حصرياً طريقة الصالونات فالحمام المغربي بالاعشاب والماسك المبيض

[* صمت الاشواق *]

السلام عليكم ورحمة الله وبركاته

الله يبارك لي ولِكن باقي الشهر الكريم


العيد قرب فحبيت افيدكم حتى تستعدن وتتكشخن له وطبعا عقبها تدعن لي بليز


طبعاً الكل صار مبدع فالحمام المغربي التقليدي بس صارلت له انواع فالصالونات ..

يعني مرات يوم نروح للصالون نسمع مسميات جديده:

صار شي اسمه:

1- الحمام المغربي التقليدي .. له سعر معين فالصالونات ، وصرنا كلنا نعرفه.

2- الحمام المغربي بالاعشاب .. فالصالونات له سعر اغلى من الحمام التقليدي.

3- الحمام المغربي بالاعشاب والماسك المبيض .. طبعاً هذا اغلى انواع الحمامات المغربيه فالصالونات والمنتجعات التجميليه، ويسوونه البنات في كورسات العرايس.

طبعاً انا بحطلكم الطريقه الثالثه وهي الطريقه الاشمل لكل الطرق، واللي الكثير من البنات يجهلونها..



نبتدي مع بعض بسم الله الرحمن الرحيم ...



المقادير:


1- الصابون المغربي وليفتها متوفر في الصيدليات والمحلات والسوبرماركت والعطارين.

2- عشبة اداد عشبه مغربيه مبيضه بس سامه متوفره عند العطارين ونقدر نستغنى عنها.

3- طين مغربي

4- ليمونه

5- الحنا

6- ماء ورد

7- كريم كاب



الطريقة:



اولا/ انجهز غرفة البخار او حمام الساونا نمليه بالماء وانحط فيه موية ورد ونعناع وعصير ليمونه وفيكس اندونيسي اجلسي في البخار 10 دقايق

ثانياً/ نخلط صابون الحمام المغربي + حنا + بودرة اداد+ ليمونه .. وندهن الجسم بالخلطه
لا تخافي ماراح يصبغ جلدك من الحنا وبعدها نرجع ثانيه لحمام البخار لحد ما يعرق الجسم

ثالثاً/ بعد مانخلص من البخار نغسل الخليط من عالجسم بالماء الفاااترويفضل غسل الجسم بالصابون الطاووس اللي بحليب الشوفان ونبتدي ندعك الجسم كله بالليفه المغربيه باستثناء الوجه ندعك وندعك بس بحنيه وبتشوفن الجلد الميت يطيح مثل الخيوط

رابعاً/ نخلط الطين المغربي + ماء الورد.. لين تصير عجينه ونفردها عالجسم حتى تتسكر مسامات الجلد وبعد ما ينشف نغسلها.

خامساً/ الماسك المبيض اللي كل الصالونات ومراكز التجميل تتكلم عنه وماتقول هو عباره عن ايش، انا بقولكن عنه هو كريم كاب سنفره ومبيض للجسم ..ندهن الجسم كله وتتركينه لين ينشف وعقب تغسلينه..

سادساً/ آخر شي ترشين جسمك كله بمااااااااااء الورد الباااااااااااارد حتى تسكر لي المسامات وفي ناس تضيف العكر الفاسي في ماء الورد حتى يورد الجسم


ادري حوسه وشغله لكن صدقيني راح تفرقي على نفسك من أول مره تسوينها جربي ما راح تخسري شي ولو تسويها كل اسبوع يعني بالاسبوع مره راح يوحد لك لونك ويفتح بشرتك



طبعاً هذي طريقة الحمام المغربي بالاعشاب والماسك المبيض اللي يسوونها فالصالونات ومراكز التجميل حبيت اوريكن اياها بطريقتي المتواضعه اللي فالبيت والله احسن من الصالونات لانها اغراضك الخاصه ومحد بيستخدمها لاقبلك ولا بعدك ..

يااااالله ابي ردودكم المشجعةودعواتكم مو تقرون وتطلعون

 

 

[ـالأمـ،يــ،رهـ الحـ،ســ،ناء]

مشــ،كورهـ

الله يعـ،طيـ،كـ الـ،عافـ،يهـ حبيـ،بتي

أكـ،يد كـ،،ل البنـ،ات محــ،تاجيـ،ن مثـ،ل هـ،ذا الـ،موضـ،وع

مـ،وضـ،وع مـ،ميز يـ،ستاهـ،ل التـ،قيـ،م

((ممتــــ،ـــــــــ،ــــــ،ـاز))

( يـــ،ـثــ،بـ،ت )

تقبـ،لي مـ،روري

 

 

[* صمت الاشواق *]

الاميرة الحسناء

مشكووووووورة يالغلا على المرووووووور

زادني شرفاااا انك اول من رد على الموضوع

اتمنى ان تنال مواضيعي على استحسانكم

لاخلا ولا عدم

 

 

[* صمت الاشواق *]

معقولة المشاهدات عشرين

ومافيها الا رد واحد من المشرفة وين الناااااس وين البنات الروعة

:8[1]::8[1]:

 

 

[الفراولة توت]

غاليتي sweetlips

 

 

[* صمت الاشواق *]

صغيرتي الفراولة توت

 

 

[نجووم]

رووووووووعة وخاصة العيد قرب وكلنا محتاجين للحمام المغربي من بعد حوسة الطبخ والنفخ

الموضوع يستحق من المشرفة التقيم

يعطيك العافية على المجهودات الملحوظة

 

 

[* صمت الاشواق *]

نجوووووم

 

 

[ام البدر]

موضوع قيم بجد الله يعطيك العافيه
بس كريم كاب ماله مضار اخاف انه يحتوي على مواد خطيره

 

 

[* صمت الاشواق *]