افضل روضه فالمدينه المنوره

[quuuen]

رد: افضل روضه فالمدينه المنوره



بخصوص الروضات في العزيزية والفيصلية بحكم قربها من العزيزية
عندي خلفية عنها كلها وراح اذكرها لكم من واقع تجربة

الاولى ( اكاديمية الطفولة ) تدريسها حلو وقوي لكن عيبهم مقلين في الانشطة والحاسب

الثانية ( طيبة الطيبة) بالفيصلية تدريسها حلو وفيها انشطة يعني يمكن نسميها نموذجية لكن في التدريس اكاديمية الطفولة اقوى يعني الطفل يتأسس بالدراسة اقوى من طيبة

الثالثة ( اطفال حي العزيزية) ما يستفيد منها الطفل اي شيء اشبه بمدرسة

الرابعة ( ملتقى الطفل الواعي ) بالفيصلية روضة سيئة وتعاملهم مع الطفل كمان سيء وتقريبا نظامها نظام مناهج مو نظام روضة واهم شي النظافة مهملة لدرجة انهم يستعملون المبيد الحشري في وجوط الاطفال في الروضة

الخامسة( مستقبل الطفل النموذجية ) الي تسأل عنهاالاخت والي مع الاسف درس فيها ولدي

النموذجية بوادي وهم بوادي ثاني ما في اي كلام يوصف سوء هذه الروضة تفتقر الى النظافة وكل مرة ادخلها تكون فيها ريحة بويات ودهانات ولا يوجد عندهم عاملة نظافة تتابع الاولاد لما يدخلون الحمام مع العلم ام الاطفال يحتاجون في هذه المرحلة العمرية الي يتابعهم في الحمام وحتى بعد خروج الاطفال من الحمامات لا يوجد احد ينظفها

اما المديرة فهي قصة اخرى قبل التسسجيل ودفع الفلوس يا زين كلامها تمدح الروضة وتوصلها السما وغير الكلام عن البرامج والي حيدرسه الولد وبمجرد ما تدفعين الفلوس فا في اي شي من الكلام الي تقوله ويا ليت على كذا يتغير اسلوبها ولما اسئلها عن البرامج وان الولد ما درس شي تقول لا درس وتكذبني وتكذب الولد غير تعامل المعلمات السيئ مع الولد وانواع العقاب للاطفال تخيلوا ان الطفل يمنع من استخدام اجهزة الحاسب ويعاقب بعزله في ركن عن اصحابه طول حصة الحاسب ( تخيلوا طفل روضة يعاقب هذا العقاب)
ولدي اسبوع ما رضي يروح الروضة وبس يبكي وغير كذا لما اروح لهم اقولهم على هذي التصرفات الاقي اخلاق زي الزفت من المديرة وتدافع عن المدرسات من غير ما تستفسر عن الموضوع او حتى تسأل المعلمات ولما اكلم المعلمة تخيلوا انها تتبلى على الولد لدرجة ان الولد استغرب من الاتهامات الي قالتها المعلمة عنه يعني باختصار تجربة تعيسة الى درجة اني فكرت اجلسه بالبيت في نص الترم لولا خوفي على نفسية الولد وغير كذا شخصية الولد تأثرت كثير بعد هذي الروضة ما اتمنى احد يمر بهذه التجربة عشان كذا كتبتلكم تجربتي المريرة معهم.


اما

السادسة (ما اعرف اسمها لكنها تعليم منتسوري)
والسابعة ( الروضة القرأنية بالفيصلية)

ما اعرف عنهم شي.

[انا لزوجي وزوجي لي]

روضة الريان الاهليه مع الباص كمان ،اتمنى افداك غزيزتي ،،

[نسمات مطر]

أختي اللي سألت عن روضة مستقبل الطفل ...بصراااحة أعجز وأنا أقول رااائعة ...ولو حبيتي إسألي عنها مكتب الإشراف التربوي في المدينة قسم رياض الأطفال ..

