•!¦[• !! سالفة نوورهـ !! •]¦!•

[‏‏ಌ بوسي ‏ಌ]

مساائكم (( راحة بال ))

ومسائها (( هم وغم )) ..!!

مسائكم ندى الورد وعبق الزهور ..

ومسائها حرقة قلبــ ووألم ودمووع ..


.
.
كنــــت على موعد مع الشاعر : محمد عويضه ..

وكان ][ الألــــم ][ .. برفقتي ..!!
.
.
لن أُطييل أترككم مع (( الألـــــــــم .. الدمووع .. القهر )) ..!!

.
.
.
.

المرايا ..

صدق يطعن ..

في نوايانا الدفينة ..

طعن صادق ..!!

يفضح الزيف وسنينة ..

المرايا والله العالم .. هي أصدق شي ..

في عالم كذوب ..

في زمن مظلم وظالم .. ماتلاقي ضي ..

ينبض بقلب الدروب ..

المرايا ..

عشق ساكن داخل قلوب الكثير من الصبايا

إلا نورة ..

بنت غاية في الجمال ..

حسنها ياخذك من يمناك ..

لحدود الخيال ..

يوم نادت أمّها وبصوت عالي :

يمّة .. يمّة بسرعة تعالي ..

لمّا جتها أمّها ..

قالت : علامك ؟!

نورة قالت :

يمّة أرجوك بقيامك ..

إبعدي هذي المراية ..

ابعديها ..

وإلا أقلّك ..

يمّة تكفين اكسريها ..

ما أبيها .. ما أبيها ..

ولو سألتوا ..

ليه هي قالت كذا .. وإيش العلاقة ؟!

قلت شوفوا ..

ماقدر أخبّي لذا .. نورة ( معاقـــــــة ) ..!!
.
.

شلل نصفي ..

سرق منها طفولتها ..

سرق حتى ابتسامتها ..

تشرّب جسمها الطاهر على غفلة

ولا قدّر برائتها وهي (( طفلة )) ..

حواليها كثير أطفال ..

بنات العم .. والجيران ..

عيال الخال ..

تراقبهم .. تتابعهم

تشوف ( أحمد ) وهو يسحب شعر ( سلمى ) ..

و( علي ) يلحق ( مها ) وبيده مسدس ما ..

و( خالد ) قاعد يحاور ( حسام ) ..

بعلبة البيبسي ..

ويكسر ظهر هالمشهد ..

حزن ( نورة ) وهي تبكي على الكرسي ..

تحاول قد ماتقدر ..

لجل تخفي مدامعها

وثار الدمع واتحدر ..

وبدت رعشة باصابعها

تزم إيدينها لكن ..

يديها ماتطاوعها
.
.
وتكبر نورة ويكبر ..

معاها الهم ..!!

ويجري حزنها الأقشر ..

بمجرى الدم ..!!

وياصل عمرها العشرين ..

وفي هالعشرين ..

تغيّر كل شي فيها ..

ملامحها .. (( مع إن الحزن ماسحها )) ..

أمانيها .. (( ولو ماعاد تعنيها )) ..

سوالفها .. (( بعد مالهم والفها )) ..

في هالعشرين ..

على نفس الألم تصبح ..

وعلى نفس القهر تمسي ..

على الكرسي .. !!

في هالعشرين ..

أبد ماتابعت موضة ..

ولاتعرف ( جيفينشي ) .. أو ( كريستيان ديور )

أو ( فيرزاتشي ) وعروضة ..

ولا مكياج وإكسسوار ..

وحتى عطور ..

تضج .. تثور

إذا قالوا لها ..

نورة .. شرينا لك عطر ..

نورة .. معه فستان ..

يانورة إلبسيه ألحين ..

ترا بيطلع عليك جنان ..

بسرعة بس لاتبطين ..

تجاوبهم :

بسرعة !!

بسرعة ليه ؟!

وإلا لمين ؟!

وهو من كثرة العرسان ..!!

تقاطعها أمها :

نورة ..

وش تقولين !!

ترد نورة :

يبه .. يمّه ..

كفاية وإسمعوني زين ..

أنا عمري ترا عشرين ..

ترا ما عادني طفلة ..

ياناس المسألة سهلة ..

مثل ما واحد وواحد يساوي اثنيين ..

معــــاقة .. خير !! ماتفرق ..!!

- وفي هاللحظة ..

بدت لحية أبونورة ..

تلم الدمع من عينه ..

وبدت تغرق !

يبه .. يمّه ..

أنا مليت من روحي ..

نعم مليت ..

تعبت أداري جروحي ..

وياما أخطيت ..

خطاي إني تصنّعت السعادة ..

لجل خاطركم ..!!

لجل ماتـنجرح فيكم ..

مدامعكم ..!!

يبه تدري ؟! ..

كنت أتمنى من صغري ..

وهذي أمنية عمري ..

وإلى ألحين هي منوه ..

تمنيت أحضنك بالليل ..

إلى من جيت من شغلك ..

أبوسك فوق راسك حيل ..

وأفك الجزمة عن رجلك ..

أروح أجيبلك قهوه ..

وأجيك أجري ..

وحتى إنتي يا أمّي ..

لو تدرين كم عانيت ..

كم أتمنيت ..

أخفف عنك شغل البيت ..مثل ما ( نجوى ) ..


تساعد مرت عمّي ..

يبه .. يمّه

تراني ضقت ..

وربي ضقت من نفسي ..

ياربي شقد طفشانة ..

وتبغوني بعد ألبس !!

ألبس من علشانة ؟!

أبد لاتصدقون إني ..

أبتزوّج وأجيب عيال ..

والله عال !!!

من إللي في الزمن هذا ..

بيرضى أكون له زوجة ؟؟

ويتزوّج معي كرسي !!

يبه إنسى ..

وحتى إنتي دخيل الله يايمّه ..

بعد إنسي ..
.
.
وهذي سالفة نورة ..

ياهي بنت مقهورة ..

مضى من عمرها عشرين ..

وهي باقي على هالحال ..!!

حكايتها إنتهت ألحين ..

وخلّت داخلي ثورة ..

وأنا ما بيهدالي بال ..

إلين أعرف ..

من إللي بوقـتـنا رجّال ..

ويتزوّج مثل نورة ..؟!!

.
.
دامــت الــ سعادهـ .. مرافقه لكم .. ودام الألم يعاكس إتجاهاتكم ..

 

 

[مِـيـــلآف]

عـَاجزة عن الرد ..
ولااا أستطيع إلااا أن أخبركِ أن دمعي تسَاقط
وأنَاا أقرأ هذه الخـَاطرة الرائعَه
أمنيَاتي بـِ زوال هذاا الألم .. عن نوُرة
سَلِمت يَمينك بُووسي .. [وتُثبت]

 

 

[‏‏ಌ بوسي ‏ಌ]

حبيبتي ميلاف الله يسلمك

وزادني شرف تنويرك صفحتي

يعطيكي ألف عافية علي التثبيت

كوني بخير

 

 

[bird_of_love]

عجـز لسآني عن وصف جمآل الكلمآت
رغم مآبهآ من ألــم
شكــرى لك يالغلآآآآ
تقديري وإحترآمي

 

 

[شـمُــوٍخ ـألـعِـزٍ]

من إللي بوقـتـنا رجّال ..

ويتزوّج مثل نورة ..؟!!


ـألـسَــــلىمٍ عَـلـيـكُـمٍ ..

خـَآطِـــرهـ رآئِـعـَـــــه ..

سَـلـطـَـت ـألـضَـوء عَـلـىآاٍ جُــزء مَـسـتـُـور مِـن حَـيَـآتـنـَـآاٍ ..

دمَـعــت عَـيـنـَــآيٍ عِـنـد قِـرآئـتـهَــآاٍ ..

و عَـجـــز لِـسَـآنِـيٍ عَـن وصــف شـعُــــوريٍ ..

ـألــفٍ شُـكــرـر عَـلـىآاٍ هَــذهـ ـألـخـَـآطِــرهـ ـألـجَـمـيـلـَــه ..

تـحـيَـتـيٍ ..

.

.

شـمُـوخٍ ـألـعِــز ..,,

 

 

[حــــوريه]

خاطره حزينه ومؤثره

سلمت يمينك بوســــي

مشكوووره يالغلا

 

 

[*(الالماسة)*]

.................................................. .............


غاليتي لا اعلم بماذا املى هذا الفراغ..

هل بدعوه لنورة ..

او شكر لك..
او حتى كلمات تصف رائعتك..

او .. او ,,





غاليتي .... دموعي افقدتني توازني فلم استطيع ان احبسها..

لكي حبي ومودتي..

 

 

[بلبلة]

خاطرة حزينة ورائعة


تسلمين يارب مشكورة يا قلبي

 

 

[NOKIA01]

دائماً مااجد الابداع

ينبعث نورهُ الينا

من بين طياتِ

صفحاتك ايتها

المبدعه

فنستمدهُ من عندك

يامشرفتنا الجديده
والغاليه على قلبى

محبتك دوماً وليس يوماً

نوكيا

 

 

[الدره الفريده]

خاطرة جدا رائعة ومؤثرة

عاشت ايدك حبيبتي بوسي