أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى جمالك سيدتي > صالون العنايه بالبشره




لجسم خالي من شوارع الخطوط البيضاء


جديد مواضيع صالون العنايه بالبشره


إضافة رد

  • Facebook

  • Twitter


Sponsored Links
قديم 08-24-2011, 02:07 AM   رقم المشاركة : 1
:: سيدة نشيطـة ::










افتراضي لجسم خالي من شوارع الخطوط البيضاء

لجسم خالي من شوارع الخطوط البيضاء



جسم خآلي من شوارع الخطوط البيضاء 94% ولله الحمد . 2011/ 1432 :





بسم الله الرحمن الرحيم


اخباركم حبيبات قلبي ..
شكلكم داخلين عالموضوع فاقدين الامل ههههه ..


-----

بسم الله نبـدأ ..


حبيباتي انا أأومن و بشده بهذي المقوله ( لكل داء دواء) ..
انتي فقط توكلي على الله ثم حطي في بالك هالمقوله ..


مين فينا ما يعاني من الخطوط البيضا .. اتعبت الكل .. ( الا من رحم ربي ) ..
يعني تلاقين عندك لو خط صغيييير ما يبين بس ودك تقشعينه .. تحسينه ينرفز ههههه ..

في معلومه عند البنات خاطئه .. و هم انهم ما يفرقون بين السيلوليت و الخطوط البيضا ( السترتش ماركس ) ..
على بالهم كلهم واحد .. عشان كذا حبيت اوضح لكم بصوره ..


هذي الخطوط البيضا + الحمرا .. اما السيلوليت فهو شي ثاااني ..






طبعا غالب هالخطوط تتركز في الفخوذ - البطن - المؤخره ..


من التجارب اللي جربتها ..


كريم افالون .. Strech Mark cream

لجسم خالي من شوارع الخطوط البيضاء

نفس هذا بس اخذته عصار ..

النتيجه:
استعملته لين خلص الكريم و كأنه كأنه كأنه انطفت لمعة الخطوط البيضا شوي ..
ممكن يفيد اذا اخذتي كريم ثاني و ثالث .. مذكر المده اللي استخدمتها ..


كريم بانثينول ..

لجسم خالي من شوارع الخطوط البيضاء


النتيجه:
استخدمته لمدة شهر وخفت الخطوط بنسبة 5% بس ..



زيت الزيتون + ليفه خشنه:
هذي طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه الخشنه و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
استخدمتها 3 مرات صارت تعورني مررره اذا انقلبت حمرا ..
و طول اليوم اتألم .. مع ان بشرتي مو حساسه .. فـ وقفتها ..

ملاحظه/ تختلف البشرات فـ هو يضبط معها بس معي ما ضبط ..


زيت الزيتون + ليفه عاديه (ناعمه):
هذي ايضا طريقة احدى الاخوات هنا يجزاها خير ذكرت تجربتها ..
نحط زيت الزيتون على الخطوط ثم ناخذ الليفه العاديه (ناعمه) و نفرك فيها الخطوط لين تصير حمرا ..
و بالتدريج بتخف مع الوقت ..

النتيجه:
مذكر المده اللي استخدمتها لكن ..كانت مع كل شاور ..
لكني ماشفت نتيجه ابد


------

هنا حطيت ستووووووب .. الوقت يمر و الخطوط ثابته ساكنه لا حرك ولا شي ..
و بديت اشتغل بهالبحوثات .. كثير يمدح كريم زبدة الكاكاو .. و الشيا .. و زيت جنين القمح ....الخ ..

خلاصه بحوثاتي كانت .. اكثر الاشياء اللي تجيب نتيجه هي:

- زبدة الشيا ( لها دور في تخفيف الخطوط البيضا و التنعيم)
- زبدة الكاكاو ( لها دور في تخفيف الخطوط البيضا )
- الكولاجين ( يجدد لك طبقة الجلد التالفه )

ملاحظه/ لا تخافون حبيباتي كملوا الموضوع وكل شي متووووفررررررر و يمكن عندكم فالبيت ..
و موجود بالصيدليات و بعض العطارين ..

لقيت زبدة الشيا في لوكسيان - الظهران مول .. بس العلبه صغيييييره ماتكفي شي ..
و بغيت زبدة الكاكاو من بالمرز وما ألقى الا الحجم الكبييييييير ..
و انا مو من النوع اللي اشتري من النت و كذا .. ما احب ..

و تعرفوني حبيباتي احب استخدم اشياء ما تكثر عن 50 ريال .. ولو زاد يزيد بـ شي معقول ..
مو بخل والله .. بس كثير رميت فلوسي على منتجات غاليه ما جابت معي أي نتيجه ..



اللي بقوله لكم ما بيكلفكم شييي .. كل اللي تحتاجونه شيئين:



لجسم خالي من شوارع الخطوط البيضاء



- كريم ريينيوول ( Renewal ) البنفسجي من فازلين ..
- كريم زبدة الكاكاو و الشيا من فازلين .. ( العلبه المدوره و ليست الطويله ) ..