أنا كنت مثلك محتارة ...وسبحان الله كنت في جمعة كبيرة وكانوا معانا مشرفات (موجهات ) هم اللي شجعوني ورحت على تزكية منهم ..

ناس عندهم أمانة وضمير ...والله العظيم ولدي خرج منها بجزء كبير من القرآن والأذكار غير صار يكتب جمل مو بس كلمات ...معلماتها جميعهم تربويات متخصصات وبصراحة رائعات وتعاملهم راااقي جدا ...

يشهد علي الله لا دعاية ولا شيء بس إستفدت وحبيت لكم الإستفادة ...حتى كثييير أساتذة ودكاترة من جامعة طيبة مدخلين أولادهم فيها ...

واللي تكلمت قبلي ...أقولها إتقي الله في نفسك ورب كلمة أودت بصاحبها في النار سبعين خريفا ...وإنت تشهدي الآن وظلمتيهم فعلا ...بالذات النظااافة والله دورات المياة أكرمكم الله تلمممع وباااين التعب فيها ...أصلا المبنى جديييد دوبه متشطب وتعرفوا كيف مستوى المباني الجديدة

حتى صاحباتي على مدحي ولله الحمد دخلوا بناتهم وكثييير مبسوطين ...

وكان حفلهم النهائي أكثر من رائع ....

وهذا رقمهم 8321999

الله يجزاهم عنا خير الجزاااء
رسومهم 2000 للترم الواحد والباص 800 وبصراحة على مستواهم قليييلة في حقهم

ترى أنا جربت الريان وطيبة فرررق شاااسع

والله يوفق الجميع

[quuuen]

ولدي درس عندهم ماشفت ربع من الي تقوليه وكيف زكوها وهي هاذي السنه اول سنه لها ماحد مجربها
بالنسبه للنظافه هذا كلام الولد مسكين مايروح الحمام الابالبيت والايعملها على نفسه اقوله ليه ماتروح الحمام بالروضه يقول ياماما كل الحمامات وسخه
وبالنسبه للحفل من كثر ماهو رائع مالقيتلي مكان الناس محشوره على بعض وبالاخر طلعولي كرسي جلست نص جلسه رجلي مالها مكان عجزوا يسونه بااستراحه اقل شي دام ماعندهم مكان موقصر زي اكاديمية الطفوله واش تقولي على حفل طيبه اذا هذا رائع اجل طيبه خيالي ولما اتكلم عن طيبه من تجربه كمان
اكيد انتي من منسوبات الروضه والابتسوي لها دعايه والامن الامهات الي مااتابع ولدهاانا لازم اشوف كل شي بعيني لان ولدي مره دقيق ينتبه لكل شي مايسكت على شي غلط انا معودته
ذكرت تجربتي علشان ما تتكرر مع احد ان شاءالله وعلشان يعدلون من اخطائهم
وبالنسه لروضة طيبه اصلا مافي اي مقارنه بينهم

[نسمات مطر]

