقم المشاركة : 1
:: سيدة مميـزه ::








icon52 رومانسيتي تعدت الحدود 000 قمه الاحراج هئ هئ

رومانسيتي تعدت الحدود 000 قمه الاحراج هئ هئ

هلا بكم عضوات وزائرات

بادخل بالموضوع طوالي
موقفي رومانسي بسيط بس محرج قوي قوي قوي

مره من المراررير كان عندنا ضيوف
ومن ضمنهم حماي وزوجته اللي هي سلفتي

طبعا عندك ضيوف راح تزيني وتحطي من شان الضيافه

وافق هاك اليوم ان ناقصنا اغراض
علمت زوجي وقال خلا ص اكتبي الاغراض وبعد صلاه الجمعه اجيبها
قلت


خذيت الورقه واكتب لطلبات

وانتهيت وحطيتها على المدخل

ورحت صليت ورحت ابدا في الغدا واجهز القهوه

واتذكر شي غرض ابيه عاد الحرمه واغراض مانخلص رحت الا اسمع زوجي ينزل من السلم يعنى مالحقت عليه ولا لقيت الورقه قلت يالله خلاص اللي طلبته يكفي

وجاء زوجي الله يحفظه
قال وين الورقه بسرعه

بلمت هنا

قلت له على المدخل انت ماخذها
مابعد جبت شئ اجل
قال مالقيت شي اصلا لاورقه ولاغيره

قلت 00 تمزح لا عاد

وانا يجيني ذاك الطارئ قلت اجل من اللي نزل من شوي اسمع صوت مشي على الدرج مو انت انا ابي الحق عليك اوصيك ماقدرت بوصيك على شئ ناسيته
قال مدري لا انا مابعد نزلت

قلت 00 لاه لا تقول اخوك خذا الورقه يافشيلتاه !!

قال 00 اي والله اكيد راح يجيب الاغراض وبيتكلف الحين الله يهديه

قلت 00 لالالا ياربيه اكيد اخذها ياربيه
شافني اول وللل ول ومتوهقه ليه خليته ياخذها والله فشله

استغرب زوجي قال وش فيك بعطيه حق اللي دفع انا بخليه يدفع

قلت00 ياخي الورقه تفشل تحرج

قال 00 ليه
قلت 00 الورقه فيها طلبااااااااااااااااااات طلباااااااااااااااات
قال وبعدين
قلت00 وحركاااااااااااااااااات
قال وش حركاته
قلت00 عاد لزوم الرومانسيه
يقطع ساعه الر ومانسيه

ياربيه ليه خليته ياخذهن
قال وش كاتبه
انا

وكنت كاتبه كلام يااااااااااي

شئ بيني وبين زوجي شفرات
والقاب خاصه فيه ههههههههه

ومن اللي كتبته هذا اللي يصلح يطلع على الملاء
حلى قهوه ياحلو انت ياجميل
لبن مثل قلبك الابيض
وسكر ياسكر حياتي
وتفاح ياتفاحه قلبي
وقعتها اخر شئ
هذى بوسه لاحلى زوج
والخ
00000
وكنت ناويه اطب واطب في بحر الرومانسيه قلت لا خلي الطبه للمره الثانيه هههه مستقعده الحرمه 0000
ونص ساعه
وجت الاغراض
جابها زوجي
وهو يقول 00الله يهديه تكلف
وجايب معه الورقه ويقراها وانا خلالالالالالالالالاص مت من الاحراج

والله كان اخو زوجي دخل علي وانا من دون عبايه من الفشله

كأنه قدامي مره اضحك مره احمر مره مستحيه مره ياربيه يتصور لي وهو يقراهن ويشتري ياااي تخيلو الموقف بسسس

وتنزل زوجته
على طول اعطيها السالفه
وماتت ضحك
قلت لها والله مو مقصوده بس زوجي تاخر والله توقعت زوجك طلع اصلا ولافكرت انه راح يشوفها

وزوجك ماقصر
قالت طيب وش كاتبه
قلت مستحييييييييييل اقولك
وحنا ميتين ضحك

وجا الليل وجتني قالت ياهو زوجي ميت ضحك واساله وش انك كاتبه بالورقه ورفض يعلمني
قال 00 لا تقولك هي
قلت اجل فى الاحلام يكفي زوجك قراها ولاقالها هههه
من جد موقف لااحسد عليه
جلست لي اسبوعين وانا اتخيل الموقف



بس تراهي مو المره الاولى تصير
لي 00000 عندها سوابق هههههههههههه
لاالمره اللي قبل مع اخوه وعزابي بعد

احيانا الرومانسيه تجي عكسيه
هاكم الموقف الثاتي
مره زوجي بيسافر لبرا مع اخوه
وانا استناه متى يجهزشنطته حتى اسوي له حركه الاوراق المكتوبه وكلها كلام ورومانسيات
شفته طلع راح يجيب اغراض واحط بها الاوراق واحط وكلام عادي وكلام جامد وموسعه صدري على الاخر
وعلبه حلاوى وكذا حركتاات وانا بخاطري اقول ياربي مايشوفهن لين يرووح

