اخوات زوجي ولبسهم

[مشكلتي]

اخوات زوجي ولبسهم



السلام عليكم ورحمة الله وبركاته
انا متزوجه من سنتين وعندي ولد ولله الحمد ومشكلتي في اخوات زوجي اللي هم بنات عمي انا وهم علاقتنا كويسه من قبل الزواج واعرفهم ويعرفوني زين
مره رحنا نزور اهله ولما سلمت تفاجئت بأخته ع 18 لابسه بنطون جنز ضيق ع الجسم وبلوزه ضيقه وقصيره انا تعجبت ولا اخفيكم اني ولعت
وبعدها بكم يوم كنا نتكلم انا واخته هذي عن العبايات وقالت انا تركت عباية الراس لاني وانا لابستها احس كاني بقره قلت لا ياحبيبتي انا مايهمني الرجال اللي بالسوق جعلهم يشوفوني جميع الحيوانات انا اهم شي عندي ربي وقعدت تناقشني وترفع صوتها قلت خلاص قفلي ع الموضوع اصلا من بعد ما شفتك لابسه البنطلون عند ابوك واخوانك وانا غاسله ايدي منك قعدت تبرر انها سلمت وما جلست وانها لبسته عشان صديقتها بتجيها ومو فاضيه تبدل عشان تسلم
المهم السالفه وما فيها انها ومن بعد كلامي صارت اذا جيت ازورهم تلبس البنطلون هي و اختها اللي كبري وبنطلون ضيق وقدام اخوهم ويجلسون بطريقه مو كويسه للبنات حتى وهم عند البنات اللي زيهم وانا اعرفهم ما يعرفون شي اسمه بنطلون واللحين اذا بنجيهم ما يلبسون الا بنطلون مع العلم اني اذا جيتهم البس تنوره وانا ما كنت مفكره بالموضوع مره وكنت اصلا اضحك انهم يبون يغيضوني بلبسهم بس اللي خلاني افكر اطرح الموضوع هينا لان قبل كم يوم زوجي قال لي شفتي اختي فلانه كيف ناحفه طلع احلى قلت ترا مو زين تشوف اختك وهي بهالبس قال انا ما انتبه للبسها انا اقصد وجهها وانا اعرف زوجي ما يحب الوجه النحيف يحب الخدود كيف يقول احلى ولما اقوله كلم امك تقول لهم باسلوب ان اللبس هذا مايلبسونه عندك ولاعند محارمهم قال انا اشوفه لبس عادي قلت يعني مو حرام قال لا وش اللي جابه حرام وانا اعرفهم مفكرين انه تطور
انتم وش رايكم من الغلطان واذا شايفين ان الحق معاي كيف اقنعه يكلم امه ويقول لا يلبسون هاللبس عند الرجال والله انهم تغيرو
للمعلوميه عنده اختين اكبر منهم بس ما يلبسون كيذا الكبيره اكبر مني ب9 سنوات واللي بعدها اصغر منها بسنه والثنتين الصغيرات اللي اعنيهم بهالقصه وحده كبري والثانيه اصغر مني بسنتين وكلهم مو متزوجات
اسفه ع الأطاله وكلامي اللي مو منظم اتمنى من الأداره ماتحذف الموضوع

لـ حفظ الموضوع والإستفاده منه إستخدمى هذا الرابط :
اخوات زوجي ولبسهم
http://forum.sedty.com/t444203.html

[عشقي عيونكـ]

هما باين ان المسئله مسئلة كياااااااااااد

لكن انتي طنشيهم وماعليك منهم واحقريهم واضحكي ولاتبيني لهم انك زعلانه او متغايضه

بس كلمهم بادب خذيهم قولي لهم ان هذا حرام وهذا ماينفع وخصوصا قدام زوجي اللي هو اخوكم

بتفاهم تعالي لهااا

[لمسه اميره]

والله ماهي صغيره عشان تقولين لها
ابدا ماشالله على هالتوالي كل شي يعرفونه
خليها على هواها

[pakiza]

