بيتزا صناعة منزلية ..يم يم(صوره)

[@ بنت الكويت @]

بيتزا صناعة منزلية ..يم يم(صوره)

السلام عليكم
اليوم مسويه لكم بيتزا صناعة منزليه



المقادير

هذي المقادير تكفي معاج عمل خمس بيتزات ,عقب ما تسوين العجينه تقسمينها الى خمس كور متساويه وتلفينها برول النايلون وتخشينها بالفريزر ما يضرها حتى لو شهر وكل مره تبين تسوين بيتزا تطلعين كرة عجين من الفريزر وتخلينها تفج من الثلج نص ساعه وبعدين تستخدميتها عادي كانها جديده

اولا مقادير العجينه

كيس طحين المطاحن الكويتيه
قلاص زيت
3 قلاص ماء
4 ملاعق متوسطه خميره مذوبه بشوية ماء دافيء
قليل من الملح
10 ملاعق طغام حليب بودره

ثانيا مقادير الصلصه

2 ملعقه كتشب
2 ملعقه معجون طماط كي دي دي



ثالثا الديكورات

خضروات مثل فلفل اخضر وطماط وزيتون
جبن موزاريلا
جبن شيدر
اوريغانو

الطريقه

1-افتحي الفرن شويه علشان يسخن مدة خمس دقايق
2-تعجن المقادير مع بعض انا اخلطهم في براون
3-تترك لتخمر في الفرن الدافيء بعد ان توضع في ماعون وتغطينها بفوطه مبلله بشوية ماي دافي
لمدة ساعه
4-بعد ما تتخمر تقسمينها من 5 الى 6 كور متساويه وتاخذين كرة وحده والباجي تخزنينهم نفس ما ذكرت في البدايه
5-تفردين العجينه بالنشابه
6-تحطين عليه الصلصه بعد ما تخلطينها
7-ترشين عليها الخضروات الي تبينها امنا احط طماط فريش وفلفل اخضر وزيتون
8-تغطينها بالجبن انا احط موزاريلا وشوية جبن شيدر
9-ترشين شوية اوريغانو(الزعتر البري)
10-تدخلينها الفرن لما تتحمش من تحت يعني تقريبا نص ساعه

وبالعافيه على قلوبكم

[بلادونا]

تسلمى ياقمر

[فوفو]

تسلم الايادي
بنوتة

[@ بنت الكويت @]

[انسة]

الالصراحه لذيذة تسلمين

[@ بنت الكويت @]

حياج الله حبيبتى

[برنسيسا]

رهيبة يابنت الكويت ياعسسسسسسسسسسسسسسسسسسسسسل

[ذكرى]

ماشاء اللة عليكى حبيبتى بنت الكويت تجنن مالها حل بصراحة انا كتبتها معى حتى لا انساها ولا تضيع منى