أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > منتدى سيدتي الادبي > قصص و روايات > القصة القصيرة


محادثة ماسنجر تبكي من لايبكي


جديد مواضيع القصة القصيرة


إضافة رد

  • Facebook

  • Twitter


Sponsored Links
قديم 01-26-2012, 01:08   رقم المشاركة : 1
:: سيدة رائعــة ::












icon74 محادثة ماسنجر تبكي من لايبكي

محادثة ماسنجر تبكي من لايبكي






السلام عليكم ورحمة الله وبركاته
قصة قرأتها وفتح عيني على اشياء كنت غافله
عنها وأتـمنـى من الجميع يقرأها للنهاية
اللهم أحسن خواتمنا



السآعه 4 الفجر ..يوم الاربعاء جآلسة على النت سهرانه
وصوت ضحكي مآلي بيتنا الي كل الي فيه نايمين الا انا ..
فآتحه المسن الي اربع وعشرين ساعه عليه .. فجأه دخلت ساره ..
ساره..
اهليين دنوو شخبارك؟


دانه..
هلا والله سوير


ساره:
دانه طفشانه.؟؟


دانه:
لآ عادي ليه؟


ساره:
بسوي لك انفايت مع هذاك الي قلت لك عنه


دانه:
مين ياسر؟


ساره:
هههههههههه لآ ياسر خلاص راح الغبي هذا نوآف الخاقوق


دانه:
ههههههه هذاك المملوح الابيضاني
سآره:


بالضبط


دانه:
امانه شلون جبتي ايميله ..
ساره:
مره حطه بالنت لوق حقه ولطشته


دانه:
سويت له آآد بالنت لوق ابغاه يصير من فرنديني عيا يقبل يالله يالله سوي انفايت خل اخليه يقبل
ساره:
اوك


**
ساره:
نوآف هذي دنو ..دنو هذا نواف


نواف:
يآ هلا والله بدنو
دانه:
هلا بك اكثر..









مرت الساعه وحنا سواليف وضحك وحش وشوي شي مشفر..



دانه:
يووه اذن مالي خلق اروح المدرسه
نواف:
غيبيه ..خل نكمل سوالف مررره أنتي كيوت


دانه:
وأنتي سوير ؟
ساره:
تصدقين انا نفسي اغيب
دانه:
اجل بروح أسكر الباب عشان ما يزعجوني ..وه يا حلوك يا نواف انت وسواليفك..




جلسنا تقريباً نسولف لين الساعه 7..



دآنه:
يووه خلاص دخت بقوم انام ..نواف نور المسن
نواف:
بوجودك قلبو



دانه:


انسدحت على السرير وانا دااايخه ..غمضت عيوني وفكرت بنواف الحلو اضفته اليوم بدل عمر الفاشل خخخخ سوالفه حلوه ..
اووووه ما صليت الفجر بررد مالي خلق اتوضى .. صح النائم حتى يستيقظ ..!! لا قمت إن شاء الله بصلي..





السآعه9 ونص قمت من صوت مسج الجوال يوووه من وقته هذا يرسل اللحين ..
فتحت الجوال كانت من ساره تقول فيها" بسرعه ادخلي في هوشه بالمسن"
تحمست بسرعه وفتحت لاب توبي وايميلي ما امداني دخلت الا ساره دخلتني انفايت فيه ناس كثار
وفهمت منساره السالفه بمحادثه ثانيه واستهبلت وانا اتهاوش لين روقت ..
خلصت الهوشه بعد ضحك طوويل واعتذار احد الشباب مع انه ما غلط ..
فتحت النت لوق حقي لو احط صورة فمي بس محد عارفني !!
فكره والله شبابنا يخقون على طرف عبايه
وانا خلقه اهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!!
رجعت للاب توبي وانا فيني نوم بس شفت نواف داخل جلست اسولف معه شوي ..
فجأه كل شي بدا يجمد فيني الدنيا بدت تظلم كل شي ظلام وش صار ..
الاب توب فوقي وكأني نايمه بعمق ما اسمع الا صوت المحادثه بس..


ساره:


دانه وينك؟


نواف:
وين رحتي دانه
*اشارة تنبيه*
ساره:
شكلها انشغلت المهم كمل السالفه ..


كل شي ظلام ابي اتحرك ابي اقوم .. لا ميته انا اللحين ..
ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !!
ونواف وعمر ومشاري وسعود الي في ايميلي؟ والفيس بوك ؟ ياربي رجعني يارب ..


