أنظمة وقوانين التسجيل المجموعة الاجتماعية  معرض الصور  ابتسامات شروح خاصة
العودة   منتديات سيدتي النسائي > حياتك سيدتي > الحمل والولادة



قصة ولادتي الصعبة وعذابي


جديد مواضيع الحمل والولادة


إضافة رد

  • Facebook

  • Twitter


Sponsored Links
قديم 05-27-2012, 20:26   رقم المشاركة : 1
:: سيدة نشيطـة ::












icon25 قصة ولادتي الصعبة وعذابي

قصة ولادتي الصعبة وعذابي



[CENTER][SIZE="5"]السلام عليكم ورحمة الله وبركاته
انا قبل فترة كتبت موضوع عن رحلتي الصعبة مع الحمل ووعدتكم اني رح اكتب قصتي بالولادة لانه كانت صعبة كتير كمان.متل ما قلتلكم اني عملت اطفال انابيب وحملت ببنت ومن خوفي عليها كانت حركتي كتيييير خفيفة.اعطوني موعد الولادة ب 22\2\2010 .ويوم الاربعاء 10\2\كنت لسا جديد داخلة بالتاسع يعني بكير على الولادة.الصبح كان عندي نشاط نظفت بيتي وكان كل شي تمام ما في اي نوع من الوجع ولا حتى وجع ظهر.عدى اليوم كله تمام متل اي يوم.الساعة 11 بالليل قمت توضيت وبدات اصلي وبالركعة الاولى حسيت متل نقطةمي نزلت مني انا فكرت بول رجعت عالحمام (اكرمكم الله)وبالطريق نزل كمان وصار ينزل كتير مي انا كنت مفكرة بول بنزل لا ارادي نتيجة التهابات هيك كان فكري.بس بعدين قلت مو معقول بنزل باستمرار بدون ما اتحكم بنفسي بعدين عرفت انه مية الراس( السائل).كنت بكرية وكنت افكر انه نزول مية الراس بكون الجنين بخطر ارتعبت ناديت زوجي وهو نادى امه.وصار ينزل دم صرت ابكي من الخوف ومش قادرة اتحرك لانه المي بتنزل متل الحنفية .وقالولي بدنا نروح المستشفى توقفت المي شوي.ولما وصلنا فحصوا الجنين قالوا انه الوضع تمام وكمية السائل الموجودة منيحة وما في خطر على الجنين بس لازم اولد خلال 24 ساعة وابقى تحت الرقابة اول ليلة بقيت حماتي عندي ونامت بالريسبشن وانا غرفتي كانت مقابل الحضانة لفحص المواليد الجدد يعني طول الليل صياح مواليد واحد رايح وواحد جاي وجانب غرفة الحضانة الريسبشن وصوت الموظفات عدت الليلة واجت والدتي الساعة 6 الصبح وراحت حماتي ترتاح ومضيت اليوم امشي بالكوليدور عشان يصير التوسع لانه لما فحصوا كان الرحم مسكر وبقيت امشي واخد دش سخن على بطني واكل تمر طول اليوم مشي ودش ودش ومشي وما في وجع ابدا وما في اي توسع تعبت من المشي والدش وكله عالفاضي.لما صاروا 24 ساعة ولسا الرحم مسكر والحمد لله الجنين وضعه ممتاز.اتصلنا على الدكتور اللي عمللي التلقيح لانه ببلاد برة وقال لازم يعملولي عملية فورا.بس الاطباء رفضوا العملية لاني وضعي مطمئن وقالوا ما بيتطرقوا للعملية ا لا باصعب الاحوال.وتحملوا كامل المسؤولية .بدا الجد وبدا الخوف الحقيقي لانهم قرروا يعملوا طلق اصطناعي وقالولي انه اصعب من الطبيعي.اخدوني على قسم الولادة وكانت الممرضة لئيمة بالتعامل كانت الساعة 12 بالليل اطمنت حماتي علي ورجعت البيت وبقيت والدتي معي رفضت الممرضة تسمح لوالدتي تنام عندي بالرغم انه الغرفة كانت فاضية ما فيها حد الا انا وخلوها تنام بالرسبشن بالبرد على الكرسي وانا نايمة على التخت مرتاحة .طلبت من الممرضة تسمح لوالدتي بالدخول رفضت باسلوب مزعج وبعدين تدخلت ممرضة تانية وسمحتلها تنام عندي.وبعدين .اعطوني دوا يعمل التوسع .وكان بالغرفة اللي جنبي غرفة الولادة. ويا عيني على غرفة الولادة وصياااااااااااااح النسوان كانت وحدة عمرها 15 سنة بتولد وصرييييييخ وصياااح.يا ويلي كل هاد رح يصير فيي؟؟؟صرت ابكي خوف من الولادة وحزن على اللي بتولد وبتقول يا رب ارحمني وعلى اسلوب الممرضة معي .شو هالليلة اللي طول الليل صوت اجهزة التخطيط وصياح النسوان اللي سببلي رعب باول ولادة وما بعرف كيف رح اولد .عدت الليلة على هاد الحال .والساعة 7 الصبح اخدوني على غرفة الولادة وحطولي ابرة الطلق الاصطناعي وهون بدا العذاب اللي ما بعده عذاب نايمة عالتخت وضهري تربط ورجلي تكسروا يوم كامل على وضع واحد حتى مو عارفة اتمدد بالوضعية اللي برتاحلها.لازم وضعية معينة عشان تعمل التوسع.ونسيت احكيلكم انه الصبح وبعد الدوا للتوسع كان بس 1 سم يعني لسا يومنا طوييييل.عدى اول ساعتين الوجع خفيف وكنت مفكرة بس هيك .اجت حماتي وزوجي وكان يوم الجمعة قالتلي حماتي خايفة اروح على الصلاة و اخليكي قالتلها الممرضة لا روحي لسا مطولة بتروحي وبترجعي وهي لسا مو والدة.عدت الساعات والوجع بييجي وبروح بالبداية كان الوجع محتمل وبعدين شفت العذاب ومو قادرة اصرخ متل النسوان بالغرف التانية وعدا عن جسمي اللي تربط من النومة على السرير بدون حركة .بعد ما خلصت الابرة الاولى سمحتلي الممرضة ب 10 دقايق اقوم عن التخت رحت اخدت دش عشان يزيد التوسع وما لحقت الا وهي عند الباب بتستناني عشان الابرة التانية وارجع للعذاب طبعا الممرضة كان منيحة كتير مو نفس هديك اللئيمة وكانت كبيرة بالسن ودائما تذكرني بذكر الله.رجعت للابرة التانية والوجع صار كل 5 دقايق وكل ما ييجي الوجع اكتم وعيوني تدمع عالسكت والدتي وحماتي وزوجي كانوا جنبي وببكوا علي من كتر الوجع وانا مو قادرة اصرخ بس عيوني بتدمع ونفسي انام من التعب.كل ما تغفى عيوني تيجي الطلقة واموت فيها.اعطوني مسكن وخف الالم وغفيت وما لحقت اغفى رجعت الممرضة تشوف التوسع وحسيت روحي طلعت معها ورجع الوجع والطلق ووصار كل دقيقتين الوجع وانا ببكي من الوجع ووالدتي وحماتي يبكوا على وصرت اطلب العملية لاني مو قادرة اصبر وقالولي خلص راح الكتير اشتد الوجع اكتر واكتر وعيوني بتدمع عالسكت .اجت الممرضة وشافت التوسع صار 9 .طلبت منهم يطلعوا برة بس واحد يبقى عندي زوجي اصر انه هو يبقى عندي حضرت اغراض الولادة وحطت كاسة الشاي .قلت في نفسي لسا في شاااااي.طبعا مو اهمال منها .بس لسا معي وقت وبقي زوجي فوق راسي يقرا علي قران ويصبرني..وولدت الساعة 6:45 وصاحت البنت مع اذان المغرب يوم الجمعة .يعني 12 ساعة كاملة تحت الطلق وعلى نومة واحدة بدون حركة .وكان من اصعب واحلى ايام حياتي اني شفت بنوتي وضميتها لصدري بعد طول انتظار .وبقينا 3 ايام في المستشفى بعد الولادة ورجعت البيت يوم الثلاثاء.يعني اسبوع وانا بالمستشفى ..والحمد لله الحين عمرها سنتين و3 شهور وحامل ببداية الشهر الخامس.انشالله ولادتي تكون اسهل من الاولى وانشالله احكيلكم قصة ولادتي بس اولد.الله لا يحرم حدا من هاللحظة الحلوة اللي تمنيتها وانتظرتها كتييييييير.بستنى ردودكم الحلوين.واستودعكم الله
لـ حفظ الموضوع والإستفاده منه إستخدمى هذا الرابط :
قصة ولادتي الصعبة وعذابي
http://forum.sedty.com/t602749.html




رد مع اقتباس

Sponsored Links




قديم 05-27-2012, 20:35   رقم المشاركة : 2
:: سيدة جـديـدة ::












افتراضي رد: قصة ولادتي الصعبة وعذابي


مبروك وألف ألف مبروك ان شاء الله تتربى فعزكم ويحفظها لكم من كل شر
والله يقومك بالسلامة وادعي معي الله يسهل علي بولد الحلال


قديم 05-27-2012, 20:45   رقم المشاركة : 3
:: سيدة مميـزه ::













افتراضي رد: قصة ولادتي الصعبة وعذابي


الف مبروك والله يقومك بالسلامه بس بصراحه خوفتيني انا حامل في اخر شهري ولهلاء ما في علامات ولاده الله يسهل علينا يارب

قديم 05-27-2012, 20:52   رقم المشاركة : 4
مُشرٍفـَة الُحمُــل وآلُــولآدة













وسام العطاء لمنتديات سيدتي 
افتراضي رد: قصة ولادتي الصعبة وعذابي


مبارك حبيبتي والحمد لله على سلامتك

والله عيشتيني جو قصتك ما شاء الله عليك

ربي يخليلك بنوتك ويحفظلك جنينك من كل سوء

وعقبال ما نفرح بكل المنتظرات يا رب

قديم 05-27-2012, 21:50   رقم المشاركة : 6
:: VIP ::













شكر وتقدير 
افتراضي رد: قصة ولادتي الصعبة وعذابي


مبروك وألف ألف مبروك ان شاء الله تتربى فعزكم ويحفظها لكم من كل شر


برنامج تكسير الدهون وازالة السيلوليت بدون عمليات 6 جلسة 1000 ريال اتصلى بنا 0112499111 / 0554171121
تفتيح البشره وازالة التصبغات بياض حتى 4 درجات ازالة الكلف في جلسة واحده. يصلك اينما كنت 0112499111 / 0554171121

إضافة رد




قصة ولادتي الصعبة وعذابي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

منتديات سيدتي - موقع سيدتى - سيدتي النسائي

المواضيع المتشابهه
الموضوع كاتب الموضوع المنتدى مشاركات آخر مشاركة
فن التعامل مع الشخصيات الصعبة دموع الشمس11 نادي سيدتي 3 08-06-2011 13:35
قصتي وعذابي طيف نجد الحمل والولادة 16 04-21-2011 19:23
اللهم اعطي مت تساعدني في حيرتي وعذابي جبال من الاجر يوم القيامه ورزقها قصر رهينة الدمع مشكلتي 33 08-26-2010 12:56
كيف تتعافين من الولادة الصعبة؟ nfma الحمل والولادة 2 06-04-2010 22:19
ماذا جنيت من كل اهاتي وعذابي ايها الحب؟؟؟ imen_31 خواطر وعذب الكلام 7 07-27-2009 19:08







Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
SEO by vBSEO
منتدى سيدتي النسائي منتدى مستقل وليس له علاقه بأي جهة أخرى
المشاركات والتعليقات المنشورة بأسماء أصحابها أو بأسماء مستعارة
لا تمثل الرأي الرسمي لـ منتدى سيدتي النسائي بل تمثل وجهة نظر كاتبها.

Privacy Policy

Facebook Twitter Twitter