ملاحظه/ بعض الاخوات يبالغون لما يقولون ريحته تلوع الكبد و بغينا نستفرغ ..
بصراحه ريحته اقل من عاديه .. و اذا تشربته البشره يروح على طول ..
انا اختي تحب ريحته ..
لجسم خالي من شوارع الخطوط البيضاء









و كريم فازلين المدور يحتوي على ( زبدة الكاكاو + زبدة الشيا ) مع بعض ..



لجسم خالي من شوارع الخطوط البيضاء



انتبهوا يا بنات انا قلت العلبه المدوره و ليست اللوشن الطويل ..
لان اللوشن يحتوي على زبدة كاكاو و فيتامين E و ليست زبدة شيا ..


لجسم خالي من شوارع الخطوط البيضاء





يعني الاختصار المفيد هالصوره تعبر ..



لجسم خالي من شوارع الخطوط البيضاء


----------------

النتايج :

مدة استخدامه:
عندي خطوط بيضا في:

صدري: اسبوعين ونص ..
جوانب بطني: اسبوعين ونص ..
اسفل ظهري (بداية المؤخره): 3-4 اسابيع ..
الفخوذ: 3 اسابيع ..

كيفية استخدامه:
كريم زبدة الكاكاو و الشيا: العصر او الصبح
كريم رينيوول: قبل النوم

حطيتهم بدون لا تدليك ولا مساج ولا شي ..
فقط لين تتشربه البشره و ألبس لبسي

ملاحظه/ اذا بتحطينه الصبح او العصر لا تتعرضين لأشعة الشمس ..
لان معروف منتجات فازلين بالشمس تسمر .. وهذا مكتوب خلف كل علبه ..


الخطوط البيضا:
في اول اسبوع راح تحسين ان لمعة الخطوط البيضا تنطفي .. ثم بعدها بتخف بالتدريج ..

الخطوط الحمرا:
في اول اسبوع راح تحسين ان لونها ينقلب للبني .. ثم بعدها بتخف بالتدريج ..


النتيجه:
صدري: اختفت بنسبة 98%
جوانب بطني: اختفت 95%
اسفل ظهري (بداية المؤخره): جهه 96% .. و جهه 90%
الفخوذ: جهه 100% .. جهه 99%

مدة النتيجه:

صدري: اختفت بعد اسبوعين ونص
جوانب بطني: اختفت بعد اسبوعين ونص
اسفل ظهري (بداية المؤخره): جهه اختفت و جهه بقى لها شوي
الفخوذ: جهه اختفت و جهه بقى لها شييييي يذكر (ما تبان ابد)

ملاحظه/ احيانا اسحب كم يوم لاني اضطر انام خارج البيت وما تكون عندي العلب ..
( ممكن تلاحظين الخطوط تخف في اقل من مدتي انا .. لان كل وحده تختلف خطوطها عن الثانيه
يعني حطوا في بالكم ان الخطوط البيضا اساسا يبيلها 3 شهور لكن الحمدلله جبت لكم شي بأقل بإذن الله)


السعر المستخدم كله:

33 ريال ونص ..

كريم رينيوول: 26 ريال ونص ..
كريم زبدة الكاكاو و الشيا: 7 ريال (العلبه الصغيره) ..

للامانه انا استخدمت علبه وربع من كريم زبدة الكاكاو و الشيا ..
يعني الاجماعي: 40 ريال ونص ..

ملاحظه/ صيدلية النهدي تبيعه بـ 8 ريال .. اما الدواء تبيعه بـ 7 ريال ..
--------------

عذرا:
حبيباتي ماكان ودي اقلل من قيمة الموضوع لكن..

الردود المتوقعه من بعض العضوات:
ملاحظه/ بعض الردود كانت حقيقيه موجهه لي و لبعض الاخوات في مواضيعهم ..

- وش عندها ذي تتفلسف علينا كأن عندها سالفه
- نصااااااابه اصلا مافي شي يوخرها غير الليزر لا و يخففها بس
- اللي يقولك استخدمي (........) كذب كذب كذب انا استخدمته ولا جاب اي نتيجه
- دكتورتي تقولي مالها حل وفقدت الامل
- انا جربت كل شي ولا فاد
- انتي مجنوونه حبيبتي شوفي الامر الواقع هذي بلوى من ربي
- انتي تستهبلين ولا مين قاص عليك انها تروح
- انتي شكلك ماتشوفين زين و على بالك انها راحت روحي شيكي نظرك
- بنت خالة عم جد ام خال ابوي تصير اختي من الرضاعه قالت ان دكتورها قال الليزر بس يخففها

و انا اقول لكم ستووووووووووووووووووووووووووب من هالاسلوب السلبي ..
خلوا عندكم امل بالله و توكلوا عليه .. ليه التحطيم !!!
و اللي تقول انا جربت كل شي ولا فاد!!!!! طيب انتي جربتي اللي قلت لك عليه ولا فاد ؟؟
لا تحطمون بنات عندهم امل .. بـ جملة ( الليزر بس يخففها ما يوخرها) ..

للمعلوميه//
هالكريمات عطيتهم:
امي: زنودها الخطوط البيضا خففت كثيييييير
اختي: خطوطها حمرا (في بطنها) خفت كثييييييير مع انها ما تداوم ابد ابد ..
خالتي: خطوطها البيضا في زندها رااااحت
خالتي الثانيه: دكتورها قال لها مافي فايده من هالخطوط مافي شي يوخرها .. الليزر فقط يخففها ..
وكانت فاقده الامل .. ولما شافت الخطوط عندنا راحت انصدمت و بتستخدم هالكريمين بإذن الله ..

-----------------
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه

منقووووووووول ابي ردود سنعه ترئ تعبت في نقل الموضوع والقئ نسبه المشاهده اعلئ من الردود ---حرام كسر الخواطر----
لـ حفظ الموضوع والإستفاده منه إستخدمى هذا الرابط :
لجسم خالي من شوارع الخطوط البيضاء
http://forum.sedty.com/t481581.html





التعديل الأخير تم بواسطة سمر خانوم ; 08-26-2011 الساعة 09:26 AM.
رد مع اقتباس

Sponsored Links





قديم 08-24-2011, 02:25 AM   رقم المشاركة : 3
:: سيدة نشيطـة ::










افتراضي رد: لجسم خالي من شوارع الخطوط البيضاء


مشكوووووووووره ياقلبي الله يفرج همك ويوفقك يارب

قديم 08-24-2011, 02:25 AM   رقم المشاركة : 4
:: سيدة رائعــة ::










icon48 رد: لجسم خالي من شوارع الخطوط البيضاء


تسلم ايدك و الله ما قصرتي وما خليتي شئ ما شرحتيه عن جد كل الاسئلة جاوبتي عليها براااافو وان شاء الله نستفيد.


التعديل الأخير تم بواسطة قطرة الندى 10 ; 08-24-2011 الساعة 02:32 AM.
قديم 08-24-2011, 02:30 AM   رقم المشاركة : 5
:: سيدة نشيطـة ::










افتراضي رد: لجسم خالي من شوارع الخطوط البيضاء


اقتباس:
المشاركة الأصلية كتبت بواسطة ام هشوومي مشاهدة المشاركة
مشكوووووووووره ياقلبي الله يفرج همك ويوفقك يارب
ويوفقك شكرا ع المرور

قديم 08-24-2011, 02:31 AM   رقم المشاركة : 6
:: سيدة نشيطـة ::










افتراضي رد: لجسم خالي من شوارع الخطوط البيضاء


اقتباس:
المشاركة الأصلية كتبت بواسطة قطرة الندى 10 مشاهدة المشاركة
تسلم ايدك و الله ما قصرتي وما خليتي شئ ما شرحتيه عن جد كل الاسئلة جاوبتي عليها براااافو وان شاء الله نستفيد.
مشكور ع المرور

قديم 08-24-2011, 03:40 AM   رقم المشاركة : 7
:: سيدة جـديـدة ::










افتراضي رد: لجسم خالي من شوارع الخطوط البيضاء


بارك الله فيكي اختي
و جزاك الجنة ان شاء الله
و يا رب يتحقق اللي في بالك و يجمعك مع من فيه باذنه سبحانه
استفدت كثير من موضوعك و تجربتك و الله
لازمني جولة تفتيش الظاهر ^^ على هاذي الكريمات.
تحياتي لك حبيبتي
لا عدمناك


برنامج تكسير الدهون وازالة السيلوليت بدون عمليات 6 جلسة 1000 ريال 0112499111_0554171121 اتصلى بنا
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0112499111/0554171121

إضافة رد




لجسم خالي من شوارع الخطوط البيضاء

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
أخيراً وداعاً للخطوط البيضاء مع إنفراده و سبق لا مثيل له كريم لإزالة الخطوط البيضاء تالين الحمية - الرشاقة - تجارب الرجيم 29 06-18-2014 03:03 PM
اعاني من الخطوط البيضاء مشكلتي مشكلتي 12 07-03-2011 09:20 PM
الخطوط البيضاء..هل من حل؟؟ آنسة فلة صالون العنايه بالبشره 14 05-25-2011 12:16 AM
الخطوط البيضاء تسنيم الشمراني صالون العنايه بالبشره 5 01-28-2011 12:30 PM
أخيراً وداعاً للخطوط البيضاء مع إنفراده و سبق لا مثيل له كريم لإزالة الخطوط البيضاء amatoallah عروض متنوعه 126 12-24-2009 09:48 AM





Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter