اللي تعرف تدخل ربي ينولكم اللي فبالكم

[*سنووايت*]

بسم الله الرحمن الرحيم
انا عندي مشكلتين متعبيني مره00اتمنى اشفى منهم علشان احمل واجيب لزوجي اطفال اصله يمووووت فيهم وكل ماشفته مع اولا اخوانه يلعب معهم ويبوسهم يحترق قلبي عليه لكن مابيدي حيله
عالجت كثير لكن مافاد عندي هرمون الحليب مرتفع وتكيس على المبيض وكل واحد متعبني اكثر من الثاني اذا يااخواتي تعرفون فالرياض دكتورة نساء وولاده ممتازه ياليت تردون علي انا محتاجه لكم بعد الله سبحانه وتعالى00
اسفه اطلت عليكم لكن انا بخليكم تحسون بمشكلتي والله اني اكتب لكم وخانقتني العبره من الهم00
ارجوكم عطوني وصف لمستشفى اذكرو لي اسم دكتوره شاطره فيه ولكم مني اني ادعي لكم في ساعات الاجابه
وابغى استفسر عن الدكتوره شاهده عراقيه في مستشفى رعاية الرياض هل هي شاطره؟؟

 

 

[رنيم الغربة]

بسم الله الرحمن الرحيم
اختي سنو وايت..عادة ارتفاع هرمون الحليب يؤدي الى حدوث تكيس ولكن هذا التكيس يزول بأذن الله بمجرد عودة هرمون الحليب لوضعه الطبيعي
اختي..
انا مش من السعودية وان شاء الله الاخوات في السعودية بيساعدوكي بس حبيت اقولك انه لازم تكوني اقوى من هيك وتلتزمي بالعلاج لأنه ما بيتم بين يوم وليلة
الله يشفيكي يارب وان شاء الله بتحملي وبتفرحي انتي وزوجك
بس ما خبرتينا كم سنة الك متزوجة وشو نوع العلاج اللي اخدتيه وكم مدة العلاج؟

 

 

[*سنووايت*]

مرحبا ام عيسى00
انا لي سنتين متزوجه حصل حمل مره بسصار فيه اجهاض وبعدها ماحملت الدواء اللي استخدمته مااتذكر اسمه بس علبته قزاز لونها بني وهي حبوب صغيره اخذها تدريجيا لان مفعولها قوي تسبب خقان وصداع كتمه واضطرابات كثيره فكنت اخذها بالبدايه نص حبه وسط الاكل ومع الوقت ازيد الجرعه قالت لي الدكتور استخدميها شهر وانا استخدمتها شهرين ومافاد بلعكس من شدة تاثير الدواء علي جتني انيميا وتدهورت صحتي000
ومشكوره على الرد حبيبتي وربي يوفقك ان شاء الله

 

 

[cute mom]

هلا فيك حبيبتي.
اولا: الله يزقك الذرية الصالحة يارب .ثانياً:انا كنت زيك جلست ثلاث سنوات وفي الرابعة حملت والحمدلله بنتي عمرها سنتين.لكن قبلها تمرمرت في علاجات وادويه وابر تفجيرية وعلاجات لها اول مالها آخر. بس لازم تفحصي انت وزوجك عشان العلاج يفيدكم مع بعض والحمدلله زوجي كان مساندني من البداية ومتعاون معاي.
وكل مرة يقولون سليمين ولجأت لربي ورحت لمكة وقعدت اسبوع ع زمزم بس ومع الدعاء والاستغفار احمدالله على ان عوض صبري خير .فإبدأي حبيبتي بالقراءة والرقيه لكما فالعين والحسد موجودين واتكلي على الله .ولا يمنع البحث عن العلاج .......انا سمعت عن لمياء في مستشفى دله............
والتأمينات فيه كذا دكتورة لا يحضرني اساميهم بس لما تروحي اسألي . والله يسمعنا الاخبار الطيبة عنك حبوبة

 

 

[*سنووايت*]

مشكوره اختي Cute momعلى الرد وربي يجازك خير
انا زوجي مره يخاف على مشاعري ولا يحسسني انه يبغى اطفال بس تعرفين الوحده فينا تفهم زوجها اكثر من نفسها00وراح اسمع نصيحتك وادعي ربي واروح للدكتوره هذي وربي يكتب اللي فيه الخير ودعواتكم لي ياخواتي وربي يخلي لكم كل خالي ولايحرمكم منهم

 

 

[رنيم الغربة]

اختي سنو وايت...طالما انه حث حمل سابقا فأن شاء الله ما في خوف
بس انتي ومتل ما قلتلك لازم تتابعي علاج الهرمون وايضا ان تقيسي نسبته في المختبر بين فترة واخرى طبعا تحت اشراف الطبيب..
وحاولي ما تضايقي نفسك وان شاء الله بتحملي عن قريب وبتفرحي وبتفرحينا معك

 

 

[فرحه]

عزيزتي انا عندي الهرمون من قبل الزواج وعشان ما اقدر افحص داخلي تكون عندي تكيسات على المبيض وتلخبطت الدوره بسبب الهرمون ورحت لطبيبات كثير وكل وحده تصف لي علاج ومنظم واخيرا رحت لطبيبه بمستوصف خارج الرياض ووصفت لي علاج الهرمون اللي يخفضه عشان تنزل الدوره ولما نزلت وصفت لي علاج للتكيسات وهو عباره عن علاج مرضى السكر(هذا مكتوب بالوصفه)حبوب مرتين باليوم عشان تنزل التكيسات وبالفعل سويت كشف في اليوم الواحد والعشرين والحمد لله شفيت من التكيسات لكن الهرمون استمر معي وكنت اخذ منظم للدوره عشان مايرتفع لمدة 6 اشهر .مشكلة الهرمون قليل اللي تشفى منه حتى بعد الحمل والولاده اما التكيسات تزول باذن الله مع العلاج الصحيح لان التكيسات عباره عن بويضات انتجت بالمبيض تنتظر اما التلقيح او تنفجر على شكل دم دوره ولكن بسبب هرمون الحليب تتكيس وتظل على المبيض وتمنع الحمل بالاشتراك مع ارتفاع هرمون الحليب او لخبطت هرمونات اخرى.
اختي سنووايت للاسف ما اتذكر اسم علاج التكيس لاني اخذته قبل سنه وسبع اشهر تقريبا بس الاكيد انه علاج مرضى السكر حتى هالكلام قراته بالنت من طبيب مصري وكنت اضحك لانه مافي علاقه بين التكيس والسكر بس الواقع ان التكيس يتكون بعد من زياده افراز السكر بالدم ودي افيدك باسم العلاج او اسم طبيبه بالرياض بس كثير يمدحون لمياء بدله الله يشفيك ويرزقك الذريه الصالحه ويفرحك ياكريم.


فرحه