السلام عليكم ورحمة الله وبركاته
ياعزيزتي البنات مو صغار ماشاء الله عليهم
وعندهم ام واخ مسؤول عنهم ومدري اذا كان ابوهم عايش او لا مو مهم ولكن الاهم من هذا كله انك نصحتيهم
طيب وين المشكله؟؟
يلبسوا بناطيل ضيقه او واسعه هذا مو شأنك ولا مشكلتك
هم ادرى بحالهم واللي يناسبهم
حرام او حلال هذا الشيء راجع لهم وخصوصا انك نصحتيهم
ليش تجيبون وجع الراس لبيوتكم؟
يعني هي خلصت المشاكل مابقى الا اخت الزوج ولبسها؟
اذا كان عاجبك شكلهم البسي لزوجك مثلهم ونحفي نفسك عشان تعجبي زوجك لان باين انه يحب النحيفه
واهتمي عزيزتي بنفسك وبيتك واجعليهم اكبر اهتماماتك واتركي الخلق للخالق ربي يهديك
ولاتدخلين معاهم بنقاشات تجيبلك وجع الراس مره ثانيه
لان باين انهم يشوفون كلامك ونصحك ثقيل على مسامعهم
لاتقنعيهم ولا يقنعوك وكل واحد حر ببيته

ربي يسعدك ويهنيك

تحياتييييييييييييي

[انتامول]

خلص حبيبتي طنشيهم ولا تجيبي سيرة البنطلون قدامهم مرة تانية دام انك نصحتيهم لان الشغلة باينة كيد وزوجك لا تضلي تحكي عن الموضوع قدامه او تناقشيه فيه بيفتكر شي تاني انك غيرانة او اي شي تاني لمحيله تلميحات خفيفة بدون ما تجيبي سيرة خواته
لان كثر التدخل بيجيب المشاكل ادعيلهم ان الله يهديهم ويستر عليهم

[D L O 3 T K]

والله يياختي انا اشوف انهم احرار

لا تدخلي انتي بيقولو محروق قلبها لانها ماتقدر تلبس كذا

وتبي تسوي مطوعه علينا وتسوي حساسيه بينكم خاصه ان كلمتي امهم بيكرهوكِ

لانك تدخلتي بشي مايخصك معليش انتي ماتغصبيهم ولاتمشيهم على رأيك

انتي نصحتي وسويتي الي عليكي

ماله داعي المشاكل الي راح تسويها اذا كلمتي امه

ثاني شي زوجك الظاهر يحب البناطيل يااختي البسيله بدل مايطل في خواته

يطل فيكي احسن وانا مااقول قدام احد اقصد ببيتكم مافي احد انتي وهو بس البسي مافيها شي

بقولك شي لانك زي اختي لاتدخلي بذا الشي نصيحه مني لوجه لله

لاني لو انا وحده منهم وتلقفتي بشي مايخصك ورحتي كلمتي امي وامي منعتني

بعدها برهك كره مو طبيعي وتحملي مايجيكِ عاد خخخخخ

نصيحه بس

[موطن الأزهار]

مرحبا

عادي ياقلبو..لايضيق صدرك !>>>مو قصدي عادي بلبسهم !>>لا..أنا قصدي..ياما راح تشوفين من هالمناظر وأشنع !

أنتي لامنك أرضيتي ربي..خلاص..الباقي ربي حسيبه

وماراح يطلع بيدك شي..وأمهم وأبوهم يشوفون وساكتين !

وانتي وانا اختك فكيها شوي..>>يعني إلبسي بناطيل معقولة..لا ضيقة ولا واسعة + بلايز أو قُمصان طويلة لين الركبة تقريباً

وبكذا..تكوني جاريتيهم>>لكن أنتي الأستر والأحلى والأكثر أُنُوثة ، وسويتي غشاوة على عيون زوجك

موفقة ياعسل .

[بريق الماء]

حبيبتي انتي اصلا بطريقتك ذي راح تلفتي نظر زوجك ويصير يتابع ملابس اخواته لو سكتي كان احسن وكان مشي الموضوع عادي الحين علمتي الكل وراح يرفعون ضغطك ويستفزونك
زوجك كان عايش معهم وهو ادرى اكثر منك باخواته ولو كانو بيتغيرون الحين عشان عارفين انه يرفع ضغطك ماراح يتغيرون طنشي ياعسل ولا تحطي في بالك هذي الامور البسي لزوجك ولا تهتمي في غيرك ولا تسببي المشاكل لانه ماراح يتضرر بالاخر الا انتي اخواته وما يقدر يغيرهم لكن انتي ممكن يغيرك وكثر الزن راح يجيب المشاكل لكي وتكرهي اهل زوجك فيكي وانتي نصحتي وهم ذنبهم على نفسهم