وسافر زوجي وانا حزينه لانه بيطول

ولما وصل كلمني

قلت ماقال شئ ولاش شكله ما انتبه

كلمني مره 2 وهو ميت ضحك

قلت وش فيك قال تسلم ايدك على هالحركات وهالحلى كل من جاء يتقهوى معي اعطيه منها
تصدقين

حركاتك وصلت حتى اخوي

قلت 00 وش دخل اخوك يعني كل من الحلوى

قال00 هههههه لالا
اخوي بيلبس بنطلونه ولقا ورقه سالني هي لك ويوم شفتها لينها منك هههههه
قلت هاااااه وشلون
قال كانت ملابسي مع ملابسه من شان الوزن
مايصير كثير
قلت 00 لا تقول صار الورق بجيبه هو
قال اييييييييييييه
يعني اكييييد قراها بس وش كاتبه مدري والله كل ورقه لها وزن بالرومانسيه
وفطسنا ضحك
المشكله اخوه عزابي ولا له نيه للزواج حتى من بعد ماشاف هالورقه
هههههههه

مدري جته رده فعل عكسيه هههههههه


وبس حبيباتي
هالموقفين كل ماتذكرهم انحرج مرررررررررررتن مرررررررره





وهذا موقف اشنع وافضع بس وربي مو لي

سامعته هذى وحده متزوجه من واحد له تؤام يشبهه مرتتتن مره
هنا صراحه مصيبه لازم تحط على زوجها علامه حتى تعرفه
هههههههههههه

المهم جالسه تساعد زوجها وهو يشيك على اللمبات والكهرباء

وتناوله بعض الاغراض وهو طالع على السلم

راحت شوي ورجعت

ومعهها غرض بتناوله لزوجها وهو طالع على السلم

قالت خليني اطلع رومانسيه
وتبدا تقبصه برجوله واصابعه وتحرده وهي تضحك

والرجال يصيح فيها وهو ماسك شفايفه ويحرك رجليه

مو اهو مو اهو اخوه اخوه
ههههههههههههههه

اهي انهبلت
وماتت احراج

طبعا تركت كل شئ وهجت

ا
يالله اشوف تعليقاتكم ومواقفكم الحلوه
ولا يكون موضوعي مع المكرر فانحرم الردود يااحلى مشرفات 000000 تتمصلح
لانه صراحه شخصي وحصري

ودمتم بود ورومانسيه لاتتعدى الحدود خخخخ
لـ حفظ الموضوع والإستفاده منه إستخدمى هذا الرابط :
رومانسيتي تعدت الحدود 000 قمه الاحراج هئ هئ
http://forum.sedty.com/t408093.html



التعديل الأخير تم بواسطة مشتااقه يا يوه ; 03-22-2011 الساعة 04:57 AM.
رد مع اقتباس

Sponsored Links



قديم 03-22-2011, 04:46 AM   رقم المشاركة : 2
:: سيدة جـديـدة ::








افتراضي رد: رومانسيتي تعدت الحدود 000 قمه الاحراج هئ هئ


هههههههههههههههههههههههههههههههه ~

الله يسعـدكـ مرآ ضحكتينـي وربي موآقف مرررا محرجــه ..

هيآ مرآ تآنيـــه أنتبهــي لا يصير شي ولا شي خخخخخخخخخ

تقبلي مروري يآ أم الرومآنسيآت ههههه ..

سيــده رآقيــه }~


قديم 03-22-2011, 04:58 AM   رقم المشاركة : 3
:: سيدة مميـزه ::








افتراضي رد: رومانسيتي تعدت الحدود 000 قمه الاحراج هئ هئ


اقتباس:
المشاركة الأصلية كتبت بواسطة سيدة رآقيه مشاهدة المشاركة
هههههههههههههههههههههههههههههههه ~

الله يسعـدكـ مرآ ضحكتينـي وربي موآقف مرررا محرجــه ..

هيآ مرآ تآنيـــه أنتبهــي لا يصير شي ولا شي خخخخخخخخخ

تقبلي مروري يآ أم الرومآنسيآت ههههه ..

سيــده رآقيــه }~
حياك الله والله يسعدك على مرورك وعساك انبسطتي
وطيب طيب تضحكي علي ترا بيصير لك
ههههههههه شرفتي ونورتي

قديم 03-22-2011, 09:41 AM   رقم المشاركة : 4
:: سيدة نشيطـة ::








افتراضي رد: رومانسيتي تعدت الحدود 000 قمه الاحراج هئ هئ


هههههههههه فشاااااااايل والله لو انا مدري ايش بيصير فيني
وبعدين انت فاضحة زوجك عند اخوانه مرررة ههههههههه
عموما الله يسعدك مع زوجك ويغرقك دلع رومنسيات يارب
ضحكتيني مررررتن مررررررة

قديم 03-22-2011, 07:42 PM   رقم المشاركة : 5
:: سيدة مميـزه ::








افتراضي رد: رومانسيتي تعدت الحدود 000 قمه الاحراج هئ هئ


اقتباس:
المشاركة الأصلية كتبت بواسطة mona asl مشاهدة المشاركة
هههههههههه فشاااااااايل والله لو انا مدري ايش بيصير فيني
وبعدين انت فاضحة زوجك عند اخوانه مرررة ههههههههه
عموما الله يسعدك مع زوجك ويغرقك دلع رومنسيات يارب
ضحكتيني مررررتن مررررررة
هلا بك
وشرفني مرورك
وسعدت اني ضحكتك مررررررتن مررره
فاضحته كيفي زوجي وحده ترقع
بعدين هذي دروس عمليه لهم يحمدون ربهم اني اعلمهم من دون مقابل
خخخخخخخ
امين حبيبتي واياك بس خاف ذا الغرق يموتنا ههههه

قديم 03-22-2011, 08:09 PM   رقم المشاركة : 6
:: VIP ::








icon21 رد: رومانسيتي تعدت الحدود 000 قمه الاحراج هئ هئ


الله يسعدك انتي ورومانسيتك
ويستر من القاد م هههههههههه
حتى انا صاري موقف بسبب الرومانسيه
بس غير صالح للنشر بعدها بطلت كتابه يعني رومانسيه بدون اوراق رسميه

قديم 03-22-2011, 08:37 PM   رقم المشاركة : 7
:: سيدة نشيطـة ::








افتراضي رد: رومانسيتي تعدت الحدود 000 قمه الاحراج هئ هئ


هههههههههههههههه
من جد مواقف محرجه
تسلمي حياتو

قديم 03-22-2011, 10:49 PM   رقم المشاركة : 8
:: سيدة جـديـدة ::









افتراضي رد: رومانسيتي تعدت الحدود 000 قمه الاحراج هئ هئ


ههههه مواقفك مرررره محرجه انا مره كنت سهره عند اهل زوجي في رمضان وهو كان تعبان فقال بينام في المجلس لين الساعه وحده ونروح بيتنا المهم هو نومه ثقيل واخته طفشت وهي تصحيه فقالت لي روحي صاحيه قلت اخاف احد يجي وانا عنده قالت لا اخواني بيجون ع السحور ,,,, عاد انا استانست وطرت عنده وكان المجلس والمدخل كلها مظلمه وانا اجي انادي زوجي ,,بدلع واقول حبيبي قوم ومافي كلمه ماقلتها وانا واقفه عند الباب لانه ظلام و اخر شي قلت قوووم ترا بصحيك بطريقتي المهم زوجي باقي نااايم وادخل وانادي بيبي واصطدم في الطاوله عاد انا عصبت من الظلام ورحت اشغل النور,,واتخيلوو كان اخو زوجي في الزاويه وانا واقفه مصدومه ماقدرت اتحرك وهو يحط الغتره على وجهه ,,, بعدين قلت ياويلي ويله واطفي النور واااهج,,, لا وزوجي بعد نااايم ولا حس بشي ,,يوم صحي اخوه مسكه تعليق ,,احرج قسم بالله واحط حررتي في اخت زوجي مسكينه ههههههه وهي تحلف انه ماكان فيه والانوار كانت شغاله,,,,وكلما تدكرت الكلام اللي قلته احس اني ببكي من الاحرااج وشكلي قدامه ولبسي ولا هو استح تغطا وانا واقفه,,, يووووه


برنامج تكسير الدهون وازالة السيلوليت بدون عمليات 6 جلسة 1200 ريال 0112499111_0554171121 اتصلى بنا
تجديد نضاره البشره ..التخلص من اثار حب الشباب واثار الجروح والحروق بجهاز الفراكشنال ليزر العجيب .. اتصلي بنا الرياض 0112499111 _0554171121

إضافة رد



رومانسيتي تعدت الحدود 000 قمه الاحراج هئ هئ

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
قمة الاحراج في قصر الافراح شمس الحياء القصة القصيرة 9 02-06-2014 10:27 AM
منتجات لتسمين الخدود - لنفخ الخدود - تسمين الخدود وردة الأسلام صالون العنايه بالبشره 0 03-14-2011 05:23 PM
آسفه على الاحراج المتفـــــائله افتحي قلبك 10 08-09-2010 06:08 PM
مواهب وهوايااااااااااات تعدت الحدود حلوة بكيفي قسم الاشغال اليدويه 33 07-30-2010 01:57 AM
قمة الاحراج فى قصر افراح.... «®°·.¸.•°° جوريه الهدا °°·.¸.•°®» القصة القصيرة 20 10-13-2009 03:58 PM




Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل تابع لشركة اد ان توب وليس له علاقه بأي جهة أخرى