صبايا تجاربكم برياضه المشي ..

[شقرا تبوك]

صبايا تجاربكم برياضه المشي ..



السلام عليكم بدوووون مقدمات

وربي سويت كل شي ونزلت بس كيلووو

ولي اسبوعين باديه برجيم الماء بس مو الرجيم كامل لاني ما اقدر

بس اشرب ماء11كوب تقريبا

ولااكل بس تخفيف

ومع اني ما احب المشي بس مدري وش صارلي ولله الحمد فجأه حبيته ومن يومين امشي من نص ساعه لساعه تقريبا

عشان كذا بالله عليكم قولولي تجاربكم برياضه المشي

كم ساعه

وبكم شهر او اسبوع نقصتو عليها

ومشكووووووووورين


انتظر تجاربكم

لـ حفظ الموضوع والإستفاده منه إستخدمى هذا الرابط :
صبايا تجاربكم برياضه المشي ..
http://forum.sedty.com/t414550.html

[اغلى الغاليات]

امممممممم انا استمريت شهر مع رجيم نقصت 9 كيلو والمشي ربع لنص ساعه
بس حلو في شد الجسم
تحياتي

[شقرا تبوك]

المشكله مقدر اسوي رجيم

بس اخفف وامشي ساعه كامله ويومين بالاسبوع انط حبل 300مره تقريبا

واشرب كوبين شاهي ابيض باليوم

تكفي عشان ينزل وزني بشهر ولالا

[شقرا تبوك]

معقوله ماعندكم تجارب بالمشي

[queen.777]

المشي مرة حلوة خصوصاً لما يكون بحذاء مناسب

طريقة المشي هي اللي تحكم لك .. مو دايم المشي يكون لأنقاص الوزن مثل مو كلنا نظن

احيان لزيادة الوزن لا تتفاجؤن ...!!

المشي البطيء يقوي العضلات ويزيد من حجمها بالتالي يزيد الوزن .. لكن بطريقة صحية

لكن المشي السريع بخطوات شبه كبيرة ترفع من معدل حرق الدهون حول العضلات وتزيد من تدفق الدم

للعضلات وبالتالي زيادة نقصان الوزن وتغذية البشرة وتتورد وتصبح اجمل .. من تجربة شخصية

المشي السريع بيشد الجسم ويجمل البشرة بقوة ..

موفقة يالغلا

[شقرا تبوك]

انا تقريبا مشيي متوسط مو مره سريع ولابطيئ خايفه يكون يزيد وزني وربي اموت

كل هالتعب وربي مانزلت الا كيلو لي شهر مو نازله الا كيلو

بس ممكن تقوليلي تجربتك يعني سرعتك كيف لما نحفتي عليها؟؟



وبكم شهر وكم كيلو؟؟


وكيف نضامك الغذائي مسويه رجيم ولا لا ؟؟

وكيف لاحظتي انك نحفتي بالقياس ولا الميزان؟؟

معليش اتحملي اسألتي بس وش اسوي ابي احد يشجعني الكل قاعد يحبطني ويقولون وزنك كبير مستحيل تنحفين من المشي

[طيبتي هي علتي]

بالنسبه لي المشي ساعدني كثير مع الريجيم والتمارين طبعا كنت امشي ساعة بين ركض ومشي سريع لحد ماادمنت المشي ع سير وكمان الدرج حلو كثييييير يشد الجسم بس انزلي بهدوء واطلعي بخطوات سريعه مع سبورت مريحه اكيد هذا افضل شي حتى ماتسببي اي شي لعضلاتك وموفقه يالغلا،،، اتمنى اكون افدتك...

[queen.777]

المشاركة الأصلية كتبت بواسطة شقرا تبوك

انا تقريبا مشيي متوسط مو مره سريع ولابطيئ خايفه يكون يزيد وزني وربي اموت

كل هالتعب وربي مانزلت الا كيلو لي شهر مو نازله الا كيلو

بس ممكن تقوليلي تجربتك يعني سرعتك كيف لما نحفتي عليها؟؟

سرعة عالية نسبياً يعني هرولة لكني فيه اوقات اخففها لمشي سريع الوتيرة بس بشكل منتظم ..



وبكم شهر وكم كيلو؟؟

بالإسبوع على حسب نظامي الغذائي ونفسيتي انقص من 2إلى 4 كيلو
بس هذا مو مقياس حبيبتي لا تقارنين نفسك وصحتك فيني خصوصاً أنا وحدة مطلعة ومجمعة معلومات كافية عن هذا الموضوع

وكيف نضامك الغذائي مسويه رجيم ولا لا ؟؟

عادي ويمكن مع المشي انفتحت شهيتي للأكل اكثر بالبداية كانت على الشوكولاته
بعدها على المعكرونة والباشميل ... بس كنت انزل

وكيف لاحظتي انك نحفتي بالقياس ولا الميزان؟؟

الميزان وعيون الناس اكثر ..

معليش اتحملي اسألتي بس وش اسوي ابي احد يشجعني الكل قاعد يحبطني ويقولون وزنك كبير مستحيل تنحفين من المشي

الا ممكن بس يكون بطريقة صحيحة

اذا حابة اي استفسار راح اقوله لك من عيوني

ابشرك بعد اذا كان وزنك فوق المية راح تنقصين اكثر من 2/4 كيلو بالأسبوع يمكن تنقصين 6 كيلو لأن الخسارة تكون 6% من وزنك .. والأجمل انك تنقصين من الدهون مو من العضلات وتزدين حجم العضلة وهذا مهم جداً في عملية الحرق ..

وهدم وبناء الخلايا (الأيض ) يحتاج ان حنا نهتم بصحتنا اكثر راح تحسين بطاقة كبيرة مع المشي وتنسين جزء كبير من همومك .. باذن الله

أن شاء الله اكون افدتك يالغلا