مر الوقت طويل وانا بس اسمع مصوت المحادثه
الباب يطق انفتح اسمع الخدامه تاتي تنادي بأسمي وانا ما ارد جلست تصرخ وتنادي بأمي ..لا انا
اسمع تعالي يا تاتي تعالي بس بقول اسفه على الصراخ الي تاخذينه مني كل يوم تاتي بس حلليني ياربي قومني بس تحللني
دخلت امي وقرب الصوت لعندي اكثر


امي..
دانه.. دانه حبيبيتي دانه ..لآآآآآآآآآآآآ دآآنه قومي تكفين دآنه..


يا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني


أغاني..!!
انا مت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس ..
ياربي رجعني اصلي ركعتين يارب
شالوا الاب توب مني وغطوني بشرشف الصلاه بعد ما انهارت امي
مر الوقت ببطئ ودخل اخوي معاه ابوييبكون شايلني اخوي وابوي وراه يبكي ..


اخوي ؟
والسهر ايام الاجازه بالملحق والرقص ؟ واستهبالك على البنات الي اعطيك رقمهم يارب رجعني يارب بس اصلي ركعتين
ركبت السياره ورا وانا ملفوفه بعبايتي الي كلها الوان وزخرفه وصلت المستشفى وانا اسمع صوت نفس اخوي وازعاج ناس حولي ..
رفع الدكتور راسه بعد ما غطاني بشرشف ابيض وقال:
تشخيص الحاله .. موت سكته قلبيه مفاجئه
سمعت نوحة ابوي وشهقة اخوي..



ابوي:
لآآآآآآآآآآ حول ولا قوة الا بالله لاآآآآ حول ولا قوة الا بالله


اخوي:
يبه قل لا اله الا الله قل لا الله الا الله البكا ما ييفيد شي..



دخلوني ثلاجة الموتي بعد ما غطوني بالكامل الا راسي وملفوفه بقماش ابيض ..
مر الوقت وكل شي ظلام وهدووووء
ياربي رجعني اصلي ركعتين بس يارب
شوي سمعت صوت الثلاجه تنفتح طلعوني بعد غطوني بالكامل وركبوني سياره الاسعاف وانا اسمع اذان صلاة الظهر..



يارب رجعني بس اصلي الظهر بس اصلي بوقتها يارب ..
ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت..



دخلت غرفة وانا اسمع صوت حريم غسلوني بمويه بارده وحطوا علي بعض الاشياء
وقسمت شعري اربع اقسام بعد ما غسلته وجدلتهم بس من قصره ما قدرت تسوي شي
واانا اسمع الي تغسلني تدعي لي دخلوا ناس علي ..هذا صوت امي تبكي وتمسكني ..

هذا صوت اختي الي ياما ويااما تهاوشت معها ..
خآلاتي ..
بنت خالتي لينا
ايام الاستهبال على الشباب بالارقام والحش بكل خلق الله
هذي لمياء
ايام ما كانت تنصحنا لا علينا المسجل على الاخير ونعاندها نزيد الصوت
هذي مرت خالي احمد
لما كانت تربط على خصري وتعلمني كيف ارقص
وهذي وهذا وهذيك وذاك محد منهم راح ينفعني اللحين يارب رجعني اصلي ركعتين يارب


وصلنا المسجد وحطوني قدام المصلين وانا اسمع الامام يقول
"الصلآآآآة على الميت يرحمكم الله "
بدوا يصلون علي واسمع شهقات اخواني واهلي ..خلصت الصلاه والكل قام يعزي
"عظم الله اجرك يابو فلان"
"الله يرحمها ويخلف على شبابها بالجنه"
وهمهمات ابوي واخواني من البكي ما ينسمع وش يقولون ..يارب رجعني لو استغفر بس
دخلوني في سيارة الاسعاف ووصلنا المقبره وشالوني كثار واسمع اصوات رجال كثار والمميز بينهم
شهقات اخواني الصغار الي كنت اعلمهم يحفظون بعض مقاطع الاغاني .. يارب رجعني استغفر بس
شالوني واسمع دعاء الكل ..شالني اخوي وحطني في حفره ضيقه
تكفى يا اخوي انا اختك الي ياما وياما استهبلنا اخر الليل لا تروح تخليني في ذا الحفره
فتحو وجهي وطلع يديني وحط الحجر والتبن واللبن ودفنوني والكل يدعي
"الله يرحمها بواسع رحمته يارب"
"الله يخلف على شبابها بالجنه"
"الله يرحمها ويصبركم "
"اللهم بدلها بأهل غير اهلها واغسلها من الذنوب والخطايا"
هذا صوت خالي احمد
هذا صوت عمي سلطان الي كان يعلمني كيف اشرب الزقاره بالخش والدس وبعدها ما شربت
هذا صوت ولد عمي ثامر
ايام المراهقه كنا سوا
هذا صوت وهذا صوت وهذا صوت .. وش يفيدني اللحين
راحوا وانا اسمع صوت رجولهم لا تروحون وتخلوني لااا
وصوري بالنت لوق ؟! وكل شي سويته ؟!الاغاني؟
وتأخير الصلاه ليتني ارجع .. كنت احسب ان دنياي طويله وامني نفسي اني لسا صغيره على الموت
والبنات الي بالمدرسه؟ الي ما بقى احد ما حشيت فيه بيسامحوني؟