يشهد علي الله ماني من منسوباتها ولا لي فيهم بس شهادة حق تذكر
اللي حصل بالحفل كانت الدعوة زي ماشفنا شخصية واتصلت كم مرة اترجى فيهم باخذ اختي معي وشرحوا ظروفهم وان عدد الاطفال ماشاء الله كبير ويادوب للأمهات
واحترمت وجهة نظرهم
صار الاغلب جايين ومو مخلين على قلبهم اللي جايبة اثنين واللي ثلاثة معاها
وبالنسبة لحفلات بقصور ترى ممنوعة من التوجية واللي يسووها تكون بالدس وغير نظامية
لكن أنا قلت لك لو مو مصدقة اتصلي بنفسك واسألي عنها في الاشراف والله الذي لا إله الا هو ان التزكية وصلتني من موجهات واللي فاجئهم بمستواها انها مثل ماتكرمتي اول سنة
بس مااقول الا الله يعين الناس عالناس ممكن ولدك قدراته تختلف عن اللي أعرفهم أقولك ماشاء الله ولدي وبنات صاحباتي خرجوا بمستوى فوق الرائع وعلى فكرة وحدة من صاحباتي من الأمهات المكرمات بالحفل كونهم مثاليات
والله يسعد مديرتهم ومعلماتها من جد اوادم وأخلاق عالعموم الله يوفق الجميع ويصلح لك ولدك ويكون من الصالحين المصلحين بس أقولك سعياً في صلاحة لاتتهمي احد وفتشي عن الخلل
والله كان فيه ولد جنن الاطفال ومنهم بنت صاحبتي ولما تتواصل مع المعلمة تشتكي منه تقولها ماتشوفي امه حاطته ملااااك رغم ياحراااام على كلام المعلمة يجي وجهه خرايط من البيت من اخوه الصغير كلهم اللهم لاتبتلينا نفس الطينة الله يعين امهم رغم انها فرحااانة فيهم أقولك الفاظ تربية عددددم لدرجة يبصق عالمعلمات ؟؟
وشكلك مرررة ماتعرفي بالعقابات لهالعمر كونك انتقدتي كرسي العقاب وقلتي كيف عقاب لطفل بهذا السن ؟؟
أبحثي عن كرسي العقاب وشوفي الردود

[نسمات مطر]

بالنسبه للنظافه هذا كلام الولد مسكين مايروح الحمام الابالبيت والايعملها على نفسه اقوله ليه ماتروح الحمام بالروضه يقول ياماما كل الحمامات وسخه


أكيد يدور على مخرج مسكين يستحي يقولك تبولت نسيت نفسي والتهيت باللعب بس ياريت رحتي وشفتي بعينك قسم بالله الحمامات تلممممع من النظافة وهذا اللي ريحني وانا كل شوي ناااطة بوشهم وافاجئهم بس ربي يشهد ماشفت منهم قصور

[ليله قمرها انتي]

اخواتي نسمات مطر \انا لزوجي وزوجي لي \quuuen
مشكورين على اضافتكم وتجربتكم
اسعدني مروركم

[quuuen]

عالعموم انا قلت تجربتي والي يرضي ضميري قدام ربي ماظلمتهم بحرف واحد وربي شاهد على كلامي
فعلا كلامك غريب
بعدين اش علاقة ولد الناس بالموضوع واخوه وكمان عدم امانه على اطفال الناس يتكلمون عليهم حتى ولدي في بنت مطفشطته وكل يوم يجيني يشتكي لكن اعتقد انه سلوك طبيعي من اطفال بالروضه لكن ماعرف ليش خصصت المعلمه طفل بعينه وتكلمت عليه رغم انو ابد مو من حقها تتكلم على طفل وسلوكه غير لامه لا وكمان المعلمه جايبه امه واخوه بعد تتكلم على كل العائله اش التفكير المتخلف ذا هذا كله عشانه على قولها طفل شقي لكن فعلا لا تعليق هذا بحد ذاته دليل على سلوك هاذي الروضه الي فعلا السكوت عنه ابلغ
بنتي درست بطيبه الطيبه فعلا فرق السماء عن الارض نموذجيه بمعنى الكلمه لكن انا ساكنه بالعزيزيه علشان كذا استبعدت المشوار وسجلت ولدي عندهم للاااااااااااااااسف الشديد يمكن انتي ماجربتي غيرهم (في حال اسبعاد ان لك علاقة بالروضة او صلة قرابة او صحبة مع صاحبة الروضة ) استفيدي المره الجايه من تجربتي
وبالنسبه للحمام الطبيعي انو الطفل بهذا العمر على طبيعته مايكذب وانتي تقولي يدور مخرج
والله يوفق الكل بتجارب حلوه ويبعد عنهم الاذى يارب