لـــــجل نحكي بهدوء أكثر سألت: الحلوه وش تشرب

[احساس دمعه]

لـــــجل نحكي بهدوء أكثر سألت: الحلوه وش تشرب

كلمات أعجبتني ..


وأتمنى أن تنال رضاء الجميع ..


والقصيده تروي قصه ..





على الموعد بــــ ( لهـــفه ) جيت لامانع ولا تأخير

لفيت من العصر هايم مع إن الموعد المغرب

وجتني بس مدري ليـــه شعرت الجيه هذي غير

وهي تقرب من عيوني شعرت إن الممات أقرب

وقلت الله يهونها عسى في جيتك لي خير

أنا من شفتك أقبلتي وأنا خايف ومستغـــرب

على كثر الحكي مدري .. كأنه خانها التعبير

وقالت لي جمل وأشياء لاتكتب ولا تعـــرب

هدت فجأه تطالعني وأنا في حاجة التفسير

لجل نحكي بهدوء أكثر سألت : الحلوه وش تشرب

فصاحت بي أنا أحبك ولك في هالحشا تقدير

وتدري إن المثل فينا وفي إحساسنا يضرب

وكنت إنت الوفي وإنت البرئ من تهمة التقصير

ولكن ذي عوايدهم من أيــــام وزمن يثـــرب

تكون البنت لإبن العم ورغبات الكبار تصير

وتدري الأقربون أولى.. ..مع إنك للخفوق أقرب

وتدري للقدر كلمه ... ولعادات الاهل تـــأثير

لذا أرجووووووك تتركني وأنا من واقعك بهرب

شعرت بحكيها كنه قصاص وأمر بالتعـــزير

وشعرت الدنيا ضاقت بي من المشرق إلى المغرب

مشت خلت وراها طفل .. .. مايدرك وش التدبير

يحسب إن الغرام أبيات شعر وأغنية مطـــرب

ضحكت وما قدرت إني ألاااااااقي لضحكتي تبرير

من اللي بوقتنا مره ضحك من لدغة العـــقرب

رفضت أستوعب اللي صار ولا إستسلمت للتغيير

ثمان سنين أجي نفس المكان بساعة المغـــرب

برغم إن الثمان سنين جرح وكلفتــني كثيييييييييير

أنا .. لليوم .. أجي .. أدعي ... تجي يارب ... تجي يارب....

:


.

[bird_of_love]

كم يسعدني ان اكون اول من يرد على
حروفك .. على حسك
على همسك الراائع في الاختيار
لاعدمناا تواجدك







دمتي متألقه .....

[مِــيلآف]

إحسَاس دمعة
الله يعطيِك العـَافيه، ودوام الصحَّه
القصيدة مكررة علىَ هذاا الرابط:
البنت لــولد عــمها