معلماتي الي كلهم هبلت فيهم وتحسبوا علي بيحللوني ؟
ذنوبي كلها وش اسوي بها
يارب ارحمني يارب
**
بالعزا
**
صيآح ونياح وازعاج الكل يترحم علي قسم الحريم وقسم الرجال كلهم يقربون لي ..
وين صديقاتها ؟!
وين الناس الي تكلمهم مسن؟!
وين وين وين وين ؟!
كل شي تغير فجأه ..
وين الي يحبونها ؟ وين حبيبها العاشق الهيمان؟وين وين وين ؟!
**
بالمدرسه
**
انتشر خبر دانه الفلاني توفت .. الكل حزن وخاف ودعوا لها .. صديقاتها يصحون بجهه وبعضهم
قال ببتسامه .."اييه الله يرحمها ويغفر لها على كل ما سوته لنا"
**
نواف؟!
ساره؟
عمر؟
مشاري ؟
سعود؟
الخ الخ الخ
ثلاث ايام.. بكو او مجرد حزنوا .. ورجعوا على حالهم
وللحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك ..
وهذي هي الأدعيه تنتشر ..من صديقتها يناشدون الناس يدعون لها ..


**
ببس حطوا نفسكم مكان دانه وتخيلوها انتم بعيد الشر
محد يبغى يكون نهايتة زي دانه !!
طيب ليه نسوي زي الي تسويه دانه بالظبط؟
لو يصير لنا نفس الي صار لدانه وش بنسوي ؟!
وش موقفنا قدام ربنا؟!
قبل لا نسوي الشي ليه ما نفكر بالعواقف الدنياويه والاخره
صديقات دانه ؟ كلها كم شهر وينسونها لانهم من نفس نوع دانه..



ليه ما بعد ما يموت اي احد لنا ندعي له بالرحمه؟ ليه قبل ما يموت ننصحه وندعي له

بالهدايه؟!
كتبت هذي القصه كعضه وعبره فقط وارجوا نشرها لان في بنات كثير نفس حياة دانه ..
يمكن على يدينكم يتوبون
لـ حفظ الموضوع والإستفاده منه إستخدمى هذا الرابط :
محادثة ماسنجر تبكي من لايبكي
http://forum.sedty.com/t548213.html


رد مع اقتباس

Sponsored Links




قديم 01-26-2012, 01:24   رقم المشاركة : 2
:: سيدة رائعــة ::












افتراضي رد: محادثة ماسنجر تبكي من لايبكي


الله يجزيكي كل خير


قديم 02-05-2012, 01:14   رقم المشاركة : 3
:: سيدة نشيطـة ::












افتراضي رد: محادثة ماسنجر تبكي من لايبكي


الله يرحمهاااا>>ويسترعلينا و على ذريتنااا يااااارب

يسلمووووو على هيك قصصصه

قديم 02-26-2012, 02:37   رقم المشاركة : 6
مُشرٍفـَة صــُور وتصــُوير فـُوتوغـًرافـي












شكر وتقدير 
افتراضي رد: محادثة ماسنجر تبكي من لايبكي


جزاكي الله خير

قديم 02-27-2012, 19:16   رقم المشاركة : 8
:: سيدة جـديـدة ::












افتراضي رد: محادثة ماسنجر تبكي من لايبكي


يارب اهدينا واهدي بنات المسلمين وخوتنا


برنامج تكسير الدهون وازالة السيلوليت بدون عمليات 6 جلسة 1000 ريال اتصلى بنا 0112499111 / 0554171121
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0112499111 / 0554171121

إضافة رد




محادثة ماسنجر تبكي من لايبكي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
محادثة ماسنجر تبكي من لا يبكي دع دع القصة القصيرة 42 04-10-2013 02:10
محادثة ماسنجر تبكي من لايبكي !!! ميس توتا المواضيع المكررة 15 01-28-2011 23:04
محادثة ماسنجر تبكي من لايبكي الجوري7 منتدى البيت الإسلامي 5 04-06-2010 17:54
محادثة ماسنجر ابكت الكثيربن انا غير البنات المواضيع المكررة 1 01-28-2010 14:56
محادثة ماسنجر تبكي من لايبكي ح ـزن نادي سيدتي 2 08-11-2009 20:56







Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter