تصميمي .. ياليت الزمن يرجع ...

[alnoor1]

بسم الله الرحمن الرحيم

خواتي

بغيت اعرف رايكم في تصميمي .. فالنقد مفتوح .. وبه نرتقي ..


تصميمي استوحيته من كلمات الشاعر المبدع فيصل اليامي ..







وهذه كلمات القصيده ..


ياليت ان الزمن يرجع ورى ولا الليالي تدور
… ويرجع وقتنا الاول وننعم في بساطتنا

زمان اول احس انه زمانًًًًٍٍ فيه صدق شعور
… نحب ونخلص النيه وتجمعنا محبتنا

زمن ما فيه لا غيبه ولا حتى نفاق وزور
… ياليته بس لو يرجع ونسترجع طفولتنا

صغار قلوبنا بيضا نعيش بعالمٍ محصور
… ولا نعرف ابد اغراب ما غير عيال حارتنا

صحيح صغار فالتفكير لكن ماعلينا قصور
… نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور
… نحاول نزعج العالم في روحتنا وجيتنا

وعشان ناخر الحصه نخبي علبه الطبشور
… نشاغب بس فالآخر تميزنا برائتنا

نحب الضحك والهيصه نحب انط فوق السور
… نفرفش ليه مانفرفش مدام الضحك عادتنا

ولكن دارت الايام وبان الخافي المستور
… وصار الهم متعلي على قمه سعادتنا

كبرنا وصارت الدنيا تصف احزاننا بالدور
… وتهدينا الالم والهم غصب عن عين رغبتنا

تعبنا من بلاوينا احد ضايق واحد مقهور
… وكلٍ غارق بهمه وفالآخر تشتتنا

وانا ما اقول غير الا حلالاه الزمان يدور
… ويرجع للورى فتره نعّدل وضع عيشتنا

مع ارق التحايا لكم

النور


::

::

نعتذر لج اختي

يتم غلق الموضوع



[قــــــوانين] الـتصمـيم والجرافـيكس

::

::

 

 

[<أم عبدالله>]

صراااااااااااااااااااحه أحلى ماقريت


الله يسعدك على الكلمات الحلوه ياحلوه

 

 

[رمز المشاعر]

حلو يا قلبي لكن الاطار لونه وشكله مو حلو لو تخلينه اغمق وتصغرينه احلى

اما الباقي رووعه

 

 

[مِـيـــلآف]

تَصميم رائع، والألوان بعد أروَع، والكلمَات أيضاا ً رائعه
سلِمت يَمينك النور